- Nahara's POV -
"King Faro, King Faro hiss hiss."
"King Faro, King Faro hiss hiss."
"King Faro, King Faro hiss hiss."
Luminga ako sa paligid ko. Naghahanap ako ng matatakbuhan at mapagtataguan.
Sobrang laki ng ahas na palapit sa'min. Hindi ko kakayanin.
Kung nakapaglaro na kayo ng Worms Zone .io at na-encounter niyo na 'yung pinakamalaking worm du'n. Congrats! Gan'un kalaki at kahaba ang ahas na palapit sa'min.
Muling dumagundong ang isang kulog kaya napasigaw na naman ako sa pinagsamang takot at gulat.
Nanlalamig na ako pero pinagpapawisan rin at the same time.
Natatae na naiihi na nasusuka na ako sa takot.
Umatras ako nang makalapit na sa'kin ang ulo ng ahas na may malilikot na dila.
No, Hara! Don't move! Don't move! Tutuklawin ka niya kapag kumilos ka!
Hindi nga ako kumilos. Nagpanggap akong estatwa. Pumikit din ako dahil hindi ko kayang tumingin sa matatalim niyang mga mata.
"King Faro, King Faro hiss hiss hiss."
Hindi malabong siya ang tinatawag nilang hari.
Pati paghinga ko pinipigilan ko na.
Habang nakapikit ako, hindi ko napigilang sumigaw nang maramdaman ko na may pumulupot sa katawan ko.
Simula sa binti ko pataas sa dibdib ko.
"AAAAAAAAAAAAAAH!" sigaw ko
Muling kumulog ng malakas kaya naitikom ko ang bibig ko. Tila nagalit sa'kin ang hari ng planeta na 'to.
"Opo, t-tatahimik na po, O-Opo." paulit-ulit kong usal sa sobrang takot
~ hiss ... hiss ... hiss ... hiss ~
Hinihintay kong tuklawin niya ako.
Hinihintay kong kagatin niya ako o tiikin.
Basta naghihintay ako ng masamang mangyayari sa'kin.
Pero wala.
Wala akong ibang maramdam kun'di madulas na balat ng ahas na nakapulupot sa katawan ko.
Tapos may narinig akong kanta.
Nagtaka ako kung saan nanggagaling ang kanta na 'yun.
Unti-unti akong nagmulat ng mga mata ko.
~ hiss ... hiss ~
Sumalubong sa'kin ang mukha ng ahas, ang malaki niyang mukha.
Napalunok ako.
Nakatitig siya sa'kin.
~ I was down, my dreams were wearing thin
When you're lost, where do you begin? ~
Gusto kong mag-iwas ng tingin sa ahas pero hindi ko magawa. Sa matatalim niyang mga mata ay nagre-reflect ang pawisan kong mukha.
Naranasan niyo na bang makipagtitigan sa isang ahas?
~ My heart always seemed to drift from day to day
Looking for the love that never came my way ~
Maganda ang mga mata niya, kulay berde.
Alanganin kong nginitian 'yung ahas. Baka sakaling maging mabait siya sa'kin.
~ Then you smiled and I reached out to you
I could tell, you were lonely too~
Teka, bakit may background music? Cellphone ko ba 'yun?
~ One look, then it all began for you and me
The moment that we touched, I knew that there would be ~
Muli akong napapikit nang mas lumapit pa sa mukha ko 'yung mukha ng ahas. Dumikit ang mukha niya sa mukha ko.
Naihi na ako sa sobrang kaba at takot.
Seryoso naihi ako. Huhuhu
~ Two less lonely people in the world
And it's gonna be fine
Out of all the people in the world
I just can't believe you're mine ~
"Hiss ... Hiss ... Hiss... Hiss"
At again, sumigaw na naman ako ng malakas dahil naramdaman ko ang pagkagat ng ahas sa leeg ko.
"AAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAH."
At tuluyan na akong hinimatay sa sobrang nerb'yos.
.
******************
.
"Hiss ... Hiss... Hiss.... Hiss ... Hiss ... Hiss.. Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ... Hiss ..."
Naalimpungatan ako sa mga ingay sa paligid ko.
Nagmulat ako ng mga mata ko.
Mga bituin.
