"Lyra," nagising ako sa pagtawag sa pangalan ko. Pagdilat ko ay si Elwin at Silvyr ang nakatingin sa akin.
"Bakit?" tanong ko, umayos sila nang tayo at lumingon sa mga iba pa naming kasama.
"Kailangan na raw nating magmadali papunta sa Magic Kingdom." kumunot ang noo ko sa sinabi ni Elwin. Napatingin ako sa langit at nakitang hindi pa sumisikat ang araw.
"Hindi pa sumisikat ang araw, Elwin. Bakita bigla kinailngan nating magmadali?" tanong ko sa kanila.
"Lumala ang kondisyon ni Prinsipe Kieran kaya kailangan nating magmadali. Sabi ng prinsesa maaari na raw mamatay ang prinsipe kung hindi pa tayo magmamadali." sabi ni Silvyr kaya tumayo ako at lumapit sa mga prinsipe at sa prinsesa.
"Anong nangyayari?" sabi ko kaya napalingon sila sa akin pero napatakip ako sa bibig. Puro sugat na ang katawan ni Kieran at lumuluha rin siya habang niyayakap siya ng mga kapatid niya.
"Masyadong malakas ang sumpa at kahit si Kieran nahihirapan itong labanan. Nanghihina na ang katawan niya at ang kinakatakot namin ay sumuko at bumigay ang katawan niya dahil sa pagluha." sabi ni Mireille at naaawang tumingin sa magkakapatid. Nagpupumiglas si Kieran kahit nakapikit pa siya.
Hindi ko alam kung bakit basta naisip ko na lang ang lumapit sa kanila. Hinawakan ko ang kamay  ni Kieran pero nagulat ang mga kapatid niya nang makitang tumigil ito sa pagluha at pagpiglas.
"Kaya mo iyan, Kieran. Matapang ang  ikatlong prinsipe at ang hinahangaan ng tubig ng Elemental Kingdom." bulong ko kaya kumalma na siya.
"Paano nangyari iyon?" nagtatakang tanong ni Stefano.
"Paano mo nagawa iyon, Lyra?" tanong naman ni Draven sa akin.
"Ang alin?" nagtatakang tanong ko at tinuro nila si Kieran na payapa na ulit natutulog.
"Napakalma mo siya samantalang kami kanina pa nahihirapan pakalmahin siya." seryosong sabi ni Athan.
"Isa lang ang maaaring dahilan ng pagkalma ni Kieran." lumingon kami kay Mireille.
"Ano?" tanong ni Stefano.
"Isang nilalang na may kaugnayan sa ilusyon ng taong sinumpa ng ilusyon." sagot nito sabay tingin sa akin.
"Anong kaugnayan ni Lyra kay Kyla?" tanong ni Stefano, kahit ako ay naguguluhan. Anong kaugnayan ko sa pag-ibig ni Kieran?
"Hindi ko alam basta yun lang ang alam kong maaaring magpakalma sa kapatid ninyo. Kaya kailangan na nating magmadali nang makapunta na tayo kay ina para malaman natin ang totoo." sabi ni Mireille kaya agad kaming naghanda para muling maglakbay papunta sa kaharian ng mga wizards.
*****
Nakanganga kong pinagmamasadan ang eleganteng lugar sa harap namin. May mga nilalang na naglalabas ng iba't ibang klase ng mahika; mga salamangkero. Tumigil sila nang mapansin ang aming karwahe. Sumilip si Mireille mula sa bintana ng karwahe kay yumuko sila at binuksan ang gate nang kaharian.
"Dumating na ang mahal na prinsesa!" rinig kong sabi ng isa at kasabay nang patambol ng parang isang gong.
Paglabas namin ng karwahe at pagbaba ng dalawang prinsipeng nakasakay sa kabayo ay sumalubong ang isang makisig na lalaki. Nakasuot siya ng makintab na kasuotan at masyadong pormal ang kanyang pagtayo. Yumuko siya sa amin nang makalapit kami ng mga kasama ko. Buhat na naman ni Stefano si Kieran na wala pa ring malay.
"Hindi namin alam kasama pala ng prinsesa ang apat na prinsipe buhat ng Elemental Kingdom." madiin at may pang uuyam na sabi nito habang matalim na nakatitig sa kasama kong mga prinsipe.
"Zorion, bisita ko sila kaya sana wala munang gulo sa kaharian. Nasaan si ina at kailangan nila ang tulong niya." nakita kong umismid ang lalaking tinawag na Zorion ni Mireille.
"Nasa bulwagan na at hinihintay kayo." tumango ang prinisesa at sumenyas sa amin pero nang lalagpas na ko ay bigla siyang humarang sa harap ko kaya napahinto rin ang mga kasama ko at naging alerto.
