“Ano na naman ang ginagawa niya rito?” vulong ko sa sarili ko habang nakatingin sa lalaking papalapit sa akin.
“Red Hair!” sigaw ulit nito na mas lalong nagpaingay sa loob ng classroom namin, pati na rin sa hallway na napuno ng tao.
Huminto siya sa may pintuan at tumingin sa akin habang nakangiti, ’yong ngiti na alam mo nang walang gagawing matino.
Napansin ko na nakatago sa likod niya ang kaniyang kamay kaya naman mas lalo akong kinabahan.
Napalunok ako bago magsalita.
“Anong kailangan mo?” simpleng tanong ko sa kaniya.
Ngumiti siya na parang bata bago ilabas ang kamay niya na may hawak na water gun?
“Hoy Aries! Umalis ka nga dito!” sigaw ni Fhella kay Aries at tatayo na sana siya para lapitan ang lalaki pero napahinto siya dahil binaril ako ni Aries at pati na rin si Fhella ay nadamay na.
Narinig namin ang mga tawanan sa paligid namin, nalasahan ko ang binabaril sa amin ni Aries. Ketchup?
“Aries!” isgaw ni Fhella habang umiiwas na ’wag matamaan ang mata niya.
Narinig ko ang tawa ni Aries bago siya huminto sa pagbaril. Dinilat ko ang mata ko at nakita ko siyang nakangiti habang nasa balikat niya ang water gun.
“Enjoy!” sabi nito bago maglakad paalis.
Tiningnan ko ang sarili ko at napuno ako ng ketchup, ultimong ang buhok ko ay mayroon na rin.
“Yuck!” rinig kong sabi ng isa naming mga kaklase bago kami harapin. “Ang akala ko pa naman ay may something sa inyo ni Aries pero...” Huminto siya at pinagmasdan kaming parehas ni Fhella na naliligo sa ketchup. “Mukhang ikaw lang naman ang next target niya,” maarteng sabi nito bago tumawa ng malakas kaya naman nagsalita ko.
“Hindi ka ba na-inform?” tanong ko sa kaniya na napagtaas sa kilay niyang lapis.
“Whoa, may boses ka pala?” mataray na tanong nito.
Napangisi ako dahil sa tanong niya.
“Hindi mo ba narinig?” tanong ko sa kaniya at tumayo, wala akong balak na awayin siya dahil wala naman siyang ginagawang masama sa akin.
Talakan lang kung talakan.
”Bakit ba napakapakialamera mo?” Tanong ko sa kaniya dahil wala naman akong nakikitang dahilan para makisali siya o makialam sa nangyayari sa akin.
“Zelestaire,” mahinang tawag sa akin ni Fhella kaya naman lumingon ako sa kaniya at saka kumindat.
“Duh, I’m not interested to you. ’Wag kang feeling,” maarteng sabi nito at pinaikot-ikot pa ang buhok sa daliri niya. “Wala akong interest sa mga hampas lupang katulad mo!” singhal nito sa akin kaya naman hindi ko maiwasang mapangisi.
“Ah, walang interest? Pero kanina halos magmakaawa ka na para lang malaman kung anong mayroon sa amin ni Aries? Gano’n ka pala mawalan ng interest.” Napapatango ako habang sinasabi ’yon.
“Akalain mo nga naman ang walang interest,” natatawang sabi ni Fhella sa likod ko.
Dinukot ko ang panyo sa bulsa ko para punasan ang mukha ko na puno ng ketchup.
“Hay, bago ka lang dito kaya ’wag kang umasta na parang kung sino ka,” matapang na sabi nito at lumapit sa akin. “Ako si Julia, Ju—”
“Hindi ako interesado,” putol ko sa sasabihin niya. “Puwede na kayong umalis tapos na ’yong palabas,” sabi ko at kinuha ang bag ko na punong-puno rin ng ketchup.
“Hindi pa ako tapos makipag-usap sa’yo.” Harang sa akin nitong babae nang tangkain kong lagpasan siya.
Tumingin ako sa kaniya at pumikit ng ilang ulit.
“Ako tapos na,” sabi ko at tuluyan siyang nilagpasan.
Lumabas ako sa room namin na punong-puno ng ketchul ang katawan. Marami pa palang tao sa labas na nakatingin sa loob ng room namin, no’ng makita nila ako ay napatawa sila ng mahihina at umalis.
