Maureen's POV
Nandito kami ngayon ni ate Aris sa isang ice cream shop na malapit sa subdivision namin. Mabuti na lang talaga at pumayag siya sa request ko.
"Anong nakain mo at nag-yaya kang kumain ng ice cream?" Sabi niya habang nilalaro ang kutsara niya.
"Wala, trip lang. Gusto ko lang kumain at para kumain ka din ng kapwa mong cold." Siyempre binulong ko lang yung last. Ayaw ko pang mamatay ng maaga 'no.
"Hindi ka pa din nagbabago. Andami mo pa ding trip sa buhay." Sabi niya.
Hindi ko tuloy masasabi kung nagsasabi ba siya ng totoo o niloloko niya lang ako, naka-poker face kasi siya. Pero at least, medyo kilala niya pa pala ako.
"Siyempre! Ako pa! Tatak Perez ako 'no." Proud kong sabi sa kanya
Pero siya, hindi man lang siya ngumiti sa akin. Tumahimik na lang ako at nagpatuloy na lang ako sa pag-kain. Wag kang masyadong feeling close, Maureen Margaux. Baka nawiweirdohan na yang ate mo sa'yo.
"Bilisan mo na dyan, baka hinahanap na tayo nila mom." Sabi niya. Tumango na lang ako saka ipinagpatuloy ang aking pagkain ng ice cream.

***
Andito kami ngayon sa dining table kasama sina mommy at daddy na nag-hahapunan.
"So, how's school?"
Ayan na! Nagsimula na silang mag-tanong tungkol sa school. Hindi ako magaling magsinungaling!
"Nothing unusual, parehas lang naman ang nangyayari sa school." Sabi ni ate Aris habang nilalaro ang kanyang pagkain na nakalagay sa kanyang plato.
Kawawa naman yung ulam, nilalaro lang. Akala ko feelings lang ang pwedeng paglaruan, pati rin pala ang pagkain. I don't get it, parehas namang bawal paglaruan yung dalawa pero ang daming taong pinaglalaruan ito.
"Aris, stop playing with your food." Sita ni mommy sa kanya
"Yeah yeah, sure. Wala na akong gana, akyat muna ako sa taas." Bored na sabi niya bago siya tumayo sa kanyang upuan at pumanhik na sa itaas
"Hay naku, patagal nang ay patagal lumalayo na sa atin ang loob ng batang yun." Malungkot na sabi ni mommy
Tama si mommy lumalayo na nga ang loob sa amin ni ate. Naku kung makita ko talaga yung ex niya, mapapatay ko talaga siya pag nagkataon!
"Akyat po muna ako." Sabi ko sa kanila nang matapos na akong kumain.
Dumiretso na ako sa kwarto ko at pabagsak akong humiga sa kama. Makikita ka na naman yung ulupong na yun. Hindi ko naman talaga sinadya na masipa yung ano niya eh. Palibhasa gwap— este gag*.
Napabalikwas ako mula sa pagkahiga at sinampal ko ang sarili ko. Okay inaamin ko, gwapong gag* siya. Kaya alam ko sa sarili ko na hindi ko siya magugustuhan. Never as in never! Durugin ko pa ang pagmumukha nun eh.
***
Nasa tapat ako ngayon ng pinto ni ate Aris. Pano ko sasabihin sa kanya na kakain na? Mag-isip ka Maureen. Bumuntong hininga muna ako at kakatok na sana ako ng biglang bumukas ang pinto.
"What are you doing?" Tanong niya habang naka-taas ang isang kikay niya.
"Ahh ehh k-kakatok sana ako." Sabi ko saka binaba ang kamay ko.
"Then?"
"At yayain na sana kita kumain ng almusal?"
Bakit patanong yung sagot ko? Basta nasabi ko na ang kailangan ko. Aalis na sana ako ng bigla siyang nagsalita ulit.
"Hindi na ako kakain. Antayin nalang kita dun sa baba."
"Per—"
Naputol yung sasabihin ko dahil sinira na niya ang pinto. No choice, kakain na naman akong mag-isa. Ok lang, sanay naman akong MAG-ISA.
***
"Asan ba ang faculty dito?" Tanong niya habang kinukuha ang bag niya sa likod.
"Uhh dun sa may gilid ng hallway, tapos liliko ka muna sa left tapos may pinto na nakalagay na 'Faculty'." Sabi ko habang tinuturo ang direksiyon sa kanya.
Tumango-tango naman siya habang nakatingin sa cellphone niya. Yung totoo, nakikinig ba ito o hindi? Kinuha na niya ang bag niya at bumaba, pero bago pa siya makababa ay hinawakan ko ang kamay niya at nagtanong.
"San ka pupunta?"
"Dun sa faculty gusto lang ako makausap ng adviser natin." Sabi niya kaya binitawan ko na ang kamay niya. Bumaba na din ako at pumunta na ng classroom.
***
Umupo na ako dito sa upuan ko at dumukdok sa desk ko. Hindi kasi ako naka-tulog kagabi. Pano ba naman kasi! Ang likot likot ng utak ko, kung ano ano yung iniisip!
"Ugh ano ba yan?!?" Napabangon ako bigla nang may yumugyog sa balikat ko
Sinamaan ko ng tingin si Claire at nag-peace sign naman siya.
