Chapter Four
NAGSIMULA NA ANG WEDDING Ceremony. Naging maayos naman ang mga sunod na nangyari. Pero nang mag-announce ng 'You may kiss the Bride' ang pari ay napansin ni Sydney ang pagtayo ni Cobi sa upuan ng mga abay na lalaki. At lumabas na ito sa simbahan.
Nang matapos na ang Wedding ceremony ay hindi na nakita pa ni Sydney si Cobi.
"Hala, saan naman naman ako makikisabay papuntang reception?" Nag-aalalang tanong niya sa kanyang sarili. Muli siyang nagpalinga-linga sa paligid, at doon nakita ang kanyang Mama. Aktong lalapit na sana siya sa mga ito nang biglang may humawak sa kanyang braso. At ganoon na lang ang gulat niya nang makita si Cobi.
"Let's go," aya nito.
"S-Saan ka ba galing? Kanina pa kita hinahanap?" Tanong niya rito.
Napakunot ang noo nito.
"Po?" Habol niya dahil kahit balik-baliktarin mas mataas na agent ito kaysa sa kanya na hamak Assistant Agent lang.
"D'yan lang," maikling tugon nito, "Let's go!"
"Wait, magpapaalam ako kina Papa..." Sabi niya.
"No need, alam na rin naman nila!" Pigil ulit sa kanya ni Cobi.
Kahit puno ng pagtataka ay nagawa nang sumunod ni Sydney sa binata patungo sa parking lot kung saan naroroon ang sasakyan nito.
Habang nasa biyahe ay kapansin-pansin ang pananahimik ni Cobi. Kaya hindi na nakatiis pa si Sydney, "Boss, are you okay?" Tanong niya.
"Yes, I'm okay!" Tugon nito pero hindi naman nito magawang tumingin sa kanya.
"Kanina ko pa napapansin, ang pula ng mga mata mo," sita ulit niya rito.
"Ah, ito ba?" Lalo pang umiwas ng tingin sa kanya si Cobi, "Napungin lang ako kanina. Kaya parang ang kati-kati niya!"
Hindi na kumibo si Sydney dahil ramdam naman niya na hindi nagsasabi ng totoo ang kausap niya.
"Ahhhh!" Napaunat siyang bigla na siyang dahilan para mapasulyap sa kanya si Cobi, "Nagugutom na po ako!"
"Marami namang pagkain sa reception area. Doon ka bumawi," sabi lang nito.
"Doon!" Parang batang tinuro ni Sydney ang isang sikat na fast food chain, "Tara kain po tayo doon! Namiss ko nang kumain doon!"
"Ganyan ba talaga kahigpit si Yuki sa mga agent niya? At hindi mo magawang makakain sa ganyan?" Tanong sa kanya ni Cobi.
"Alam mo kasi nagiging demanding si Miss Mayo ngayon dahil sa paglilihi niya. Kaya halos hindi ako nakakain ng maayos nitong mga nakaraang araw! Tapos dumagdag pa ang biglang pagtaas ng ranggo ni Sir Yuki kaya tambak kami ng mga gawin ngayong mga agent niya! Kasi naman, rank fourteen lang siya! Tapos sa isang iglap lang, biglang nag-rank three! Mas mataas pa tuloy siya kina Boss Jinuel at Lady Lyra! Saka--" saglit na napahinto sa pagsasalita si Sydney nang mapansin na naman niya ang pakakakunot ng noo ni Cobi. Ilang saglit pa ay tinikom na niya ang kanyang bibig dahil doon niya narealize na umiral na naman pala ang kadaldalan niya.
"Next time na lang kita, ililibre! Ngayon kailangan pa rin nating umattend sa reception. Hindi mo pa nga nakaka-usap ang Ate Leigh mo, simula kanina diba?" Sabi nito.
"Tama ka," pagsang-ayon niya, "Hindi ko pa siya nababati ng personal!"
Matipid namang ngumiti si Cobi sa kanya.
Ilang saglit lang ay narating na nila ang reception area. Isa iyong private resort na pagmamay-ari ng pamilya nila Andrew. Hindi talaga akalain ni Sydney na ganito kayaman ang napangasawa ng kanyang Ate Leigh.
Bago magsimula ang program para sa newlywed ay pinuntahan ni Sydney ang kanyang kapatid.
"Congratulations!" Masiglang bati niya sa bagong kasal at nagawa pa niyang yakapin ang kanyang Ate Leigh.
"Thanks, sis!" Tuwang ganti nito, "I'm so happy na nakarating ka!"
"Syempre, kasal ito ng nag-iisa kong kapatid. Magagawa ko ba siyang tanggihan?" Sabi naman niya.
"Thank you talaga! Masaya rin ako dahil nakapag-ayos na kayo ni Papa!" Anito.
