Kath's Pov
"Kath!!!! Namiss kita! Ang tagal mong nawala. Siya nga pala eto na si Andrei ang baby Ton Ton nuon." naluluhang sabi ni Jenny. Pagkatapos ay yumakap siya sakin. Nang umalis sa pagkakayakap si Jenny ay nilapitan ko yung bata at niyakap saglit.
"OMG! Ang laki na ng inaanak natin. Teka bakit kayo nandito? Nasaan nanay ni Ton Ton ay este Andrei pala?" tanong ko.
"Patay na siya. Madaming nangyari simula ng nawala ka. Nalaman ko na din kung sino ang tunay na ama ni Andrei. Kaso patay na rin ito. Nandito kami sa kamag anakan ng tatay ni Andrei." sabi ni Jenny.
"Sorry to hear that. Kawawa naman ang batang ito. May maitutulong ba ako para sa bata?" tanong ko.
"Don't worry, kung financial ang tinutukoy mo ay okay na okay ang bata. Mayaman ang pamilya ng tatay nya. Siya nga pala ipapakilala kita sa bata. Kath meet Andrei, Andrei sya nga pala ang ninang Kath mo." pakilala sa aming dalawa. Yumakap naman ang bata sa akin.
"Hello ninang Kath." sabi ni Andrei sabay halik sa pisnge ko. Ang cute cute ng bata. Kaya naman pala ang gwapo ng bata ay dahil maganda ang lahi nila.
"Ang cute cute mo naman Andrei." sabi ko habang pinanggigigilan ko ang kanyang pisngi.
"Siya nga pala Kath, natagpuan ko na ang ate ko." masayang sabi ni Jenny.
"Talaga? Gusto kong makilala ang ate mo. Grabe hindi ka talaga tumigil sa paghahanap sa kanya. Masaya ako at natagpuan mo na siya. Next time meet tayo at ipakilala mo ako sa ate mo." masayang sabi ko. May lumapit sa aming isang babae. Nanlaki ang mga mata ko dahil kamukha nya si Jenny.
"Hindi na next time kasi nandito na siya. Kath meet my ate Jordan. Ate Jordan, siya ang isa ko pang kaibigang si Katherine Pineda." pakilala ni Jenny sa amin ng ate nya.
"Hi! Nice to meet you." bati ko sabay abot ng kamay para makipag kamay sa kanya.
"Grabe hindi ka lang pala magaling magsulat, napakaganda mo pala. Hindi naman sinabi ni Jenny na kilala nya si Bobitang manunulat." sabi ni Jordan.
"Actually hindi nya talaga alam. Masyado kasi akong malihim. Nagkikita lang kami sa ampunan kapag may mahalagang okasyon duon. Regular kasi ang pagdodonate ko at dun kami nagkikita kita. Duon ko na rin sila naging kaibigan. Pati na si Andrei." paliwanag ko.
"Speaking of Andrei, si Ate ko na ang tumatayong nanay nya. Napangasawa ng ate ko ang pinsan ng tatay ni Andrei. Dahil ulila na si Andrei at inampon na nila ate." sabi pa ni Jenny.
"Ay ang galing! Salamat Jordan sa pagmamalasakit mo sa inaanak namin." sabi ko.
"Wow magkakakilala pala kayo. Nakalimutan nyo na kami sa paligid. Pwede ba birthday ko ngayon eh ako muna kay Bobitang manunulat." biro ni Ella.
"Siya nga naman. Pagbigyan na natin. Mukhang iiyak na si ate Ella. For sure magkikita naman tayo. Di ba Kath?" sabi ni Jenny. Tumango ako.
"Siyempre naman." sagot ko.
Ipinakilala ako ni Migs sa lahat ng nandun. Grabe, hindi ako makapaniwala na may pamilyang ganito. I mean, yun bang mayaman na sobrang babait. Lalo na ang mama at papa ni Migs. Kaya naman pala ang babait ng mga anak nila at bonus pa ang babait ng mga manugang nila. Hindi lang yun, nakakaainggit dahil pinagpala ang kanilang lahi sa kagandahan mapalalaki man o babae. Kung ano ano tuloy ang naiisip kong idea na isusulat ko hahaha.
Natapos ang kainan at nagkayayaan  ang mga boys na mag inuman. Tapos kami namang mga babae ay nagkukwentuhan habang nainom ng juice. Di daw pwede ang alak eh.
"Alam mo Kath, sobrang gustong gusto ko ang mga librong isinulat mo. Nahawa ko nga ng pagbabasa sila mama Letty at Jordan. Etong si Jenny walang panahon kasi puro libro sa school ang binabasa nya." sabi ni Ella.
"Oo nga, di kami tinantanan hanggang hindi namin ito binabasa. Pero mabuti na lang ipinabasa sa amin ang libro mo kasi sobrang gaganda." sabi ni Jordan. Ngumiti ako sa kanila.
"May something ba sa inyo ni Migs? Para kasing iba ang tingin nya sayo." tanong ni Ella.
"Nililigawan yan ni kuya Migs." sabi ni Jenny. Napatingin ako sa kanya at kumunot ang noo. Bakit alam ni Jenny?
"Pano mo naman nalaman?" tanong ni Jordan sa kapatid nya.
"Sinabi ni kuya Migs. Nagtatanong nga ng mga gusto ni Kath. Nagsabi sakin na nililigawan nya si Kath at seryoso daw siya." paliwanag ni Jenny. Nanlaki naman ang mata ko. Sira ulong lalaki yun, sinabi pa talaga kay Jenny. Eto namang Jenny ay tsinismis pa.