"Sorry na, magtatanong lang ehh." Nakapout na sabi niya.
"Sige na nga! Ano ba ang tanong mo?"
Ngumiti naman siya ng napakalaki at niyugyug niya na naman ang balikat ko. Ang hilig niya naman sa ganyan.
"Diba ngayon ang pasok nung ate mo?"
Tumango ako kahit naiinis pa din ako sa kanya. Bigla na lang siyang tumili kaya dali dali kong tinabunan ang bibig niya. Nyare sa kanya?
Nang huminahon na siya, tinanggal ko na ang kamay ko sa bibig niya. Ngumiti na naman siya at nag-peace sign. Ano kaya ang nginingiti nito? Ano naman sa kanya kung ngayon papasok si Ate?
"Ops, alam ko yang mukha mong yan. Para masagot ko ang tanong mo, na-eexcite kasi ako dahil makikita ko na ulit ang ate mo!!"
Yun lang?! Yun lang ang kinatuwa niya?! Grabe parang siya yung kapatid ah.
"Ano na kaya ang itsura niya? Siguro magkamukha pa rin kayo." Ani niya na parang nag-iimagine.
Nangunot naman ang noo ko sa sinabi niya. Pero bago pa ako makapagsalita ay pumasok na ang adviser namin.
"Good morning class, ngayon may bago na naman kayong kaklase. Hija, pumasok ka na."
Samo't saring bulungan na naman ang nangyari nang tuluyan nang makapasok si ate.
"Sino kaya yan?"
"Ang ganda naman niya"
"May kamukha siya, ‘no?"
Pinutol ni Ma'am ang bulung-bulungan at nagsalita na ulit siya.
"Hija, magpakilala ka na sa kanila"
Bumuntong hininga naman si ate saka siya nagsimulang magsalita.
"I'm Janice Aris Perez." Bored na pag sabi niya.
Parang biglang naging interesado ang mga kaklase ko ng dahil kay ate. Katulad ni claire, na kulang na lang ay kumuha ng notebook at ballpen para isulat ang lahat na sasabihin ni ate.
"Class may tanong ba kayo sa kanya?" Pagkasabi palang ni ma'am nun ay nag pataas na agad silang lahat ng kamay.
"Kapatid mo ba si Maureen?"
"May bf ka na?"
"May nan—"
Biglang tumahimik ang lahat nang biglang pumasok ang dalawang mahangin na lalaki. Sino pa ba? Edi si Tyler at si Travis. Napairap na lang ako sa hangin ng magsalita na naman ang mga fangirls nila.
"Kyaah! Andito sila!"
"My ghad! Hindi na ako makakahinga!"
"Class tama na yan. And you two, asan na ba ang respeto niyo? Can't you see, nag-iintroduce pa si Ms. Perez!" Singhal ni Ma'am sa dalawa.
Tinignan ko silang dalawa pero parang parehong hindi sila nakikinig kay Ma'am, nakatingin lang sila kay ate na parang gulat na gulat dahil andito si ate. Si ate naman ay nanatiling naka-tingin lang sa harapan.
Bakit naman kaya sila nakatingin kay ate? Na-iinlab na ba sila kay ate? Nak—
"Aris.." Sabi nung Travis, lumingon naman si ate sa kanya. At napansin ko ang biglaang pag-iba ng itsura niya. May dumaang emosyon sa mata niya ngunit agad niya itong pinalitan ng isang malamig na emosyon.
"Ma'am, can I go to the cr?" Sabi niya nang umiwas siya ng tingin kay Travis.
Pumayag naman si ma'am sa gusto ni ate, palabas na sana si ate ng biglang hinawakan ni Travis ang kamay niya, tinignan lang ito ni ate saka niya malakas na binawi ang kamay niya at lumabas. What in the world was that?
"You two, go to your seats." Sabi ni ma'am sa dalawang lalaki na nakatayo pa rin sa harapan
Bakit niya kaya hinawakan ang kamay ni ate? Magkaibigan ba sila?
Umupo na si Tyler kaya umayos na ako ng upo. Habang nagdi-discuss si Ma'am bumubulong mag-isa si Tyler.
"Bakit kaya nandito yung ex niya?"
Kanino kayang ex ang sinasabi niya. Hindi ako chismosa, sadyang malakas lang talaga ang boses niya.
"Kaninong ex ba?" Pabulong kong tanong sa kanya.
Nilingon niya ako at kumuha siya ng papel, may sinulat siya dun at binigay niya sa akin.
"Kay Travis.."
Ahh, kay Travis. tumango-tango naman ako sa kanya at sinulatan ko ang papel at binigay sa kanya.
"Bakit sino ba ang ex niya?"
Binigay niya ulit ang papel sa akin. Pag-buklat ko, halos lumuwa na ang mata ko sa gulat. Siya ang ex niya?! Siya yung nagpaiyak sa kanya?! Siya yung dahilan kung bakit umiyak siya dahil lang sa kantang sad song?! Siya?!
Pa ulit ulit kong binabasa ang pangalan na nasa papel. Ngunit kahit na anong basa ko rito ay hindi pa rin nagbabago ang pangalan na nasa papel.
"Janice Aris Perez".
Yan ang pangalang nakalagay sa papel. And Travis is my sister’s ex. Putek naman oh!
_______________________