JEAN'S POV
SABADO ngayon, walang pasok. Niyaya ako ni John pumunta sa mall. Dalawang linggo na ang nakakalipas mula ng maging 'kami'. 
"Nak, may napapansin ako sa yo. Nitong mga nagdaang araw parang ang saya mo lagi, laging nakangiti at laging masigla." puna ni nanay habang ako'y nagbibihis.
"Bakit nay, ayaw nyo po ba na lagi akong masaya?" pamimilosopo ko.
"Hindi naman sa ganun anak, naninibago lang ako. Sa totoo lang gusto ko yan. Teka maiba ko, san ba punta nyo ni John? Kasama nyo ba mommy at daddy nya?" pag-uusisa ni nanay.
"Hindi po nay si ate Juvy po kasama namin at si tatay po ang magmamaneho. Sa mall po kami pupunta." sagot ko habang sinusuklay ko ang mahaba kong buhok.
"O sya bilisan mo na dyan baka naiinip na si John kahihintay sa yo. Mag-iingat kayo ha." bilin ni nanay.
"Opo nay, alis na po kami" paalam ko kay nanay sabay halik sa kanyang pisnge.
Pagpunta ko sa sala ay nandoon na nga si John. Napakagwapo nya sa suot nyang polo at pantalon na maong. Lumapit sya agad sa kin nang makita nya ako.
"Ang ganda mo." bulong nya sa kin.
Biglang nag-init ang mukha ko dahil sa sinabi nya. Hahawakan nya sana ang kamay ko, mabuti na lang at naiiwas ko agad ito at pinandilatan ko sya ng mata. Nakuha nya naman agad ang ibig kong sabihin.
PAGdating namin sa mall ay deretso kami agad sa arcade. Naglaro kami ng iba't ibang games. Habang naglalaro kami, si ate Juvy ay nasa videoke booth. Binilinan nya lang kami na wag lalabas ng arcade. Kaya pag may pagkakataon ay pasimpleng hinahawakan ni John ang kamay ko na sya namang kinakikiligan ko. Pinakapaborito naming laro ay ang shooting game at ang dance revolution.
"Wow! John ha magaling ka pala sumayaw." puri ko kay John.
"Ikaw din kaya. Tignan mo nga ang taas ng score natin" turo nya sa screen.
"Napagod ako dun ah. Di ka pa ba nagugutom?" tanong ko kay John.
"Gutom na, pero bago tayo kumain, laro muna tayo neto." turo nya sa claw machine.
"Okey sige pero hindi ako marunong nyan. Ikaw na lang panonoorin na lang kita."
"Pili ka, what do you want? Itong teddy bear o itong hello kitty? Ako bahala kumuha ng gusto mo." pagmamayabang ni John.
"Wow confident ha, pano pag di mo nakuha?" 
"O sige ganito na lang, pag nakuha ko ikikiss mo ko pag hindi ikikiss kita. Payag ka?" sabay ngisi nya.
"Teka bakit parang pabor sa yo pareho? Ang daya mo naman! Ganito na lang , pag nakuha mo kiss kita, pag hindi ililibre mo ko. Payag ka?" ako naman ang panalo sa mga consequences na to.
"Okey deal!"
Inumpisahan na nyang maghulog ng token. Unang subok pa lang ay kinakabahan na ko. Halos hindi kami kumurap pareho. At hindi nagtagal ay nakuha nya ang teddy bear na tinuro ko. 
"Yes!" sigaw nya. "Pano ba yan? Kiss mo na ko dali!" pinahaba nya nguso nya sabay pikit ng mata. Ako naman ay nagpipigil ng tawa dahil sa ginagawa nya.
"Ha!ha!ha! hoy John dumilat ka nga bka mamaya makita tayo ni ate Juvy isumbong pa tayo nun." palusot ko.
"Asan ang kiss ko? Ang daya mo naman eh." sabay simangot nya.
