***Sa Bahay***
"Ma!" tawag ko kay mama pagkarating namin ni Nelly sa bahay
"O bakit anak?" malakas na sagot ni mama papasok ng bahay
"May sasabihin daw sa inyo si Nelly"
"Anjan si Nelly? Aba ay bumili ka ng miryenda doon sa tindahan" utos ni mama.
"Hi Tita Ellissa. Maglalambing po sana ako sayo" bati ni Nelly
"Ano po kasi--"
Yun nalang ang narinig ko dahil lumabas na ako papuntang tindahan. Sinadya ko na lumabas agad habang nagpapaalam si Nelly. Baka madisappoint lang ako sa maririnig ko. Dahil mejo malapit lang ang tindahan sa amin ay natanaw ko na agad ito.
"Aling Nena pabili nga pong 1.5 na Coke at isang balot na Lemon's Square Cheesecake"
"175 pesos lang Neng"
"Eto po" sabay abot ko ng bayad kay Aling Nena
Habang nasa daan ako pabalik ng bahay ay kabang-kaba ako. Alam ko kasing hindi ako papayagan ni mama.
Pagpasok ko sa bahay dere-deretso ako sa sala. Laking gulat ko nung nakita kong nakaready na ang mga damit ko at gamit ko para sa overnight.
"Heto, dalhin niyo para may ngutngutin kayo" wika ni mama habang inilalagay sa bag ko ang isang box na Bengbeng
"Ma--"
"O lumakad na kayo para maaga kayong makapagsimula ng project niyo. Eazzi dapat 8 AM andito ka na ha" putol ni mama sa sasabihin ko
Napangiti nalang ako sa tuwa at kiniss si mama bago tuluyan lumabas ng bahay para sumakay sa kotse nila Nelly.
***At Nelly's House***
"Maligo na tayo girl! 8 PM ang start ng party" excited na sabi ni Nelly habang paakyat ng hagdan patungo sa kwarto nya
"Teka! Wala akong masusuot"
"Ano ka ba! Nasa kwarto mo na" natatawang sabi ni Nelly.
Ang kwarto na tinutukoy nya ay ang kwarto na katabi ng room nya na lagi naming tinatambayan noong elementary pa kami. Dahil parang kapatid na ang turing niya sa akin ay sinadya niya itong ipinaayos at binilhan ng mga damit ko rin na maaaring gamitin kapag nandito ako at mga kung anu-ano pang kaek-ekan.
Nang makarating na kami sa tapat ng kwarto ko ay nag-aalangan pa akong pumasok. Napansin ata yun ni Nelly.
"Go! Go! Go na!" sabay tulak sakin papasok ng kwarto patungo sa CR
Matapos kong maligo ay nagtungo ako sa kwarto ni Nelly. Pagpasok ko ay bihis na rin siya.
"Halika. I-blow dry natin yang hair mo at aayusan na kita" wika ni Nelly
"Wag sobrang kapal ha. Hindi ako ang may birthday"
"I know. Bebe mo lang ang may birthday kaya dapat maganda ka talaga"
After 30 minutes...
"Ganda talaga ng bestfriend ko"
"Mas maganda ka timang" natatawang sambit ko sabay tingin sa salamin
Masasabi kong magaling talaga si Nelly when it comes to make up. Napakaganda ko nga tonight. Sana maappreciate ni Nexus.
"Oo nga pala advance happy birthday sayo. Babatiin na kita kasi baka may hangover ako tomorrow" singit ni Nelly
"Thank you. Akala ko nakalimutan mo na" nakangiting sabi ko at yinakap ko sya
"Gagi! Bakit ko naman malilimutan yun. Btw, yung gift ko sa next day nalang"
"Meant to be talaga kayo ni Nexus. Biruin mo magkasunod ang birthday niyo" dagdag niya at halatang kinikilig siya
Hindi na ako nag-react pa sa sinabi nya. Alam kaya ni Nexus na birthday ko bukas? Excited na akong batiin siya.
Dumating kami sa bahay nila Nexus ng 9:00 PM. Nasiraan kasi yung kotse na sinakyan namin. Pagkapasok namin ay kinakantahan na si Nexus ng Happy Birthday song. Habang papasok kami sa loob ng bahay nila ay inilibot ko ang paningin ko. Nakakamangha. Sigurado akong mas mayaman sila Nexus kina Nelly. The designs of his place naman kasi is very elegant at halatang malaking pera ang ginastos.
Iniabot ni Nelly ang gift niya sa isang babae. Akmang kukunin ni Nelly ang hawak ko pero iniiwas ko.
"Gusto ko sanang ako ang magbigay nito kay Nexus" sabi ko na parang nahihiya
"Pa-special ka girl?" natatawang bulong ni Nelly sakin
"Okay po ma'am" wika nung babae
Ini-escort kami ng isang lalaking nakasuit sa isang table at agad akong umupo. Hinanap ng mga mata ko si Nexus at nakita ko siya na may kausap na matatanda. Ang gwapo niya sa suot niya.
