3 days na ang lumipas simula noong mangyari ang nakakanginig na pangyayari sa buhay ko. Hanggang ngayon ay nanginginig pa rin ako kapag naalala ko ang pangyayaring iyon. Nakakatakot, nakakatrauma. Parang hindi ko na kayang lumaban pa. First time kong mag abroad tapos ganito pa ang na experience ko.
Ngayon ang araw na makalabas ako ng hospital. Sa loob ng tatlong araw kong stay sa hospital ay wala na akong ibang ginawa kundi ang tumingin sa kawalan. Madalas kong maalala ang bangongot at tuwing gabi ay napapanaginipan ko ito. Nang dahil sa nangyari sakin ay tumawag si Doc Lee ng psychology para ipakonsulta ako. Binigyan ako ni doc ng gamot pangpakalma at ang sabi ay ipahinga ko lang lage ang sarili ko.
Napatingin ako kay Doc Lee na may dalang wheelchair. Nakahanda na akong pumunta sa condo ng pamangkin ni Doc Lee. Ewan ko ba kung bakit may pa wheelchair pa eh kaya ko namang maglakad. Medyo masakit lang ang sugat ko sa balikat pero hindi naman naaapektohan nito ang paa ko. Kaya keribels kong maglakad.
“Nah. Hindi niya ito alam. Sabihin nalang nating surpresa ito.” Doc Lee said habang nakangiti ng nakakaloko. Siya ang nagtulak ng wheelchair na sinakyan ko. Ngayon ay palabas na kami ng hospital. Malapit ko nang makita ang paligid ng South Korea ng maigi.
“Eh doc Lee? Baka po magulat siya or magpakamalan akong magnanakaw? Eh bata pa po ba yong pamangkin mo po?” Tanong ko sa kanya. Hindi pala alam ng pamangkin niya na kukunin akong maid niya. Baka mahampas ako ng kaldero nun kapag nakita niya ako. Pero sabi ni doc, mabait naman daw ang pamangkin niya. I hope maging friend ko iyon. Para naman may makausap ako. Sana lang talaga ay marunong iyon magtagalog. Hindi ako marunong magkorean saka hindi rin ako fluent mag english. Baka magdugo ang ilong naming dalawa kapag nagkorean siya tas ako nag tatagalog. Hindi kami magkakaintindihan tapos mauuwi lang sa hampasan ng kawali ang magiging pagsasama namin. Naku! Lagot na!
Ngumiti si doc Lee. “Hindi yan! Chill ka lang hija. Hmm… kaedad mo lang siya. Actually hindi ko naman siya literal na pamangkin dahil anak siya ng step brother ko but I treated him like my own nephew and my own son. Close kaming dalawa. Madalas kaming manuod ng basketball kung hindi kami busy.“ Sagot naman niya. Tinignan ko ng maigi ang mukha ni doc. Nakangiti siya pero malungkot yong mata niya. Bakit kaya?
“Ahh ganun pala!” Sabi ko habang tumango tango. Tumango naman siya bilang tugon saka niya ipinagpatuloy ang pagtulak sa wheelchair na sinakyan ko para makalabas na kami ng hospital.
Muli kong tinignan si Doc Lee na nakangiting binabati ang mga tao sa hospital. Shocks lakas makapanghatak ng chicks ng isang to. Ampogi talaga kahit matanda na. Lalo pa siyang gumwapo sa itsura niyang pang Korean actor ang datingan. Sayang nga lang kasi may asawa na at may edad na. Huhuhu!
Paglabas namin ng hospital ay sumalubong samin ang isang kotse na walang bobong, lulan nito si Ms Shiona, suot ang isang kulay puting sleeveless at isang shades na dumagdag ng kaputian sa balat niya. Shocks ang ganda niya, bagay na bagay talaga sila ni Doc Lee. Ang sexy niya. Para siyang teenager dahil sa looks niya. Sayang lang kasi wala silang anak ni doc. I know for sure na gwapo rin at maganda ang magiging anak nila.
