"Hoy! Napanood mo ba yung live game kanina?" tanong ni Lenor kaya gulat akong napatingin sa kaniya.
"N-nakalimutan ko." saad ko. Bakit ko ba nakalimutan yung live?
"Nakalimutan mo?! Sinasabihan kita ng paulit-ulit dahil pareho nating paborito yung team!" saad niya. Nandito kasi siya sa kwarto ko.
Napatingin ako kay Jaz na kakapasok lang dahil tumambay siya doon sa kusina para kumain ng niluluto ni Yaya Lia.
"Anong nangyari?" tanong ni Jaz.
Kasalanan kasi nung babaeng yun ang lahat. Bakit ko nga ba sinayang ang oras ko sa kaniya? Hindi ko nga dapat pinagpapalit ang live game sa kagaya niya.
"Ito kasi! Hindi niya pinanood yung game kanina!" saad ni Lenor.
"Edi panoorin niya yung replay." saad ni Jaz.
"Mas maganda kasi kapag pinapanood mo sa oras talaga ng game nila!" reklamo ni Lenor.
"Eh bakit ba?" saad ko. "Ngayon lang naman ako nakalimot ah."
"Yun na nga, ano bang ginawa mo kanina at nakalimutan mo." saad ni Lenor.
"May pinuntahan lang ako." saad ko.
"At saan naman?" tanong ni Lenor.
"Basta."
"Bakit ba kailangan mo pang malaman?" nagtatakang tanong ni Jaz.
Good thing, nandito si Jaz. Yung dalawa kasi may exam daw sila bukas kaya busy.
Napatingin ako cellphone ko nang umilaw iyon. Tinignan ko iyon at may nagtext.
From: Crazy Girl
Nakauwi ka na ba?
Nagreply naman ko ng 'oo' dahil baka kapag hindi ako nagreply ay baka kulitin nanaman niya ako.
"Palagi mo na lang kinakampihan si Heros! Paano naman ako, Jaz ha?" nagdadrama na saad ni Lenor.
"Umuwi na nga kayong dalawa." saad ko.
"Ayaw!" saad naman ni Lenor.
"Tara na umuwi na tayo!" saad ni Jaz at hinahatak si Lenor.
"Panoorin mo yung replay, ha!" saad ni Lenor bago makalabas ng kwarto ko.
Yun nga ang ginawa ko, pinanood ko ang replay ng laro kanina.
Nang matapos ang laro ay humiga na ako para matulog dahil na rin sa pagod siguro kaya ako inaantok ngayon.
Kinabukasan paggising ko ay tinignan ko ang sarili ko sa salamin.
"Ihanda mo ang sarili mo sa pangungulit ng babaeng yun. Habaan mo pa ang pasensya mo, Heros." saad ko sa sarili.
Nag-asikaso na ako, naligo at nagbihis ng pampasok.
Pagkatapos ay kinuha ko na ang bag ko para bumaba na.
"Oh anak! Ang gwapo naman ng anak ko." ngiting saad ni Mommy.
"Good Morning, Mom." bati ko sa kaniya.
"Syempre mana sa'yo." natatawang saad naman ni Yaya Lia. Natawa naman kaming pareho ni Mommy.
"Good Morning po Yaya Lia." ngiting saad ko kay Yaya.
"Good Morning din, Heros." ngiting saad ni Yaya.
"Oh umupo na kayo." saad ni Mommy sa amin.
Sumunod naman ako at nilagay na ang bag sa tabing upuan.
"May girlfriend ka na ba?" tanong ni Mommy sa akin. Sakto pang umiinom ako ng tubig.
"Mommy, wala po." nakakunot na saad ko. Natawa naman si Mommy.
"Okay." saad ni Mommy. Napatingin naman ako sa kanilang dalawa na pasimpleng tumatawa.
D-don't tell me, alam nila?
Hindi na ako nagsalita pa. Pagpasok ko sa school ay nakita ko si Jaz at si Lenor kasama na ang dalawa na si Hayme at si Xy.
"Bro!" sigaw nila. Naglakad lang ako palapit sa kanila.
"Ano? Kailan tayo maglalaro? Mamayang uwian game?" tanong ni Lenor.
"I want, but I can't." saad ni Xy habang nagbabasa pa rin ng libro.
"Bakit naman?" tanong ni Lenor.
"May exam rin kami tomorrow." sagot naman ni Hayme. Magkaklase kasi sila kaya.
"Tara na sa loob, sa weekend na lang." saad ko naman. Inakbayan naman ako ni Lenor at si Jaz naman ang inakbayan ko. Si Lenor naman ay inakbayan na rin si Xy na nagbabasa pa rin. Si Hayme ay nauunang maglakad.
Napalingon ako sa paligid dahil baka may tumitingin nanaman sa akin at mangungulit na babae. Buti naman wala.
Is it a miracle? Araw-araw kasi noon ay palagi ko siyang nakikita kapag dumadaan kami papunta sa Building namin.
Naghiwa-hiwalay na kami dahil magkakaiba kami ng course. Si Lenor ay mag-isa sa course niya na Law. Si Jaz at ako naman ay parehong I.T. Si Hayme at si Xy ay parehong meds student.
Magkatabi kami ni Jaz pero pareho lang kaming tahimik na nakikinig. Kabisado ko naman na yung tinuturo nila.
