HINDI expected ni Raine na magpapatuloy pa rin ang topak ni Yuan nang sumunod na araw. Ang akala niya ay matatapos kaagad ang pagtatantrums nito nang nakaraang gabi. Iyon nga lang, cold treatment agad ang ibinigay ni Yuan sa kanya.
“Hayaan mo na lamang muna si Yuan, nagseselos lang iyon,” sambit ni Juris nang nagtanong si Raine tungkol sa behavior ng binata.
“Nagseselos? Eh hindi nga ako babae sa paningin niya,” sagot naman ni Raine nang sandaling iyon. “Posible ba talaga iyang sinasabi mo?”
“Posible iyon, just trust me,” sambit ni Juris. “Nagseselos iyon bilang isang kaibigan. At sa tingin ko ay ako pa ang pinagseselosan niya.”
“Imposible naman yata ang sinasabi mo,” sagot ni Raine. “Ikaw kaya ang best friend niya. Baka nga ako pa ang pinagseselosan niya.”
“Nah, wala nang pakialam sa akin ang isang iyon kung nakakikita man ako palagi ng bagong kaibigan,” sambit ni Juris sa dalaga. “Sa iyo siya may pakialam. Sigurado ka bang hindi pa niya alam na babae ka?”
“Sigurado akong hindi pa nga niya alam,” sagot naman ni Raine. “Alam mo namang bakla ang tingin niya sa akin eh.”
“Wala ka ba talagang balak itama ang pagtingin niya sa gender mo?” tanong naman ni Juris. “Hindi naman kasi pwedeng mali ang tingin niya sa iyo.”
“Bahala na si Batman,” sagot ni Raine. “Hindi ko rin naman maitatago sa kanya forever ang tunay na ako eh. Pero bumalik muna tayo sa problemang mayroon tayo ngayon, ano ang gagawin ko sa topak niya?” tanong niya sa binata.
“Wala,” sagot ni Juris. “Pretend na hindi mo alam ang topak niya.”
Napakamot na lamang ng ulo si Raine nang sandaling iyon, “Hindi naman pwedeng pabayaan ko na lang ang topak niya.”
“Alam mo, kapag sinuyo mo siya ay mas lalala lang ang pagiging topakin niya,” sambit ni Juris sa dalaga. “Baka nga pahirapan ka pa niya lagi kapag napadalas na ang pagkakaroon niya ng kakaibang topak.”
“Ano naman ngayon? Ako ang mawawalan ng tutor kapag nagpatuloy ang topak niya,” sambit ni Raine in a worried tone. “Hindi rin ako sanay na hindi siya nakasigaw sa akin.”
Napapikit na lamang si Juris nang sandaling iyon. Hindi niya alam kung paano niya nagagawang intindihin ang isang babaeng pilit na nagpapakalalaki at ang isang lalaking mas topakin pa sa isang tunay na babae. Kulang na lang ay tapikin na niya ang sarili niya in a comforting tone dahil siya na mismo ang naguguluhan sa ugali ng dalawa. He shivers nang naisip niya ang possibility na malilito ang mga tao sa kanila kung sakali mang magkakaroon sila ng relasyon.
“Juris, pwede bang awayin ko na lang si Yuan?” tanong ni Raine in an innocent tone.
“Oh, bakit mo naman aawayin?” tanong pabalik ni Juris. “Hindi naman iyon magiging effective kung sakali.”
“Malay naman natin,” sagot naman ni Raine. “Hindi naman niya kayang isnabin na lang basta-basta ang pagiging maingay ko.”
“Paano ka naman nakasisiguro?” tanong ni Juris sa dalaga. “Eh daig pa nga niya ang isang tulad mo na tunay na babae.”
“Basta, ako na ang bahalang makipagkasundo sa kanya,” giit ni Raine. “Sigurado namang hindi niya maiiwasan ang charms ko bilang isang bading sa paningin niya.”
