Maureen's POV
Sa nagdaang linggo hindi pa rin ako nakaka-move on dahil sa nalaman kong mag-ex pala si ate at si Travis. At sa nagdaang linggo iniiwasan ko na din ang dalawang mag-best friend na pasakit lang sa puso este isip. Ang awkward lang talaga, tapos feeling ko di ko talaga sila makakasundo, lalo na yung isa.
"Anong balak mo ngayong foundation day?" Tanong sa akin ni Claire.
Nandito kami ngayon sa isa sa mga bench sa school, tumatambay lang since malapit na pala ang foundation day ng school.
"Wala. Same old gimik, titingin-tingin lang sa mga booth." Bored na sabi ko sa kanya.
Tinignan niya naman ako ng may pagtataka, duh anong pinagtataka niya? Eh parati naman akong hindi sumasali sa mga ganyan. Bigla akong napahawak sa braso ko ng biglang lumipad ang kamay niya upang hampasin ako.
"Aray ko?! Ano bang kasalanan ko sa iyo ha?!" Inis na tanong ko sa kanya habang hinihimas-himas ko ang braso kong pinalo niya.
"Ikaw kasi eh! Diba sabi ko sayo sasali ka na sa mga activity sa school, graduating na nga tayo at hindi ka pa rin sumasali sa mga activities dito." Sabi niya habang nakameywang sa harapan ko.
Hindi nga ako sumasali sa mga activities sa school. Simula first year kami hanggang ngayong grade 12 na kami. Ayaw ko lang kasing sumali, nakakahiya kaya. Too bad, di ko ata matutulad yung pangako ko sa sarili kong sasali na sa mga activities ngayong taon.
"Ehh nakakahiya kaya sumali. Atsaka bakit ako lang yung inaano mo? Sumali ka ba noon? Diba hindi?" Paghahamon ko sa kaniya.
Napatulala naman siya ng ilang minuto at agad ding nakabawi saka siya nagsalita ulit.
"Hindi na yun counted no! Atsaka sumali kaya ako nung grade 9 tayo."
Ay tama, sumali pala siya noong grade 9 kami. Quiz bee ba yun? Nanalo naman ata siya nun eh. Champion pa. Edi sanaol matalino tas mataas yung confidence.
"Oh ano ka ngayon? Diba tiklop ka! Totoo naman eh, na ikaw lang ang hindi sumasali sa mga activities dito." Sabi niya habang tumatawa.
"Pumasok na nga lang tayo sa classroom." pag-iiba ko ng usapan.
Tumayo na ako sa kinauupuan ko saka naglakad patungo sa classroom.
"Uyy best friend. Wag ka nang magtampo, nagbibiro lang kaya ako kanina." Sabi niya habang nakakawit ang braso niya sa braso ko.
Sige nga, kunwari nagtatampo ako sa kanya. Pabiro kong hinawi ang kamay niya at tumakbo na papunta na ng classroom. Narinig ko pa siyang tinatawag ako.
***
"Ok class, wala muna tayong discussion ngayon dahil pagplanuhan muna natin ang mga magaganap ngayong foundation day."
At dahil sa sinabi ni ma'am nabuhayan ang loob ng mga kaklase ko at nagsimula na silang mag ingay ng kung ano ano.
"Yes! Foundation day!"
"Whoooh! Marami na naman ng foods."
"Sino kaya ang Mr. and Ms. Foundation day?"
"Class, tumahimik muna. Dahil napag-usapan na namin teachers ng other section na dito daw tayo kukuha ng pang-laban sa Mr. And Ms. Foundation Day. So anyone, sinong gustong mag-volunteer sa inyo??"
Kanyang-kanya namang nagpataas ng kamay ang mga kaklase ko pero isa lang ang tinuro ni Ma'am upang pagsalitain.
"Ma'am magvo-voting na lang tayo. Para fair po sa lahat." Sabi ng president namin dito sa room na si Marga.
Sumang-ayon naman si ma'am, kaya naglagay na siya ng 'Mr.' at 'Ms.' sa board. Grabe siguro yung magiging pressure ng magiging representative. Ikaw ba naman ang maging pambato ng whole batch, tiyak kakabahan ka talaga.
"Ok let's start the nomination, for the girls sino ang gustong sumali?" Pag-uumpisa ni ma'am.
Nagkakanya kanyang taas naman ng kamay ang mga classmate kong babae. May tinawag na si Ma'am. Kaya nagsalita na yung tinawag niya.
"I highly nominate myself." Proud na pagkasabi ni Andrea.
We can clearly hear the crickets around us. Andrea’s not a good opponent. Madaya ito at tuso. She would do anything para makuha ang gusto niya. Marumi itong maglaro.
Bigla nalang nag-pataas ng kamay si Amie, kaya tinawag din siya ni ma'am.
"I nominate Aris to be our representative."
Literal na napa-nganga ako sa sinabi niya. This is bad, sana pumayag si ate Aris. Biglang nag-pataas ng kamay si claire, sino naman ang i-nonominate niya?
"I close the nomination."
Pumalakpak ang mga kaklase namin dahil sa sinabi niya. Nagsimula nang mag-lagay si ma'am ng mga pangalan sa board.
"Ok let's start from Andrea. tumayo kayo kung gusto niyong bumoto sa kanya."
May tumayo naman, pero dalawa lang sila. Sina Andrea at yung best friend niya jusko.
"Kay Aris naman, sino yung boboto sa kanya? Ta—"
Naputol ang sinabi ni Ma'am ng biglang tumayo lahat ng mga kaklase namin at humiyaw except sa akin, si Tyler, Travis at si ate.
"So it's final. Si Aris na ang Ms. Foundation day natin."
Oh my! Hindi ako makapaniwala. Sino naman ipa-partner Kay ate? Sa cold niyang yan may ipa-partner pa ba sa kanya? Palihim akong tumingin kay ate, at kitang kita sa ekspresyon niya na hindi niya nagustuhan ang nangyayari.
"So sa partner naman ni Aris. Sino ino-nominate niyo?"
Nagpataas naman ng kamay si Marlow. Seryoso? Sasali siya sa Mr. And Ms. Foundation day? Kawawa naman ang ate ko pag yan ang naka-partner niya. Ang ate ko mataas, eh siya hanggang balikat lang yan sa akin eh.
"I luminate myself."
Halos lahat ay nagtawanan dahil sa sinabi niya. Ano daw? Luminate? HAHAHAHAHA
"Marlow, hindi luminate, NOMINATE."
Diniinan pa talaga ni ma'am ang word sa huli. May nagpataas naman ng kamay ang isang kaklase kong lalaki.
"I nominate Travis."
Pagkasabi niya nun, Napa-nganga na naman ako. Don't tell me sila ni ate ang magka-partner? This will be exciting and scary at the same time.
"Ok so let's start voting na. Tumayo na ang boboto kay Marlow."
Biglang tumahimik ang lahat at kahit ni isa ay walang tumayo, kaya walang bomoto sa kanya.
"So it's already done. Sina Aris na at Travis ang magka-partner sa Mr. And Ms. Foundation Day."
Naglagay na si Ma'am ng final list sa board para sa Mr. And Ms. namin.
Mr.:
Joseph Travis Alvarez
Ms.:
Janice Aris Perez
Ngayon ko lang napansin. Bagay pala ang pangalan nila, no? Parang bagay din naman sila eh hehe. Sana nga lang na magkasundo yung dalawa para wala nang maging problema.
_________________________