Kath's Pov
"Tatlong tao tayo kada room. Huwag kayong mag alala tatlong kama din yan kada room. Pinaayos yan ng boss natin. Hahayaan ko kayong mamili ng mga karoommate nyo. Sila na din ang magiging teammates nyo." sabi ng supervisor namin.
Kasalukuyang nasa DT hotel kami para sa aming team building. Lumingon lingon ako para mamili ng kagroup. Nakita ko si Thea na papalapit sa akin.
"Oh paano ba yan teammate na tayo ha." sabi ni Thea.
"May magagawa pa ba ako eh ikaw lang kilala ko dito." naiiling na sabi ko.
"Tingnan mo yung matabang babae, ayaw nilang isali." sabi ni Thea habang tinuturo yung babaeng chubby na nakaencounter ko sa starbucks. Katabi ito nung 3 pang babae na umalipusta kay bobitang manunulat. Ay! Ako pala yun. Lumapit ako sa kanila.
"Hello, may kagroupo ka na ba?" tanong ko kay babaeng chubby.
"Wala pa eh." sagot nya.
"Gusto mo teammates na lang tayo?" tanong ko ulit.
"Talaga? Di ka nagbibiro? Ay wag na lang, baka kasi matalo kayo sa mga games kapag kasama nyo ako." malungkot na sabi ni chubby girl.
"Naku huwag mong alalahanin yun. Di naman ako mahilig sa mga games. Okay lang kahit matalo ako. Baka nga di pa ako sumali." sabi ko.
"Eh kasi..." sabi ni chubby girl.
"Ay naku halika na. Swerte mo inaaya ka na. Akala ko idol mo si bobitang manunulat. Choosy pa girl?" sabi ni Thea.
"Malas nyo." sabi nung isang witch girl. Tama witch girls tatawag ko sa kanila dahil bruha sila.
"Aba!" naiinis na sabi ni Thea.
"Huwag mo nang patulan." awat ko kay Thea. Inaya ko sila sa gilid. Sa tabi lang din ng nga witch girls.
"Okay nakapag group na ba kayo? Mukha oo ang sagot. Ngayon sasabihin ko na ang mga rooms ninyo. Team Bobitang Manunulat sa presidential suite kayo. Team skynight, team Erika Divina at team Love Saga sa executive suite kayo. Sa apat pang group eh sa triple room kayo." sabi ni supervisor. Sorry di ko kasi kilala ang name nya.
"Wait sir! Ang unfair naman po ng bigayan ng rooms. Bakit sila nasa presidential suite?" tanong ni witchy girl. Leader ata ito ng mga witch.
"Nessy, si boss ang namili nyan. Isa daw yan sa mga rewards ng mga writers o editors na marami na ang nagawa. So paano naging unfair yun? Ilan na ba ang naiambag mo sa kumpanya?" tanong ni supervisor. Syet ang galing mo bisor.
"Aangal angal pa kasi." mahinang sabi ni Thea habang umiirao sa witchy girls. Natawa naman ako kay Thea.
Pinayagan na kami umakyat sa kanya kanyang kwarto. Nang makarating kami sa labas ng kwarto namin ay agad na binuksan ito ni Thea. Napanganga kami sa ganda ng presidential suite.
"Grabe ang ganda!" sigaw ni chubby girl.
"Oo nga! Mabuti na lang nakipag group tayo kay babaeng manunulat. Iba na ang sikat! Ang daming freebies." masayang sabi ni Thea. Napailing naman ako sa kanya.
"Siya nga pala. Ano nga palang pangalan mo? O pen name?" tanong ko kay chubby girl.
"Jean Herera. Pero kilala ako sa pen name na Jean Hugot." pakilala nya.
"Oh wow! Magaganda din ang mga sinusulat mo. Nakakatuwa ang mga hugot sa libro mo." nakangiting sabi ko.
"Idol kasi kita. Natuwa kasi ako sa libro mong ang babaeng hugotera." sabi ni Jean.
"Weird nyo din dalawa. Ganda ng pen name nyo noh!" sabi ni Thea.
"Atleast madaling makilala. Patok naman sa mga readers ang ganyang pen name." sabi ko.
"Oh sya dun ka na Katherine sa pinakamalaking kama. Kami ni Jean ay dito na lang." sabi ni Thea.
"Sure kayo?" tanong ko. Tumango tango naman si Jean.
