Pagkatapos naming kumain ni Kuya Nash kagabi ay sandali muna kaming nagkwentuhan bago siya umuwi sa kanila. Sandali lang rin akong nag ayos ng mga gamit bahay tsaka ako umakyat sa kwarto ko at nagpahinga.
Sa ngayon ay nag aayos nako para pumasok sa school.
First day of school ngayon at excited nako na medyo kinakabahan dahil bago ang paaralan na papasukan namin ngayon. Hindi naman sa bagong bago sakin kasi nag aral na rin ako nung Kinder Garten hanggang Grade 3 sa paaralan na yun. Di na nga lang familiar sakin kasi matagal na yun. Sa States na kasi ako nag-aral nung Grade 4-6 at nang bumalik kami rito sa Pilipinas ay sa ibang school na ako pinasok, mas malapit kasi rito sa amin. 8-10 minutes lang ang biyahe bago ka makakarating dun. Kaso walang Senior High sa paaralan na yun kaya no choice ako kung hindi lumipat at bumalik sa dating pinapasukan kong paaralan nung Elementarya ako. Mga 20 minutes nga lang ang biyahe mula rito sa bahay hanggang sa school na papasukan ko.
Nakaligo na ako at nakapag break fast na rin, may 40 minutes pa bago magsimula ang klase pero kailangan ko ng umalis dahil 20 minutes ang biyahe at kailangan ko pang hanapin ang Room ko.
Ihahatid raw ako ni Kuya Nash pero hanggang ngayon wala pa siya. Ang sabi niya kagabi aagahan niya.
Binitbit ko na ang bag ko at saka lumabas ng bahay. Sinigurado ko munang nakalock ang pinto bago ako umalis at tinungo ang bahay nila Kuya Nash na kaharap lang ng bahay namin.
Nag doorbell ako rito at isa sa maid nila Kuya Nash ang lumabas at pinag buksan ako.
"Ma'am Akira, ano pong kailangan niyo?" Nagtatakang tanong nito sa akin.
"Ahhh Ate, si Kuya Nash po?"
"Ahh si Sir Nash po, maaga pong umalis eh.. Nag mamadali nga po kanina, mukhang may emergency." Sagot nito na siyang ikina-kunot ng noo ko.
"Subukan niyo nalang po siyang tawagan" Dagdag pa nito.
Tinanguan ko nalang siya at nagpasalamat.
San naman kaya pumunta yun? At anong emergency? Okay lang kaya siya?
Kinuha ko sa bulsa ng bag ko ang cellphone ko at idinail ang number niya ngunit nakailang dial nako hindi niya pa rin sinasagot ang tawag ko.
Ano kayang nangyari?
Napabuntong hininga na lang ako at nagsimulang maglakad papalabas sa subdivision namin, mag hihintay nalang siguro ako ng bus dahil mukhang diko maaasahan ngayon si Kuya Nash. Ayun nga lang mukhang kukulangan 'ata ako ng oras.
Mukha yatang malalate ako sa unang araw ng klase >.<
-
Kinakabahan akong tumigil sa tapat ng pinto ng aking silid aralan. Huminga muna ako ng malalim upang bawasan ang kabang bumabalot sa aking puso't damdamin bago kumatok ng tatlong beses sa pintong nasa aking harapan.
Mahigit 40 minutos na siguro akong late sa klase. Paniguradong magkakaroon na ako ng bad expression sa aking guro, wag naman sana.
"Yes?" Bungad sakin ng babaeng nagbukas ng pintuan. Siya yata ang teacher namin sa oras na ito, naka uniporme kasi ito ng pang teacher kaya paniguradong siya nga. Pero kung nagkataong hindi ito naka uniporme ay pag kaka malhan ko itong isa sa mga kaklase namin, ang bata niya tignan. Parang ka edad ko lang ito.
"Ahm Miss isa po ako sa mga student niyo, pasensya na po kung nahuli ako." Pag hingi ko ng pasensya, ngunit tinaasan niya lamang ako ng isang kilay.
Napalunok naman ako ng sariling laway dahil sa takot na baka ipahiya ako nito sa harap ng klase. Subalit ang takot na aking nadarama ay nawala ng ngumiti ito at inaya ako papasok sa silid aralan.
Dahan dahan akong pumasok rito at laking gulat ng makita ko ang laman ng kwartong pinasukan ko.
Potchieee!!! Bakit may mga bata!!!
Nabaling ang tingin ko sa gurong nakatayo sa harap ng table niya at pawang nagpipigil ng tawa.
"Kids, say Hi to our guest today! Say hi to ate?"
"Akira" Sagot ko ng tumingin ito sakin, waring nagtatanong.
"Say Hi to Ate Akira!"
"HI ATE AKIRA!" sabay sabay na sagot ng mga batang nasa harap ko ngayon.
