"Kanina lang sobrang confident ka tapos ngayon nakasimangot ka na?" Puna ni Rowan habang kumukuha ako ng Juice. Hindi ko na lang siya pinansin.
Sino naman kasing hindi sisimangot kung makikita kong kausap ni Rouie 'yung babaeng nakita ko kanina sa picture. Ang ganda pa naman no'n at dalagang-dalaga na, samantalang tinatawag nila akong nene.
"Sabi ko naman sa 'yo classmate niya lang 'yan."
"Hmp." Tinawanan niya ako saka hinila sa braso. Akala ko kung saan kami pupunta, hinila niya ako palapit kina Rouie kung saan kasalukuyang nakikipagkwentuhan sa mga classmates at kaibigan niya.
"Hi." Nakangiting bati ni Rowan sa kanila kaya napilitan na lang akong ngumiti.
"Pakilala mo naman kami, Roy!" Nakangiting sabi no'ng isang lalaki habang sinusulyapan ako. Nakita kong bahagyang napasimangot si Rouie bago kami binalingan ng kapatid niya.
"Rowan, kapatid ko." Saka niya tinuro si Rowan. "Allison, childhood friend." Tipid na sabi niya kaya bigla akong nabuhayan. Mabilis akong nakipagkamay sa mga friends niya. Pinakilala niya ako as childhood friend! Sino namang hindi matutuwa 'no.
"Hello, Allison!" Nakangiting bati no'ng babae kaya hilaw akong napangiti.
"Levi." Tinguan ko naman 'yong lalaking tahimik lang sa gilid.
"Samuel here."
"Harvey."
Ang dami nilang nagpakilala kaya hindi ko na gaanong natandaan lahat ng pangalan nila. Nakipagkwentuhan naman sila sa amin ni Rowan kaya tuwang-tuwa ako. Kahit na medyo bata pa ako, nakakasabay naman ako kahit papaano. Mostly, tungkol sa school ang pinag-usapan namin, sa college life namin ni Rowan at kung ano ano pang school stuffs. Bago napunta kay Rouie ang topic.
Anila'y masyadong snob si Rouie, hindi raw nila halos akalaing magiging friend nila 'yon. Nakangiti ako habang nakikinig sa mga kwento nila. Si Rouie naman ay tahimik sa gilid at paminsan-minsang natatawa.
Ang cool niya talaga.
"Hoy, tara na." Pag-aaya ni Rowan. Syempre kahit na gusto kong magdamag na kausapin sina Rouie, hindi pwede. Nagpaalam na kasing uuwi ang iba sa kanila kaya kailangan na naming humiwalay sa kanila.
"Hindi ko man lang nakausap si Rouie." Nakasimangot na saad ko habang naglalakad kami papuntang kusina para kunin 'yong pagkaing binalot ni Tita para iuwi ko sa bahay namin.
"Kaninong kasalanan na hindi mo man lang kinausap?" Saka niya 'ko tinaasan ng kilay.
"Hi po, Tita." Bati ko nang makita si Tita na abala sa pag-aayos ng mga ginamit na plato. Kanina kasi nag-offer kami ni Rowan na tumulong pero ayaw niya naman, sabi niya makisali na lang kami sa ingay sa labas. Medyo naengganyo rin pati akong makipag-usap sa friends ni Rouie. Kahit na medyo ahead sila sa 'kin ng 3 or 4 years.
"Pakibigay na lang kay Mama mo."
"Opo. Salamat po, Tita." Nakangiting tugon ko saka kinuha ang paper bag na naglalaman ng mga pagkain. Siguradong matutuwa si Papa neto.
"Ro, ihatid mo na 'yan si Allison. Gabi na." Nakita ko pang napakamot si Rowan sa ulo niya. Pa'no, ang lapit lang naman talaga ng bahay ko. Pero syempre wala siyang choice kundi sumunod, takot niya na lang kay Tita.
"Mauuna na po ako, Tita! Salamat po sa pafoods and invite!"
