Nanalo ang Sword University sa laro, maayos namang tinanggap ng Tigers ang pagkatalo nila. Syempre, si Kuya pa ba? Kahit yata paulit-ulit silang matalo ay ayos lang sa kanya dahil ini-enjoy lang naman nila. Manalo, matalo pogi pa rin naman daw sila.
Bumaba ang taga SU para magpapicture kay Kuya, ang SSU naman ay nagpapicture sa Captain ng SU.
"Papicture muna tayo, dali beb!" Parehas nila akong hinila.
Lutang pa rin ako dahil iniisip ko sila Hershey at James. Nakita ko na lumabas sila kaninang third quarter at hanggang ngayon hindi na sila nakabalik. San kaya nagpunta 'yon? Ayaw kong isipin na nagdate sila o nag-uusap tungkol sa comeback nila.
"Lapit na kayo sa kanya, ako na lang ang kukuha ng pic," lantang gulay na sabi ko, paglapit namin.
"Sige," nakanguso nilang ibinigay sa akin ang mga phone nila.
"Hi, Ark!" rinig kong bati nila. Inaayos ko na ang camera para madali na lang kuhanan kapag naka ayos na sila.
"Hi." Itinutok ko na sa kanila ang cam, nagulat pa ako dahil nakatingin na kaagad si Ark.
"Papicture kami, ha?" paalam ni Trisha, tumingin sya saglit kay Trish pagtapos non ay tumingin na ulit sa cam.
"Lapit kayo sa kanya," utos ko sa dalawa, bali nakagitna kasi si Ark.
He's a gentleman one, I can say. Masyadong maingat ang kilos nya sa babae.
Ngumiti silang tatlo, I clicked the capture. Ang cute, bagay sila ni Alexa.
Nag wacky pa sila pagtapos non ay nagthank you na ang dalawa.
Ngumiti si Ark at tinanguan ang dalawa, bumaling din ang tingin nya sa akin at nginitian din ako. I smiled back, hindi naman ako bastos 'no.
Pagkatapos non ay dumiretso na kami sa Carousel Creamery. Ini-imagine ko pa lang ang pinag uusapan ni James at Hershey ay para nang pinipiga ang puso ko.
Nag open ako ng facebook, nagpunta ako sa fanpage ng Timeless Band baka sakaling may nagpost doon ng picture dahil nakita nila si James at Hershey na magkasama. Mas lalo lang akong nalungkot nang wala akong nakita.
Pumasok kami sa pinto ng CC, tumunog ito kasabay ng pagbati sa amin ni Adi.
"Hello!" bumati sila Trish pabalik.
"Anyare sa muka mo, Irish? Hanep ah, haha. Halatang 'di crinush back." Nagtawanan sila sa sinabi ni Adi.
"Literal na hindi crinush back," pang susupalpal pa ni Trisha.
Umirap ako sa kanila at nagmartsa papunta sa usual spot namin. Alam na ni Saviore ang order naming ice cream dahil suki kami dito, dahil don naging kaibigan din namin sila ni Adi.
Matanda si Savi sa amin ng dalawang taon, while Adi is three year older than us. Pero mas prefer nilang tawagin namin sila sa unang pangalan dahil masyado daw nakakatanda ang pagtawag sa kanila ng Kuya at Ate.
Same goes kay James Ivan Guevarra, he's 24 years old pero hanggang ngayon hindi nya pa rin ako nakikita as future wife nya.
"Langya talaga, 'wag mong isipin 'yon, 'di ka naman mahal non," sinamaan ko ng tingin si Trish dahil sa sinabi.
"Oh bakit? Totoo naman ah?" Aba, lakas ng tama nito, talagang pinanindigan.
Binatukan sya ni Alexa.
"Aray ko, potah!"
"Kita mong nagdadalamhati 'yung tao, saksakin ko atay mo eh," bara ni Alexa.