Napatingin lang ako sa bintana pero naririnig ko pa rin ang boses ng Professor namin na nagde-demonstrate sa harapan.
Ano bang course nung babaeng yun? Hindi ako sigurado sa course niya. Ang alam ko, BSBA ba yun?
Napailing ako dahil hindi ko na masyadong matandaan.
Napalingon naman ako kay Jaz na nagdo-drawing. Isang batang babae yun na hindi ko alam kung sino. Hindi na ako nagtanong pa dahil baka kakilala niya lang iyon.
Nang matapos ang isang klase namin sa araw na ito ay agad akong tumayo para pumunta ng Canteen.
Napalingon ako kay Jaz na tumatakbo sa likuran ko. Hinahabol niya ako. Napahawak siya sa bag ko kaya napahinto ako.
"Bakit ba nagmamadali ka?" tanong niya.
"Gutom na ako." saad ko.
"Pero dapat nagsabi ka." napapailing na saad niya. Tinapik ko lang siya balikat at naglakad na ulit. Medyo binagalan ko na para makahabol siya.
Napalingon ako sa paligid kahit na hindi ko alam kung bakit lumilingon ako.
"May isa pa tayong klase mamaya noh?" tanong ni Jaz.
"Oo." sagot ko.
Napalingon naman ako sa gilid ko nang marinig ko ang pangalan na Devi.
Nagtataka man si Jaz ay pinauna ko na siya. Pumunta na siya sa Canteen para mag-save ng seat.
"Hindi pumasok si Devi?" tanong nung lalaki.
"Hindi eh, bakit ba hinahanap mo? Crush mo noh?" tanong nung isang babaeng parating kasama ni Devi.
"Hoy hindi!" yun lang ang sinagot nung lalaki.
"Aminin mo na kasi. Pero sorry ka, may gustong iba yun. Wala kang pag-asa kay Devi." saad nung babae.
Agad na akong naglakad paalis nang magwalk-out yung lalaki.
Hindi siya pumasok, kaya pala hindi ko siya nakikita. And hindi ko naman maitatanggi na maganda naman siya. Pero hindi ko siya gusto. You know, I'm just describing her.
Nang makaupo ako sa loob ng canteen ay nandyan na yung order ni Jaz.
Umorder na rin ako ng akin.
"Mukhang malungkot ka ah." natatawang saad ni Jaz nang makabalik ako sa upuan.
Kumunot naman ang noo ko.
"What?" tanong ko.
"Mukhang bad mood ka, may nangyari ba? Hindi mo ba nakita yung crush mo?" natatawang saad niya.
"Hindi ko siya crush noh!" sigaw ko kaya napatingin sa amin ang tao na kalapit na table.
"Bakit napakadefensive mo? nagbigay lang naman ako ng example. Wala naman akong tinutukoy ah. Metaphor lang yun!" natatawang saad ni Jaz.
"Wala akong crush. Pambata lang yun alam mo ba?" saad ko. Natawa naman siya habang umiiling.
"Ako nga rin eh, hindi ko nakita yung babaeng matagal ko nang gusto." saad niya.
"Ipakilala mo sa amin 'yan kapag naging kayo na ah." natatawang wika ko.
"Ayoko, baka agawin niyo. Maganda siya, matalino, mukhang masungit pero makulit siya." ngiting saad niya.
"Iba na 'yan pare." natatawang ani ko. Nakangiti lang siya habang kumakain. Kung 'yan ang nagagawa ng taong inlove, huwag sanang mangyari sa akin.
"Kuya!" rinig kong malakas na sigaw.
"Subukan mong awayin ulit ang kapatid ko! Hindi lang 'yan ang aabutin mo. Naiintindihan mo ba?!" rinig kong sigaw kaya napalingon na kami.
"Kuya Deiz." saad nung babae, yung babae kanina na nagsabi doon sa lalaki kung crush ba nun si Devi.
"Trish! Bakit hindi niyo sinabi sa akin ni Devi na binubully kayo nito? Kung hindi pa sinabi sa akin nung kaibigan ko. Hindi ko malalaman." saad nung lalaki na gumagawa ng gulo.
"Malalaman ko lang na sabihan mo pa ulit ng maduduming salita ang kapatid ko, sa rehas ka na didiretso. Huwag na huwag mong babastusin ulit si Devi, naiintindihan mo?!" sigaw niya kaya agad na tumango yung lalaki.
"Si Devi nasaan?" tanong nung lalaki habang galit na galit pa rin.
"P-po? H-hindi ko po alam." saad nung Trish.
"Hindi pumasok si Devi?" tanong nanaman nung lalaki. Umiling lang yung Trish at galit na galit pa rin na lumabas yung lalaki kasunod naman niya yung tingin ko kaibigan ni Devi.
"Buti naman at nakatikim na 'yan ng sapak." saad ni Jaz kaya napalingon ako sa kaniya.
Nakatitig lang ako sa pagkain ko at muling tumingin doon sa medyo malayo na table.
Sino siya para mambastos ng babae? How dare him.
"Hoy ang sama ng tingin mo! Kain na." saad ni Jaz kaya naman bumalik ang tingin ko sa pagkain ko.
Masama ang tingin? Tss.