“Si Aries talaga! Nakakagigil!” nanggigigil na wika ni Fhella sa tabi ko ng makahabol siya sa akin. “Grabe, nabara si Julia.” Tumawa nang malakas si Fhella at hinampas ako sa balikat.
“Tama lang ’yon, hindi naman kasi puwedeng pagsabihan niya na lang ako ng mga masasakita na salita,” sagot ko at nagkibit-balikat.
Pumunta kami sa cr kung saan ako nanggaling kani-kanina lang.
Pinagtitinginan kami habang naglalakad. Sino ba naman kasi ang hindi pagtitinginan sa ganitong hitsura? Puro ketchup ang damit, pati buhok mayro’n.
“Lagot talaga ang Aries na ’yon pagnakita ko siya,” nanggigigil na sabi ni Fhella bago pumasok sa loob ng cr.
Nabangga pa ako ng biglang huminto sa paglalakad si Fhella dahil na sa unahan ko siya.
“Huh?” Napatingin naman ako sa may unahan namin dahil may narinig akong boses ng babae, malamang Zelestaire, babae maririnig mo at cr ’to ng mga babae.
“Dafney,” masayang bati ni Fhella sa babaeng tinawag niyang Dafney pero hindi siya pinansin nito at lumabas.
“Sino ’yon?” Ttnong ko kay Fhella ng makita kong nakatingin pa rin siya sa pinto kung saan lumabas ang babaeng hindi ko man lang nakita ang mukha.
“Si Dafney.” Sabi niya bago tumingin sa akin at ngumiti. “Tara na mag-uuwian na!” Hinatak niya ako papunta sa dulo kung saan puwede kaming maligo.
Napahinto ako nang may maalala. Wala na akong damit at nawala na ang isa kong damit, paano ako makakaligo?
“Wala na akong damit,” sabi ko kay Fhella at napakamot naman siya sa ulo.
“Isa lang ’yong baon kong damit,” nakangusong aniya.
P*tay na ako, anong gagawin ko? Maninirahan sa cr?
Bumukas ang pinto at para akong nakakita ng anghel nang pumasok si Vanessa na parang may hinahanap.
“Vanessa!” tawag ko sa kaniya nang tangkain niyang sumilip sa isang cubicle.
Lumingon siya sa’min at agad kong nakita ang nag-aalala niyang mukha.
“Zeles!” Lumapit siya sa akin at agad na nangunot ang noo niya dahil sa hitsura ko. “Anong nangyari sa’yo?” tanong niya at agad na naglabas ng wet wipes at punasan ang mukha ko.
Tumawa ako bago agawin sa kaniya ang wipes na pinupunas niya sa akin.“Okay lang ako,” sabi ko rito at pinunasan ang sarili kong mukha.
“Sino may gawa sa’yo n’yan?” tanong sa akin ni Vanessa at tumingin kay Fhella na nasa likod ko lang.
“Si Aries, kilala mo ba ’yon?” tanong ko sa kaniya at nanlalaki naman ang mga mata niyang tumingin sa akin.
“Si Aries!?” gulat na tanong nito sa akin kaya naman tumango ako sa kaniya. “Bakit!? Anong nangyari!? Bakit ka niya ginawa sa’yo ’yan!?”nag-aalalang tanong nito sa akin at sumagot naman si Fhella na tahimik lang sa likod ko.
“Nabigyan siya ng black card,” sagot nito sa lahat ng tanong ni Vanessa.
“Did you said b-black card?” pag-uulit ni Vanessa sa sinabi ni Fhella.
“Yeah, Yesterday. Aries gave her the black card,” sabi ni Fhella at namangha ako dahil sa accent niya sa pag-e-english.
“It’s that true Zeles!?” tanong sa akin ni Vanessa kaya naman kinuha ko ang card sa bag ko na binigay sa akin kahapon ni Aries.
“Ito oh.” Inabot ko sa kaniya ang black card at may napansin akong kakaibang ekspresyon sa mukha niya, hindi ako sigurado kung tama ba ang nakita ko na mukhang masaya si Vanessa na makita ang card ko, pero mukhang hindi namamalik-mata lang siguro ako.
“Maliligo muna ako,” paalam ni Fhella kaya naman kinawayan ko siya bago pumasok sa isang cubicle.
Tumingin ako sa salamin sa harap namin at nakita ko ang sarili ko at nawata ako sa hitusra ko, mukha akong multo na puno nang dugo.