UMANGAT na lamang ang isang kilay ni Yuan nang nakita niya si Sandra sa labas lang ng dormitoryong nakalaan lang para sa mga lalaki. Sa pagkakaalam niya ay wala na silang koneksyon pa dahil tinanggap naman nito nang maayos ang hiwalayan nilang dalawa. Sigurado rin naman siyang hindi si Juris ang sadya nito lalo na at alam naman niyang hindi nito type ang kaibigan niya.
“Yuan, pwede ba tayong mag-usap?” tanong ni Sandra sa binata. “Sinadya talaga kita rito.”
Yuan is moody pero hindi naman talaga siya rude sa isang babae kaya kahit na sabihin pang gusto na niyang iwasan ang ex-girlfriend niya ay hindi niya iyon ginawa. Hindi na nga lang niya inaya pa sa loob ang dalaga bilang respeto na rin kay Raine na alam niyang maiilang kung sakali mang maiilang ito sa gagawin niya.
Dinala na lamang ni Yuan sa cafeteria si Sandra nang sandaling iyon para kita silang dalawa.
“Yuan, alam kong malaki ang naging kasalanan ko sa iyo dahil nagawa kitang lokohin noong may relasyon pa tayo,” sambit ni Sandra bago pa man siya nagtangkang hawakan sa kamay si Yuan.
Mabilis ang reflexes ni Yuan nang sandaling iyon. Nang nakita niyang gagamitan na naman siya ni Sandra ng pang-aakit nito ay inilayo na niya kaagad ang kamay niya. Sa tingin niya ay wala na sa lugar ang gagawin nitong paghawak pa sa kamay niya.
“Sandra, please learn how to respect someone’s space,” sabi ni Yuan nang tinangkang habulin ni Sandra ang kamay niya.
“Wala na ba talagang chance na magkabalikan pa tayo?” tanong ni Sandra sa binata.
“Kung ang rason lang ng pakikipagbalikan mo sa akin ay para may maipagmalaki ka sa mga kaibigan mo ay wala na talaga tayong chance na magkabalikan pa,” sagot naman ni Yuan. “I guess hindi mo pa rin nakukuha ang punto kong napagod na ako sa relasyon natin noon.”
“I promise, magbabago na ako,” sambit ni Sandra. “Hinding-hindi na kita lolokohin pa.”
“Kapag sinabi kong pagod na ako, pagod na ako,” sagot naman ni Yuan in a firm tone. “Nagsawa na ako sa relasyon nating lokohan lang sa umpisa pa lang. Nagsawa na rin akong patawarin ka sa bawat panlolokong ginagawa mo sa akin noon.”
“Pero magbabago na talaga ako, promise!” sabi ni Sandra in a pleading tone. “Handa akong magpakatino para lang sa iyo.”
“Promises are meant to be broken,” sambit ni Yuan. “Saka huli na talaga ang lahat dahil may iba na akong mahal.”
“What?! Nagawa mo na akong ipagpalit?!” gulat na tanong ni Sandra sa binata. “Ang akala ko ba ay ako lang ang -”
“Hindi na ba pwedeng makakita ako nang mas better sa iyo?” tanong ni Yuan in a challenging tone. “Sa pagkakaalam ko ay may karapatan naman akong magmahal ulit. Lagpas naman na sa three months bago ako nakakita ng bagong mamahalin.”
“Then ipakilala mo siya sa akin para malaman ko kung mas better nga ba siya sa akin o hindi,” sagot naman ni Sandra.
Magpapalusot na sana si Yuan na hindi pa niya maipakikilala sa dalaga ang kanyang bagong special someone dahil may klase ito nang namataan niya ang papalapit na si Raine. Napangisi na lamang siya dahil nakakita kaagad siya ng sagot sa paparating pa lang niyang problema. Mabilis siyang tumayo para lang hatakin si Raine. Binulungan na lang din niya itong makisama na lamang sa kanya kung gusto pa nitong matulog sa dorm nila.
“Sandra, girlfriend ko nga pala,” pagpapakilala kaagad ni Yuan kay Raine sa dalaga.
