SAM's POV:
Lunes na ngayon kaya simula na ito ng Foundation Day. Maraming booth ang nakapaligid sa buong university. Ang booth na ginawa namin ay Infinity Maze Booth. Para ito sa mga mag-couple kung para sila ba talaga sa isa't isa.
Nag-suggest nito ay si X nag-research kasi siya na mas mainam na ang gagawin namin na booth ay ang ganito at tangkilik sa mga tao.
Gumawa pa kami ng isa pang booth at iyon naman ang Picture Booth kasama ang tatlo na hinahangaan ng mga kababaihan.
Kahit na nasa Lower Section silang tatlo hindi pa rin iyon magiging hadlang na hindi sila magustuhan ng mga kababaihan.
Ang tinutukoy ko lang naman ay sina Dave, Yaune at si Creg. Noong una ayaw na ayaw talaga nila pero nang si X na ang nagsabi, ayun wala na silang nagawa.
'I don't know but...there's something with X na kayang magpaamo ng mga masasama. Not totally bad guys. Wala pa naman kaming krimen na nagagawa. Lol!'
"X, magsisimula ang archery eksaktong alas dyes, saka sa boys ang basketball naman ay magsisimula na siya ngayong oras kaya mag-asikaso na kayo." Pang-aanunsyo sa amin ni Fiona.
Hindi niya ba pansin na kanina pa kami handa. Laro na lang iniintay namin.
"We're prepared. Tsk." Cold na sabi ni Creg kaya napa'ahh' na lang si Fiona at umalis na para asikasuhin ang booth naman.
May mga palaro rin kami na tangkilik sa mga studyante.
Tulad ng Surprise Balloon, 'yung papaputukin mo 'yung balloon para makakuha ka ng teddy bear na surprise o kung ano mang premyo na nakalagay sa bulletin board na dinidikitan ng balloon gamit ang darts.
"Sam, tara na!" Aya ni Aj sa akin kung kaya napabalik ako sa aking diwa at saka napatango sa kaniya.
"Sige."
Iyon na lang ang sinabi ko at naglakad na kaming sampo papunta sa basketball court. Habang naglalakad kami ay napapatingin sa amin ang lahat. May mga positive na parinig at hindi mawawala ang negative.
Ano pa bang bago?
"We can do it guys hindi man tayo nakikisali sa event na ito, ngayon natin patunayan na kaya natin 'yan, understand? " May determinadong turan sa amin ni X kaya napatango kami sa kaniya.
Siya ngayon ang ginawa naming coach. Dahil siya lamang naman ang may kakayahan na turuan kami. Hindi na namin kailangan pang mag-hire ng coach para sanayin kami, napansin naman namin na mas magaling pa si X. Hindi namin minamaliit ang mga katulad nila, sadya lang na malaki ang halaga ng pera na ilalabas namin kapag ipipilit pa namin na gano'n na nga.
" Yes!"
"Oo naman!"
"Sun Section, fighting!"
"Fighting!"
"Sa kauna-unahang taon ngayon lang natin masasaksihan ang laro ng Sun Section. Goodluck sa inyo gayon rin sa Middle Section."
Nagsihanda na kami sa laro. Si X naman ay pinagtatapik pa ang balikat namin. Sadya lang na may napansin akong kakaiba kay Creg.
Matapos ni X tapikin ang kaniyang braso, nakita ko kung paano pumula ang tenga niya.
'Err...what's that?'
Third Person's POV:
Nagsimula na ang laro at nasa Middle Section ang bola. Nakangisi ang mga ito na parang sila na ang panalo pero ang mga Sun Section naman ay seryoso lamang sa laban nila.
Wala silang pake sa mga taong nasa harapan nila. Ang gusto nila manalo sa taon na ito. Manalo para sa kanilang seksyon.
"Hindi ninyo kami matatalo mga patapon." Lait ng leader ng Middle Section pero imbis na ma-disappoint ang nasa Sun Section ay napangiti naman sila sa sinabi nito maliban sa dalawa na si Yaune at Creg na poker face lang.
Ang tanging nasa isipan lang ng dalawa ay ilublob sa lumalagablab na apoy ang mga mayayabang na taga ibang seksyon.
"Well, let see." Nainis naman ang leader sa sinabi ni Creg kaya nawala siya sa focus at nakuha ito ng walang kahirap-hirap ni Creg.
