Palayaw.
Dahil sa sobrang kabang nararamdaman ko ay dumeretso ako sa banyo.Pumasok ako sa isang cubicle doon at umupo sa nakasarang kubeta.Sunod sunod na tumulo ang aking maiinit na luha.Ang Akala ko ay paglumipat ako ng university ay magiging maayos na ako, magiging payapa na ang buhay ko...pero Hindi,nagkamali ako.
Yakap yakap ko ang aking tuhod habang nakayuko doon.Paniguradong aabangan nila ako sa labas...paniguradong bubuyuin nila ako.
Patuloy lamang akong umiiyak doon nang may kumalampag sa pinto kaya napa-angat ang aking tingin doon.
Kumalampag ulit ito dahil sa pagsipa.
"Lumabas ka,"seryoso ang kanyang boses.
Nanlaki ang aking mga mata.
Ang babaeng tumulong sakin!
Napatigaltagal akong binuksan ang pinto,bumungad sakin ang seryoso niyang mukha at ang dumudugo niyang labi.
"Hoy,"unti unti siyang lumapit sakin,napalunok ako.
"B-Bakit?"dibadagundong ng kaba ang dibdib ko.
Pinagliitan niya ako ng mga mata at nakahinga lamang ako ng may matiwasay ng tinalikuran niya ako.Papalabas na sana siya ng pinto ng muli siyang humarap sakin at pinukol ako ng bagot na tingin.Nabigla ako ng may ihagis siya sakin, Tumingin ako doon.
Masanas?
"Kumain ka,"muli Niya akong tinalikuran.
Ngunit bago siya tuluyang lumabas ay may tumatak siyang sinabi sa akin "Huwag na huwag kang magmamaka awa sa mga taong walang kwenta."at tuluyan na siyang lumabas.
Napatulala ako sa sinabi niya at bumagsak ang aking tingin sa mansanas na hawak ko.
Nang matauhan ako Ay kumaripas ako ng takbo upang maabutan siya.Hindi naman ako nabigo dahil nakita ko siyang naglalakad sa hallway.Agad ko siyang tinawag.
"Miss!"ngunit Hindi niya ako pinansin,hindi ko alam ang pangalan niya.
Kaya wala akong nagawa kung hindi tumatakbong lumapit sa kanya at higitin siya sa braso.Hinahabol ko ang ating hininga.
"P-Pwede bang gamutin ko yang sugat mo?"salat sa emosyon ang kanyang mata.Tinitigan niya ako Kaya medyo nakaramdam ako ng pagkailang.
Ngunit dahan dahan siyang tumango.Ngumiti ako sa kanya, kahit ito nalang ang pagsasalamat ko.
"Kumain ka muna, "mahina niyang sabi.
Tinalikuran niya ako at naglakad na,napabuga na lamang ako ng hangin at sumunod na sa kaniya,lakad takbo ang aking ginagawa dahil ang bilis niyang maglakad kaya nahuhuli ako.Napahinto lamang ako noong papalabas na siya ng gate, himinto siya at lumingon sakin na may kunot noo sa kanyang makinis na noo.
"Bakit ka himinto?"tanong niya.Hinahabol ko pa rin ang aking hininga,pakiramdam ko at pinagkakaitan ako ng hangin sa sobrang pagod.
"A-Ano...bakit tayo lalabas?hindi ba pwede sa cafeteria?"lalong  nangunot ang kanyang noo dahil sa aking tinanong.
"Alanganamang sa cafeteria tayo?marami ng seniors 'don,tsk."inirapan niya muna ako bago nagpatuloy sa paglalakad.
Napangiwi ako,kung wala lang akong utang na loob sa kanya ay baka sininghalan ko na siya.
Pumasok siya sa isang pizza-han at sumunod na lamang ako sa kaniya.Napapikit ako noong malanghap ko ang masarap na amoy,nanunuot ito sa aking ilong.Bigla akong nakaramdam ng gutom,hindi ako nakakain ng maayos kanina dahil sa mga senior.Hindi ko maintintidan kung bakit ginagawa nila iyon,hindi ba't sila dapat ang matured saming mga junior?hay,mga tao mga naman.Gagawin at gagawin nila ang lahat ng gusto nila kahit nakakasakit na sila ng iba.
Umupo siya sa tabi ng bintana at tumingin doon,dahan dahan akong lumapit sa kanyang gawi at umupo sa kanyang harap ngunit hindi siya natinag sa pagtingin sa bintana.
"Ehem,"pagtikhim ko upang makuha ang atensyon niya pero mukhang malalim ang kanyang iniisip,tumikhim muli ako ng isa.
Doon na siya lumingon sa akin"Anong gusto mong flavor?"tanong ko, ramdam ko ang pagkailang sa aking sistema.