"Sino ka? Bakit may kakaiba akong nararamdamang presensya sa iyo?" naningkit ang mata niyang nakatingin sa akin. Lumunok muna ako bago umiwas ng tingin. Nang magawa ko nang salubungin ang titig ng lalaki sa harap ko ay taas noo akong humarap sa kanya.
"Lyra. Lyra Astheria." pakilala ko at nakita ko ang pagsinghap niya.
"A-Astheria? F-Fairy Kingdom?" nauutal at di makapaniwala niyang tanong. Hinawakan ko ang magkabilang gilid ng saya na suot ko at yumuko.
"Kinagagalak kitang makilala, ginoo..." magalang kong sabi at sa gilid ng mata ko nakita ko ang pagngisi ng mga kasama ko maliban sa prinsesa na nalilitong nakatingin.
"Zorion. Just call me Zorion, Princess Mireille's second cousin and head general of Magic Kingdom." sabi nito kaya tumango ako at tipid na ngumiti. Nakahinga ako nang maluwag nang paraanin niya ako kaya nagtuloy na kami sa paglalakad. Sumunod din sa amin si Zorion hanggang sa makarating kami sa harap ng isang eleganteng pinto.
"Magandang umaga, ina." magalang na pagbati ni Mireille at yumuko siya sa isang babaeng mukhang bata pa at eleganteng nakaupo sa kanyang trono. Yumuko kami bilang paggalang sa reyna ng Magic Kingdom.
"Magandang umaga, mahal na reyna Anya Cromwell." sabay sabay na bati rin namin ng mga kasama ko. Inangat ko ang aking paningin at nakaramdam ako bigla nang panliliit. Napakaganda at napakapormal niya kahit pa siya ngumiti sa amin.
"Magandang umaga, anak ko, mga mahal na prinsipe, Elwin ng Eldom at ang ibon na biglang nawala mula sa Fairy Kingdom; Silvyr. At may kasama kayong isang..." hindi niya natuloy ang sasabihin nang matitigan niya ako ng husto. Nakatitig siya sa mga mata ko pero hindi ako umiwas ng tingin at sinalubong ang kanya.
Wala sa sarili siyang tumayo at bumaba mula sa kanyang trono para lumapit sa akin. Nagulat ako nang hawakan niya ang kamay ko at yumuko. Kahit ang mga kasama ko ay nagulat sa biglang ginawa ng reyna.
"Kinagagalak kong malaman na ang aming kaharian ang unang dinalaw nang huling diwata. Napakaganda mo at ang mga mata mo ay katulad ng kay Levinia." nakangiti niyang sabi kaya napangiti rin ako at yumuko.
"Maraming salamat po, kamahalan." magalang kong sabi. Inangat ng reyna ang kamay niya kaya may lumapit na tagapaglingkod.
"Ipahanda ang pagkain para sa pagbalik ng ating prinsesa at ng kanyang mga kasama." yumuko ang tagasilbi at bigla itong nawala. Nakita ko ang paglapit ni Mireille.
"Ina, patawad pero kailangan na agad nila ng tulong niyo." lumingon ang reyna at nakita ang mga prinsipe, nagulat siya ng makita ang walang malay na si Kieran.
"Sumpa mula sa itinakwil na salamangkero?" tanong ng reyna at tumango ang tatlong prinsipe. "Dalhin siya sa silid." agad kaming naglakad pasunod sa reyna.
Pagdating sa sinasabi niyang silid ay agad hiniga ni Stefano si Kieran sa eleganteng kama. Naginat ng katawan si Stefano tsaka kami umupo sa tabi ng kama.
"Sa tingin ninyo, anong klaseng ilusyon ang binigay sa kanya?" tanong ng reyna kaya nagkatinginan ang magkakapatid.
"Ang kanyang unang pag-ibig, si Kyla Jenkins." sagot ni Draven kaya tumango ang reyna. Muli niyang tiningnan ang walang malay na prinsipe.
"Ina, bago kami pumunta dito ay nanginig ang prinsipe at lumuluha kaya higit kaming nag alala at nagmadali kami pumarito. Pero bago iyon ay may nangyari..." lumingon ang reyna sa anak sa pambibitin nito ng salita. Tumingin sa akin si Mireille bago nagpatuloy.
"Napakalma siya ni Lyra, ina hindi ba ang sumpa ng ilusyon na kapag lumala ay manginginig ang katawan at luluha ang sinumang sinumpa? Anong ibig sabihin niyon, ina?" tanong ni Mireille, lumingon sa akin at tinitigan ng husto.
