I only slept for six hours. Gusto ko pa sanang matulog kaso ngayon ang araw ng enrolment namin. Nakapasa ako sa entrance exam ng nilipatan kong school sa strand na gusto ko. Mabuti na lamang at rank 9 ako kaya naman mapupunta ako sa pilot section.
Pagkatapos kong ihanda lahat ng requirements, dumerecho na agad ako sa banyo para maligo. Nagsuot lang ako ng isang itim na t-shirt, denim jacket, ripped denim pants, at itim na sneaks. Gusto ko sanang magpalda kaso ayokong maging eye-catchy 'yong outfit ko. Keep it simple, kumbaga.
"Ma, aalis na ako!" sigaw ko kay Mama na hindi ko alam kung nasaang lupalop ng bahay.
Lumapit naman siya agad sa akin mula yata sa kusina at inabutan ako ng pera. "Oh, pera mo."
"Para saan 'to, Ma?"
"Ikaw na bahala kung saan mo gagastahin 'yang 400 mo. Ang sabi lang sa akin ng tatay mo, ibigay ko 'yan sa iyo."
"Sige po, salamat, Ma. Alis na po ako."
"Kompleto na ba 'yang requirements mo?" Tumango naman ako. "Sige sige, mag-iingat ah! Umuwi ka ng maaga, wala akong pantustos sa iyo sa barangay."
"Opo, Ma!"
Kaagad ko nang inayos ang mask ko at isinuot ang helmet pagka-start ko sa motor. May student's license ako kaya naman pwede na akong makapagdrive. Next year, kukuha na ako ng non-professional driver's license, pero next year pa naman 'yon so focus na muna ako sa present.
Pagkarating ko sa school, nagulat ako sa dami ng tao. Pero sabagay, 30 students per section sa senior high school department. May mga ibang estudyante na bumababa mula sa tricycle, habang ang iba naman ay mula sa sasakyan na dina-drive ng magulang nila.
Nagpark ako sa ilalim ng puno, malapit sa gate. Pagkababa ko, kinausap ako no'ng katabi ko na tatay yata ng isang estudyante dito. "Ah, ne, matanong ko lang, sa iyo 'yang motor na 'yan?"
Nagtanggal ako ng helmet at tumango. Medyo bastos kasi para sa akin kung naka-helmet pa rin ako eh nakababa na nga ako. "Opo, sir. Bakit po?"
"Wala naman. Nakakamangha lang. Sige, salamat."
Tumango na lang ako at ngumiti kahit nakamask, saka siya umalis. Weird.
May iba ding mga estudyante ang nakatingin sa akin habang papasok ako ng gate. Pagkarating sa entrance, inilabas ko na agad ang phone ko para ii-scan ang malaking QR code para sa contact tracing. Well, for me, mas madali ito kaysa magsasagot ka pa sa health declaration form. At least here, noted na lahat.
Nang na-check na ang temperature ko which is 36.1 degrees Celsius, pinaderecho kami sa multi-purpose hall kung saan pinaghihiwalay ang mga college enrollees sa senior high school student enrollees. 'Yong mga magjo-jowa kaya, kailan maghihiwalay?
"Yana?" Humarap ako sa isang lalaking tumawag ng pangalan ko. "Hala, ikaw nga!"
Sa boses pa lang niya, kilala ko na agad kung sino siya. "Yo, Nico!"
"Akala ko nakalimutan mo na ako." Kung gusto mo naman, why not? "Kumusta na?"
"Humihinga pa rin. Ikaw?"
"Na-ii-stress na sa buhay gamer." Sus, sana all. "Section mo?"
"Ikaw muna."
"Section 2 ako. Kailangan talaga ako palagi nauuna eh."
Tumawa ako sa reklamo niya. "Gentleman ka naman eh. Okay lang 'yan. Kaso, hindi tayo classmates."
"Ah, oo nga pala. Rank 21 kasi ako eh, tapos ikaw, Rank 9." Nagulat ako sa sinabi niya. Hindi naman pinakita publicly ang ranking ng mga entrance exam takers kaya paano niya nalaman? "Oh, bakit ganyan itsura mo?"
"How did you know?"
"Isang taon lang tayong hindi nagkita, inglishera ka na agad?" Natawa lang siya nang hinampas ko siya sa braso niya. "Sinabi sa akin ni Alondra."
Bwisit na babaeng 'yon. Sabi nang sa aming dalawa lang eh. Pinagsabi pa talaga sa grupo.
Bakit grupo agad? Simple lang. Kung alam ni Nico, alam ng lahat. Ganyan siya ka-ingay.
Dalawang guards ang pumasok sa hall at pinaayos ang pila naming lahat. Mauna na lang daw ako sabi ni Nico kaya nasa likuran ko siya. Tigbe-bente ang pinapapasok sa main building ng university kaya naman magkasunod lang kami.