"Welcome. Basta ayusin ang pag-aaral para mapansin ka ni Roy." Natatawang sagot niya kaya natawa na rin ako.
Alam kasi ng lahat dito sa 'min na patay na patay daw ako kay Rouie. In my defense naman, crush lang 'yon 'no. Happy crush.
"Tara na nga. Manonood pa 'ko anime." Untag ni Rowan saka binitbit ang paper bag na dala ko. Nagpaalam ulit ako kay Tita bago tuluyang lumabas.
Hindi ko na rin nakita pa si Rouie. Mukhang nasa kwarto niya na yata o baka naman busy pa sa pag-entertIn sa mga bisita niya. 'Di bale, kuntento naman na 'kong nakita siya nang ilang oras.
"Para kang tanga." Komento ni Rowan habang naglalakad kami.
"Bakit?" Inosenteng tanong ko habang patuloy sa pag-hum ng kantang Touch by Touch, ayan na nga ba. Na-LSS kasi ako. Paulit-ulit ba namang kinanta sa videoke e.
"Ang creepy mo ngumiti." Hindi ko na lang siya pinansin.
Pagdating sa bahay ay agad kong nakita si Mama at si Papa naman nakasakay sa wheelchair. Nagmano si Rowan sa kanilang dalawa.
"Salamat, Hijo. Pakisabi rin kay Mama mo, salamat."
"Walang anuman po, Tita."
Nagpaalam din naman agad si Rowan pagkatapos ibigay ang pagkaing binalot ni Tita. Nagkiss ako sa pisngi ni Mama saka hinarap si Papa.
"Hi, 'Pa! Galing ako sa bahay nina Rouie! 'Yung future son-in-law mo po." Nakangising tugon ko. Hindi siya sumagot. Abala siya sa sarili niyang mundo. Hawak niya 'yung paborito niyang laruan, isang eroplano.
Matanda na kasi si Papa kaya bumabalik na sa pagkabata, nag-uulyanin. Idagdag pa ro'n ang sakit niyang Alzheimer's Disease. Sobrang madalang niya na nga lang akong maalala e. Matagal siyang nasa isang center pero nang malaman ni Mama na lalong lumala ang sitwasyon ni Papa, nagpumilit siyang iuwi na lang 'yon. Marami ring ari-arian nila ang napilitang ipabili at isangla dahil do'n. Mabuti na nga lang at nakakasurvive pa kami kahit papaano, mula sa pension ni Papa.
"Magbihis ka na ro'n. Dalagita ka na, dapat dalaga na rin ang kilos Allison Jane." Panenermon ni Mama habang tinutulak ang wheel chair ni Papa papasok.
"Binisita mo na naman si Roy 'no?" Nakangising saad ni Mama kaya napatango ako.
Siya kasi ang nagsisilbing human diary ko. Kinukwento ko sa kaniya lahat ng tungkol sa kabaliwan na ginawa ko kay Rouie. Ang manhid at ang tigas naman kasi ng isang 'yon. Ilang years ko na siyang crush pero umaakto pa rin siyang hindi niya alam o wala lang. Nakakainis tuloy. Suplado.
"Hindi ka naman no'n magugustuhan. Masyado ka pang nene."
"Mama!" Tinawanan niya lang ako. "At saka 3 years lang ang agwat ni Rouie sa 'kin! Kayo nga ni Papa 15 years ang tanda niya sa 'yo e." Pagrarason ko kaya natawa na lang siya.
"Oo na lang." Sagot niya habang nilalagay sa ref ang mga pinamigay ni Tita. Ang dami naman kasi no'n. Siguradong aabot pa 'yon hanggang lunch bukas dahil tatlo lang naman kami rito.
"E ayaw mo ba kay Rowan?"
"Ayoko nga! Best friend ko 'yon, 'Ma." Napailing na lang siya kaya nagpaalam na akong pupunta na sa kwarto.
