"Okay, Dj Bini. Let's get to our final speech," saad ni Chum at tinapunan siya ng tingin.
Tumango si Bini sa intern para sabay na bitawan ang pinakamahalagang parte ng kaniyang show. Kung saan magbibigay na siya ng payo para sa problema nito.
"Ang payong kababaihan," may tono pa nila iyong sinambit.
"Listen, caller," seryosong panimula niya.
"Kahit kailan hindi mahal ang magmahal. Hindi iyan ipinipilit o nanghihingi ng kapalit. Libreng ibinibigay iyan at buong puso namang tinatanggap."
Tanging ang malamig at manipis niyang boses ang namamayani sa ere. Tahimik ang lahat, si Chum at ganoon na rin ang ilang kasamahan niyang nasa labas ng booth.
"Kailangan mong mamili ng lalake, and I don't know kung mayroon pa. O 'yung ibang mga babae na makakilala ng lalake na, magbibigay ng totoong pagmamahal."
"Mayroon pa iyan, Dj Bini!" sagot naman ni Chum.
Inirapan niya ito, napag-usapan na nila ng management ang pagtatanggol ni Chum sa mga lalake, para raw hindi bias at babae lang ang kinakampihan.
Dahil bukod sa masusugid na babaeng sumusuporta at nakikinig sa show niya ay marami ring lalake ang inis na inis sa kaniya.
May mga caller na lalake na tumatawag sa kaniya para lang murahin at sabihan siya ng kung anu-ano.
But she didn't care, sanay siya sa ganoon. At hindi magiging sapat iyong dahilan para ihinto niya ang kaniyang show lalo na ang kaniyang ipinaglalaban.
"Caller, maghanap ka lang. Alam mo kung maraming lalakeng manloloko, mas hamak na maraming matitino," sundot pa ni Chum.
"Chum, pare-pareho lang ang mga lalake. Iisa lang iyan ng mukha," paninindigan ni Bini.
Muli niyang pinagtuunan ng pansin ang caller. Hinawakan niya ang mikropono at muling nagtanong.
"Ngayon, ateng? Anong balak mo?'
"Kakausapin ko po siya baka maayos pa naming dalawa," mukhang mas kalmado na ito ngayon.
"What?!" Come on, Hindi na kailangan!" malakas niyang kontra.
"Mahal ko po kasi siya, Dj Bini!"
"Kaysa sa sarili mo?" mapait niyang balik-tanong.
Hindi niya talaga naiintindihan kung bakit may mga tao lalo na ang mga babaeng hinayaang lokohin lang ng lalake. Hindi nga lang basta niloloko, ginagawa pang alkansya.
"Ang payong kababaihan ko para sa iyo ay mas pagtuunan mo ng pansin ang sarili mo. Mahalin at walang ibang magpahalaga sa iyo kung 'di ikaw mismo."
"I am sure that woman can live without a man. And I don't know if a man can live without woman in his life!"
"Sila ang kauna-unahang mahina. Kung walang babae, wala rin sila!' tuloy-tuloy niyang daldal.
"Oo, Dj Bini. Kalma lang tayo 'no," awat sa kaniya ni Chum nang mapansing nadadala na siya ng emosyon.
"Ngayon, caller, kung sasabihin mo pa rin sa akin ngayon na ikaw pa mismo ang pupunta sa walang kwentang lalake na iyon ay masasaktan talaga ako."
Bahagyang niyang itinungo ang ulo. Ibinaba niya ang tingin sa ibabaw ng mesa. Kung pipiliin ng caller niya ang bumalik sa ganoong klaseng relasyon ay hindi siya nagtagumpay na maisalba pa ito kahit papaano.
Hindi niya matutulungan ang kapwa niya babae na magdesisyon ng tama para sa buhay nila.
"Please, caller. This time, piliin mo naman ang sarili mo," malungkot niyang dgadag.
"Mauna na ako, Dj Bini!"
Sandaling yumakap si Chum kay Bini para magpaalam. Kasalukuyan silang nasa labas at tapat ng building kung nasaan ang kanilang radio station.
"Nanalo ka na naman sa caller, ha!"
Nakangiting nagkibit-balikat siya. Nang matapos ang usapan nila kanina ay nagtagumpay na naman siya. Bago kasi maputol ang linya ay na kumbinsi pa rin niya ang babae na huwag ng balikan ang ex-boyfriend nito.
"Tama lang ang payo ko. Atsaka, parang sobra-sobra na yata ang pagtatanggol mo sa mga lalake, ha?!" asik niya nang maalala ang patuloy na paglaban nito sa mga lalake kanina.
"Ano ka ba?! Hindi ko sinasabi iyon dahil lang utos ng management. I'm saying this, on behalf of men!"
Natawa ng pagak si Bini at umiling-iling. Mukhang seryoso ang intern niya sa mga sinasabi nito.
"Remember, lalake rin ako?" Inihilig pa ni Chum ang mukha para harapin siya.
"Kahit naman, lalake ang gusto ko ay naniniwala pa rin ako sa kanila."
"Hindi sila lahat manloloko, hindi lahat kailangan lang ng pera. May matitino pa riyan, mahirap nga lang talagang hanapin," seryosong paliwanag nito.
"Hindi ako naniniwala. Para sa akin, ang lalake, hindi marunong makuntento. Hindi iyan nagkakasya sa iisa, gusto laging may reserba!" pakikipagtalo ni Bini.
"Aba, nandito pa pala ang mga bitter ng High Vibe Radio station!"
Pareho silang napalinga sa lumapit. Napangiti si Bini, nang makita si Seya. Dj Sey, kung tawagin sa istasyon nila. Nakatalaga ito sa morning show, nagpapatugtog ng kung anu-anong foreign song. Pinag-uusapan kung anong trend sa bansa, random stuffs.
"Hi, Dj Bini! Ang babaeng napag-iwanan na ng panahon at sibilisasyon. Ang nagtatatag ng bitter na asosasyon," pag-iiba nito ng intro niya habang nakahalulipkip at nakangiti.
"Nakinig ako sa inyo kagabi. Not bad but not good."
"Kumusta naman ang pagkakalat ng bitterness sa ere?" dugtong naman nito.
"Hoy, Dj Sey!" napipikon na awat ni Chum at pinameywangan ang ka-trabaho.
Hinawakan ni Bini ang braso ng intern. Sinalubong niya ang tingin ni Seya. Hinintay niya lang ang panlalait nito.
"Hayaan mo siyang magkakahol, Dj Chum."
Sinipat niya ito ng tingin mula ulo hanggang paa bago matamis na ngumiti sa babaeng galit na galit sa kaniya sa hindi niya malaman na dahilan.
"Ganiyan ang mga inggetera!"
"Kuda ng kuda kapag hindi ka kayang pantayan!"
"W-what did you say?!" nagkakandautal sa galit na sambit ni Seya habang nakayukom ang mga palad.
"I'm spreading awareness not bitterness. Kung hindi mo alam ang pag-kakaiba no'n ay hindi ko na problema iyon."
"And last time I checked, hindi ka parte ng show, as well as my beautiful life so back off," matapang niyang litanya.