"Yup, pero wala pa talaga kaming malinaw na pag-uusap na dalawa. Sabi lang niya, papayag na siya sa gusto ko pero sa isang kondisyon. Noong tinanong ko kung anong kondisyon iyon, hindi naman niya sinabi," mahabang paliwanag niya rito.
"Kung anuman iyon, gusto ko na pag-isipan mong mabuti ang mga magiging desisyon mo!" Turan ng kanyang Ate Leigh sabay hawak nito sa kanyang kamay.
"Magbigay ka naman ng clue!" Hirit niya sa kanyang kapatid.
"Ay, hindi pwede!" Umiling ang kanyang Ate Leigh, "Hindi dapat sa akin manggaling iyon! Pero may isang hiling lang ako sa'yo!"
"Ano iyon, Ate?" Usisa niya.
"Huwag na huwag mong tatalikuran ang pamilya mo," makahulugang sabi nito, "Dahil kahit anong mangyari, pamilya mo pa rin ang matatakbuhan mo sa oras ng pangangailangan."
Hindi na nakakibo si Sydney. Hindi niya alam pero may hatid na kurot sa kanya ang binitawang salita ng kanyang kapatid. Naisip niya, masyado ba siyang naging selfish nang umalis siya sa poder ng kanilang magulang?
Nasa ganoon silang sitwasyon nang pumasok sa loob ng silid ang isa sa mga wedding coordinator.
"Be ready na po, magsisimula na ang program," anito.
Wala nang choice si Sydney kungdi ang magtungo na sa reception area. Naki-upo na rin siya sa table kung saan naroroon ang mga secondary sponsor. Nagulat pa nga siya nang ipaghila pa siya ni Cobi ng upuan.
Nagsimula na ang program para sa newlywed. At nakapaloob sa program na iyon ang mga tradisyon na nagaganap sa mga bagong kasal at sa mga abay. At hindi nawawala roon ang tradisyon ng paghahagis ng Bride sa bouquet nito. Alam na alam ng lahat ang kasabihang tungkol roon, na kung sino ang makakasalo nito ay siya ang susunod na ikakasal.
Pinapunta sa unahan ang lahat ng mga dalaga. Kabilang na roon si Sydney. Ayaw na sana niyang sumali pero nakita niya ang pagbabantang tingin sa kanya ng Papa niya.
No choice na siya kungdi ang tumayo, at sumali sa mga dalagang makikipag-agawan sa bulaklak. Pero pinili niya ang puwesto na banda sa likuran. Malayo sa ibang dalaga na atat na makasal. Ang buong akala niya ay ligtas na siya. Pero laking gulat niya nang umarte lang ang Ate Leigh na ihahagis ang bouquet nito. Humakbang ang mga paa nitong papalapit sa kinaroroonan niya.
Nanlaki ang kanyang mga mata nang kunin ng kanyang Ate Leigh ang dalawang kamay niya, at inabot nito ang bouquet sa kanya.
"Take it," may halong pag-uutos na sabi nito sa kanya.
Nagtataka man ay nagawa nang kunin iyon ni Sydney. Ang buong akala niya ay matatapos na ang lahat sa ganoon pero nagsimulang umugong ang hiyawan ng mga taong naroroon nang lumapit at lumuhod sa kanyang harapan si Cobi.
"Ms. Sydney Perez, will you marry me?" Seryosong tanong ni Cobi sa kanya.
Parang binuhusan ng malamig na tubig si Sydney matapos niyang marinig ang sinabing iyon ng binata.
"W-Wait, prank ba 'to?" Wala sa loob na tanong niya.
Nagtawanan ang mga tao sa paligid.
"Syempre hindi noh!" Nakangiting tugon ng kanyang Ate Leigh at saka siya pinandidilatan ng mata nito.
"P-Pero bakit?" Nagtatakang tanong niya.
"Because I knew I loved you since we first met!" Pag-amin ni Cobi sa kanya, "I asked you again. Ms. Sydney Perez, will you marry me?"
Kumabog ng malakas ang dibdib ni Sydney. Lalo na nang makita niya ang pagkakatitig sa kanya ng binata na parang inuutusan siya nitong umo-o.
"Y-Yes, I-I will!" Kinakabahan na niyang tugon.
Umugong ang hiyawan at palakpakan sa buong paligid. At sinimulan nang isuot ni Cobi ang singsing sa kanya. Nang mapatingin niya sa dakong kinaroroonan ng kanyang magulang ay nakita niya ang ngiti sa mga labi ng mga ito.
Halos hindi na rin siya nakapagreact nang bigla siyang niyakap ni Cobi.
"Thank you, Agent Cinderella!" bulong nito sa kanya.