“Wala ka bang balak na maligo?” sarkastikong tanong ni Vanessa sa akin kaya naman naiilang akong ngumiti.
“W-wala kasi akong extrang damit,” sabi ko rito at napabuntong-hininga naman siya bago may kunin na kung ano sa bag niya.
“Here just take it, ibalik mo na lang sa akin,” saad nito sa akin at akmang yayakap ako sa kaniya nang maalala kong puno pala ako ng ketchup.
Ngumiti na lang ako sa kaniya at nagpasalamat bago pumasok sa isang cubicle ng katabi nang kay Fhella.
Binigyan na rin ako ni Vanessa ng sabon at shampoo, inabutan niya na rin ako ng isang pants na baon niya for emergency.
“Zelestaire?” narinig kong kumatok si Fhella sa pinto ng cr ko kaya naman bahagya akong sumilip do’n.
“Bakit?” tanong ko sa kaniya at nakita ko na nakabihis na siya samantalang ako may shampoo pa ang buhok.
“Mauuna na ako sa labas, hintayin ka na lang namin do’n,” paalam niya kaya naman tumango ako bago magpaalam sa kaniya.
Binilisan ko na ang pagbanlaw ko dahil alam kong wala na akong ibang kasama rito.
Sinuot ko ang damit at pants na pinahiram sa akin ni Vanessa at medyo maluwag sa akin ang pants na pinahiram ni Vanessa.
‘Tumaba si Vanessa?’
Tinaas ko ang pants at inipitan nalang ng clip para hindi mahulog.
25 lang ang waist line ko at ang alam ko ay si Vanessa 23 dapat ay medyo masikip sa akin ’to.
Tiningnan ko ang sarili ko sa salamin bago lumabas sa labas kung saan naghihintay sila Fhella at Vanessa.
Ang cute ng damit na kulay rose gold na damit na pinahiram sa akin ni Vanessa.
Ang kaso ay lumalabas ang pusod ko rito kaya naman binababa ko ’to sa tuwing tumataas ’to.
“Nand’yan ka na pala,” bati sa akin ni Vanessa nang makita niya akong lumabas galing sa cr.
“Oo, tapos na ako,” sabi ko at binabang muli ang damit, hindi kasi ako komportable sa ganitong damit.
“Pasensya ka na ganiyang damit lang ang mayro’n ako ngayon,” ani Vanessa nang makita niyang hindi ako komportable sa damit ko.
“Hindi, ayos lang at saka pang-uuwi ko lang naman.”
“Ang sexy mo naman Zelestaire, bagay sa’yo ang suot mo,” sabi ni Fhella sa akin ni Fhella na tinusok pa ang tagiliran ko.
“Mana sa akin,” biro ni Vanessa at nagtawanan naman kaming tatlo bago magsimulang magalakad papuntang parking.
Habang naglalakad kami ay napapansin ko ang mga kakaibang tingin sa akin ng mga kalalakihang estudyante sa tuwing madaraan ako sa kanila.
“Fhelliana San Juan pero mas gusto kong tinatawag akong Fhella kaysa sa Elli,” sabi ni Fhella sa kak’wentuhan niyang Vanessa.
“Vanessa Kim Lopez,” sabi ni Vanessa kay Fhella at natutuwa naman ako dahil nagkakilala na rin silang dalawa.
Nakarinig ako ng sipol sa likod ko at hindi ko na sana papansinin ’yon pero ’yong dalawa sa harap ko ay huminto kaya naman nauntog ako dahil nakayuko ako habang naglalakad.
“Red Hair!” Napapikit ako nang marinig ko na naman ang boses ni Aries na tinawag ako sa bansag niya sa akin.
Lumingon ang dalawa kong kaibigan sa likod ko at aayain sana silang umalis para wala nang gulo at wala na akong pamalit ng damit.
“Red hair~” tawag sa akin ni Aries kaya naman lumingon ako sa kaniya at pinanlakihan ng mata. “Ang sexy mo naman sa suot mo,” sabi nito at pinasadaan ako ng tingin.
Sumama ang mukha ko bago tiningnan ang iba pa niyang kasama.
Hindi siguro sila baba sa lima.
Dalawa lang ang kilala ko si Trinity at Aries lang at ang iba ay hindi ko na kilala.