“Akira, by the way hindi kita masasamahan papunta sa condo ni In-in dahil may appointment ako ngayon. So andito si Shiona, siya ang maghahatid sayo sa condo.” Sabi niya sabay turo kay Ms Shiona na nakaposing pa para ipakita kung gaano siya kaganda. Naku po! Hindi na niya need pang gawin yon. Kahit hindi siya gumalaw ay kitang kita ko na ang ganda niya.
“Akira my dear come here. Mahuhuli na us!” Aya ni Ms. Shiona sakin para pumasok ako sa kotse niyang sobrang ganda. Ang kintab kintab, pwede ng manalamin. Tapos ang ganda pa ng kulay at ang bango. Halatang mamahalin. Sobrang yaman siguro nila doc Lee. Sana all pinalad!
Binuksan naman ni Doc Lee ang pinto saka niya ako sinenyasan na pumasok, na sinunod ko naman agad. Pagkatapos ay sinirado na niya ang pinto at siniguradong comfortable ako at maayos na ang lagay ko. Napayuko ako dahil sa hiya. Nahihiya akong tumingin kay Ms Shiona dahil sa ganda at pagiging elegante niya. Para akong yaya niya na sumama sa kanyang mag grocery sa mall.
“Ingat kayo Hon!” Narinig kong paalala ni Doc Lee.
“You too. Goodluck sa appointment mo dear. I love you!” Ms Shion. Naks! Ang sweet naman nila. Para akong nanuod ng live kdrama sa harapan ko. Ang cute nila tignan.
Nagsimula ng paandarin ni Ms Shion ang kotse at nagdrive na papunta sa destinasyon namin.
“Akira bakit nakayuko ka lang dyan. Baka sumakit ang leeg mo!” Sabi niya.
“Ah…eh… Kasi ano…Ah… Wala po.” Nauutal kong sabi habang nakayuko pa rin. Nahihiya talaga ako. Hindi ko siya kayang harapan. Ang ganda ganda niya kasi eh.
“Dear wag kang mahiya sakin. Alam kong maganda ako pero mas maganda ka ayieee HAHAHAHA!” Nagulat ako sa inasta ni Ms Shiona. Kaya naman ay napatingin ako sa kanya. Nakangiti ito ng malapad na parang bata na may inaabangang cartoon show sa tv. Hindi ko akalain na may ganito palang ugali si Ms Shiona. Ang cute niya. Para siyang hindi 40+.
“Ms Sh----”
“Ate ganda nalang itawag mo sakin beh para unique HAHAHAHAHA!”
Ikinurap kurap ko ang mga mata ko. Hindi ako makapaniwala sa nasaksihan ko. Puta si Ms Shiona ba to? Baka uso rin ang sanib dito. Baka nasaniban si Ms. Shiona o di kaya ay nadawende. Saan ba siya nagpunta kanina? Baka may naapakan siyang nuno sa punso. Iba kasi ang ugali niya.
Tumingin siya sa akin tapos humagalpak na naman siya ng tawa na para bang nanuod siya ng comedy shows sa tv. “I know nagtataka ka sa inasta ko beh. Ganito lang ako beh kapag nasa isang hindi mataong lugar ako. Kagaya ngayon, tayong dalawa lang. Kaya inilabas ko ang tunay kong ugali.” Ngumiti siya sakin. Akmang kukurotin niya ang pisnge ko ngunit narealized niyang nagdadrive pala siya at medyo umiiba ang takbo ng kotse. Napasigaw ako sabay hawak sa dibdib ko habang si Ms. Shiona este Ate Ganda ay tumatawa lang. Tss! Mas bet ko siya kapag tahimik siya. Nakakaloka!
Huminga ako ng malalim upang kalmahin ang sarili ko. Ngumiti ako ng pilit saka kinamot ang ulo ko. “Ahh ganoon po ba Ms Shi---ay este Ate Ganda hehehe! Uhm ehem malapit na po ba ang condo ng pamangkin ni Doc Lee?” I asked. Inilipat ko sa daan ang paningin ko at inenjoy ang view ng South Korea. In fairness! Ang ganda talaga!