"Pwede na po tayong kumain" announce ng emcee.
Mga 10:00 PM na nung natapos ang lahat sa pagkain. Nag-uumpisa na rin na umalis ang ibang matatanda at halos mga ka-edadan nalang namin ang natira.
"Eazzi may swimming pool party pa pala si Nexus. Ang bongga naman" masayang chika ni Nelly
"Ha? E gabi na ah"
"Ayos lang yan. Samin ka naman tutulog tsaka hindi ka pa nakakaamin kay Nexus. Hindi mo pa rin nga nabibigay ang gift mo e"
"Oo nga pala. Ang hirap niyang lapitan at hanapin. Napakarami niyang bisita"
"Hinatayin mo nalang. Mamaya available na yun. Nga pala, dun muna ako sa iba nating classmates ha" paalam niya
"Okay. Basta bumalik ka dito"
"Oo gaga para kang batang ayaw mawala sa tabi ng ina" patawa-tawa niyang sabi.
Pagtingin ko sa relo ko ay 11:00 PM na. Isang oras na akong nakamasid lang sa mga nagsasayawan at medyo sumasakit narin ang tenga ko sa sobrang lakas na tugtog. I decided na lumabas muna at maglakad lakad. Habang naglalakad ako ay may nakita akong swing. Umupo muna ako kasi nananakit na rin ang paa ko.
"Boo!" panggugulat ni Alexander sa akin
"Ay palaka ka!" gulat na sigaw ko
"Sa pogi kong to palaka ako?" nakangising sabi ni Alexander
"Bakit ka kasi nanggugulat?!" singhal ko
"Nagsesenti ka kasi. Hindi bagay sayo ang malungkot"
"Senti ka jan! Si Nelly kasi hindi ko makita tsaka nakakarindi na sa loob e"
"Ang ganda mo ngayon ah. Mukha ka ng tao" wika niyang patawa-tawa
"Mukha ba akong timang noon?" naniningkit na tanong ko
"Chill. Magsusungit ka nanaman. Alam ko namang hinahanap mo si Nexus" wika niya sabay inom ng wine na hawak niya
Nang marinig ko ang name ni Nexus ay medyo kumalma ako
"Asan siya?" tanong ko
"Nasa may pool" sabay tayo niya at tuluyan ng umalis
"Teka! Di ko alam kung san ang pool dito!" sigaw ko
Kumaway lang siya ng nakatalikod sa akin. Bwisit na Alexander to.
Nag-umpisa na akong maglakad-lakad para hanapin ang swimming pool na sinasabi niya. Mukhang napakalawak pa naman ng bahay na ito. Pagtingin ko sa relo ko ay 11:45 na. Paghakbang ko ay bigla akong natapilok kaya napaupo ako.
Hinimas himas ko ang paa ko ng may narinig akong boses. Sinundan ko ang boses at nakita ko ang likod ni Nexus at nasa harap niya si Isaiah
"Isaiah ano kasi.."
"Pwede na ba kitang ligawan?" pagtutuloy ni Nexus sa sinasabi niya
Para akong nabingi sa sinabi ni Nexus. Biglang may kumirot sa bandang dibdib ko kaya iniligay ko ang aking kanang kamay sa tapat nito at hinimas ito ng marahan habang nakatingin sa dalawang nasa harapan ko. Nakatitig lang si Isaiah kay Nexus at bigla itong ngumiti ng napakaganda. Nang ngumiti si Isaiah ay mas sumakit ang kirot na nararamdaman ko na naging dahilan na ng pagtulo ng luha ko. At saktong pagtulo ng luha ko ay ang pagputok ng fireworks na hudyat na alas dose na.
Nagyakapan ang dalawa at tumingin sa langit ng nakangiti upang panoorin ang fireworks. Samantalang ako ay nakatingin sa kanilang dalawa na lumuluha.
Masyadong masakit ang nararamdaman ko kaya hindi ko na naramdaman na masakit din ang paa ko. Dahil ayaw kong maistorbo sila ay naisipan kong umalis nalang ng tahimik.
Aalis na ako ng malaglag ang regalo na hawak ko na naging dahilan ng paglingon ni Nexus sa pwesto ko. Bago niya pa ako makilala ay agad akong tumalikod at pinunasan ang luha ko. Dali-dali akong naglakad hanggang sa tumatakbo na. Wala na akong pakialam sa sakit ng paa ko hanggang sa mabangga ako sa isang lalaki.
"S-so-rry" humihikbing wika ko
Bigla akong niyakap ng nakabangga ko.
"Tahan na Eazzi. Sssh"
Dahil sa sinabi ng lalaki na nakayakap sa akin ngayon ay mas bumuhos ang luha ko.
"Bakit ganun Alexander? B-akit kung kelan mahal ko na siya-- Bakit-- bakit ngayong birthday ko pa?" garalgal na sambit ko.