“HELLO po. Ako po si...” Napatanga ako at napatingin sa lalaking nagbukas ng gate.
Naka-jogging pants lang siya pambaba at naka-headset. Hindi ako nakatanga dahil kamukha niya si Ian Somerhalder kundi dahil sinabi ni Tita na walang lalaki sa pagtatrabahuan ko.
Pero ano `to? Oh, baka naman kapitbahay lang.
“Ah, nasaan po may-ari?” tanong ko.
“Can’t you see me?” Medyo istrikto siya nang sabihin niya iyon.
Nagtaka rin ako. Ano akala ng isang `to sa `kin, bulag?
“Nakikita kita, bakit?”
“Well then, `wag mo nang hanapin ang may-ari kung nakikita mo naman pala ako.”
Loko-loko `to, ah. Pero ayaw ko ng away kaya back off muna. Be nice.
“Pakisabihan na lang po iyong may-ari na may naghahanap po sa kaniya.” `Tapos kunyari ngumisi ako kahit tumatagis na bagang ko.
“Sino `yan, dude?” Biglang may nagsalita na isa pang lalaki.
Mas lalong nagsalubong ang kilay ko.
“Don’t know,” anitong isang `to.
Sinulyapan lang ako ng lalaking nasa loob at akmang pagsasarhan na ako ng gate ng isang `to rito.
“T-Teka!” Hinarang ko kamay ko na muntik niya pang maipit! Dyoskolord! Haleluya!
Kunot-noo pa rin siya. Bastos amputek!
“Ako iyong maid na pinadala dito!” mabilis na sabi ko.
Baka kasi pagsarhan niya na naman ako.
“Ah... siya pala `yon,” sabi ng isang lalaki sa likuran.
May lumabas pa na isa panglalaki na nakasuot ng black V-neck shirt. Teka! Bakit dumadami `yong lalaki rito?
“Who’s that?” istrikto na tanong ng kakalabas lang.
“Maid natin, bords. Siya raw pinadala ni Tito, e,” sagot ng isa.
Teka! Natin?! Nanlaki ang mga mata ko.
“I-Ibig sabihin kayo may-ari nitong bahay?” gulat na tanong ko.
Sabay-sabay sila na tumango. Magkaiba nga lang ng ekspresyon. Itong nasa harap ko ay malamig lang, iyong isa ay may jolly feature, at ang nasa pinakalikod ay may matigas na ekspresyon.
At ako? Malamang! Gulat to the moon and back! Ang sabi ni Tita, puro babae ang amo ko. Pero ano `to?!
Tita! Mapapatay talaga kita!
“Come in,” sabi ng lalakeng naka-black shirt.
At base sa nakikita ko sa mata niya, parang piprituhin niya ako nang buhay. Hindi ko alam kung ano itong pinasok ko pero hindi ko na kayang umatras pa. Nandito na ako at ito nga papapasukin na ako.
My God please help me!
Anong gagawin ko? Tila ayaw nang sumunod ng katawan ko. Panay lang ito hakbang papasok. At nararamdaman ko ang mga tingin nila. Kakaiba.
.....
“NAME?” biglang tanong ng naka-black shirt.
Nakaupo ako sa single sofa habang nakaupo at nakapalibot sa `kin ang tatlo. Para akong nasa husgado. WTF!
“C-Carlota Fernandez.” Nanginig bigla ang mga kamay ko. Hindi ako makatingin sa kanilang tatlo.
“Age?” tanong ulit ng lalakeng naka-black.
“Mag-i-eighteen sa susunod na buwan—”
“18, “ malamig na putol ng may headset.
Ano bang eps ng taong-yelo na `to kung running 18 or walking ang gamitin kong term?
“City or province?”
Gusto kong silipin ang sinusulat ng lalakeng naka-black. Tuwing sasagot ako ay isusulat niya. Parang blotter lang?
“Answer.”
Nagulat ako. Akala ko pa naman masisilip ko na `yong papel. Umayos agad ako ng upo.
“Taga-Davao po,” sagot kong medyo kabado pa rin.
Bakit ba kasi ganito makatingin ang tatlong `to? Isa pa `tong naka-black na `to. Pinaglalaruan lang ng lalakeng naka-white shirt ang labi niya at mukhang bored na nakatingin sa `kin.
Biglang nagsalita `yong nakawhite. “Virgin?”
Halos maubo ako sa tanong niya. Nakangisi pa.
“Stop it,” malamig na utas ng may black shirt habang sinusulat ang sagot ko.
“I’m just easing the air here, guys. Masyado kayong seryoso.” Tumawa pa `yong naka-white shirt.
“Amma go.” Tumayo ang lalakeng naka-headset, hanggang ngayon nakahubad pa rin.
Live show lang?
Sinundan lang siya ng tingin ng dalawa at ibinalik din agad ang atensyon sa `kin. Ilang minuto rin ng pag-uusap at interview ay nalaman ko rin ang pangalan nila.
Ried Falcon in Black shirt.
Redwell Falcon in White shirt.
Radier Falcon with no shirt.
The Three ‘R’ cousins.
At ang history ng pagsasama nila sa iisang bubong? Well, `di ko pa alam. Iyon ang gagawin ko kasi etchosera ako. At ngayon ay ito muna ang gagawin ko.
“Tita!” Kulang na lang ugat sa leeg at mukha, magmumukha na akong si Hulk. Tinawagan ko si Tita matapos nila akong ma-interview.
“O, napatawag—”
“Talagang tatawag ako! Ano bang klaseng amo itong binigay mo? Akala ko ba all girls? `Pag nalaman `to nina Papa, siguradong pauuwiin ako riyan—”
“Sshh... kaya nga shut up ka na lang, okay? At least, ngayon may trabaho ka na. Kung sinabi kong lalaki lahat ng amo mo, sa tingin mo, papayagan ka ng Papa mo?”