Awwwww ankyukyut nila. Sarap pag gigilan ng mga pisngi nila.
"Hi and goodbye kids, need na kasing umalis ni Ate. Nasaglit lang ako rito para mag Hi sa inyo. Babalik ako if may time ako para makipag laro sa inyo okay? Sa ngayon, mag study muna kayo ng mabuti okay?" Nakangiting sambit ko.
Nangako tuloy ako ng wala sa oras.
"OKAY PO ATE AKIRA!" Sabay sabay ulit nilang sagot.
Ngumiti nalang ako sakanila bago humarap sa teacher nilang nakatingin rin sakin ngayon.
"I have to go, kailangan ko pang hanapin ang totoong room ko."
"Sabay na tayo, magpapa alam lang ako sa mga bata!" Sabi niya bago humarap sa mga bata at nagpaalam sa mga ito.
"Saan ka?" Tanong nito sa'kin
"Senior High Building , ABM Section A." Sagot ko
Tutulungan niya raw akong hanapin ang classroom namin.
"Sa kabilang building yun ah, bat ka napadpad sa building ng mga kinder garden?"
Napatigil ako sandali ng maalala ang katangahang nagawa ko
-
Pagkababa ko sa harap ng University'ng papasukan ko ay bumungad sa akin ang malakas na simoy ng hangin at katahimikan ng lugar. Nagsimula akong maglakad upang humanap ng mapag tatanungan dahil hindi ko alam kung nasaan ang daan patungong classroom.
Ang lawak ng school na'to at paniguradong maliligaw ka talaga kapag bago ka palang.
Biruhin mo dati Elementary at Junior High School lang ang mga building ng mag aaral rito hanggang sa nadagdagan na ng Senior High School, College at ibang mga building gaya ng Library, Gym, Faculties, malalawak na cafeterias at iba pang mga buildings. Mukhang yumaman 'ata ang may ari ng School na 'to ah. Pagka alala ko noong nag aaral pa ako rito  malilibot mo ang buong School na'to ng hindi ka hihingalin pero ngayon jusko mahigit isang oras yata ako maglalakad bago ko malibot ang buong school na'to.
Ilang minuto akong naglakad lakad ngunit ni isang studyante man lang ay wala akong nahagip, mababait ata ang mga studyante rito dahil kahit unang araw palang nang klase ay pumapasok na sila. Pero mukhang lagot ako neto! Sobrang late na nga yata talaga ako at ako nalang ang tanging nagpapagala gala rito. Ang tagal kasi dumating ng bus kanina! Dumagdag pa ang traffic!
Naglakad lakad pa ako hanggang sa makarinig ako ng mga taong nagkwekwentuhan at nagtatawanan sa may di kalayuan, laking tuwa kong hinanap kung saan nanggagaling ang mga Boses na naririnig ko. Agad ko naman natanaw ang apat na lalaking nakatambay sa isang bench sa gilid ng hallway. Malakas ang tawanan ng mga ito na parang wala lang sakanila kung may makarinig man sakanilang mga guro.
Kahit nag aalinlangan ay lumapit ako sakanila.
Pagkalapit ko ay natigil sila sa pagtatawanan at pagkwekwentuhan at napatitig sakin.
Awkward naman akong ngumiti sakanila at napapakamot batok na tumingin sakanila.
"Ahmm hi mga kuya, magtatanong lang po sana ako, okay lang po ba?" Nahihiyang tanong ko
Agad naman ngumiti ang isa sakanila at tumayo mula sa pagkaka upo.
"Alam ko na itatanong mo.." sabi nito at naglakad papalapit sakin habang ako nama'y nakatingin lang sakaniya.
"Tatanungin mo kung bat ang gwapo ko diba? Hahahha pasensya na ha diko rin alam ang sagot eh!" Tumatawang sambit nito at saka ako inakbayan
Nagsitawanan naman ang mga kasama niya at pinagbabato siya ng kinakain nilang mga chichirya, pati tuloy ako nabato dahil nakaakbay sakin ang lalaking ito. Buti nalang bumitaw na siya at lumayo kunti sa akin.
Totoo naman ang sinabi niya, gwapo siya at hindi iyon mapagkakaila. May pagkahawig nga sila ni Nam Joo Hyuk.
"Joke lang miss, Sige na. Tanungin mo na ang gusto mong tanungin, kung gusto mo interviewhin mo pa kami, okay lang!" Ngising sagot niya
"Ahh haha tatanungin ko lang po sana kung nasaan ang room ng mga ABM students!"
"ABM? Diba yun yung Room nila Zyzy( Zaizai)?" Sagot ng isa sakanila
"Ahh yun yung Room nila Zyzy!" Sagot rin ng isa pa sakanila
"Ayon nga yung sinabi ko!" Sagot ulit ng isa
"Yun rin yung sinabi ko!" Sagot ulit nung isa pa hanggang sa nagsagutan silang dalawa
Napakamot nalang ako sa noo habang pinapanood silang dalawa, habang ang isa pa sakanila ay tahimik lang na pinapanood ang mga kasama niya.
