Nagulat ako ng hawakan ni Lomord ang pulsuhan ko at hinila papunta sa kung saan.
"Lomord! Huwag mong hilain ng ganyan ang prinsesa!" sigaw ni Treoll at hinabol pa niya kami.
Nagulat ako ng hilain din ni Treoll ang kabilang kamay ko. Anong problema nitong dalawang to?
"Sanndali masakit!" sigaw ko at hinila ko na din ang kamay ko at napabitaw naman sila.
Hinawakan ko naman ang kabilang kamay ko na hinawakan ni Lomord kanina.
"Eh kasi ako ang nag-aya na maglakad-lakad kasama si Princess Blesi ang kaso sumasabat ka at sumama pa." sabi ni Lomord sa Kuya niya.
"Gusto ko din maging kaibigan si Blesi." sabi naman ni Treoll kay Lomord. "ako ang unang nakakilala sa'kanya!"
Parang gusto pa ata magpatayan ng mga 'to sa harap ko tss. Maya-maya ay may sumigaw na.
"Ano ba kayong dalawa nag-aaway kayo sa harap ng isang magandang binibini?!" sigaw ni Prince Ellio.
Habang naka-angkla si Ate sa braso ng Prinsipe.
Nginitian lang ako ni Ate. Kaya nginitian ko lang din siya. Lumapit ako kay Ate at umangkla sa braso niya.
"Ate uwi na tayo gusto ko na umuwi tsaka Ate kailan uuwi si Kuya sa palasyo? Gusto ko na siyang makita." ngiting sabi ko.
"Amo ka ba, Blesi? hayaan muna natin sila Ama makipag usap sa Reyna at Hari ng Kertuwa tsaka si Kuya uuwi yun pagkatapos ng laban sa Itarla, atsaka makipag usap ka muna sa'kanila." ngiting sabi niya at tinuro pa ang dalawa.
Nakatingin naman sa'kin ang dalawa. Kaya lumapit na ako dito.
Pumagitna naman ako sa dalawa at umangkla sa pareho nilang braso.
"Hoy tara na at itour niyo ako sa inyong palasyo." sabi ko at tumingin pa sa dalawa pero nakatulala lang ito at tumingin sila sa braso ko na nakaangkla sa braso nila.
Tumingin naman ako kay Ate na nakanganga na din, samantalang si Prince Ellio ay nakakunot ang noo habang nakatingin sa braso ko na nakaangla sa braso ng dalawa. Anong problema nila?
Dali-daling tumakbo papunta sa'kin si Ate at hinila ako.
"Ate bakit?" takang tanong ko.
"Hindi pwedeng hawakan ng ganun ang Prinsipe kapag hindi pa kayo magkasintahan lalo na't dalawa pa silang ginanun mo at hindi pwedeng maging ganun ka agresibo ang isang prinsesa, Blesi." sabi ni Ate na mukhang galit.
Oo nga pala naexcite kasi akong mag-enjoy at maglibot sa palasyo nila masyado pala akong naging agresibo.
"S-sorry, pero maaari niyo ba akong ilibot sa inyong palasyo?" hiya kong tanong sa dalawa.
Bawal daw umangkla ang babae sa braso ng Lalaki. Bawal din makipag holding hands ang babae at lalaki, kapag hindi magkasintahan. Noted.
Lumapit na din sa'kin si Lomord at hinila ang braso ko tumingin naman ako kay Treoll na umalis na, si Ate naman hinila na din ang Prinsipe Ellio.
"Tara Princess Blesi ituturo ko sa'yo kung saan ako tumatambay." sabi ni Prince Lomord.
"Sige ba! tambayan ni Lomord here we go!" sabi ko pa at nakataas ang kamay nagulat ako nung bigla kaming lumutang.
Astig! Maya-maya ay nakarating na kami sa tree house na tawag. Napahinto kami sa baba ng puno.
Eh? Lumipad naman kami bakit hindi na lang kami doon bumaba sa may tree house mismo?
"Tara akyat tayo sa hagdan!" tuwang-tuwa na sabi niya.
Alam mo ang weird niya. Nakakunot pa din ang noo ko na nakatingin sa'kanya
"Ano ka ba Blesi mas gusto kong umakyat sa hagdan kaysa lumipad papunta sa Tree House ko." sabi niya at mukhang nabasa isip ko.
Sabagay mas maganda ding paghirapan ang mga bagay bago ka makaakyat sa tuktok.
Inalalayan niya akong umakyat pero dahil sa damit ko ay nahirapan ako.
"Prince Lomord, ikaw muna ang umakyat mas gusto ko na ako ang huli tapos hatakin mo na lang ako kapag malapit na ako." sabi ko.
Kaya sumunod naman siya sa sinabi ko. Mabilis siyang nakaakyat nung nakaakyat na siya ay hinihintay niya na lang ako.
Nang mag-umpisa akong umakyat ay tinaas ko muna ang gown ko bago ako sumunod sa pangalawang palapag habang ang isang kamay ko ay hawak naman ang pangatlong palapag ganun ang ginawa ko hanggang sa makarating ako at hinatak niya na ako.
Pagkaakyat ko, grabe ang ganda! Napakalaki!