"Kyla Jenkins ang sinasabi niyong unang pagibig at siyang nasa ilusyon ng prinsipe, hindi ba?" tumango ang magkakapatid.
"Isang water manipulator din katulad ni Kieran, kamahalan." magalang na sagot ni Stefano.
"Jenkins. Kharis Jenkins." napansin kong napasinghap si Stefano sa sinabi ng reyna.
"Kilala niyo ang water manipulator na ina ni Kyla?" tanong pa nito, tumawa ang reyna na siyang kinakunot ng noo namin.
"Kung ganon nagbunga ang tinutulang pagibig. Alam niyo ba kung sino ang ama ni Kyla?" umiling ang mga prinsipe na dahilan ng muling pagtawa ng reyna.
"Ina, sino ang tinutukoy mo? Anong ibig niyong sabihin?" tanong ni Mireille sa ina kaya tumigil na ito sa pagtawa at muling lumingon sa akin.
"Si Akibrus Astheria." nakatitig ang reyna nang magsalita siya. Kumunot ang noo ko at nakita ko sa gilid ng mata ko ang paglingon ni Athan sa akin.
"Ang namatay na prinsipe ng Fairy Kingdom? Si Prince Akibrus?" tumango ang reyna sa tanong ni Athan.
"Prinsipe ng Fairy Kingdom? Athan, may prinsipe pa ang Fairy Kingdom bukod kay Lyra na prinsesa?" kunot noong tanong ni Stefano dito pero hindi sumagot ang kapatid niya sa kanya at nanatili itong nakatitig sa akin.
"May dugong bughaw si Kyla?" si Draven naman ang nagtanong.
"Tama kayo, may naunang anak ang magasawang Astheria bago ipanganak si Lyra." sagot ng reyna.
"Ngunit bakit walang nakakaalam sa naging buhay niya? Bakit si Athan lamang?" tanong pa ni Mireille.
"Sinadyang itinago ang prinsipe ng hari upang pangalagaan. Noon pa man mainit na sa mata ng Dark King ang susunod na magmamana ng trono kaya bilang susunod na hari ay sanggol pa lamang itong itinago. Namuhay ang prinsipe bilang ordinaryong nilalang at pinili nilang maging kaibigan ito ni Athan bilang dalawang susunod na magiging hari.
"Sabay silang sinanay. Naging madalas si Akibrus sa Elemental Kingdom hanggang sa nakilala nito ang isang tagapagsilbi sa kaharian ng Elemental Kingdom na water manipulator. Si Kharis, naging kaibigan siya nito na humantong sa bawal na pagibig." paliwanag ng reyna pero hindi ako nakakibo.
"Bakit naging bawal na pagibig? Dahil ba tagapagsilbi lamang si Kharis?" tanong ni Stefano pero umiling ang reyna at tipid na ngumiti.
"Hindi dahil tagasilbi si Kharis kundi dahil may dugo ito na siyang papatay sa prinsipe mismo." si Athan ang sumagot kaya sa kanya kami napalingon.
"Anong ibig mong sabihin? At alam mo ito, Athan? Naguguluhan ako kung madalas siya sa kaharian bakit di namin siya kilala at bakit di mo sinabi ang tungkol sa ama ni Kyla?" sunod sunod na tanong ni Stefano kay Athan.
"May lason ang dugo ni Kharis dahil nang sanggol pa lamang ito ay isinumpa na siya ng isang sorcerer na nagtraydor sa aming kaharian. Naging kasabwat siya ng Dark King at sa kanya rin nalaman ng hari ang hinaharap tungkol sa magiging pagmamahalan ng prinsipe ng Fairy Kingdom at ni Kharis. Mahigpit itong tinutulan ng hari at reyna ng Fairy Kingdom at ng mga magulang niyo para hindi humantong sa kaguluhan at kamatayan.
"Hindi alam ni Athan ang lahat ng ito. Ang alam lang niya ay ang tungkol kay Akibrus dahil maliban sa aming mga pinuno ng limang kaharian tinanggal ang alaala ng prinsipe para maiwasan ang gulo. Hindi nila tinanggal ang alaala ng prinsipe sa isip ni Athan ayon na rin sa hiling ni Athan para sa yumaong kaibigan, ang tangi niyang nakalimutan ay ang ugnayan ni Akibrus at Kharis." paliwanag ng reyna.
"Ngayon ko lang naalala nang binanggit ng reyna ang tungkol kay Kharis." malamig na sabi ni Athan.
"Anong kinamatay ng prinsipe?" tanong ni Mireille sabay lingon sa akin. Ngayon ko na higit na nauunawaan ang lahat. May kuya ako.