Lumapit naman ulit ang kaninang lalaking umakbay sa akin at bumulong.
"Deretsyo ka lang sa hallway na ito tapos kumanan ka sa bandang doon, then may makikita kang play ground. Dun sa tapat niyang building, sa may second floor. Doon mo mahahanap ang room na hinahanap mo!" Sabi nito at tinuro turo pa ang daan na tutunguhin ko.
Nagpasalamat naman ako sakaniya saka nagpaalam, di na ako nagpaalam sa mga kasama niya dahil busy sila sa pagsasagutan.
Wala nakong oras na sinayang at tinahak agad ang mga dereksiyong itinuro sa akin ng lalaking iyon at napadpad nga ako sa room na iyon.
-
"Ganun pala ang nangyari, mukhang hindi nila na gets yung sinabi mo hahah may section kasi rito na ABM which means Initial name ng isa sa mga Adviser ng kinder garten....  Initial kasi ng mga Adviser ng kinder garten ang nagiging section nila at hindi ko alam kung bakit hahaha " paliwanag nito habang tumatawa
"Mukha nga, kasi sinabi ko naman sakanila na room ng ABM students ang hinahanap ko hindi ABM section at ang t4nga ko rin dahil hindi ko agad napagtanto na sa building lang ng kinder garden ang may play ground!" Kumakamot batok kong saad, tinawanan niya lang ulit ako.
"Pano mo nalamang kinder lang ang may play ground dito? Nag aral ka na ba rito?" Tanong niya sakin, tumango naman ako
"Dito po ako nag aral ng kinder garten hanggang grade 3, noong grade 4 naman ako lumipat kami sa States, kaya nagtransfer ako tapos umuwi kami rito noong First Year High School na ako, kaso di na ako rito pinag aral nina mommy dahil mas malayo ito sa bahay namin. Kaya dun ako pinasok nila mommy sa kabilang school dahil mas malapit, pero walang Senior high dun kaya bumalik ulit ako rito!" Pagkwekwento ko
"Ahhh, sobrang dami na ng pinagbago ng school na to diba? Mas lumawak at gumanda!" Nakangiting saad nito
"Yup... Mukha ngang ma e-exercise ako rito sa lawak ng pwedeng lakarin!" Pag sang-ayon ko
Natigil kami sa pag uusap ng tumigil kami sa tapat ng isang room.
Ito na ba ang classroom namin? Final na 'to?
Baka mamaya, sa room naman ng elementarya ako ipasok.
Jusko, mukhang bumalik na naman ang kabang nararamdaman ko at nadagdagan pa ito ng takot at pangamba na baka ipahiya ako ng teacher ko sa harap ng aking mga kaklase.
"Ano pang hinihintay mo? Kumatok kana!" Napatingin ako kay ma'am di ko alam ang pangalan ng magsalita ito
Kanina pa kami ng uusap pero hindi ko pa pala alam ang pangalan niya
"Ahmm kinakabahan ako eh, Anong oras na. Paniguradong malapit na matapos ang 1st subject. Pano kaya kung hindi nalang ako pumasok?"
Napataas naman ito ng kilay saka siya lumapit sa akin
"Anong hindi papasok? Kung sipain kaya kita palabas sa school na to" masungit na saad niya sabay katok ng tatlong beses sa pinto
Ang harsh Naman ni Ma'am.
Napatayo ako ng tuwid nang bumukas ang pinto ng aming classroom at bumungad samin ang maamong mukha ng isang babae.
Siya 'ata ang teacher namin ngayong time na ito.
"Yes? Ano pong kailangan niyo?" Nakangiting tanong niya habang nakatingin saming dalawa
"Isa siya sa students mo.. tinulungan niya kasi ako kanina sa paghahanap sa isa kong student kaya...ngayon lang siya." Sabi niya kaya napatingin ako sakaniya
Anong sinasabi niya?
Kinindatan naman ako nito at saka ako nginitian
"I have to go! May klase pa akong papasukan" Sabi nito at tumalikod na sakin
"Wait!" Pag pipigil ko
"Anong pangalan mo?" Tanong ko sakaniya
"Call me Angel, Ma'am Angel!" Ngumiti ito sakin at muling tumalikod at naglakad papalayo.
"Thank you Ma'am Angel!" Sigaw ko
Tinaas niya lang sa ere ang isa niyang kamay at saka ito iwinagawayway.
Nakangiti naman akong humarap sa guro kong nakangiti rin sakin ngayon.
"Come in, and please introduce yourself!" Sabi nito at saka pumasok na sa pinto
Huminga muna ako ng malalim saka sumunod sakaniya sa pagpasok.