Fan kasi talaga siya ni Rowan, the charming boy, ika nga nila. Lahat sila mas nagagwapuhan kay Rowan, ewan ko ba. Para sa 'kin para siyang bakla na moody na ewan. Kahit na sobrang popular niya sa girls parang wala siyang appeal sa 'kin? O baka dahil sabay kaming lumaki. Siya palagi kalaro ko to the point na halos magpalitan na kami ng mukha. Palagi rin kaming magkaklase simula elementary, nabago lang no'ng nag high school dahil nasa star section ako samantalang siya naman second to the last yata.
Dahil nagdinner na ako sa handaan nina Rouie, hindi na ako nag-abala pang lumabas ng kwarto. Kinuha ko na lang ang cellphone saka nagbukas ng data. As usual, naglog-in ako sa Facebook para istalk si Rouie. Hindi siya pala-post pero natutuwa lang ako kapag tinitingnan ang mga pictures niya. Sinesave ko pa nga ang iba. May isang picture din siyang nakaframe at nakalagay sa mesa ko.
Napakunot noo ako nang makita ang may nag-add sa 'kin. Wala kaming mutual friends kaya nakakapagtaka kung saan niya nakuha ang pangalan ko. Cinlick ko ang profile niya at inistalk. Gawain ko na kasi 'yon.
Isang lalaking nakasuot ng disposable face mask at nakahood ang nakalagay sa profile. Medyo blurred pa 'yong picture kaya halos wala akong maaninag sa mukha niya. Masyadong misteryoso. Wala ng ibang pictures pa maliban do'n. Sigurado rin akong hindi real name 'yang gamit niya. It says, Eren Jaeger which is an anime character I guess?
Usap-usapan din kasi sa school ang Attack on Titan, lalo na at dakilang fan ng anime si Rowan kaya medyo may alam din ako.
Inaccept ko na lang dahil wala namang mangyayaring masama sa 'kin 'di ba? At saka wala ring kwenta mga pinopost ko. Hehe.
Nagpatuloy ako sa pagscroll sa newsfeed at sa walang katapusang pagshare ng memes. Nakakailang shared post nga yata ako everyday kaya iritable sa 'kin si Rowan. Palagi raw lumalabas sa newsfeed niya. Bahala siya diyan. Account ko naman 'to e. At saka pampawala lang ng boredom.
Nagulat ako nang magmessage sa 'kin 'yong Eren Jaeger.
EREN JAEGER
You're friends on Facebook.
9:36 PM
Say Hi to your new Facebook friend, Eren.
Eren: Hi
Allison: Sinoka po?
Eren: Hindi ako sinoka
Eren: Inire ako ng nanay ko
Allison: Wow HHAAHAHHA ang witty mo po dun kuya
Eren: Thanks
Allison: San mo po pala nakuha fb account ko?
Eren: Secret
Allison: Okay hehehe
Allison: Matutulog na po ako kuya byebye
Eren: Good night, sweet Ally.
seen at 9:50 PM
Napatihaya ako saka in-off ang data. Ang weird niya naman. Kakaadd pa lang sa 'kin, chinat ako agad? May panickname pang nalalaman.
"Teka..." Kinuha ko ulit ang phone ko saka inistalk ang timeline ni Rowan. As usual, puro anime stuffs ang nakita ko ro'n. "Hindi kaya siya 'to? Baka mamaya niyan pinagtitripan ako." Bulong ko.
Hindi rin siya online ngayon at sobrang bihira siyang mag-online. Napaisip tuloy ako, ito ngang reall account hindi niya mamanage nang maayos tapos gagawa pa siya ng dummy account? Ang weird talaga. Itatanong ko na nga lang sa kaniya bukas kung siya ba 'yon. Medyo may saltik pa naman 'yon sa utak.
Minsan niya na akong pinagtripan sa Facebook e. Gumawa siya ng account na nakapangalan kay Rouie. Pati mga photos na nandoon puro pictures ng kuya niya kaya nagpaniwala ako. Syempre, alam niya namang crush na crush ko si Rouie e. Sobrang uto-uto ko to the point na sobrang kinilig ako dahil sa mga pick-up lines niya. Nahihiya daw siyang kausapin ako kasi crush niya rin daw talaga ako. Sobrang saya ko kaya pinamalita ko pa kina Mama.