Makikinang at maliliwanag na bituin.
"Stars." mahina kong sambit
Natigilan ako.
Parang deja vu 'to ah.
Tumingin ako sa pinagmumulan ng ingay.
Napabalikwas ako ng bangon nang makita ko ang mga taong ahas. Hindi pa rin ako bumabalik sa sarili kong mundo!
Nagsalubong ang mga kilay ko nang maramdaman kong wala na akong suot na damit.
"Aaaaaah!!! Nasaan ang damit ko?!" sindak kong usal
Naghanap ako ng pwedeng ipantaklob sa katawan ko pero wala. Walang ibang makikita dito kun'di tuyong lupa at tuyong halaman!
"Ito ba hiss? Tine-testing lang namin hiss.."
Tiningnan ko ang tinutukoy nila. Pinagkakaguluhan nila ang damit ko.
Mabilis akong lumapit sa kanila, kinuha ko ang damit ko at mabilis na isinuot 'yun.
Paano kung may ibang nakakita sa hubad kong katawan? Hindi naman ako katulad nila na sanay na walang saplot kun'di dahon lang.
"Bakit na'ndito pa rin ako? Paano ba makauwi? 'Yung cellphone ko, nasaan?" magkakasunod kong tanong sa kanila
Naalala kong may nagplay ng music du'n. Nag-alala ako dahil baka lowbat na. Malilintikan ako!
"Hiss ... Hiss... Pinapatawag ka hiss ni King Faro hiss." sambit nu'ng isang lalaking tao
Ganito ha, ahas sila na nag-anyong tao. Sabi nila kanina nagta-transform sila sa pagiging tao pero ahas talaga sila. Hindi ko rin maintindihan pa pero gan'un ang pagkakaunawa ko sa kanila.
"Sumama ka hiss sa'min."
Umiling ako.
"Ayoko." tanggi ko
Duh! Sinong sasama sa malaking ahas na 'yun? Kulang na lang lamunin niya ako ng buhay!
Nahawakan ko ang leeg ko. Naramdaman ko kanina na kinagat niya ako.
Gosh! Himala na buhay pa ako.
"Hiss sama ka sa'min." pagpipilit nu'ng isang lalaki tapos hinawakan niya ako sa braso ko at hinila
"Hoooy! Huwag mo akong hawakan!" reklamo ko
Naiisip ko ahas pa rin siya.
Bigla ay kumulog ng malakas at nagsiluhod sila.
Muntik na naman akong mapasigaw.
Huwag nilang sabihin na lalabas na naman ang puting ahas na 'yun? No waaaaay!!!
"Hiss hiss, patawad King hiss" ani nu'ng lalaking humawak sa'kin
Nagtaka ako.
'Yung kulog ba ay lenggwahe ng hari na naiintindihan nila?
Ah pwede, pwedeng gan'un na nga.
"Pinapatawag ka ni King Faro, sama ka sa'min hiss hiss hiss."
Umiling pa rin ako. Ayoko na siyang makita.
"Hiss nasa kanya ang cellphone mo hiss ... Ibabalik niya hiss sa'yo kung sasama ka sa'min hiss hiss."
Aba't! Mga tuso talaga!
Wala akong nagawa kun'di sumama sa kanila dahil kailangan ko ang cellphone ko. Naglakad kami ng naglakad hanggang sa may matanaw akong isang parang kwenba.
"Wait, papasok ako sa kweba?" tanong ko
"Hiss oo hiss."
"Nooo!!" kontra ko agad
No waaaaay! Paano kung puro ahas sa kweba? Hoooy! Hindi ko na kakayanin pa!
"Dito na lang ako." sambit ko
"Pero hiss naghihintay ang hari hiss."
"Siya ang pumunta dito." matigas kong sambit
Ewan ko pero ang lakas ng loob kong kalabanin sila. Saan napunta inferior complex ko?
"Pero hiss hiss hiss..."
Kumulog na naman.
Sa pagmamasid ko sa mga ahas, mukhang nauunawaan nila ang kulog na 'yun. Tingin ko'y boses 'yun ng hari na kulog ang dating sa'kin.
Nakakatakot. Parang makapangyarihan ang hari ng mga ahas ah!
Bigla ay may lumabas na ulo ng ahas mula sa kweba.