“Hoy! Aries! May atraso ka pa sa’min!” singhal ni Fhella at lalapit sana kay Aries pero hinawakan ko na siya sa braso para pakalmahin.
Napansin ko ang mga estudyante na nag-aalisan sa mga p’westo nila at ang iba naman ay mas piiling manood sa amin.
“Hindi ka sana madadamay ang kaso nakialam ka kaya nadamay ka,” ani Aries at pinagtawanan siya.
“Ikaw may kasalanan ka rin sa akin.” Napataas naman ang kilay ko kay Trinity ng tanguan niya ako.
“Bakit? Sino ba ang nauna sa atin?” tanong ko sa kaniya at nakita ko naman na napangisi siya.
“Zeles tara na, ’wag mo na silang patulan.” Bulong sa akin ni Vanessa at hinawakan ako sa braso.
Magpapahitak na sana ako ang kaso ay natigilan kami ng isang lalaki pa ang lumitaw sa harap namin.
Walang ekspresyon ang mukha niya at sa malayo ang tingin, halatang napadaan lang siya rito dahil nang tumingin siya sa amin ay wala pa ring ekspresyon ang mukha niya.
Pambihirang mukha ’yan.
“T.L!” masayang sigaw ni Aries at lumapit kay T.L.
“Tch!” sabi nito bago maglakad ulit.
“T.L! Akala ko ba ay ililibre mo ako!?” tanong ni Aries at humabol kay T.L na naglalakad na palayo.
“T-thaddeus....” mahinang bulong ni Vanessa kaya naman napailing na lang ako.
Type niya ba talaga ang lalaking ’yon?
“Trit, inaantok na ako. Mauuna na ako sa inyo.” Muling nabalik sa harap ang atensyon namin ng may magsalita do’n.
“King!?” malakas kong tawag sa kaniya na nakapagpatigil sa kaniya sa paghikab.
“King!?” Sabay-sabay ring sigaw nila na ultimong si Trinity at ang dalawa kong kaibigan ay sumigaw rin.
“Ang ingay niyo, magsasara na ang eskwelahan pero nandito pa rin kayo,” inaantok na sabi nito bago tumama sa akin ang paningin niya.
Tiningnan niya lang ako mula ulo hanggang paa bago maglakad at lagpasan kami.
‘Ha? Hindi na niya ako naaalala?’
“Tinawag mong King si King!?” fulat na tanong ng isa sa mga kasama ni Trinity.
“Bakit? Ano ba dapat?” takang tanong ko rito dahil ang pagkakatanda ko ay King ang pangalan ni King kaya naman King ang tinawag ko sa kaniya.
Ano naman ang problema kung tinawag ko siyang King?
“Sabi ko naman sa’yo ’di ba na ’wag mong tatawagin na King si Ace,” hulong sa akin ni Fhella na nasalikod ko.
“Kamag-anak o kaibigan ka ba ni King?” tanong ng isa pang lalaki sa tabi ni Trinity.
Umiling ako sa kaniya. “Hindi, nakakam*tay bang tawagin si King sa pangalan niyang King?” tanong ko rito at halos kurutin ako ni Vanessa sa tagiliran na agad ko namang pinagtaka.
“Tara na umalis na tayo kung gusto mo pang magtagal dito,” bulong nito sa akin kaya naman napalunok ako bago humakbang ng isa patalikod.
“Saan kayo pupunta?” tanong sa’min ni Trinity. “Hindi pa tayo tapos,” sabi nito bago mapangisi at tumingin sa katawan ko.
“Ms. Caleb, Ms. San Juan and Ms. Lopez?” Lumagpas ang tingin namin kila Trinity nang marinig namin ang boses ni sir Aly.
Para akong nakahinga nang maluwag nang makita ko ang mukha niya.
“Bakit nandito pa kayo?” tanong nito sa amin kaya naman agad kaming lumapit sa kaniya nang makalapit siya sa amin.
“Sir Aly!” sigaw ng isa sa mga kasama ni Trinity at tinaasan lang siya ng kamay ni Sir Aly bago ulit bumaling sa amin.
“Hinarang po kasi kami sir,” sumbong ng kasama ni Trinity at kahit hindi ko tingnan ang dalawa kong kasama ay alam ko na nagtataasan na ang kanilang mga kilay.
“Hoy mahiya ka nga!” si Fhella ang unang nag-react bago sumunod si Vanessa.
