" Class, the dress code for the foundation day tomorrow should be casual or semi-formal ok? No revealing clothes or other fancy clothing, do you understand? " our adviser instructed.
" Yes, Ma'am! " All of us said in chorus.
Thursday ngayon at bukas na ang foundation day kaya naman nag-announce na si Ma'am ng dapat suotin bukas. Obviously, walang klase para sa araw na iyon dahil inatasan ang lahat na gumawa ang bawat classroom ng booth kung saan makakapag-enjoy ang mga students at makakapag-socialize. Ang classroom president namin na si Misha ay nag-decide na photo booth na lang ang gawin namin. Pinagdadala niya kami ng props na pwede naming magamit sa booth na iyon. Gusto kasi ng school administration na panindigan ang paniniwala nila na through socialization, mabubuo ang unity sa loob ng paaralan na mas mag-papatibay sa pundasyon nito.
Dahil sa event bukas halos lahat ay naging busy at wala na ring klase sa ibang subject namin, kaya naman nagkukwentuhan na lang kami nina Morrie at Liam. Actually, silang dalawa lang pala, minsan lang ako magsalita.
" Hoy, manang! Dapat maayos daw ang suot ha? Wa'g kang magsusuot ng pang-baduy gaya ng nakasanayan mo HAHAHA, " pang-aasar ni Liam kay Morrie.
" Anong baduy? Hindi naman ako baduy manamit ha! Grabe ka sa'kin Liam, hmp! " naka-pout pa ang babaeng 'to habang sinasabi niya iyon. Simula no'ng malaman kong may gusto si Morrie kay Liam, napansin kong hindi na niya inaasar pabalik si Liam. Ang ginagawa niya, nagpapa-cute na lang siya gaya ngayon para suyuin naman siya ng Liam na 'to.
" Uy! Joke lang naman, di ka na mabiro ngayon? " sagot ni Liam habang kinakalabit si Morrie.
Bumuntong-hininga ako at umirap sa kawalan dahil sa dalawang 'to. Sarap hatakin ng buhok nito ni Morrie, ang arte porket sinasakyan ni Liam trip niya, dinadalasan niya rin ang pag-iinarte. Nakakabagot ang araw na 'to kaya naman tumayo ako at astang pupunta sa canteen para na rin makalayo sa dalawang 'to.
" Saan ka pupunta? " tanong ni Liam.
" Canteen, " maikli kong sagot habang nakatalikod sa kanila.
" Gutom ka? Akin na, ako na bibili ng pagkain mo. Ano bang gusto mo? " presinta ni Liam.
Tumingin ako kay Morrie at nakita kong malungkot siya. Nakatingin siya sa akin kaya naman nakikita ko iyon. Bakit naman kasi pakielamero itong lalaking 'to.
" Si Morrie. Si Morrie nagugutom, siya na lang bilhan mo at saka magc-cr pa ako eh, " pagbibida ko kay Morrie dahil ayokong bigyan niya ng kahulugan iyon. Kaya siguro nagpresinta iyon si Liam dahil nakasanayan na niya na siya ang bibili ng pagkain namin ni Morrie. Gusto kong iyon ang makuhang rason ni Morrie sa aksyon ni Liam at wala ng iba pa.
" Oo nga Liam gutom na ako, " pag-segunda ni Morrie sa sinabi ko.
" Sige, cr na ako," paalam ko sakanila at hinayaan na sila. Hindi naman sa nag-aassume akong may gusto sa akin si Liam pero inaalala ko kasi ang mga nararamdaman ni Morrie. Gusto ko man ng maging mabait-bait kay Liam, baka iba naman ang maging dating kay Morrie kaya naman lumalayo na lang ako para wala ng problema.
Dumiretso ako sa library dahil gusto kong mag-basa, para na rin makatulog ako kapag inantok ako. Pagpasok ko sa library, bilang sa daliri ang tao doon kaya naman tuwang-tuwa ako at ganadong nagbasa dahil alam kong aantukin ako sa ganitong ambiance ng library. May kalahating minuto na akong nagbabasa nang makaramdam ako ng antok kaya naman yumuko ako sa lamesa at nagtakip ng mukha gamit ang libro.
After a while, I heard a soft voice coming from someone, calling me.
"Shai, "
"Mmmm? " I murmured
" Shai, you should wake up now, " the voice said calmy. It sounds so good actually. I slowly opened my eyes and let myself stare at this man's face in front of me. Nandito si Liam sa tabi ko, nakaupo habang nakatunghay sa akin at tinatapik ang balikat ko upang magising ako. Pipikit-pikit mata ko siyang tinignan at inaninag ang ngiti niya. Parang nakaplaster na iyon sa mga labi niya dahil lagi na lang siyang nakangiti sa tuwing kaharap ko siya. But, it's strange that I can't tell the exact meaning of those smiles in his eyes.
" Here, bumili ako ng pagkain dahil nakita kong hindi ka naman sa cr dumiretso," sabi niya habang inaabot sa akin yung mga pagkaing binili niya. I remained unbother. Tinitignan ko ang bawat anggulo ng mukha niya. Hindi ko rin alam kung bakit pero nanatili akong ganoon.
" A-ano Shai, may dumi ba 'yong mukha ko? o nagagalit ka ba kasi ginising kita? M-medyo naiilang na kasi ako hehe, " nahihiya at nauutal na sabi ni Liam. Sakabila noon, nanatili ang titig ko sakaniya. Hindi ko na rin maintindihan ang sarili ko.
" Lumayo ka sa akin, " usal ko nang mapagpasyahan na itigil ang pagtitig sa kaniya. Nalito naman siya sa sinabi ko pero maya-maya literal niyang inilayo ang katawan niya sa akin pati na rin ang kinauupuan niya.
" Sorry, ginigising kasi kita kaya lumapit ako," sabi naman niya.
" 'Wag ka nang lalapit sa akin para kausapin ako o kung ano man, " pagpapatuloy na sabi ko. Nangunot ang noo niya sa sinabi ko pero 'di ko na pinansin iyon. Hindi ko na kailangang ipaliwanag sa kaniya kung anong ibig sabihin niyon dahil pati ako ay hindi maintindihan kung bakit pumasok iyon sa utak ko at lumabas sa bibig ko, kaya naman tumayo na lamang ako at akamang aalis nang hawakan niya ang braso ko at pigilan ako sa pag-alis.
" Anong ibig sabihin ng sinabi mo? " he asked. Malay ko. Sagot ko sa isip ko. But, I remained silent, not minding his question.
"You should stay, I want to tell you something, " out of nowhere he said that while looking into my eyes. This time, siya naman ang nakatitig sa akin habang nakatayo ako at nakaupo naman siya. Gaya ng ginawa ko kanina nakatingin lang siya sa akin na animong kinakabisado ang bawat parte ng aking mukha.
" Shall I stay? Why would I ? " I asked in a mocking way. He continued to stare at me like what I have done a while ago. Hindi ko matagalan iyon kaya naman umiwas agad ako ng tingin at umalis sa pagkakahawak niya. Medyo nakukuryoso ako sa sasabihin niya pero hindi iyon naging hadlang upang umalis ako sa sitwasyong iyon at iwan siyang nakatingin sa akin. Hindi ko alam kung anong meron sa akin ngayon. Hindi ko rin mabigyan ng katwiran ang mga aksyon na ginagawa ko. Bahala na lang sa susunod.