"Nung una walang nakakaalam at tanging alam namin nagkasakit ito nang malubha, pero ngayon mukhang alam ko na. Nagbunga ang pagmamahalan nila dahilan ng kamatayan ng dalawang nilalang. Buhay nila Akibrus at Kharis para sa buhay ng kanilang anak na si Kyla ang sinakripisyo." sabi ng reyna sabay tingin sa akin.
"Sinakripsiyo ng kapatid ko ang buhay niya para sa kanyang anak." mahinang sabi ko kaya napatingin sila sa akin. Tumango ang reyna sa akin.
"Oo, Lyra pero alam niyo ba kung nasaan si Kyla?" sagot nito at lumingon sa mga kasama kong prinsipe na yumuko lang. Nanatiling tahimik sila Silvyr at Elwin.
"Namatay na siya kamahalan." nakayukong sabi ni Stefano pero laking gulat namin nang tumawa si reyna Anya.
"Ina, anong nakakatawa? Ang sabi nila namatay na ito." sabi ni Mireille pero kumunot ang noo namin nang umiling ito.
"Sa tingin niyo ba ganon lang mamatay ang babaeng itinakdang makakatulong ni Lyra para sa magiging digmaan? Sa tingin niyo hahayaan ng hari at reyna....maging nila Akibrus at Kharis na mamatay ang kanilang anak at mabalewala ang sakripisyo nila? Nararamdaman ko kay Lyra ang dugo ng babaeng isinumpa.... Hindi siya nito iniwan dahil ang tungkuling kanyang dapat gampanan ay samahan ang kanyang tiyahin sa labanan." nagulat kami sa sinabi ng reyna.
"Ibig niyo po bang sabihin buhay pa si Kyla?" tanong ni Draven pero nagkibit balikat ang reyna.
"Bakit hindi niyo tanungin ang kasama ninyong ibon? Matagal na siyang naglilingkod kay Levinia at batid kong marami siyang nalalaman na higit ng aking kaalaman." lumingon kami kay Silvyr pero umiwas ito ng tingin.
"Silvyr, anong ibig niyang sabihin?" tanong ko pero higit kong kinagulat nang bigla siyang lumuhod sa harap ko.
"Patawad mahal na prinsesa pero hindi pa ito ang tamang panahon para malaman mo ang lahat sapat nang ito pa lamang ang alam ninyo. Hindi ka pa nakakapasok sa Academy kung saan magtuturo sa iyo ng maraming kaalaman tungkol sa mundong ito." sabi ni Silvyr kaya kumunot ang noo ko.
"Kung ayaw sabihin ng ibon ang lahat ay maaring may dahilan o ibinilin ang reyna sa kaniya kaya magtiwala na lang tayo." sabi ng reyna.
"Pero paano ang kapatid namin?" sabi ni Stefano kaya muling lumingon ang reyna kay Kieran na nakahiga.
"Hindi ako ang makakagamot sa kanya." sabi ng reyna sabay lingon sa akin.
"Ha? Sino kung ganon, kamahalan?" tanong ni Draven.
"Si Lyra mismo." nagulat ako sa sinabi ng reyna kaya nanlaki ang mata ko.
"Ako? Paano? Hindi ako marunong manggamot." sabi ko pero ngumiti si reyna Anya sa akin.
"Tulad nang sabi ko sa iyo, Lyra. Naamoy ko ang nakahalong dugo mula sa unang pagibig ng prinsipe kaya dugo mo ang kailangan niya." kumunot ang noo namin.
"Hindi po bampira si Kieran." sabi ko pero tumawa ang reyna.
"Hindi ko sinabing bampira siya. Pero hiwain mo ang pulso mo at itapat sa bibig niya ang dugo mo hanggang sa pumasok sa bibig niya." nanlaki ang mata ko nang may iabot siyang punyal sa akin. Nanginginig ang kamay na kinuha ko ito at ginawa ang utos niya.
"Mamaya lang ay magigising na siya kaya samahan niyo muna ako sa hapag upang kumain." sabi ng reyna kaya tumango kami. Naunang lumabas ang mga kasama ko at akmang susunod na ko nang higitin ng reyna ang braso ko.
"Lyra, hindi mo pa alam ang klase ng mundo na pinasok mo. Wala pa sa kalahati ang nalalaman mo kaya payo ko sa iyo ay mag-ingat ka. Marami diyan na nagpapanggap na kaibigan at kakampi pero sa huli handa ka nilang saksakin sa likod. Tandaan mo na maraming gusto kang patayin upang ialay sa hari ng kadiliman." pagkatapos sabihin iyon ng reyna at agad siyang naglakad palabas ng silid hanggang sa naiwan akong tulala magisa sa silid kasama ang walang malay na prinsipe.