“Kayo nga ’tong nagpahinto sa amin!” si Vanessa na dinuro pa sila kahit na malayo.
“Trinity?” tawag ni sir Aly rito at nang tingnan ko ito ay gusto kong tumawa nang malakas dahil sa hitsura nito na parang maamong tupa.
“Mukhang nabighani sila sa akin Kuya,” sabi ni Trinity at agad akong nagtakh.
‘Kuya? Nagkapatid sila?’
Tiningnan ko ang mukha ni Trinity at mukha ni sir Aly at isa lang ang masasabi ko, hindi sila bagay na magkapatid.
“Sir,” matigas na sabi ni sir Aly kay Trinity. “Girls, sige na umalis na kayo,” utos sa amin ni sir Aly kaya naman nagsimula na kaming maglakad at nang lumingon ako sa likod ko ay nakita ko si Trinity na tinuro ang mata niya bago ang sa akin gamit ang dalawa niyang daliri bago sumenyas na parang hinihiwa ang leeg.
Napaawang ang bibig ko bago ko ilabas ang dila ko at magmadaling maglakad.
“Buti na lang talaga dumating si sir Aly dahil kung hindi nako!” si Fhella na mabilis din ang paglalakad.
“Baka umuwi tayo na mukhang pulubi!” sabi naman ni Vanesaa.
Nagkibit-balikat lang ako bago sabayan ang bilis nila sa paglakad.
Nang makarating kami sa parking lot ay huminto kami at ang dalawa kong kasama ay hiningal lalo na si Vanessa dahil sa suot niyang sapatos na may kataasan.
“Hayst, bakit ba kasi ang laki ng eskwelahan na ’to!?” ginihingal na tanong ni Fhella bago sumandal sa isang poste.
“Kalag ako nagpagawa ng eskwelahan ay hindi ganito kalaki.” Isa pa ’tong si Vanessa na nakahawak sa magkabilang tuhod niya.
Halatang mahihina ang mga buto nila dahil sa maikling paglakad namin na ’yon ay hingal na hingal na agad sila?
May tumapat sa aming isang puting sasakyan kaya naman kinabahan ako dahil baka katulad ito ng mga napapanood ko sa T.V na dinudukot nila ang mga babaeng katulad namin at ibebenta sa mayayaman na tao.
Napaatras ako nang bumukas ang pinto nito at may bumabang isang babae na nakasimangot.
Tumingin ako sa babaeng nasa harap namin at halatang mas bata ito kaysa sa amin dahil sa hitsura nito.
“Ate bakit ba you so tagal? Kanina pa kami nagwa-wait sa’yo.” Napataas ang kilay ko dahil sa conyo nitong salita.
Tumingin ako sa tinitingnan niya at nakita ko na kay Fhella siya nakatingin.
“Sino ba kasing nagsabi na sumama ka sa pagsundo sa akin!?” jnis na tanong sa kaniya ni Fhella.
“Mama told me na sumama raw akong sumundo sa’yo because may lakad daw sila ni Dad later,” sagot nito at kaming dalawa ni Vanessa ay nakatingin lang sa kanila.
“Hayst, aalis na naman sila?” tanong ni Fhella at tumango naman ang mukhang mapatid niya habang nakanguso.
“Yeah,” maikling sagot nito bago mapatingin sa amin, tiningnan niya lang kami bago yumuko.
Mukhang mahiyain ang kapatid ni Fhella.
“Oo nga pala, Vanessa, Zelestaire si Fab nakakabatang kapatid ko,” sabi ni Fhella kaya naman sabay kami na kumaway sa kapatid nga ni Fhella nahihiya naman siyang kumaway sa amin. “Fab mga kaibigan ko.”
Sa tingin ko ay nasa 11 or 12 years old ang kapatid ni Fhella dahil na rin sa bata nitong mukha.
Kumamot si Fhella sa batok niya bago tumingin sa amin.
“Mauuna na ako sa inyo, wala kasing kasama sa bahay ’tong si Fab dahil aalis ang parents namin,” paalam sa amin ni Fhella bago sumakay sa kotse nila.
Bago sila umandar ay binuksang muli ni Fhella ang salamin ng bintana ng kotse nila at kinausap kaming muli.
“Vanessa ikaw ng bahal kay Zelestaire at umuwi na rin kayo agad baka maabutan pa kayo mv grulo nila Trinity,” bilin nito sa amin bago tuluyang umalis.
