There are times when love becomes an obsession and turns into control. Kapag ang partner mo ang siyang nagdidikta sa lahat ng mga gagawin mo. Di ba nakakasakal iyon? Kasi pakiramdam mo hindi ka kasali sa lahat ng decision making sa relationship niyo. At siya lagi ang nasusunod sa inyo.
Mas importante ang sinasabi ng partner mo kesa sa sasabihin mo. On that part you lost being in love in that person. Nawawalan ka ng gana sa kanya. Kaya nawawala ang pagmamahal mo sa kanya.
Minsan pa dahil sa pagiging obsessed ng partner mo nawawalan siya ng tiwala sayo. Pakiramdam niya may ginagawa kang mali na hindi niya nakikita.
Leigh Vicencio - minahal ko si Parker simula nuong first year high school pa lamang ako. Naging stalker niya ako nuon. Hanggang sa naging kami. Siguro dahil sa pagpipilit ko na mahalin din niya ako. Pero bakit kailangan niya akong iwan?
Parker Sean Nicholson - I love Leigh more than I love myself. Lahat tiniis ko dahil sa mahal ko siya. Kahit pride ko natatapakan na niya. But why she cant trust me?
Before Nine Years Ago
"Leigh, andito ka na naman. Nagcutting clasess ka ba?" tanong ni Cash isang fourth year high school sa isang private school na Nicholson International School.
Napakamot naman sa ulo si Leigh nang mahuli sa akto na sumisilip sa building ng mga fourth year student.
"May klase. Pero break time namin ngayon" hindi naman siya nagsisinungaling nuong sinabi niya na may klase pa sila. Dahil meron naman talaga. Ang hindi lang totoo ay break time nila.
"It's only ten o'clock in the morning. Ang aga niyo namang nagbreak" sabi ni Cash na tinitingnan ang wrist watch niya.
Napakagat ng labi si Leigh.
"Bawal ba akong pumunta dito? Pakialamero ka talaga"
"Hindi naman pero oras ng klase, Leigh. Inuuna mo pa ang pagsilay mo sa crush mo kesa sa pag aaral mo" sermon ni Cash. At pinagmamasdan si Leigh na inis na inis sa kanya.
Napabuga ng hangin si Leigh. Saka nameywang.
"Isusumbong kita kay Ate. At sasabihin kong huwag kang sagutin" pananakot niya kay Cash.
Palagi kasing magkasama sina Louie at Cash at lagi ding pumupunta sa bahay nila. Kaya ang alam niya ay nanliligaw ito sa kapatid niyang si Louie.
"Hey! Hindi ko naman nililigawan ang Ate Louie mo. Friends lang kami. At may iba akong gustong babae" pagtatama ni Cash. Napairap naman si Leigh dahil dito.
"Heh! Bahala ka sa buhay mo. Sinisira mo pa ang plano ko" saka akmang aalis na papunta sa classroom ng Section 4-A. Ito ang highest section sa fourth year. Lahat ng nasa section na ito ay matatalino, including Cash.
Hinawakan ni Cash si Leigh sa braso para pigilan sa pagpunta doon. Alam naman niya kung bakit andito si Leigh. Gusto nitong makita si Parker na kaklase niya. Ang crush ni Leigh.
"Samahan mo na lang ako sa canteen. Tutal sabi mo break time niyo" pilit nitong aya kay Leigh at hindi binibitawan ang braso ng dalaga.
"Ayoko, busog pa ako!" mariing tanggi ni Leigh. And she rolled her eyes.
"Sasama ka o sasama ka?!" nanlilisik ang matang tanong ni Cash.
"Nagtanong ka pa. Wala namang choices!" inis na sabi ni Leigh.
"Exactly. Dahil wala kang choice kundi ang sumama sa akin" sambit ni Cash at hinila na si Leigh para pumunta sa school canteen.
Magpupumiglas pa sana si Leigh pero ang higpit ng hawak ni Cash sa braso niya. Wala na siyang kawala pa kay Cash. Kaya nagpaubaya na lamang siya.
Nanlulumong bumagsak ang mga balikat ni Leigh. Hindi siya nakasilay. Dalawang araw pa naman ang hinintay niya para lamang makita niya ang ultimate crush niyang si Parker. Pero sinira lang ni Cash.
"Nakakainis!" galit na sabi ni Leigh sa sarili.
Leigh Vicencio, she is a first year high school student sa NIS. Nasa lower section siya dahil bolakbol at hindi desidido sa pag aaral.
Kababata ng Ate Louie niya si Cash Hunter Angeles. At kaibigan din ng nakakatandang kapatid ni Leigh. Pero laging inaasar ni Cash si Leigh.