“Yuan, ang akala ko pa naman ay isang magandang babae ang ipapalit mo sa akin,” inis na sabi ni Sandra. “Bakit mo naman ako ipinagpalit sa isang lalaki? Bakla ka na ba?”
“Hindi, let me tell you something about her,” nakangiting sagot ni Yuan. “She looks like this dahil ang gusto lang niyang maka-appreciate sa ganda niya ay ako. She makes me feel special in that way dahil ayaw niyang ipakita sa iba ang gandang itinatago niya.”
KUNG hindi lang alam ni Raine na gagamitin siya ni Yuan laban sa dati nitong girlfriend ay siguradong namula na siya nang oras na iyon dahil sa kilig. Kaso nga lang, she is with Yuan na pinagbantaan agad siyang patatalsikin sa kuwarto nila kapag hindi siya nakisakay sa gagawin nito. Nakararamdam na agad siya ng pananakit ng ulo dahil hindi siya sanay na may nag-aaway sa harapan niya.
“Kung girlfriend mo nga siya ay halikan mo siya rito, ngayon na,” sambit ni Sandra in an unreasonable tone.
“Hindi porke’t ipinakilala na niya ako sa iyo bilang girlfriend niya ay nawala na ang respeto niya sa akin,” sambit ni Raine na kinailangan nang sumingit sa usapan ng mag-ex nang oras na iyon. “He is a gentleman kaya hindi siya nagtatake advantage sa akin.”
“Guys, it is just a simple kiss,” giit ni Sandra. “Kung hindi ka hahalikan ni Yuan ay hindi ako maniniwalang babae ka nga!”
Napangisi na lamang si Raine nang sandaling iyon. Talagang inuubos na ng babaeng nasa harapan niya ang pasensiya niya. She is just hoping na hindi patulan ni Yuan ang sinasabi nito.
“Hindi lang kiss ang paraan para maiparamdam mo sa isang tao ang pagmamahal mo, kaya mo nga ako hiniwalayan dahil sa sobrang respeto ko sa iyo eh,” sambit ni Yuan bago pa man niya hinawakan ang kamay ni Raine. “I think hindi naman niya deserve ang pambabastos na ginagawa mo sa kanya dahil magkaiba kayo, magkaibang-magkaiba.”
Isang glare na lamang ang pinakawalan ni Sandra nang nakita niyang hindi niya masisira ang resolve ni Yuan nang sandaling iyon. Kinuha na lamang niya ang bag niya at nagmamadali siyang lumabas ng cafeteria. Mas nainis pa siya nang nakita niyang kinakawayan lang siya ni Raine sa isang gilid.
Mabilis na napabitaw si Yuan nang nasiguro niyang wala na si Sandra sa paningin niya. Hindi siya komportableng hawakan ang kamay ni Raine na maliit pa sa inaasahan niya.
“Sa tingin ko ay kailangan mong magpaliwanag sa akin,” sambit ni Raine nang hinarap na siya ni Yuan. “Hindi ko alam na may ex ka!”
“Hindi naman mahalaga kung may ex ako o wala,” sagot naman ni Yuan. “Ang alam ko lang ay masaya na ako sa pagiging single.”
“Eh kung masaya ka na sa pagiging single eh bakit idinamay mo pa ako sa gusot ninyong dalawa?” tanong naman ni Raine.
“The answer is too simple, inakala niyang magpapakatanga pa rin ako sa kanya,” sagot ni Yuan. “But do not get me wrong dahil kahit na mukha ka pang babae ay imposible namang magustuhan kita. Picky ako sa babae.”
“Sa bakla?” tanong ni Raine.
Isang masamang tingin na lamang ang pinakawalan ni Yuan nang sandaling iyon. Mabilis na siyang umalis sa cafeteria para bumalik sa dorm. Hinabol naman siya ni Raine para lang kulitin. Dahil sa pangungulit ng dalaga ay hindi na niya namalayan pa ang pagsilay ng isang ngiti sa labi niya.