"Talaga? Sagutin mo agad girl para maging sisters na tayo." sabi ni Ella.
"Sira ulo ka baka matakot yan mapurnada pa si Migs. Baka isipin nya mga loka loka tayo." natawa ako sa sinabi ni Jordan.
"Bakit hindi ba?" sagot ni Ella.
"Slight lang hahaha." napapailing na lang ng ulo si Jenny. Ako naman aliw na aliw sa dalawa.
"Kelan kayo nagkakilala ni kuya Migs?" tanong sakin ni Jenny.
"2years ago. Sa barko. Alam mo na, yung taon taon kong ginagawa." sagot ko.
"Hanggang ngayon hindi ka pa din makamove on? Hindi mo naman kasalanan yun..." natigilan sya nung tinawag ko ang pangalan nya.
"Jenny...." tawag ko sa kanya.
"I know. Titigil na ako." sabi pa nya.
"Ay naku baka mag away pa kayo nyan. Ibahin na natin ang usapan." sabi ni Ella.
"Siya uuwi na ako. Gusto ko pa sanang kausapin si Kath kaso inaaya na ako ni Emilio. Heto Kath, cookies yan. Dinamihan ko na para mashare mo sa family mo." sabi ni tita Letty na kakalapit lang sa amin.
"Thank you po tita. Sobrang dami na po nito. May cake na po kayong binigay. Nakakahiya na po." sabi ki.
"Ay naku wag kang mag alala, konti pa nga yan eh. Baka nga sasusunod isang kaldero na bigay sayo." biro ni Jordan. Nabatukan tuloy siya ni tita Letty.
"Oo nga, baka nga sa susunod pati isang galong drinks ay ibigay sayo." biro naman ni Ella. Nahampas tuloy siya pero mahina lang.
"Kayo talaga, kung di ko lang kayo mahal. Sige na. Bye muna Kath. See you next time. Sana soon. Iimbitahan kita magshopping ha." sabi ni tita Letty.
"Hala kami din." sabi ni Jordan. Tumango naman si Jenny at Ella.
Umalis si tita Letty at naiwan kaming mga babae. Nagulat ako ng may tumapik sa balikat ko.
"Balik na tayo sa hotel. May gagawin pa tayo bukas." sabi ni Migs. Tumango lang ako.
"Sige mauna na kami. Bigay ko sa inyo number ko para kung gusto nyo akong kontakin." sabi ko.
Lumabas kami ni Migs at sumakay ng kotse. Napakagentleman nga ni Migs kasi talagang siya ang nagbubukas ng pinto ko at nagsasara. Siya din ang nagkakabit ng seatbelt ko. Aalalayan ka palagi. Ganito ba talaga siya? Tanong ko sa sarili ko. Sa sobrang pagod ko ay nakaidlip ako. Nagising na lang ako nang maramdaman kong nakahinto na ang sasakyan.
"Kanina pa ba tayo nakauwi?" tanong ko kay Migs. Umiling siya. Nasa loob pa din kami ng kotse.
"Nag enjoy ka ba sa party?" tanong ni Migs.
"Oo, sobrang babait ng pamilya mo. Nung una kinakabahan ako pero nung makausap ko sila ay napanatag ako. Naaaliw ako sa mga hipag mo. Buti na lang pala ay sumama ako sayo, nagkita tuloy kami nila Jenny at Andrei." nakangiting sabi ko.
"Good!" sabi ni Migs.
"Huh! Anong good?" tanong ko sa kanya. Nanlaki ang mata ko nang bigla nya akong halikan sa labi.
"Good kasi inihahanda na kita. At kapag naging tayo na ay mapapadalas na ang pagbisita natin sa bahay." nakangiting sabi ni Migs.
Agad akong bumaba ng kotse. Aalis na sana ako agad ngunit bigla akong hinatak ni Migs palapit sa kanya. Bigla nya ulit akong hinalikan at ang halik nya ay di na smack. Hinawakan nya ang likod ng ulo ko at mariing hinalikan. Napabuka ako ng bibig kaya naman nagkaroon ng daan ang kanyang dila papasok sa bibig ko. Hindi ko namamalayan na nakayap na din ako sa kanya. Para akong nakukuryente habang hinahalikan ni Migs. Natigil lang kami ng halos maubusan kami pareho ng hininga.
Kinuha ko ang cake at cookies na nasa ibabaw ng sasakyan. Hindi ko alam kung paano napunta yun pero ang alam ko ay kinuha sakin ni Migs yun habang hinalikan. Dali dali akong pumasok ng hotel. Pero bago ako nakapasok ay nakita ko si Nessy sa pinto at hinarangan ako. Nanlilisik ang kanyang mga mata.
"Sabi na nga malandi ka!" sabi ni Nessy.
"Pwede bang tumabi ka. Bukas ka na magtatatalak. Pagod na ako." sabi ko. Di ko napigilan siyang banggain kasi nakaharang sya sa daan.
Nang makapasok ako ay nakita kong nag aabang sila Jean at Thea. Pumasok kami ng elevator. Napapikit ako nang maramdaman ko ang mga titig nila sakin.
"Nakita namin yun ah. Masarap bang humalik si boss Miguel?" tanong ni Thea. Shete! Sabi ko na nga ba eh. Hindi na ako tatantanan ng dalawang ito.
"Kayo na?" tanong ni Jean. Napailing na lang ako. Sang katerbang questionan na naman ito.