Walang emosyon sa kanyang kulay tsokolate niyang mga mata, bagot ang kanyang tingin"Kahit ano...",sagot niya at muli siyang tumingin dms bintana, sa pagkakataong ito ay humalukipkip siya at sumandal sa kinauupuan.Gusto ko sana siyang binitawan mabuti nalang at marunong akong tumanaw nang utang na loob.Tumawag na ako ng waiter at nag order, walang nag sasalita aming dalawa hanggang sa dumating na ang pizza.Tahimik lang laming kumakain,napapansin ko ding napapangiwi siya dahil sa sugat niya sa labi.Hindi ko alam ang sasabihin ko.
Hanggang sa lumabas na kami ng pizza-han, gusto ko siyang kausapin pero hindi ko alam kung saan uumpisahan.Hindi ko namalayan na nakatingala na pala ako sa kanyang makinis na mukha,nagbaba siya ng paningin sa akin kaya nagtagpo ang aming paningin.
Tumikhim muli ako at nag iwas ng paningin sa kanyang magagandang mata.
Nang makapasok na kami sa campus ay akmang tatalikuran na niya sana ako para pumunta sa klase ngunit agaran kong hinaklit ang kanyang siko kaya napalingon siya sakin.
Tumikhim muli ako dahil pinapaningkitan niya ako ng mga mata"Ano...tara sa clinic, pagamot natin 'yang sugat mo."biglang nag likot ang mata niya.
"Huwag... na 'don..."tumikhim siya.
Binasa ko ng laway ang aking pang ibabang labi"Sige...may alcohol ako sa bag."hinila ko ang siko niya at magaan naman siyang nagpatianod sakin.
Masiglang liwanag at masarap na hangin ang bumungad sa amin ng makatapak kami sa rooftop.Binitawan ko siya at agad siyang pumunta sa railings at itinanday doon ang mga braso, napako ang kanyang paningin sa maaliwalas na kalangitan.
Nanliliit ang mga mata ko dahil sa hangin ,hinahangin ang aking buhok.
Lumapit ako sa kanya at tumabi,nakapirmi lamang sa kalangitan ang kanyang mata.Tila may malalim na iniisip.
Tumikhim ako upang makuha ang kanyang atensyon.Ngunit hindi ko pa rin nakuha ito kaya tumikhim pa ako nang isa.
Hindi pa rin siya lumilingon sa akin kaya akmang titikhim muli ako ng bigla siyang magsalita.
"Bakit ka nagmamakaawa kanina?"marahan niyang tanong.Ni hindi siya sumusulyap sa akin at doon lamang ang tingin.
Itinanday ko na rin ang aking mga braso sa bakal at tumingin sa kalangitan.Bakit nga ba? dahil natatakot akong mawalan ng pera? o dahil natatakot ako?hindi ko alam ang gagawin ko kanina...ang unang pumasok nalang sa isipan ko ay magmakaawa.
Lumingon ako sa kanya, hindi siya nagbaba ng tingin sa akin,nanatili doon ang kanyang paningin.
Nagkibit balikat ako"Siguro...napangunahan ako ng takot? hindi ko alam...ayon lang ang pumasok sa isipan ko kanina."
"Hindi mo kailangang magmakaawa sa ibang tao...minsan,kailangan din nating maging matapang,hindi pwedeng lagi tayong napapangunuhan ng takot...dahil takot ang kakain sayo."aniya,tinalikuran niya ako at naglakad palabas.
"Teka!"hiyaw na tawag ko sa kanya.Hindi ko pa nagagamot ang sugat niya.
Kinawayan niya ako habang naka talikod"Sa susunod chubs!"at unti unti na siyang nawala sa paningin ko.
Chubs?
Nagpapasalamat ako dahil walang nag abang sakin na mga senior noong bumaba ako sa rooftop,hindi ko alam ang mga trip nila...at mas lalong hindi ko alam ang dahilan niya kung bakit niya ako tinulungan.Samantalang kanina ay inagawan niya ako ng upuan.Nag aalala pa rin ako sa sugat niya...at ayokong magkautang na loob sa ibang tao.
Kalalabas lang ng huli naming prof at inayos ko na ang mga gamit ko at lumabas na ng classroom.
Maraming tumitingin sakin,mapanlait...at mapang usig.Sa totoo lang wala naman akong pakialam sa mga gusto nilang ilait sakin o isipin.
pababa na ako ng hagdan nang may makabanggan akong babae.Nakayuko ito habang naglalakad at nakasuot ng itim na hoodie.
Ang wi-weird talaga ng mga tao ngayon,sobrang init ng klima e.
Nagtaas siya ng tingin sa akin,pinag taasan ko siya ng kilay.Nagtataka.