Nagpunta pa ako sa building nina Rouie noon! Senior high siya no'n tapos ako naman nasa grade 9 siguro. Pinuntahan ko siya kasi chinat niya ako na sabay kaming umuwi pero pagpunta ko ro'n, nganga. Napahiya lang ako. Kunot na kunot ang noo niya tapos sinabing wala raw siyang facebook account.
Saka ko lang narealize na si Rowan ang may kagagawan. Peste siya. Hanggang ngayon hindi ko nakakalimutan 'yon. Pinaasa ba naman ako.
Napailing na lang ako saka pinikit ang mata. Yari talaga 'yang Rowan na 'yan sa 'kin bukas.
--------
"Hoy, Allison! Baba ka na. Kanina pa naghihintay si Rowan!" Sigaw ni Mama mula sa baba. Napailing ako. Kahit naman hindi siya sumigaw maririnig ko pa rin ang boses niya dahil sobrang lakas no'm. Required ba talaga sa mga Nanay na malakas ang boses?
"Oo na po, pababa na!" Sigaw ko pabalik saka dinampot ang bag at cellphone ko.
Nadatnan ko si Rowan sa baba na kinakausap si Papa. Si Papa naman tumatango lang. Siguradong hindi niya nakikilala ang kumakausap sa kaniya.
"Alis na kami, Ma! Babye Pa!" Kiniss ko silang dalawa sa pisngi bago ko hinila si Rowan sa kwelyo paalis.
"Aray naman." Reklamo niya habang inaayos ang polo niya. Kasalukuyan kasi kaming naglalakad.
"Pinagtitripan mo na naman ba ako sa Facebook?"
"Ha? Hindi ah." Depensa niya saka mabilis na lumayo sa 'kin. Mabuti na lang at nakalayo siya, kung hindi talagang gugulpuhin ko siya.
"Sigurado ka, Eren Jaeger?" Nangunot ang noo niya bago siya natawa.
"Hindi nga. Kung gagawa lang ako ng account si Levi na lang." Tumatawang sagot niya kaya inirapan ko na lang.
"Siguraduhin mo ha?"
"Oo nga." Tamad na sagot niya saka ako sinabayan sa paglalakad. "Bakit? May nagmemessage sa 'yo?"
"Oo. Eren Jaeger ang name. Ang weird niya nga e." Untag ko kaya hindi na siya sumagot pa. Hindi na lang din ako nagsalita pa hanggang sa makasakay kami sa jeep.
As usual, pagdating sa room maingay na naman. Sa senior high kasi nawala na 'yung star section something. Siguro dahil lahat ng matatalino ay ineexpect nilang nasa STEM. Hindi ko nga gusto ang kalakaran ng sistema ngayon e. Nadidiscriminate kaming mga HUMSS, GAS at 'yung iba pang mga kurso na hindi STEM at ABM. Lagi kaming napag-iiwanan samantalang priority naman ang mga STEM students. Sobrang unfair talaga.
"Tara na." Napalingon ako kay Rowan na mukhang kating-kati nang lumabas. Recess na kasi at nakaugalian na talaga naming sabay kumain. As in. Kaya nga ang malisyoso ng mga tao 'pag nakikita kami. Lagi na lang kasi kaming magkasama at sobrang impossible daw na walang something na involve.
Tinatawanan ko na lang. Ako? Magkaka-something kay Rowan? Never. At alam kong gano'n din tingin niya sa 'kin.
"Kupad mo."
"Oo na, Sir." Sagot ko saka sinara ang zipper ng bag ko.
"Sure ka ba talagang 'di ikaw 'yung Eren?" Umiling lang siya bilang sagot kaya medyo nakumbinse naman na ako kahit papaano.
Harmless naman yata 'yung Eren 'no? Baka naman napadpad lang sa account niya 'yung maganda kong pangalan. Hehe.
***