While Parker Sean Nicholson a fourth year high school student at ito din ang ultimate crush ni Leigh. Hindi lang si Leigh ang nagkakagusto sa binata. Maraming estudyante ang gustong magpapansin dito. Pero hindi iyon pinapansin ng binata dahil focus siya sa pag aaral. Dahil balang araw ay mamanahin niya ang NIS.
Pag aari ng mga Nicholson ang NIS na pinapasukan nila Leigh, Parker at Cash. Habang si Louie ay pinili na mag aral sa isang Public School. Siyempre dahil sa taas ng tuition fee ng NIS. Hindi kasi mayaman ang pamilya nila Leigh. Dahil sa pagpipilit ni Leigh sa parents niya kaya siya nakapasok sa NIS.
Narinig ang pagtunog ng bell sa buong eskwelahan. At lahat ng mga estudyante ay kanya kanya na ng labas ng classroom. Sumapit ang uwian na hindi nakikita ni Leigh ang crush niya. Kaya nakaface palm siya na nakaupo sa desk niya.
"Leigh, hindi ka pa ba tatayo diyan? Uwian na, oh" tanong ni Sandra sa kaibigan.
"Sandra, damayan mo naman ako, oh. Broken hearted kasi ako" malungkot na sabi ni Leigh.
"Hindi mo lang nakita si Parker, broken hearted ka na agad. Bakit kayo na ba?"
"Malapit na" sagot ni Leigh na namumungay ng mata.
"On your dreams, sissy. Halika na umuwi na tayo at ikain mo 'yan. Gutom lang 'yan, eh" birong sabi ni Sandra sa kaibigan.
Napilitan na ding tumayo si Leigh. At sabay silang magkaibigan na lumabas ng classroom nila.
Palabas na sila sa gate ng school nang mapansin ni Leigh ang lalaking nakasandal sa kotse nito. Napatakip ng bibig si Leigh dahil pinipigilan niya na tumili. Kanina pa siya atat na ata na makita ito. Tapos dito lang pala sa labas ng school niya makikita.
Nanlalaki ang mga mata na humawak si Leigh sa uniform ng kaibigan.
"San, si Parker ko! Andiyan sa labas" gusto niyang tumili pero nahihiya siya dahil marami ang makakarinig sa kanya. Kaya tumili siya nang walang boses na parang ewan.
Siniko naman ni Sandra ang kaibigan.
"Hoy, para kang sira ulo" sabi nito kay Liegh. Natigilan si Leigh sa sinabi ng kaibigan at hinarap ito.
"Hindi pa sira ang ulo ko. Nagmamahal lang ang puso ko" katwiran ni Leigh.
"Leigh, first year pa lamang tayo. Paano mo nalaman na love na 'yan?"
"Basta, hindi na crush to. Mahal ko na siya"
"Ewan ko sayo. Kung tatayo ka na lamang diyan. Iiwanan na lang kita" inis na sabi ni Sandra at nauna nang maglakad. Hinabol naman ni Leigh ang kaibigan niya. Pero nang mapadaan sa harap ni Parker ay nagpacute pa muna siya.
"Hello Parker" malaki ang ngiting bati ni Leigh. Hindi gumanti ng bati ang binata sa halip ay tiningnan niya ito mula ulo hanggang paa. Saka pumasok sa loob ng kotse niya.
"Tsk. Another desperate student!" inis na sabi ni Parker sa sarili. Ayaw niya ng atensyon pero hindi maiwasan dahil siya ang tinaguriang campus crush. Pero na kay Denise lang ang atensyon niya at wala ng iba.
Denise Montecillo, third year high school student at nililigawan ni Parker. Nangako ito kay Parker na sasagutin siya sa birthday ng dalaga. Kaya ginagawa ni Parker ang lahat para lamang mapasagot si Denise.
Nang makita ni Leigh na hindi siya pinansin ay nagdadabog na naglakad na siya pauwi sa bahay nila. Walking distance lang ang bahay nila sa eskwelahan. Pero lagi niyang kasabay si Sandra sa paglalakad tapos ay sasakay na lang ito ng jeep sa paradahan na malapit sa bahay nina Leigh.
Natatawa naman si Sandra sa inaasta ng kaibigan niya. Ultimate crush ni Leigh si Parker kaya alam nitong masama ang loob ng kaibigan niya sa crush nito.
Halos lahat ng estudyante ng NIS ay alam na crush ni Leigh si Parker. Bulgaran kasi kung magpakita ng motibo ito ng pagkagusto kay Parker. Si Parker na lang ang pilit na umiiwas dito. Dahil sa pagiging desperada at palaging na kasunod sa kanya.