Eazzi's Point of View
Ako si Maria Eazzi Cruz. Isang third year student sa Allison High. Sabi nila maganda raw ako kahit 4'11 lang ang height. Marami rin ang tuwang-tuwa na teachers sa akin kasi outstanding ako sa loob ng classroom. Okay naman daw ako kasama pero tahimik lang lagi at tinatawag ng KJ o kill joy ng mga kaklase ko dahil kailanman ay hindi ako sumasama sa mga gimik nila.
Naglalakad ako ngayon ng kabang-kaba patungo sa room namin. Kung bakit ako kinakabahan ay hindi ko rin alam ang dahilan.
"Congrats Maria Eazzi Cruz!" sigaw ng bestfriend kong si Nelly pagkapasok ko sa room namin

Nelly Sarmiento is my bestfriend since elementary. Natural na maingay pero magaling din when it comes to academics.
"Bakit congrats?" nagtatakang tanong ko
"Gaga ka! Hindi mo ba napansin yung nakapaskil doon sa bulletin board malapit sa gate?"
"Hindi--"
"Babaita! Panlaban ka namin sa upcoming MTAP-DEPED Math Challenge!" putol niya sa sasabihin ko
"Talaga?!" tuwang-tuwa na ani ko
"Oo. Kainggit ka girl! Baka makasama mo si Nexus Jade Gutierrez"
"Sino naman yun?" tanong ko habang inaayos ang books na dala-dala ko
"Hala girl! Puro ka kasi aral kaya hindi mo kilala. Transferee sa kabilang classroom at gwapo! Hihi" kinikilig na wika niya
Hindi ko nalang pinapansin ang sinabi niya at umupo na lamang sa naka-assign na seat para sa akin. Pagkaupo ko ay saktong pagtunog ng bell at pagpasok ni Maam Sandra Santos, ang math teacher namin.
"Miss Eazzi Cruz and Mister Alexander Lim, may meeting kayong mga contestants ng MTAP mamayang recess time sa Math Department" panimula ni Ma'am Santos
"Okay po Ma'am" sagot ko habang nakangiti
Napalingon ako sa pwesto ni Alexander na dalawang upuan lang ang layo sa akin at kita kong naka-ub-ob na naman siya sa table niya. Kasama ko nanaman pala siya. Well, expected ko na. Si Alexander James Lim kasi ang pinakamatalino saming lahat. Gwapo, mayaman and athletic pero bully at ang masama ay ako pa ang lagi niyang target since elementary.
Nagulat ako nang tumunghay siya at ngumisi sa akin bago sinabi ng pagkalakas-lakas lakas ang..
"Eazzi na flat sabay tayo mamaya ha?"
"Mr Lim" saway ni Ma'am Santos kay Alexander
Hindi naman pinansin ni Alexander ang pagtawag sa kaniya ni Ma'am Santos at nakangisi pa ring nakatingin sa akin. Napakakapal talaga ng mukha porke matalino. Dahil sa hiya at inis ay inirapan ko na lang siya at nakinig sa klase.
***RECESS***
"Oh my gosh!"
"Aaaahhh!" Irit ng bawat babae na nadadaan ko sa gym.
Hindi ko sila pinagtuunan ng pansin. Sure akong nakakita na naman ng gwapo ang mga yun. Pagkapasok ko sa Math Department ay agad kong nilibot ang mga mata ko upang humanap ng upuan kung saan wala akong makakatabi. Nang makita ko ang upuan na nakapwesto malapit sa bintana na nasa pinakadulo ay agad akong nagtungo doon upang umupo. Pagkaupo ko ay kinuha ko ang ballpen at notebook ko na maaaring sulatan ng notes na sasabihin ng teacher sa meeting na ito. Maya maya pa ay dumami na ang pumasok na student.
"Sino siya?"
"Ang pogi niya naman"
Rinig kong bulong-bulungan ng mga kasama ko sa department. Pag tingin ko sa may pinto ay nakakita ako ng isang gwapong lalaki. Matangkad, chinito, maputi at may napakagandang mga mata. Yes! Literal na gwapo at mala-anghel ang mukha pero mas gwapo pa rin si Lee Minho.
"Nexus!" tawag ni Alexander sa lalaki sabay apir
Magkakilala pala silang dalawa. Sabagay, marami namang kakilala to si Alexander na damuho.
Wait what?! Nexus? Siya na ata yung sinasabi ni Nelly na transferee at another hearthrob na naman sa campus. Masasabi kong totoo ngang pasok siya sa pagiging hearthrob.
"Okay everybody, listen" agaw-pansin ni Ma'am Santos kaya lahat kami ay napatingin sa kaniya
"Simula ngayon ay excuse na kayo sa mga klase niyo para mag-review. 1 month kayong magrereview dito mismo sa Math Department para well-prepared kayo sa competition. Naipamigay na rin namin ang mga excuse letters. Got it?"
"Yes ma'am" sagot naming lahat
"Get your things na at bumalik kayo dito after recess" huling wika ni ma'am Santos bago pumunta sa table niya
Walo kaming students na nandito sa Math Department. It means dalawa ang representative kada year level.
Habang palabas ay napansin kong baliktad ang ID ko. Inayos ko ito habang patuloy na naglalakad dahil kapag nakita ito ng isa sa mga teacher na makakasalubong ko ay siguradong masisita ako. Nagulat ako ng bigla akong mauntog ako sa kung ano. Sure akong hindi ako sa pinto nauntog dahil malambot ang tinamaan ng ulo ko
"Tsk. Tsk . Tsk. Bakit kasi hindi ka tumingin sa dinadaanan mo? Palagi ka nalang lutang e" pangisi-ngising sabi ni Alexander na damuho
Kung makapagreklamo naman to akala mo sa kaniya nauntog. Hmmp.
"Okay ka lang ba?" tanong ni Nexus na mukhang concern na concern sa akin.
Jusko mas gwapo pala ang lalaki na to sa malapitan. Bago pa tumulo ang laway ko at mas mapahiya muli ay agad kong sinagot ang tanong ni Nexus
"O-oo okay lang ako. Sorry hehe" nahihiyang sagot ko kay Nexus at dali-daling lumabas para kunin ang gamit ko sa room namin.
"Teka Miss--" rinig kong habol tawag nya pero hindi ko na siya pinansin.
***ROOM***
"Hoy Eazzi! Nakita ko yun" wika ni Nelly na may himig pang-aasar
"Alin naman?" kunot-noong tanong ko
"Kausap ka kanina ni Nexus! Anong pinag-uusapan niyo ha?"
"Wala gagi." natatawang sabi ko
"Nga pala, start na ng review namin para sa competition. Sipagan mong magnotes ha at hihiramin ko" pagbabago ko ng usapan.
Mahirap na kapag wala akong notes na mahihiram.
"Oo na. Chupee. Layas na." pantataboy ni Nelly
Naglakad na ako pabalik sa Math Department at pagdating ko doon ay meron ng apat na tables at dalawang chairs sa kada table. Nakaready na rin ang mga reviewer sheet at books na gagamitin namin ni Alexander at ganun din sa ibang year level. Kinuha ko agad ang isang reviewer sheet at binasa. Nang mapansin ko na hindi ko alam ang tungkol sa unang question nito ay kumuha ako ng aklat at nagbasa-basa nung mga related na topics sa question number 1 upang malaman ko kung paano i-solve.