“Ah no... Sa ngayon ay dadaan muna tayo sa mall para mamili ng damit at gamit mo and ofcourse lets go punta rin sa salon para mag glow ang beauty natin.” Magiliw niyang sabi.
“Eh akala ko ba maid---” Takte ang hilig niyang mangputol ng lines.
“Hindi porket maid ang work mo ay losyang at gurangers na ang peg mo. No no no dapat pretty ka pa rin at isa pa magpepretend ka rin bilang sissy niya. Ohheemmgeee pero mas bet ko girlfriend, you two look good together!” Sabi niya habang nakahart hart pa ang mga mata. Wait? Paano ko nga ba nasabing heart heart eh hindi naman nagform into heart shape ang mga mata niya. Nahawa na yata ako sa pagiging weird niya.
Pero teka… “Ha?” Anuedaw… Girlfriend? Ang weirdo naman ng babaeng to. Minamatch pa kami ng pamangkin niya. Eh hindi ko pa nga nakilala. Malay ko baka basag ulo yon o hindi kaya loko loko sa kanto kasi diba hinanapan nila ng maid. Baka pasaway tas gusto nilang patinuin. Pero sabi naman ni Doc mabait daw pero baka iba iba ugali nun. Naku! Akong bahala magpatino don. Humanda siya sa akin!
Hindi na sumagot si Ms Shiona dahil abala siya sa kakatawa. Geez! May sayad ba to sa ulo? Kanina pa siya tawa ng tawa kahit wala namang nakakatawa. Minsan medyo nakakainis din kung ganyan ang ugali niya. Para kasing naloloka na siya. Epekto yata ng stress sa work.
Ilang saglit pa ay nakarating na kami sa isang shop na mukhang salon este salon nga. Naka sulat kasi sa hangul ang name ng salon kaya hindi ko mabasa. Nalaman ko lang na salon kasi nakita ko sa glasswall ang mga babaeng nagpapaayos ng buhok. Kaloka ang gaganda nila! Para silang mga artista.
Naunang bumaba ng kotse si Ms Shiona saka ako pinagbuksan. Bumaba na rin ako saka sumunod sa kanya papasok ng salon. Balik elegante mode naman si Ms Shiona na ngayon ay nakikipagusap sa isang Korean girl na ubod ng cute. Hindi ko naman sila naiintindihan kaya nagabala nalang ako sa pagtingin tingin ng buong salon. Bongga! Ngayon lang ako nakakita ng ganito kagandang salon.
“Magsisimula na dear.” Bulong ni Ms Shiona saka niya ako pinaupo sa isang upuan na nakaharap sa salamin. Tinignan ko ang mukha ko sa salamin. Maayos naman ang hitsura ko. Medyo oily lang ang mukha ko tapos buhaghag din ang buhok ko.
May lumapit namang mga babae sakin at sinimulan na nila akong ayosan. Habang ako naman ay pumikit nalang at hinintay silang matapos sa ginagawa nila. Ayokong panoorin sila sa salamin habang inaayosan ako. Gusto kong makita ang mukha ko kapag tapos na sila para surprise.
2 hour later.
“Akira gising na! Nakatulog ka yata.” Narinig kong tawag ni Ms. Shiona habang tinatapik ang pisnge ko.
Nagmulat ako ng mata at ang reflection ko ang bumungad sakin. Charaaannn.. Wow ako ba to? OMG ang pretty ko naman. Tingin lang ako ng tingin sa sarili ko sa salamin. Rebonded na ang buhok ko at may naka apply na light make up sa mukha ko. Nganga ako sa look ko. Hindi ako makapaniwala. Para akong korean na member ng isang group na kumakanta at sumasayaw sa social media.
“You’re so pretty dear!” Masayang aniya ni Ms Shiona na nakatingin din sa reflection ko sa salamin. Nagspasparkle yong mga eyes niya habang nakapout naman ang kanyang lips. Okay! Cute siya!
“Thank you Ate Ganda!” Nakangiti kong saad. Waaah grabe ang ganda ko talaga. Parang hindi ako yong nakikita ko sa salamin gayong buhok ko pa lang naman ang nababago.