Nagulat ko.
Siya 'yung kaninang ahas na pumulupot sa'kin at kinagat ako sa leeg.
Agad akong nagtago sa likod ng isang babae.
"Huwag ka hiss matakot. Mabuti hiss ang aming hari hiss." sambit niya sa'kin
"No! Kinagat niya ako kanina."
Mahina siyang tumawa. Hindi ko alam kung anong nakakatawa sa sinabi ko.
"Pinapalapit ka ng hari hiss."
Umiling ako.
"Ayoko! Ayoko! Ayoko!" kontra ko
Kumulog na naman ng pagkalakas-lakas.
Natakot na naman ako.
Wala na naman akong nagawa kun'di lumapit ng konti sa ahas.
Nakatingin ako sa kanya.
Kahit na malapit lang ako sa kanya handa akong tumakbo anumang oras kapag tinangka niyang kainin ako ng buhay.
"'Y-Yung cellphone ko." sambit ko sa kanya
Kung hari siya ng mga ahas maiintindihan niya ang sinabi ko. Hindi pwedeng mas magaling ang mga alagad niya kaysa sa kanya.
Bigla ay ibinuka ng ahas ang malaki niyang bibig kaya napasigaw na naman ko.
Nagtatalon ako sa takot. Nataranta ako.
Ang laki ng bunganga niya! Kaya niyang lumamon ng isang buong planeta. Huhu!
Mga ilang segundo na nakanganga lang 'yung ahas. Hindi kumikilos, nakanganga lang.
Tiningnan ko 'yung mga alagad niya. Nakaluhod sila lahat.
Napalunok ako.
Iaalay na ba nila ako? Hinihintay na lang ba nila akong pumasok sa bunganga ng ahas?
Hindi ko inisip na sa ganitong paraan ako mamamatay!
Bigla ay na-imagine ko kung paano ako ngunguyain ng ahas gamit ang dalawang matalas niyang pangil.
Hihimatayin na naman ako pagkakita ko du'n sa pangil ng ahas.
"Ayoko pang mamamatay please." mahina kong usal
Ngunit maya-maya pa, muling kumilos 'yung ahas.
Napaatras ako. Handa na siyang kainin ako?
Nagsalubong ang mga kilay ko nang mapansin kong may lumalabas mula sa bibig nu'ng ahas.
"King Faro hiss hiss, King Faro hiss hiss." malakas at paulit-ulit na sambit nu'ng mga taong ahas
Tiningnan kong mabuti kung tama ba ang nakikita ko.
Nanlaki ang mga mata ko at natutop ko ang bibig ko nang may isang hubad na lalaki ang lumabas mula sa bibig ng ahas.
Oh my gosh! Oh my gosh! Kinain ba siya ng ahas?!
Bigla ay tumingin sa'kin 'yung lalaki at napasinghap ako.
Matalim na nakatingin sa'kin ang berde niyang mga mata.
Nakakatakot. Nakakatakot ang datingan niya, ang tinginan niya.
Muli akong napaatras at napalunok habang nakatingin sa lalaking 'yun.
Hubad siya at may mahabang itim buhok. Berde ang mga mata na masama kung makatingin. May dila siya na katulad ng sa tao pero higit na mahaba at magaslaw na parang sa ahas.
"King Faro, King Faro Lucius!" patuloy na sigaw ng mga taong ahas
Nakatingin pa rin sa'kin 'yung tinatawag nilang King Faro Lucius.
Kung hindi ako nagkakamali, sinabi nila na Planet Lucius ang pangalan ng lugar na kinaroroonan ko. Ibig sabihin ay siya nga ang hari!
Napatingin ako sa malaking puting ahas. Itinikom na niya ang bibig niya nang tuluyan nang makalabas sa bibig niya 'yung lalaki.
Ibinalik ko ang tingin ko du'n sa lalaki at napasigaw na naman ako.
Kagaya nu'ng mga ahas na nagtransform kanina, wala din siyang kahit na anong saplot!
Lalaki siya! Kitang-kita ko ang pagkalalaki niya!
Muli akong natumba at hinimatay.
Hindi ko na kaya ang mga nangyayari. Maigi pa nga'ng mamatay na lang ako!