"Ano ka ba? Tutupad naman ako sa usapan pero hindi ngayon at hindi dito baka mamaya may makakita pa sa tin isumbong pa tayo.
MABILIS na lumipas ang mga araw, linggo, at buwan. Naging masaya kaming dalawa ni John dahil lagi kaming magkasama sa school at sa bahay. Madalas na din kaming sabay gumawa ng mga assignments namin. At dahil siguro inspired kami pareho ay tumaas ang mga grades namin na ikinatuwa syempre ng mga parents namin. Sa totoo lang ay nakakahalata na ang mga parents namin dahil mas lalo kaming naging close na dalawa ni John. Pero since mga bata pa kami ay todo deny lang kami tuwing tinatanong nila kami. 
Linggo ng hapon ay nadatnan ko sa garden si John. "Hi!" bati ko sa kanya. "mukhang malalim ata iniisip mo ha." 
"Ha? Hindi naman ineenjoy ko lang ang fresh air." tumayo sya at lumapit sa bandang kaliwang bahagi ng inuupuan nyang bench kung saan madaming nakatanim na mga rosas.
"Para sa yo Jean" inabot ni John sa akin ang isang kulay pulang rosas. 
"Salamat, okey ka lang ba? Para kasing ang lungkot ng mga mata mo eh" puna ko sa kanya.
"Hindi ah bakit naman ako malulungkot eh kasama kita. Alam mo bang ang pinakamasayang araw ko ay ang mga araw na kasama kita. Kung pwede nga lang na pahintuin ang mga araw para mas matagal pa tayo magkasama." kita sa mga mata niya ang lungkot.
"Ano bang sinasabi mo? E lagi naman tayo magkasama ha. Teka, bakit ganyan ka magsalita? Aalis ka ba?" puno ng pagtatakang tanong ko kay John.
"Hay naku, wag mo na nga lang akong pansinin. Maalala ko nga pala, may utang ka pa sa kin ha."
"Ha? Anong utang? Hindi naman ako umuutang sa yo ah" pag-uusisa ko.
"You forgot already?? Well, ipapaalala ko sa yo. Remember nung nag arcade tayo months ago, di ba sabi mo pag nakuha ko yung teddy bear na gusto mo sa claw machine ay ikikiss mo ko?" sabay kindat nya at hila ng kamay ko papunta sa tagong lugar ng garden.
"Baka may makakita sa tin dito" kinakabahan kong sabi sa kanya.
"Don't worry walang pumupunta dito. Natatakpan tayo mg mga halaman oh.". turo nya sa matataas na halaman. "Wag kang kabahan Jean ako bahala sa yo." hinawakan nya ang dalawang kamay ko na syang nagpakalma sa kin.
Sa totoo lang ay sobrang bilis ng tibok ng puso ko. Kinakabahan ako na kinikilig na sobrang excited. Ewan ko ba, bahala na.
"Nahihiya ako e, pikit ka muna. Wag kang didilat hangga't di pa kita nakikiss ha." request ko sa kanya.
"Okey i'm waiting." pinikit nya ang mga mata nya.
Dahan-dahan kong nilapit sa pisngi nya ang nakatulis kong nguso. Pumikit din ako dahil kinakabahan pa din ako. Pag lapat ng nguso ko ay malambot na labi ang naramdaman ko. Bigla akong dumilat at nagulat ako ng magkadikit ang labi naming dalawa ni John. 
"John!!! kainis ka, anong ginawa mo?" inis na tanong ko.
"Ano pa, eh di kiniss ka." hinila nya ko palapit sa kanya at niyakap ng mahigpit. Gumanti din ako ng yakap sa kanya. 
"Jean mahal na mahal kita. Pangako ko sa yo wala akong ibang mamahalin kundi ikaw lang. When we become adults, pakakasalan kita." seryosong sabi nya habang magkayakap kaming dalawa.