After namin sa salon ay nagpunta naman kami sa mall para mamili ng gamit. Hinayaan ko nalang si Ms Shiona na mamili ng mga gamit at taga tango na lamang ako kung may ipapakita siya sakin na magustohan ko. Actually lahat naman ng pinipili niya ay maganda kaya hindi na ako nagsabi ng hindi. Ang galing niyang mamili. Parang alam na alam niya kung ano ang taste ko.
Hapon na nang matapos kami sa pamimili. Ngayon ay nandito na kami sa condo ni “In-in” (according to Doc Lee) at kasalukuyang nagpapahinga. Wala pa ang pamangkin ni Doc Lee dahil may nilakad pa raw ito. Nasa sahig naman nakalagay lahat ng paper bags na pinaglagyan ng mga pinamili namin. Ang dami nito, umabot ng 20 bags yong dala namin. Nakakaloka! Hindi ko naman masusuot ito… Well, depende kung gaano ako katagal dito.
Ilang saglit pa ay nagpaalam na sakin Ms Shiona dahil may lakad pa raw siya. Ako na raw ang bahalang magpakilala ng sarili ko kapag dumating na si In-in. Oh my ghad kakayanin ko kaya to? Ang sabi naman ni Ms. Shiona ay safe naman daw ako as long as hindi ako humihiwalay sa kanila. Sila na raw ang bahala na gumawa ng fake identity ko. Hindi ko alam kung paano nila gagawin pero nang dahil sa yaman nila ay mukhang gets ko na kung paano.
Maya maya pa ay narinig kong bumukas ang main door kaya tumayo na ako para salubongin ang dumating habang nanatili pa ring nakayuko ang ulo ko. Nahihiya talaga ako. Ayoko sana siyang salubongin dahil tiyak na magugulat siya at magagalit dahil pumasok ako sa bahay niya. Pero ang bastos naman kung didiretso ako sa kwarto at matulog ano.
Kabado akong nakayuko habang nagiisip kung ano ang sasabihin ko.
“We-welcome home---”
“Who are you?” Lumaki ang mga mata ko nang marinig ko ang isang familiar na boses kaya napaharap ako sa kanya para kompirmahin kong tama ang nasa isip ko.
“SHINN LEE?” Di makapaniwalang sabi ko. Muntik nang malaglag ang panga ko kaya tinakpan ko ito gamit ang dalawang kamay ko. Oh my gosh! Totoo ba ito?
Tinaasan niya ako ng kilay, kasabay nito ang pagkabog ng puso ko. Hindi ako makapaniwala na kaharap ko siya ngayon. Dito sa loob ng condo niya, kung saan kami lang dalawa ang nakatayo. Gosh! Ang gwapo niya sa malapitan. Tumutulo na yong laway ko beh dahil sa kapogian niya.
“And you are? What are you doing in my condo?” Cold na tanong niya. Ay ang lamig ng boses. Nakakabrain freeze!
Hinawakan ko ang ulo ko. Feeling ko nahihilo ako. Buntis ba ako? Char! Tinignan lang naman niya ako. Wag oa self ha!
Pakiramdam ko bumigat ang pakiramdam ko. Nanginginig yong mga tuhod ko. Naalala ko, hindi pala ako nakakain ng tanghalian dahil sa pamimili namin ni Ms. Shiona. Eh nakakahiya naman kung ako mismo ang magrequest.
“Miss are you okay?” Narinig kong tanong niya. Hindi malinaw sakin kung ano yon. Pero naramdaman ko ang mga kamay niya na sumalo sakin nang mawalan ako ng lakas dahil sa gutom.
Marami pa siyang sinabi pero para akong bingi na hindi ko marinig. Naramdaman ko ang pag alog niya sa katawan ko na nakapagdagdag ng hilo. Sumasakit yong ulo ko. Masakit din yong sugat ko sa braso na nahahawakan niya. Ipinikit ko ang mga mata ko. Hindi ko na maramdaman ang katawan ko. Parang humihiwalay yong kaluluwa ko sa katawan ko.