Bakit kapag tinignan mo sa labas mukhang kubo lang ito na kasya lang dalawang tao pero pagpasok mo grabe pwede magparty-party dito.
"Paano mo nagawa to?" manghang tanong ko.
"cause I have powers remember?" ngiting sabi niya.
Oo nga pala may kapangyarihan pala siya. Pero hindi ko inaasahan na ganito.
Ang kapangyarihan nga pala ay kayang gawin ang mga bagay na posible kahit na napakaimposible talagang mangyari.
"May ikukuwento ako sa'yo kung alam mo na ito ay makinig ka pa din." sabi niya habang nakaupo sa harap ko.
"okay." sabi ko.
"May iilang isla dito sa buong mundo lahat yun ay makapangyarihan isa na din ang isla ng Doryo kung saan nakatayo ang ating mga kaharian. Ang Kuya mo ay pumunta sa ibang isla at doon siya nakikipaglaban." kuwento niya. "May iba't ibang lahi na nakatira sa iba't ibang isla."
"Ano pa? Sige tuloy mo lang?" Sabik na sabi.
"Alam mo ba na may isang binatang lalaki ang makapangyarihan na walang makakatalo sa'kanya kahit pa pinuno ng bawat isla tinatawag siyang the Great Man, pero wala pang nakakakilala sa'kanya at hindi rin matukoy kung saan siya nagmula. Lagi siyang may takip. Mukhang namatay na ang kaniyang mga magulang at nag-iisa na lang siya." kuwento niya.
"Eh? Totoo? Bakit mo alam yan lahat?" tanong ko.
"Narinig ko lang ang usapan nung napadaan ako sa silid ni Ama. Kausap niya ang warrior niya. limang taon lang ang nakakalipas nung matukoy na may nag-eexist na ganung binata." sabi niya pa.
"Alam mo tsismoso ka!" sabi ko sa'kanya pero natuwa din dahil may nalaman ako, so tsismosa na din ako?
"Lomord! Princess Blesi!" rinig kong sigaw kaya dali-daling tumingin si Lomord sa bintana.
"Tara na at hinahanap na tayo." sabi niya at hinawakan ang braso ko.
Psh bakit kailangan pang hawakan ang braso ko? itong batang to talaga.
Nauna na siyang bumaba at pagkababa niya ay sumunod ako pero sa isang iglap lang namali ang natapakan ko kaya nahulog ako. Akala ko mararamdaman ko nanaman ang pagmamahal sa'kin ng sahig ngunit may bisig na sumalo sa'kin.
Pero mas laking gulat ko nang si Prince Ellio ang sumalo sa'kin.
Kaya gumalaw ako ng gumalaw kaya nahulog ulit ako mula sa bisig niya.
Mas okay nang makatanggap ng pagmamahal ng sahig kaysa sa saluhin niya ako.
Duh! mamaya mali ang isipin ni Ate Beryl.
"Princess Blesi bakit ang likot mo nahulog ka tuloy." sabi sa'kin Lomord at inalalayan akong tumayo pero tinulak lang siya ni Prince Ellio at inalalayan akong tumayo.
Parang ewan lang di na lang tumulong kay Lomord para makatayo ako bakit kailangan pa niyang itulak si Lomord? Ang weird ng mga prinsipeng ito sobrang weird ng magkakapatid na 'to.
"Salamat Kuya Ellio." ngiti kong sabi. Pero maya maya ay binitawan niya ako
"Kuya!?" sigaw ni Prince Ellio pagkatapos ay padabog na umalis. Problema nun?
Ang galang ko na nga eh tinawag ko na nga siyang Kuya eh.
"Halika po Princess Blesi, aalalayan ko po kayo." sabi nung maid na nakadilaw na tumawag sa'min kanina.
"Teka nasaan po si Lomord?" takang tanong ko
"Dali-dali po siyang umalis nung pagkatulak ni prince Ellio sakanya." sabi nung babae.
Napansin niya ba yung akwardness kanina?
"Ah okay ano nga palang pangalan mo?" tanong ko.
"ako po si Veni ang katiwala ng Pamilyang Kertuwa matagal na po ako dito." ngiting sabi niya
"Ah salamat Veni sa pag-alalay sa'kin. Kanina pa kasi ako minamahal ng sahig." natatawa kong sabi mukhang nagtaka siya pero tumawa na din para na din siguro may kasama akong tumawa.
Kanina pa ako napapaupo sa sahig siguro yung sahig talaga ang nakatadhana para sa'kin.
Napakacareless talaga.
Pagkadating namin doon ay nakita kong nasa labas na sila Ama, si Ate naman ay katabi si Prince Ellio, napansin ko lang kay Prince Ellio ay parang badtrip siya.
"Anak, Blesi bakit ang tagal mo?" tawag sa'kin ni Ina at siya na ang umalalay sa'kin "Ano bang nangyari sayo?"
"Ah eh kasi po namali po ako ng tapak doon sa hagdan ng Tree house ni Lomord ayun nahulog po ako pero ayos na po ako." sabi ko at ngumiti.
Nakakunot pa din ang noo nung mahal na Hari.
Baka dahil nagtataka sila kung bakit hindi ginamit ni Lomord ang kapangyarihan niya na lumipad.