Tanging irap na lang ang iginanti ni Trish, pinipigilan ang sarili dahil baka may masabi na namang mas masakit. Ganyan 'yan kapag nakikita akong nasasaktan dahil kay James. Magkasalungat sila ni Alexa, si Alexa kasi ay botong boto sa akin kay James, si Trisha ay hindi, but still idolizing TB.
Tulad nga ng sabi ko, ako lang ang may bias sa aming tatlo. Kaya rin kami naging magkakaibigan ay dahil pare-parehas kami ng idolo, tulad ng Timeless Band. Doon kami nagkakasundo-sunod, at syempre hindi lang dahil doon.
"Here's your order!" masayang sabi ni Savi. Napansin din nya ang busangot na muka ko.
"Hulaan ko, 'di ka na naman pinansin ni James, 'yung drummer sa Timeless Band? O nakita mo na naman na magkasama sila nung ex nya?" natatawa nitong tanong na lalo kong ikinabusangot.
"Tumpak, Savi!" sarkastikong sang ayon ni Trisha.
"Sino ba kasi talaga 'yon? Gwapo ba? Wala kasi akong time panoorin 'yung ganon."
"Pano kasi, puro trabaho inaatupag mo," si Alexa.
"Tsk! Malamang, anong gusto nyong gawin ko? Tumambling maghapon nang walang perang kinikita?" depensa nya.
"Ayan na naman sya. Ikaw kasi Alexa inumpisahan mo na naman eh, baka mamaya na naman tumigil 'yan kakasalita," paninisi ni Trisha.
"Oo na, magserve ka na doon," si Alexa.
"Teka, 'di pa ako tapos, gusto mo bang payuhan kita Irish?" Napatampal ako ng noo.
"Ayaw ko, baka ipayo mo layuan ko sya," tanggi ko kaagad.
"Okay, ikaw bahala." Tumalikod na sya sa amin at hindi na ako pinilit.
Tahimik na lang akong kumain ng ice cream kahit na 'yung dalawa kong kasama ay panay ang daldalan. 1 hour ang bakante namin ngayon kaya kahit magtagal kami dito ay walang kaso. Malapit lang din ito sa Beer Garden at sa school ng SU, kaya mas marami ang tambay ng SU kaysa SSU.
"Is she the flirt?" rinig kong tanong ng kung sino.
Sinipa ni Alexa ang ilalim ng paa ko, masama ko syang tinignan dahil sa ginawa.
"What?" I asked irritated.
May inginuso sya sa likod ko, dahil nga nakatalikod ako sa pinto. Kunot noo akong lumingon para makita ang inginunguso nya. Naalala ko kaagad ang muka ng babae, sya 'yung cheerleader ng SU kanina. Blonde ang buhok at kulot kaya agad kong nakilala.
Mas lalong kumunot ang noo ko nang naglakad silang dalawa ng kasama nya palapit sa amin. Mataray ang muka nya at halatang mag-eeskandalo. Ano kayang sadya nito?
"Ikaw ba 'yon?" agad na tanong nya nang makalapit sa amin. Pinagkrus nya sa dibdib ang mga braso at nagtaas ng kilay.
Nagtataka kong itinuro ang sarili ko.
"'Yung alin?" takang tanong ko.
Tumawa sya ng sarkastiko at umirap.
"The bitch who flirted my boyfriend," mataray nitong sabi.
"Ako? Kailan? Sinong boyfriend mo?" inosente kong tanong dahil wala akong maalalang may nilandi ako, maliban kay James.
"Sinungaling, I saw you three kanina," sabad noong kasama nya.
"Oh girl! Tinawag mo bang bitch 'tong kaibigan namin?" Napatayo sa kinauupuan si Trisha.
Inubos ko muna ang tira kong ice cream bago ulit lumingon sa babae. Napatingin sa gawi namin sila Savi at Adi, pati ang isa nilang katrabaho.
"Ark Xavier," nagtitimpi nitong sabi.
