HENTAKI
Maaga akong nagising at tamad na pumunta sa banyo. Tila ngayong umaga ay malamig, at ang balde ng tubig ay parang galing pa lamang sa refrigerator. Bigla kung binuhos sa aking katawan ang tubig at nagmamadaling tapusin ang aking pagligo.  Ano bang espesyal sa araw na ito? Wala naman, pero parang ang araw na ito ay hukuman na.
Naamoy ko ang sinangag na bagong luto galing  sa kusina. Kinuha ko ang mga gamit ko bago lumabas at pumunta sa kusina.
"Morning ma." Bungad ko sa aking ina, na abala sa paghahanda ng almusal.
"Mabuti naman Yukii at nagising ka ng maaga."
Bakit ang taray ni mama ngayon?
Ano ba ang kasalanan ko sa kanya?
Umupo ako sa upuan at kaharap ko ngayon ang isang makintab at bilog na babasagin na pinggan sa ibabaw nito ay may kutsara at tinidor.
Hindi ako umimik at pinagpatuloy ang almusal ko.
Nagpaalam ako sa aking ina at saka lumabas ng bahay. Nasan kaya 'yong mga ulol?
Sumakay ako ng tricycle sa buong biyahe ay tahimik lang ako at hindi iniinda ang kanilang nandidiring tingin. Hanggang sa tumigil ito sa harap ng berdeng gate. Nagbayad ako at tsaka bumaba. Back to school ang putcha. One week na Sembreak ay kulang. Ano ba naman ito?
Nagpatuloy akong naglakad sa walkway at hanggang tumigil sa harap ng classroom.
Welcome to Grade 10 Emily Dickinson
Pumasok ako sa loob ng silid aralan. Na kulay kupas na asul ang pintura sa loob at ang upuan ay maayos na nakahilera.
"Goodmorning Yukii."  Masiglang bungad ni Queshra sa akin. Palagi naman itong hyper. Ngiti ang tangi kong tugon. Dumeretso ako sa aking upuan sa kaliwang bahagi ito kung nakaharap ka sa pisara na nasa silangan. Malapit ito sa bintana at malamig ang simoy ng hangin kapag umaga.
Sa sobrang pagkabagot ko ay  sinubsob ko ang mukha ko sa desk at ipinikit ang mata.
•   •   •
Naalimpungatan ako ng may tumapik sa akin. Nilingon ko kung sino iyon. Bumungad ang mukha ni  Ralph at ngumuso sa direksyon kung nasaan ang pisara. Kaya napatingin ako roon. Nagulat ako nang makilala ko,  kung sinong babae ang nakatayo sa harapan.
"Go ahead miss?" Sabi ng istriktang adviser namin.
Ngumiti muna siya sa direksyon ko bago nag salita kaya napatingin ang iba kong kaklase na lalake.
"Hi everyone I'm Faerleigh Rabao just call me Leigh, I transferred here because my father's workplace is not that far from this school. I hope we will be close guys. That's all thank you." Umupo na siya sa kanyang upuan.
"Next?" Napa-angat naman ang tingin ko. Ano? May isa pa?
May isang babae na  naka black hoodie at hindi mo masyado makita ang kanyang mukha dahil sa soot niya. Ang weirdo.
Nakatitig lang ako sa desk, wala akong pakialam kung sino sila.  Masyadong boring ang period na ito. First period tapos English? Umay. Kumbinsihin niyo akong mag-aral ng mabuti.
"Wait miss Valde, before you speak can you take off your jacket?"
Tahimik ang buong klase at nagmasid sa kanya, pero ang atensiyon ko ay nasa desk kong may vandalism at may naka carve pang key answer ng test.
"Goodmorning Everyone, I'm Xylene Reisskohle Valde and I'm pleased to meet you everyone. That's it ma'am."
Sa wakas ay natapos narin.
Nag-angat ako ng tingin at nagtama ang tingin namin, bigla akong kinabahan, wala akong masabi at tila ako'y nakalutang. Hindi ko alam pero siya lang ang tangi kong nakikita at ang ganda ng kanyang mga mata pero bakit wala itong buhay?
"Miss Valde, you may sit down. Mamaya niyo na ipagpatuloy ang tinginan na iyan."
Napalingon ako sa katabi ko at binigyan niya ako ng isang nakakalokong tingin. Sinamaan ko sila ng tingin. 
"By the way both of you newbies you need to take remedial class in order you to cope up with the class."
Inangat ko ang tingin ko at natuon pala ang atensiyon nila sa akin. Pero hindi ko sila pinansin.
"Okay, I will group you but the member will be randomly picked of course by me. So let's start."
Kinabahan ako at hindi ko alam kung anong dahilan.
"First group will be Hentaki Denver Conoco, Vince Raphael Guini, Xyreth Riley Laurel, Enzyl Jane Paca, Yverette Vone Reña, Xylene Reisskohle Valde will be the group one. Pumunta kayo dito sa harapan." Nanghihina  ang tuhod ko at pilit na tumayo. Tumabi ako kay Yvee, ngumiti ito sa akin.
Nanlaki ang mata ko nang nakita ko sa peripheral vision ko kung sino ang tumabi sa akin. Parang naubosan ako ng hangin, pabilis ng pabilis ang tibok ng puso ko at pinagpawisan ng malamig. Halos nabingi ako at walang naririnig sa paligid. Ni hindi ko maintindihan ang sinasabi ng adviser namin. Nang magbangga ang aming kamay ay parang may kuryenteng dumaloy sa katawan ko at nanlamig ako. Pero bakit parang dumilim ang paligid?
"Yukii!"