"Naks, naka-iPhone." Tinitigan ko siya ng masama at ngumisi lang siya. "Charot lang." Daldal talaga eh. Ano naman ngayon kung naka-iPhone ako? Ako lang ba ang nag-iisang may iPhone sa mundo? Maka-react eh.
Nang pinapasok na kami sa loob ng main building, agad na tumabi itong lalaki sa akin. "Gala daw tayo mamaya."
"Para sa barangay hall ang uwi natin, ano?"
"Grabe ka naman. Pwede naman tayong maggala sa mall eh. Hindi naman na masyadong mahigpit kaya sulitin na natin. Who knows, baka mamaya may bagong variant na naman, eh 'di humigpit ulit ang quarantine." May point.
Pero how dare you to use it as an excuse para makagala?
Sa enrolment booth ang derecho namin para makapagfill-up ng information form. Nakatabi pa rin sa akin ang lalaking ito. Hindi naman siya clingy or what. Sadyang hindi lang talaga siya sanay mag-isa kapag first time niya sa isang lugar. Pero once na nakabisado niya na ang lugar, para na 'yang aso na pagala-gala at magugulat ka na lang pagkatapos ng ilang oras, nakabalik na siya ng buhay.
Ako? Hindi ko first time dito. Dito kasi sa university na ito nag-aaral ang ate ko. Hindi ko alam kung paano nga 'yon nakapasa sa CAT ng university eh napakakitid ng utak no'n.
Sa cashier ang derecho namin pagkatapos magfill-up para magbayad ng 200 pesos for miscellaneous and other fees. I have a scholarship grant kaya naman hindi na ako magbabayad ng 4800 something na tuition fee per semester.
After magbayad, nagpunta na kami sa designated rooms na naka-depende sa section for the finalization. Magkatabi lang ang room namin ni Nico kaya naman kung mauuna siya, hihintayin na lang ako no'n sa labas. Pagkapasok ko, may limang estudyante na and ang adviser namin ay nasa unahan, nakikipagtawanan din.
"Surname?" bungad na tanong sa akin ng adviser namin.
"Los Carlos po."
"Hala, ang ganda ng apelyido niya," komento ng isang estudyante slash kaklase ko.
"Sige, maupo ka na muna."
Tumango ako at mahiya-hiyang naupo sa bakanteng upuan na malapit sa pinto. "Hi!" bati sa akin ng katabi ko. Not really katabi kasi one seat apart kami dito. "Ang ganda ng surname mo. Bianca Panganiban. Ikaw?"
"Yana Los Carlos. Nice to meet you."
"Nice to meet you din!"
Pagkatayo noong isang lalaking estudyante sa harap ng teachers' table, ako na ang sunod na tinawag. Nagtaka ako saglit pero naisip ko na baka tumatambay na lang sila dito. Pwede namang tumambay eh, nakabukas naman ang lahat ng bintana and magkakalayo naman sa isa't isa.
"Ngayon lang ako nakarinig ng ganyang apelyido. Taga-saan kayo?"
"Taga-Zambales po ang father ko. Taga-Makati naman po ang mother ko."
Namangha naman ang teacher ko sa sinabi ko. Pagkabigay ko ng envelope na may laman ng requirements ko, both original and copy, natawa siya ng saglit. Siguro dahil sa pangalan ko. Kaya nga Yana na lang ang sinasabi kong name ko dahil sa haba eh.
Pinapirma ako sa may attendance sheet at binalik ang iilang copies ng requirements ko. Tumayo na agad ako pagkatapos at balak ko na sanang lumabas nang inaya ako ng mga kaklase ko na dumito daw muna.
Ang kaso, ayokong magdrive ng malayo and sayang ang gas. Uninterested din naman ako sa pakikipaghalubilo sa kanila so I politely rejected and made an excuse na before lunch dapat nakauwi na ako.
Nagpaalam na ako sa kanila at nakita si Nico na nakasandal sa may pader at mukhang may chatmate. "Sasabay ka ba?"
Agad naman siyang tumingin sa akin at umiling. "Susunduin ako ni Daddy, pupunta kaming Manila eh. Pero, sabay na tayo bumaba." Tinanguan ko na lang siya.
Sa may gate 2 kami lumabas dahil entrance lang ang binuksan sa main gate. Ang gate 3 kasi ay papuntang city proper pero both entrance naman ng mga sasakyan and exit ng mga tao. Marami pa ring tao sa multi-purpose hall samantalang mga nakatambay naman ang nasa quadrangle.
Tumunog ang phone ko at nakitang nagchat ang best friend ko. "Anong oras ka daw ba susunduin ni Tito?"
"Papunta na siya. Bakit?"
"Nagchat si Alon eh, nagpapasama."
"Ah sige, sige. Bye! See you next time!"
"See you next time din!"