"Oh? Anong ginawa ko sa kanya?" I asked. Siraulo ata 'tong babaeng 'to, inano ko ba 'yung boyfriend nya?
"Excuse me, nagpapicture lang kami," sagot ni Alexa.
"Kinuha nyo rin 'yung number nya," bintang nung kasama nya.
"Aba'y putang ina pa lang babae 'to, eh. Bulag ka ba? Gusto mong dukutin ko 'yang malaki mong mata?" Pinanlakihan ni Trisha ng mata 'yung babae at hinamon.
Natawa sila Adi sa sinabi ni Trish, napapahiyang lumingon sa kanila 'yung babae. Kalmado lang ako dahil alam kong kayang kaya nila Trish at Alex 'yan.
"You know? Ayaw ko kasi sa makakating babae, kung may girlfriend na 'yung tao, 'wag nyong nilalandi, lalo ka na. Una sa BG, pangalawa sa school nyo pa." Itinuro nya ako.
"Ako?" Natatawa kong tinuro ang sarili ko, kailan ko nilandi 'yung boyfriend nya? Parang wala akong maalala.
'Yung sinasabi nya sa Beer Garden ay hindi sadya 'yon. Tinulungan lang ako ni Ark para hindi sumubsob sa simento non. At sa school, ako lang ang nanguha ng picture at hindi ako nagpapicture. Dzuh!
"Hindi ko alam na ganyan pala 'yung tipo ni Ark sa babae, eskandalosa at feelingera. Nakakaawa naman sya," pang aasar ni Trisha.
"How dare you," nanggagalaiti nitong wika.
"How dare YOU, tanga ka ba o tanga talaga?" nang aasar na tanong ni Alexa.
"Hindi ako papatol sa boyfriend mo, hindi ganon 'yung tipo ko. Oh 'yan ah? Prangkahan para matigil na 'yang kabaliwan mo, nakakahiya na eh." Tumingin ako kila Savi, nakaka-istorbo na kami sa mga customer eh.
Napaka immature ng utak. Kung titingnan nga ay hindi sila bagay ni Ark, si Alexa ang bagay sa kanya.
Pare-parehas kaming napalingon nang may pumasok ulit sa pinto. Napangisi ako nang makita si Ark Xavier, tumingin ako kay Steffanie na parang tinakasan ng dugo.
"Sakto." Napapalakpak si Trisha sa nakita.
"Steff," rinig kong bulong nung kasama ni Steffanie, ninenerbyos ata.
"Hey, Ark!" natuod sa kinattayuan ang dalawa dahil sa tawag ni Trish.
Napalingon si Ark sa gawi namin, tumama ang mga mata nya sakto sa akin. Agad nyang inilihis ang tingin at tumingin kay Trisha.
"Your girlfriend's kinda scandalous pala, huh?" Smirked form on Trisha's lips.
Kumunot ang noo ni Ark, parang hindi alam ang sinasabi ni Trisha. Nagpaalam sya sa mga kasamahan nya at lumapit sa pwesto namin.
"Again?" he asked.
"Uhm, Ark, I think we should... You know, talk?" singit ni Steff.
"About what?" Ark asked.
"Sige na, Ark, sundin mo na lang girlfriend mo. Baka magselos na naman sa amin 'yan lalo na kay Irish, sugurin na naman kami." Tumawa ng pabiro si Trish.
"What? I don't get it, girlfriend? Who?" inosenteng tanong ni Ark. Naguguluhan syang tumingin sa akin.
Hindi na makapag salita ang dalawa.
"Ah, so feelingera ka nga talaga." Tinapat ni Trisha ang muka nya kay Steff at ngumiti.
"I don't have a girlfriend," sagot ni Ark at muling tumingin sa akin.
"Kung ganon, you need to talk to Steff talaga, kasi sabi nya girlfriend mo raw sya and marami pa syang sinabing masasakit na salita lalo na kay Irish." Nagtaas ng kilay si Alexa.