Kinakabahan si Xiara sa ginawa pero hindi na niya ito maibabalik pa. Pumasok na siya sa loob at nagpakita kay Leo kaya siguradong wala na itong atrasan pa. Alam niyang hahanapin ni Leo ang kuwintas na nakita niya kaya pumunta na kaagad siya sa ospital kinaumagahan.
"What? You can't speak again? Wow! 'Yan talaga siguro ang sakit mo. You 're helpless," mapang-asar na sabi ni Xiara nang hindi sumagot si Leo sa sinabi niya.
Alam niyang nagulat ito at maging siya ay hindi rin alam kung saan kinuha ang mga sinasabi niya. Parang may sariling buhay ang bibig niya at wala itong preno sa pagsasalita.
"If you are not interested with this," muling iniangat ni Xiara ang kuwintas na hawak, "I will leave. No address and cellphone number. Bye-bye," mapang-asar na sabi niya.
Sa sinabing iyon ni Xiara ay doon bumalik ang diwa ni Leo. Kaagad niyang tiningnan ang kuwintas at tama nga ang hinala niya, ang babaeng nasa harapan niya ngayon ang dahilan ng pagkawala nito. Hindi siya nagkamali. At talagang umaayon sa kaniya ang kapalaran dahil ito na mismo ang kusang lumapit.
"Ibigay mo sa akin 'yan," mariing giit niya.
Bahagyang tumawa si Xiara sa narinig. Muli niyang mapang-asar na tiningnan sa mata si Leo. Nakipagtitigan siya rito at hindi niya maiwasang matawa sa ikinikilos ng lalaki. Para itong isang bata na ninakawan ng candy.
"Wow, ang bossy mo naman. Why don't you thank me first for keeping it? What if hindi ko ito nakuha? What will happen, Leo?" makahulugang tanong niya habang pinapasadahan ng tingin si Leo at ang kuwintas na hawak.
Hindi na napigilang makaramdam ng pagkainis si Leo dahil sa ginagawa ni Xiara. Pinagtitinginan na sila ng mga staff ng ospital at mga pasyente pero tila hindi na ito alintana ng dalawa. Tila may mga sarili silang gustong patunayan sa isa't isa.
"Just give it back to me. Hindi sa iyo 'yan," pangangatuwiran ni Leo.
Ngumisi nang nakakaloko si Xiara dahil halatang kanina pa nagpipigil ng galit ang lalaking kaharap niya. Gusto niyang matuto itong maghintay at magpasalamat. Madalas kasing tahimik si Leo at hindi marunong rumespeto.
"What if I don't? This isn't special to me anyway, so I can just throw it away without thinking. Sounds good, right? What are you gonna do, Leo?" muling tanong ni Xiara rito.
Hindi na napigilan ni Leo ang sarili at mabilis na lumapit papunta sa kinaroroonan ni Xiara. Naiinis na siya rito. Gusto niya lang naman makuha ang kuwintas pero ang dami pa nitong sinasabi. Pinaglalaruan pa siya.
"Go ahead. I'll make sure na magiging miserable ang buhay mo. Hindi mo ako kilala. Hindi mo gugustuhin makalaban ako," naninindak na sabi si Leo.
Sa halip na makaramdam ng takot ay bahagya pang ngumisi si Xiara. Alam niyang hindi siya nito kayang saktan ngayon dahil maraming taong nakatingin. Wala itong ibang magagawa laban sa kaniya.
"I will give it to you on one condition," diretsong sabi niya.
Bahagyang natigilan si Leo sa narinig. "Ano naman 'yon?" nagtatakang tanong niya.
Unti-unting tumingkayad si Xiara para maabot ang mukha ni Leo. Kaunting distansya na lang ang pagitan ng labi nila at naririnig ni Xiara ang mabibigat na buntong-hininga ng lalaki. Saglit niyang pinasadahan ng tingin ang mukha nito bago lumihis at bumulong sa tainga ni Leo.
"Date me," maikli ngunit mariing giit ni Xiara.
Mabilis na napaatras si Leo dahil sa narinig. Hindi niya ito inaasahan. Pakiramdam niya ay muling bumilis ang pagtibok ng puso niya. Matagal na noong huli niya itong maramdaman kaya hindi agad siya nakasagot.
"Hindi ka na naman nagsasalita. Hobby mo ba talaga iyan? If you can't do my condition, I will leave now," mapang-asar pang sabi ni Xiara nang matulala si Leo dahil sa sinabi niya.
"A-Are you out of your mind?" hindi makapaniwalang tanong nito sa dalaga.
Hindi niya alam kung bakit ito ang hinihinging kondisyon ng babae. Wala siyang ideya na may taong malakas ang loob na magsasabi sa kaniya ng bagay na 'yon.
"Just date me twice, and I'll give your necklace back. Win-win situation, right? Gusto kitang makilala, Leo," mariing giit ni Xiara.
Mas lalong tumitindi ang tensyon sa paligid at dumarami na rin ang mga pasyenteng nanonood. Naroon na rin ang director subalit sa halip na pigilan sila ay nanonood lang ito. Gusto niyang makita kung anong gagawin ng anak niya.
"May sentimental value ang necklace na 'yan. Ibigay mo na sa akin, please," nagmamakaawang sabi nito.
Mahigpit na hinawakan ni Xiara ang kuwintas at mabilis itong ipinasok sa bag niya. Walang nagawa si Leo kung hindi tingnan ang kuwintas na pinakaimportante sa kaniya. Kung p'wede niya lang sana itong hatakin mula sa babae pero natatakot siyang baka masira o maputol ito.
"It's my one and only condition. Kung hindi mo kaya, problema mo na 'yan. Bye-bye," mapang-asar na sabi ni Xiara at akmang tatalikod na para umalis nang pigilan siya ni Leo.