Tumakbo na silang lahat para habulin siya ngunit tumalon agad si Creg sa ere at saka niya binato ang bola para ipasok sa ring.
Napaluhod na si Creg sa sahig samantalang ang bola ay nasa ere pa rin. Tutok na tutok ang mga tao, nasa isip nila kung papasok ba o hindi.
Hanggang sa tuluyan na talaga itong nakapasok sa ring. Napanganga ang mga nanonood, maski ang mga guro ay nagulat din sa kanilang nakita.
"3 points for Sun section! Wow that was an amazing scene. Di ko aakalaing may natatagong galing ang mga Sun Section." Sabi ng announcer sa mic habang pinapanood ang laban. Manghang-mangha at hindi makapaniwa.
Samantalang sa kabilang direksyon naman, si X na palihim na napangiti sa kaniyang nakikitang laban.
'I know matatalo ninyo sila. Magtiwala lang kayo sa mga sarili ninyo.'
*fastforward*
Tapos na ang laban sa loob ng dalawang oras. Marami ang hindi makapaniwala na mananalo ang Sun Section sa mga kinikilalang magagaling na basketbolista sa Middle Section.
Sumunod naman na ang Higher Section at gayon rin ang nangyari. Dahil sa 3 points shoot ni Yaune at Creg, 2 points shoot ni Aj, Sam at Ger ay nanalo sila sa larangan ng basketball.
"Wahhh, Creg! Ang galing mo!"
"Aj! Ang gwapo mo!"
"Sam! Ang pogi mo idol!"
"Sun Section iyan! Sun section 'yan!"
Mga magagandang sigaw ng lahat ng mga tao kaya ang Sun Section ay natuwa. Hindi nila aakalaing magiging sikat na sila sa school nila. Tama nga si X, kailangan nilang labanan ang takot para ipakita ang natatangi nilang kakayahan.
"I'm proud of you." Pagkalapit nila sa coach nila na si X. Binigyan sila nito ng towel at maiinom.
"At pati rin sa iyo, good luck nga pala sa laban. Kaya mo iyan." Pagpapalakas ng loob nila sa kaniya pero tumango lang siya.
"Yes, I will." Malamig niyang banggit at saka naglakad na para pumunta naman sa archery court dahil magsisimula na ang laban niya. Samantalang ang mga ito ay napalingon sa isa't isa at napag-isipan na panoorin din ang laban ni X.
Kim's POV:
Nandito kami sa likuran ng mga studyante ng nakakataas. Dahil matatangkad naman kami ay kita namin ang laban niya.
Lahat ng tinitira niya ay sapol sa 10 samantalang ang kalaban niya ay may 10 nga ngunit may dalawa na itong 9. Hindi kami makapaniwala ng mga kasamahan namin na magaling si X sa ganito. Maski rin sa basketball ay wala rin kaming panama. Ano pa bang kaya niyang gawin? At gano'n na hindi niya kakayanin?
"Go X!"
"Sun Section, fighting!"
"Kaya mo yan X!"
Mga sigawan ng kaeskwela namin kaya napangiti na lamang ako sa kawalan.
'Ngayon makikita na ninyo ang tunay na kakayahan namin.' sa isip-isip ko.
"1 minute for Sun Section to shoot the target." Sabi ng announcer kaya sinipat na ni X ang target niya at walang alinlangang pinakawalan niya ang pana sa gumagalaw na target sa malayong distansya.
'Sana...sana 10...wala pang nakaka-shoot sa 10 d'yan sa gumagalaw na target na iyan. Kahit magaling na archery ka pa sa school na 'to. Pero nanalangin ako na sana 10...please 10.'
"Wooohhh!"
"Whaaahh!!
"Can't believe this?!"
"Is it true?"
Napa-wow din ako dahil sa nakita ko. Hindi ko aakalain na sa kauna-unahang pagkakataon may naka-shoot na ng 10 at walang iba si X 'yun. Wala niyang kahirap-hirap na pinatamaan ang target niya. Ang galing talaga niya!
"Wohh! X!"
"Ikaw na, X!"
Tumingin siya sa amin at napatango na lang sa sinasabi namin. 'Yun namang lalaki ang tumira ngunit miss lang. Kaya nanalo kami.
Nakita ko namang nainis ang lalaki sa pagkatalo nito at saka kinuha ang isang pana na natitira sa kaniya. Pinana niya si X na nakatingin sa amin.