Ngunit parang iba ata ang dating sa kanya niyon, dahil mukhang lalo siyang nailang.Kinagat niya pa ang kanyang mga labi.
Kapansin pansin din na wala nang mapaglagyan ang mga tigyawat niya, pero hindi mapagkakailang may natatago siyang ganda.
"S-Sorry..."aniya at akmang magsasalita pa lamang ako noong agad niya akong tinalikuran at tumakbo.
Napailing nalang ako sa aking isipan,ang wiwirdo ng mga tao ngayon.Nakakabaliw.
Nakaramdam ako ng gutom kaya agad akong napahawak sa malaki kong tiyan.Nagwawala na ang mga sawa ko sa tiyan,nagutom siguro kabababa.
Bago ako tuluyang bumaba sa hagdan ay tiningnan ko muna ang buong paligid kung nandoon ba ang mga nantrip sakin kanina.Nang malaman na wala doon ang mga animal ay napangiti nalang ako.
Nice.Bagay,animal.
Tuluyan na akong bumaba sa hagdan at nagmamadaling lumabas ng campus, pasalamat nalang ako at mukhang hindi nila ako inaabangan.
Pumunta ako sa seven eleven dito sa tapat ng campus.Habang namimili kung siopao o hotdog ba ang bibilin ko ay may biglang may pumasok na tatlong lalaki,rinig ko ang mga boses nila.
Maiingay psh.
Nasa likod ko lang ang babasaging pinto nito.
"Tangina pare huwag naman ganyan.Walang taluhan."humalakhak ito.
"Sus!gago sayo na 'yon, ugok."anya ng pamilyar na boses.
"Tsk, ingay niyo."sabi ng isang boses.Sa boses palang nito ay mapaghahalataan ng masungit.
"Kailan daw ba babalik si CJ?kinginang yon ah, masyadong dinama."sabi ng pamilyar na boses.
Teka?bakit hindi pa sila umaalis sa likod ko!?
Hindi ko mapigilan ang sariling hindi tingnan iyong mga lalaking nasa likod ko,sabay nag tama ang paningin namin ng lalaking nagtataglay na asul na mga mata.
"Oy taba!"sigaw nito, kaya napatingin na rin sa akin ang dalawa niyang kasama.
Bigla akong napabusangot.
Anong problema ng lalaking 'to? akala ko ba mabait siya? isa rin pala siyang animal.
Ngiting ngiti si Dani habang naka tingin sa akin.
Nag iinit ang aking mga pisngi habang kumukuha ako ng siopao at hotdog,dahil sa inis! hindi sa kilig!
Pumunta ako ng counter at binayaran ko na iyon.Ramdam na random ko ang paningin sakin ng may asul na mga mata.Muli na silang nag uusap ng mga kabarkada niya.
Wala akong magawa kung hindi dumaan sa harapan nila dahil nakaharang sila sa pintuan.Napatigil sila sa pag uusap.
"Padaan."aniya ko.
Binigyan nila ako ng daan,napasadahan ko ng paningin ang nakakalokong pag ngisi ni Dani.
Seryoso?anong problema ng lalaking 'to mukhang nantitrip?
Tiningnan ko siya at sinimangutan.Lumabas na ako ng seven eleven.
Kumakain ako habang nag lalakad.Ang maganda sa university na ito ay hindi na ako mamasahe dahil ang sabi sakin ni Dada ay may shortcut daw na eskinita dito,bente minutos lang ay nasa bahay na ako.
Tiningnan ko ang paligid ng eskinita.May mga nakasabit na mga damit, may tumutulong tubig at may mga sulat na pintura ang magkabilang pader...at medyo mabaho din.
Matiwasay na sana ang paglalakad ko ngunit may naaninaw akong nagbubugbugan sa gilid...mali,binubugbog.
"Gago ka, anong pakialam ko sa syota mo!?"sigaw noong sumusuntok.Tumingin ako sa sinusuntok niya,namamaga na ang mga mata nito at dumudugo na ang labi at nguso.
Agad nang nilamon ng takot ang sistema ko, paano kung triper pala sila? anong gagawin ko!?
Hindi ko namalayang nakahinto na pala ako at pinapanood ang mga nangyayari.
"Gago Reigh tama na yan,mukha na yang sibuyas pare."sabi ng isang kabarkada niya.
Humalakhak ang isa pang lalaki sabay hithit nito ng sigarilyo"Tangina pre, hayaan mo siya."umiling iling pa ito.
Napaigtad ako noong tumingin sa gawi ko ang nag ngangalang Reigh,nanginginig na ang aking mga kamay dahilan kung bakit nahulog ang siopao kong hawak.
Nasapo ng aking paningin ang nag aalab niyang mga mata.
Bakit ang malas ko ngayon!?