"Wala na ba talagang ibang pagpipilian? Hindi ba sapat ang thank you?" nagtatakang tanong ni Leo.
Nagbabakasakali siyang pumayag si Xiara pero malabo itong mangyari. Desidido na ang babae sa gusto nitong mangyari.
"It's either yes or no. Depende sa sagot mo kung anong mangyayari sa kuwintas mo. Think, Leo. I will wait for your answer," sagot ni Xiara bago tuluyang tumalikod.
Nakakadalawang hakbang pa lang ito nang muling magsalita si Leo. Nagpakawala muna ito ng malalim na buntong-hininga bago magsalita na tila napag-isipan na niya ang isasagot.
"Sandali, may desisyon na ako. Mag-date tayo at ibabalik mo sa akin ang kuwintas ko. Pumapayag na ako," bulalas ni Leo habang nakatingin kay Xiara.
Bahagyang nagulat ang lahat ng mga nanonood sa isinagot ni Leo. Hindi nila ito inaasahang mangyari. Samantala ay mabilis naman humarap si Xiara at matamis na ngumiti sa lalaki.
"Good choice. You will never regret this. I'll make sure na titigilan na kita after this," nakangiting sabi niya.
Naghiwayan ang mga nanonood dahil sa tingin nila ay may magandang chemistry ang dalawa. Umaasa silang may mabubuong magandang samahan sa pagitan nina Leo at Xiara. Magandang simula ito kung magkataon.
"Dalawang date lang, 'no?" naniniguradong tanong ni Leo.
Bahagyang tumawa si Xiara sa tanong nito. Hindi siya makapaniwalang tatanungin talaga ni Leo kung ilang beses siyang lalabas nang magkasama.
"Yes. Two dates. Unless gusto mo pang dagdagan. Ayos lang naman sa akin," nang-aasar pang sabi ni Xiara.
Naiinis lang sìyang tiningnan ng lalaki. "Masyado pang maaga para managinip ka. Hindi ako interesado sa iyo," mariing giit niya.
Umaasa siya na marunong sumunod sa usapan si Xiara at ibabalik nito ang kuwintas pagkatapos ng dalawang date. Akmang tatalikod na si Leo para bumalik sa kuwarto niya nang pigilan siya ni Xiara.
"Where do you think you 're going?" nagtatakang tanong nito sa kaniya.
"Sa kuwarto ko. Alangan namang pumunta ako sa bahay niyo," sarkastikong sagot ni Leo.
Mabilis namang tumakbo si Xiara papalapit sa kaniya. Para silang nasa isang soap opera at talagang nasisiyahan ang mga nanonood dahil sa nangyayari.
"Umayos ka nga. Today is our first date. Fix yourself, and I'll be waiting for you here. It's nine o'clock in the morning so marami pa tayong oras para mag-date," mariing giit ni Xiara na kaagad ikinagulat ni Leo.
Saglit siyang nakipagtitigan sa babae pero ilang segundo lang ang lumipas ay sumuko na siya. Labag sa loob na pumasok si Leo sa elevator papunta sa kuwarto niya para magbihis. Naalala niya na kanina ay hindi na siya nakapag-ayos ng sarili at basta na lang nagsuot ng T-shirt at jeans.
Pagkatapos pumasok sa elevator ni Leo ay mabilis ding umalis ang mga pasyente at nurse na nanonood sa kanila. Bumalik na ito sa kani-kanilang ginagawa. Samantala, naiwan ang direktor para kausapin si Xiara.
"Miss Xiara, right? P'wede ba kitang makausap kahit sandali?" magalang na tanong nito kay Xiara.
Mabilis na humarap ang dalaga sa kaniya at ngumiti ito. "Masyado naman po kayong formal kung magsalita. You can just call me Xiara," nagbibiro pa niyang sabi.
Sumenyas ang direktor na lumabas sila ng ospital. Kaagad namang sumunod si Xiara kahit na wala siyang ideya kung anong sasabihin nito sa kaniya. Saka lang tumigil sa paglalakad ang direktor nang makarating sila sa garden.
"What's your plan for my son? How long will you stay in his side?" diretsong tanong ng direktor.
Bahagyang nagulat si Xiara sa tanong nito. Hindi niya inaasahang ito ang gustong pag-usapan ng direktor kaya siya isinama sa garden.
"My plan?" naniniguradong tanong niya.
Tumango ang lalaki bilang pagsang-ayon dito. "Yes, your plan. Hindi ka naman pupuntang ospital at yayayain siyang makipag-date para lang sa wala," sabi pa nito.
Natigilan si Xiara. Hindi niya alam kung paano ito sasagutin. Hindi rin pumasok sa isip niya na kailangang may plano muna siya bago gawin ang bagay na 'yon kay Leo.
"I need to know your intentions. You know my son, he's already experiencing too much pain. Ayoko nang madagdagan pa ang paghihirap niya," mahinang sabi nito habang pabalik-balik na naglalakad sa harapan ni Xiara.
Saglit na nagpakawala ng buntong-hininga si Xiara bago sumagot. Hindi niya alam kung dapat niya ba itong sabihin pero mukhang kailangan na.
"I know that he's in pain. That's why I'm doing this. Gusto ko ulit makitang ngumiti si Leo. He deserves to be happy. I'm hoping that two dates will be enough to make it happen," mariing paliwanag niya sa direktor.
Kaagad na ngumiti ito matapos marinig ang sinabi ni Xiara. "That's good. I'll give you my permission. Do whatever you need to do para maibalik ang masayahin at mapagmahal kong anak na si Leo," nakangiting sabi niya habang bakas ang matinding sakit sa kaniyang mga mata.