Tumakbo na ako papunta sa motor ko at pinatakbo ito pagkasuot ko ng helmet. Hindi kami magkapitbahay pero nakatira kami sa iisang village kaya naman sure akong malalaman ni Mama na tapos na akong mag-enrol.
Pagkarating ko sa bahay nila, bumusina ako ng isang beses at agad naman siyang lumabas. "Alis na ako, Ma!" sigaw nito kay Tita. Nagsuot na siya ng helmet paglabas niya ng gate at sumakay. "Tagal mo."
"Leche ka, kakatapos ko lang mag-enrol."
"Sana all."
"Gusto na kitang sakalin."
Nasa magkahiwalay kaming school ni Alon. Ayaw kasi ni Tita sa school kung saan ako nag-enrol dahil public daw iyon. Alon studied in a public school since pre-elementary kaya gusto naman daw ni Tita na mag-private siya. Pero, come to think of it, saan ka nakakita ng isang public school na may tuition fee na 4875 pesos per semester for senior high school? That will be 9750 pesos for the whole year.
Marami ring mga estudyante na nandito, pati magulang. Malawak 'yong school pero hanggang second floor lang ang kada building while sa university, hanggang fourth floors lahat. May quadrangle din sila at may covered court.
"Nagkita kami ni Nico."
"Tapos hindi nag-aaya ano?" Sinamaan ko siya ng tingin. "Totoo naman ah!"
"Nagsabi ka ba?"
"Sinabihan mo ba ako?"
"Sinabihan kita last week at sabi mo hindi ka makakasama kasi enrolment niyo rin. Tapos cha-chat mo ako, magpapasama ka? Bahala ka na sa buhay mo, bwisit ka."
Nang makarating kami sa may main building, hinayaan ko na siyang i-enrol ang sarili niya. Senior high na, magpapasama pa rin? Hindi ka na elementary, Alon. Bwisit.
"Ah, ate, excuse me po." Agad naman akong humarap sa nagsalita. "Enrollee din po ba kayo dito?"
"Hindi po, sinasamahan ko lang po kaibigan ko. Bakit po?"
"Itatanong ko po sana kung saan 'yong cashier."
At dahil maayos pa naman ang mood ko ngayon, tinuro ko sa kanya kung nasaan 'yong cashier. Sinabi ko na rin kung saan siya magpapasa ng requirements. Halata sa kanya 'yong gulat at pagkalito pero tumango na lang siya at nagpasalamat.
Ganito kasi 'yan, ilang beses na akong nakalibot dito. Pati sa school kung saan ako nag-enrol. Gala akong tao pero ayoko no'ng marami akong kasama kasi nakaka-stress. Siguro, two or three lang since apat lang naman kaming magkakaibigan.
"Magpapasa na lang ako ng requirements."
"Bilisan mo, nagugutom na ako." Hindi ako nag-almusal, okay?
Habang naghihintay sa kanya, nagpunta na muna ako ng quadrangle at nag-open ng Wild Rift. Alam kong mahaba ang pila sa pasahan ngayon ng requirements kaya naman mag-iisang laro muna ako. Kapag wala pa rin ang alon na 'yon, bahala siya sa buhay niya. Charot, wala yata 'yong dalang pera pang-commute kaya hihintayin ko na lang siya.
Naka-isang laro na ako nang mapansin kong may three missed calls si Mama at saktong nag-text siya.
Nasaan na kayo? Ang tagal niyo
naman.
Nage-enrol pa si Alon, Ma. Mahaba
pila sa pasahan ng requirements eh.
Magkano pa natira sa iyo?
200.
Bumili ka ng pizza bread.
Sige po.
Nagpapabili na naman siya ng pizza bread. Ayaw niya na lang gumawa, marunong naman siya. Or baka sumasagap na naman ng chismis kay Tita.
Hoi babae, asan ka na? Tagal mo
bwiset.
Kalma ka lang, nasa pila pa ako.
Iwanan na kita, uuwi na ako.
Bahala ka na sa buhay mo, malaki
ka na.
Bwisit ka. Intayin mo ako.
Katagal eh. Nakaka-inip.
Nang makita ko na siyang lumabas, may kasama siyang dalawang lalaki. Mga kaklase namin noon. "Huy, si Pres Yana!"
"Wag niyong asarin 'yan, naiinis na 'yan," sabat ni Alon sabay ngisi. Bwisit ka.
Nanlaki naman ang mga mata nila Josh at Gian sa narinig at tila nagpa-panic. "Tara na sa McDo," salita ni Gian na pinagtaka ko.
"Uuwi na ako--"
Josh interrupted me. "Libre namin kayo ni Alon. Ano, g ba?"
"G!" sabay na sigaw ni Gian at Alon.
Bwisit ka talagang alon ka. Lulunurin na kita eh. "Bahala kayo."
Napapalakpak naman si Josh. "'Yon oh! Tara na!"