"And again, we are now back to the show with our very beautiful sista in the air," Sinulyapan ni Bini ang kaharap na si Chum na maluwag ang ngiti sa mapupulang labi.
"Ang Dj na kasama natin sa pagtayo ng bandera ng mga kababaihan!"
"Dj Chu, chu, chum!" mahabang pakilala niya kasabay nang pagtaas ng dalawang kamay.
Awtomatikong inilapit ni Chum ang upuan sa mesa at maingat na inabot ang mikropono. Saglit pa silang nagkatinginan nito bago bumati sa mga nakikinig.
"Hello and Hi!"
"Hi and hello!" ito ang paraan ng kaniyang intern para bumati sa kanilang mga listeners.
"Hello, sa mga babaeng pauwi, naglalakad man, nakasakay sa karwahe, lumilipad sa ere o mga babaeng nakasakay man sa walis. Kumusta natapos ang buong araw ninyo?"
Naibaba ni Bini ang isang headset na nakatapat sa tenga. Sa sobrang taas ng energy ng intern niya ay masakit na sa tenga at sikip pa sa loob ng booth.
Pero proud na proud siya kay Chum, from shy type to shameless ang peg ng intern niyang ito. Ilang buwan man nangapa ang primetime show nila sa rating simula no'ng una ay bumabawi naman ito ngayon. Kaya talagang pinagbubutihan nilang dalawa.
Lalo na siya, this platform give her a chance to do her passion. At ang ninanais niyang goal noon pa man, ang maging boses ng mga babaeng api.
She wanted to be a strong voice for each and every woman.
"What time is it, sista?" tanong niya matapos i-on ang sariling mikropono.
"It's already midnight, Dj Bini!" patuloy na sigaw ni Chum with matching dance pa.
Napailing na lang siya habang natawa. Mas nilakasan niya ang party sound habang pinanood ang intern na para bang nasa isang party.
"Midnight means, midnight chikahan! Let's get down to the center of the show!" nahawa na siya sa lakas ng boses at energy ng ka-trabaho.
Nagtinginan sila at sabay na hinawakan ang sari-sariling mikropono para makuha ang tamang tiyempo at sabay na sabihin ang sentro ng kanilang palabas.
"Ang say ng Dj Bini n'yo!" sabay nilang anunsyo.
Sa show na ito ay may iba't-ibang babaeng tatawag. Iba't-ibang problema in short, iba't-ibang klase ng sakit sa ulo. Susubukan niya at ni Chum na tulungan at payuhan ang mga ito ng tamang gagawin.
"Here's our first caller, Dj Bini!" Pininidot na ni Chum ang speaker para marinig na rin sa ere ang una nilang caller.
"H-hello?" tanong mula sa kabilang linya.
"Magandang gabi para sa magandang babae. Anong maipaglilingkod namin sa iyo?" bungad agad ni Bini at inihanda ang sarili para makinig.
"Dj Bini!"
Mabilis niyang ibinaba ang headset nang bumunghalit ng iyak ang babaeng nasa kabilang linya. Saglit silang nagkatinginan ni Chum, napalunok siya at umayos nang pagkakaupo.
"Relax, ateng. Pag-usapan natin 'yan," pakalma niya habang bumabaha ang kalungkutan sa mukha.
She hates to hear woman crying hard like this!
"Dj Chum at Dj Bini, ano pong gagawin ko?" humahagulgol pa rin na sagot nito.
"Ang gagawin mo ay huminto ka sa pag-iyak para maintindihan ka namin," tugon ni Chum na hindi na makapagpigil marinig ang kwento ng caller.
Rinig nila ang pagsinghot ng babae. Muli silang nagkatinginan ng makahulugan ni Chum. Mukhang pinakalma na nito mismo ang sarili para makapagsalita ng maayos.
"Dj Bini, 'yong boyfriend ko iniwan na ako!" muli na namang nagpakawala ito ng atungal.
"Sabi-" hindi pa man siya nakatatapos sa pagsasalita ay nagtuloy-tuloy ang caller sa pagkwe-kwento.
"Matapos kong ibigay ang lahat sa kaniya! Ipinagpalit niya lang ako sa mas bata at mas-"
"Teka, teka, mas bata?" takang tanong ni Bini.
"Opo."
Mukhang hindi niya nagugustuhan ang naririnig. Well, since then naman, lahat ng problema ng caller ay nakabwi-bwisit!
"Ilang taon na po ba kayo at 'yung g*g*-"
"Dj Bini, relax ang puso mo!" agap ni Chum nang maramdaman siguro ang pag-iinit ng bungo niya.
Nagtama ang mga mata ni Bini at ng intern. Kahit na midnight at tulog na ang mga bata ay iniiwasan pa rin nilang magmura o magsalita ng kahit anong hindi maganda sa pandinig. Kaya nga nagkaroon siya ng intern, intern na magpipigil sa kaniya na magmura.
"Ilang taon po ba ang tanda ninyo sa ex ninyo, caller?" boluntaryong tanong ni Chum.
"15 po."
"Kayo po ay ilang taon na?" interesado namang tanong niya.
"30 po."
"Dj Bini, meet your batchmate!" biro ni Chum kasabay nang pagpatutugtog ng ilang sikat na english boyband noong 90's.
Matalim na tingin ang ipinukol niya sa intern bago iniusod ang upuan sa mesa, iniligay niya rin ang magkabilang braso sa ibabaw nito at inihanda ang sarili sa isang malalim na usapan.
"Halos dalawang taon na kami. Nagsasama sa apartment niya, ako ang nagbayad ng lahat mula sa upa, kuryente at tubig."
"Ateng, hindi mo pinaalala sa kaniya na babae ka at hindi bangko," mariin niyang sagot.
"Tiniis ko iyon lahat para lang makasama ko siya," isang nakadudurog pusong iyak na naman ang pinakawalan ng kanilang caller.
Bumuntong hininga si Bini, kahit lahat na yata ng klase ng problema ay narinig na niya. Pero kakaiba pa rin ang problema nito. Isang may edad na babae, magmahal sa isang mas bata pero ginamit lang!
It's not acceptable!
"Anong gagawin ko?" patuloy na iyak nito.
"Singilin mo!" sigaw ni Chum na bakas na rin sa hitsura ang pagkainis.
"Kung magkano lahat ng nagastos mo sa kaniya!" dagdag pa nito.
"Hindi ko po kaya, wala siyang trabaho," katwiran pa rin ng caller.
"Ateng, makinig ka."
Sumeryoso si Bini, kahit nagagalit siya ay dapat unahin niyang mapayuhan ng tama ang listener. Kung siya ang tinawagan nito sa ganitong klaseng problema ang ibig sabihin ay may tiwala ito sa kaniya.
"Noong una pa lang dapat naramdaman mo na kaya ka lang mahal dahil kailangan ka."
"Kailangan ka para literal na mabuhay. Kailangan kang magbayad ng bills, upa at kung anu-ano pa!"
"Mahal na mahal ko po siya," muli na namang lumakas ang iyak ng nasa kabilang linya.
"But, he didn't feel the same way! At mayroon ka na nga agad kapalit!"
Isang mabigat na paghinga ang pinakawalan niya bago muling nagsalita. Diretso siyang nakatitig sa glass wall ng kanilang booth.
"Tayo dapat na mga babae ay hindi hinahayaang lang na gamitin ng mga lalakeng sa pansarili nilang kaligayahan."
"Woman, don't deserve it!"
"Just let that jerk go! Mas higit ka niyang kailangan, kaysa kung gaano mo siya kailangan!