Tumingi naman sa akin si Vanessa na naka-cross arm.
“Sasabay ka sa akin,” sabi niya sa akin at tatanggi na sana ako nang matanaw namin sa hindi kalayuan ang grupo nila Trinity na lumabas na sa gate ng campus kaya naman dali-dali akong hinila ni Vanessa papasok sa kotseng sundo niya.
“Tuwing uwinan ay sumabay ka na sa akin para alam kong ligtas ka talagang nakakauwi,” sabi nito sa amin na agad ko namang tinutulan.
“Ano ka ba! Kaya ko ang sarili ko at saka malapit lang ang bahay ko rito,” wika ko sa kaniya.
“’Yon pa nga ang isang problema, malapit lang ang bahay mo rito baka masundan ka nila saktong mag-isa ka pa naman sa bahay,”  anito habang magkasalubong ang kilay.
May punto nga naman si Vanessa pero hindi naman puwedeng lagi akong nakadikit sa kaniya, paano ako matututong mamuhay mag-isa kung nakadikit ako sa kaniya? Alam kong pag nasa kaniya ako ay hindi niya ako hahayaang pagtrabahuhin.
“Okay lang talaga ako, magdodoble ingat na lang ako,” ayaw kong nag-aalala sa akin si Vanessa dahil baka ma-stress pa siya ng dahil sa akin.
“Ang kulit mo talaga, ikaw ang bahala.” sabi niya kaya naman yumakap ako sa kaniya dahil natanaw ko na rin ang kanto kung saan papunta sa bahay ko.
“Pumasyal ka na lang sa bahay ko kapag may oras ka,” sabi ko kay Vanessa bago kumaway.
“Oo sige, mag-iingat ka.” Kumaway rin siya sa akin kaya naman ngumiti ako.
“Ikaw din!” sigaw ko sa kaniya dahil nagsimula nang umandar ang kotse nila.
Sinimulan ko ang paglalakad, bukid ang gilid ng dinadaanan ko at wala man lang kahit na anong ilaw o poste rito kaya naman binilisan ko na ang lakad dahil padilim na rin ang kalangitan.
Puro sasakyan lang ang nakakasabay ko sa paglakad at wala akong makitang tao man lang na puwede kong sabayan.
Lakad takbo na ang ginagawa ko para lang mabilis ako sa lakad dahil unti-unti ng dumidilim sa nilalakaran ko.
Nakahinga naman ako ng maluwag ng matanaw ko na ang gate nang bahay na tinutuluyan ko.
Kinuha ko ang susi ng gate at binuksan ’yon at agad ko ding nilock bago lumapit sa pinto.
Sinusian ko ’yon at binuksan, pinindot ko ang switch ng ilaw para magkaro’n ng liwanag sa sala ko.
Umupo ako sa sofa upang makapagpahinga muna ng kaunti.
“Grabe parang ang daming nangyari ngayong araw!” singhal ko at nagpakawala nang malalim na hininga.
Tumalon ang puso ko ng maalala ang paper bag sa loob ng bag ko.
Dali-dali ko ’yon kinuha at sinukat sa harap ng salamin ni aling Dana.
Hindi ako nasiyahan sa ginawa ko dahil sinuot ko ito upang makita ng maayos ang hitsura ko.
Hapit na hapit ito sa baywang ko kaya naman nakikita ang korte nito at humuhulma din ang dibdib ko na katamtaman lang naman ang laki.
Sunod kong sinuot ang maroon na coat.
Bumagay sa akin ang kulay dahil may kaputian ang aking balat.
Mataas din sa tuhod ang palda nito kaya naman nakita ang aking nagpuputiang hita.
Kinuha ko ulit ang paper bag at ngayon ko lang napansin na tatlong pares ang uniform  na ito, at may kasama pang limang pares ng medyas at isang white rubber shoes.
Agad na nanubig ang mata ko bago magsuot ng medyas at isuot ang sapatos na kasiyang-kasiya sa akin.
Tumulo ang luha ko ng makita kong kumpleto ang suot kong uniform.
“Ang ganda mo Zelestaire,” sabi ko sa sarili ko at pinilit kong ngumiti kahit na may luha sa mga maya ko. “Maraming salamat, King,” wika ko kahit wala sa harap ko si King.
Umikot pa ako at natuwa ako dahil bagay na bagay sa akin ang uniform namin.
“Napakaganda ko.”