"X!" Sigaw namin dahil sa gulat at gusto naming sugurin ang lalaki.
Ngunit nagulat kami dahil ginawa na naman niya ang ginawa niya noon sa bola na hinagis sa kaniya ni Ger.
Wala niyang alinlangang sambutin ang pana na parating sa kaniya kahit na sobrang lakas ng impact nito. Paano niya nagawa na makuha iyon?
Paano nangyari iyon?Imposibleng makuha niya iyon ng madalian lang.
Sino ka ba talaga X?
X' POV:
"Trying to kill me huh?" Cold kong saad sa lalaking ito na nakatunganga sa kaniyang kinatatayuan.
Ano bang problema nila para patayin ako? Magiging masaya ba sila kapag nawala ako? Tsk. What the h*ck?!
"Mga patapon lamang kayo kaya hindi dapat kayo nanalo." Naiinis niyang sabi kaya tiningnan ko siya ng walang emosyong tingin.
"Is it bad to show our true self?"
"Kahit na ipakita pa ninyo sa amin ang totoong kayo, hindi pa rin doon magbabago na isa kayong mga patapon at kayang-kaya naming tirisin na parang kuto." Pang-iinsulto pa nito kung kaya tiningnan ko siya ng malamig na malamig kaya namutla siya.
'Matakot ka lang dahil hindi lamang iyan ang mangyayari sa iyo once na ininsulto mo pa ang mga kaeskwela ko. Kahit hindi ko kilala ang iba sa kanila pinapahalagahan ko na sila. Kahit na masama ang una naming encounter masaya naman ako kasi nakilala ko ang mga tulad nilang tao. Hindi sumusuko sa hamon ng buhay.'
Mali ka ng kinalaban Ian Tyler dahil hindi mo alam kung anong pinasok mo.
"Oo nga't mahirap lamang kaming mga Lower Section at kayang-kaya ninyo kaming patalsikin sa university na ito, pero kung sa kakayahan at determinasyon lang naman ang labanan. Talo kayo at kaya namin kayong tapakan dahil ano?" Tumigil ako sa pagsasalita habang matalim pa rin ang tingin sa kaniya. "Mayabang lang kayo dahil may pera kayo. Akala ninyo kaya ninyo lahat ng tao. Akala ninyo mahahawakan ninyo sa leeg lahat ng tao sa paligid ninyo. Ngunit hindi, dahil sa nakikita ko ngayon... kayo! Kayo ang kaya nilang hawakan sa leeg dahil sila may katalinuhan sila at may determinasyon sa sarili kaya nila kayong talunin sa kahit ano na walang related sa pera, para sa amin kayo ang patapon at walang kwentang tao sa paaralang ito." Mahaba kong turan ngunit sa malamig na pamamaraan.
Nakita kong nagalit na ang lalaki sa sinabi ko at aambahan niya na ako ng suntok ngunit umikot ako patalikod para makapunta sa likuran niya at saka sinipa siya pabagsak sa lupa. Namilipit siya sa sakit at gustong-gustong tumayo kaso hinawakan ko siya sa kaniyang ulo habang nakaluhod.
Hindi ko pwedeng palampasin ang gagawin niyang pagpatay sa akin. Wala siyang utak dahil hindi niya alam ang kaniyang ginagawa.
" Kung kaya mong tapakan ang ibang tao... p'wes ibahin mo ako dahil once na binangga mo pa ako hindi na ako magdadahilang iharap ka sa kamatayan mo. Tandaan mo iyan, mali ka ng binangga, Ian Tyler." Banggit ko sa pangalan niya kaya nahihirapan siyang lumingon sa akin.
"Paano... mo... ako... nakilala?" Mga matang nagtatanong sa akin.
Kaya napangisi ako nang wala sa oras at saka tumayo na sa pagkakaluhod.
"None of your business baka hindi ka makatulog kapag sinabi ko na isa ka sa sampong pinagkakatiwalaan ko. I'm very disappointed at you." Sabi ko at naglakad na palayo sa kaniyang katawan na nanghihina.
Narinig ko pa ang mahinang pagsinghap niya. Hindi inaasahan na iyon ang lalabas sa bunganga ko.
Matalino siya at hindi na kataka-taka pa na hindi niya malaman ang pinupunto ko. Pero sa pagiging matalino niya, akala niya siya na ang pinakamagaling na tao.