"Pahinga muna ako. Matutulog muna ako tutal mamayang dinner pa naman tayo magkikita kita. Kayo Katherine, baka gusto nyong mamasyal. Magkita kita na lang daw sa lobby ng bandang 6pm." sabi ni Thea.
"Ako din matutulog muna. Saka na ako mamamasyal. Ikaw Katherine?" tanong ni Jean.
"Magsusulat na lang ako sa higaan ko. Gisingin ko na lang kayo kapag dinner time na." sabi ko.
Nilibang ko ang sarili ko sa pagsusulat sa aking laptop. Nang tumunog ang alarm ko ay agad kong ginising ang mga kasama ko. Bumaba agad kami ng lobby. Pagdating namin sa lobby ay nagkakagulo ang mga babae naming kasamahan. Anong nangyayari sa kanila at panay sila pagpapaganda.
"Tignan mo yung tatlong kaaway mo sobra kung maglagay ng make up. Kala mo nasubsob sa harina tapos nagdugo ang mga nguso." sabi ni Thea.
"Ikaw talaga. Pabayaan mo nga sila." saway ko kay Thea.
"Anong nangyayari bakit kayo nagkakagulo?" tanong ni Jean sa isa naming kasamahan na tahimik na nakaupo sa gilid.
"Nandyan na kasi si boss Miguel kaya nagkakagulo sila. Malay daw at baka magustuhan ang isa sa kanila." sabi nung babaeng tinanong ni Jean.
"May magustuhan naman kaya sa kanila. Eh tingin ko hindi sila papatulan ni boss Miguel." sabi ni Thea.
"Paano mo naman nasabi? Malay mo di ba?" sabi ko.
"Ay naku kung ikaw lang ay baka magustuhan ka pa ni boss Miguel. Maganda ka walang duda yun. Nakakaakit yang dark blue eyes mo. Kalog ka at magaling na writer. Kung ako lalaki eh matagal na kitang niligawan. Kaya malamang magustuhan ka din ni boss Miguel. Sila ay ewan ko na lang." sabi pa nya. Tumango tango naman si Jean bilang pagsang-ayon kay Thea.
"Magsitigil na nga kayo. Upo na lang tayo. Ay mali! Buffet pala ito kaya kuha muna tayo pagkain bago umupo." sabi ko.
Pagkatapos namin kumuha ng pagkain ay nagsiupo kami sa bakanteng upuan. Nagulat ako ng may biglang lumapit sa akin para magpa autograph.
"Pasensya na. Pwede ba akong magpa autograph sayo Bobitang Manunulat? Idol na idol ka namin ng asawa ko. Lalo na si misis. Pinadala nya nga itong binili nyang libro mo. Pasensya na talaga kinukulit kasi ako. Huwag kang mag alala hindi makakalabas ang identity mo kahit na sa asawa ko. Iginagalang ko ang pinapirmahan samin ni boss Miguel." napakunot ako sa huling sinabi nya.
"Pinapirma kayo? Nang ano? Bakit wala akong naaalala?" tanong ko habang pinipirmahan ang libro.
"Ay oo nga pala! Pinapirma kami ni boss Miguel ng kasulatan na bawal ipagkalat ang identity mo. Gusto nyang maging pribado pa din ang buhay mo. Sweet ni boss Miguel noh!" masayang sabi ni Jean.
"Palibhasa sipsip at malandi. Palibhasa kabit ka ng dating boss natin kaya ka sikat ngayon." sabi ni witch girl.
"Nessy tumigil ka nga!" sigaw ni Jean. So Nessy nga pala pangalan nya.
"Bakit ako titigil? Bakit palagi na lang siyang nakakatanggap ng magagandang bagay sa company. Kung di siya kabit eh sipsip sya!" mataray na sabi ni Nessy.
"Girl kung ako sayo tumigil ka! Mapapahamak ka kakabintang sa kanya." sabi ni Thea.
"Anong tumigil? Hindi ako nagbibintang lang. Nakita ko kaya sila ni boss Miguel sa isang restaurant nung pagkatapos natin magmeeting. For sure nilalandi nya si boss Miguel!" giit pa ni Nessy.
Naiirita ako sa mga babaeng ganito.  Sisiraan ang ibang tao dahil lang sa mga iniisip nilang hindi totoo. Pwede nya naman akong kausapin hindi yung ipapahiya ako sa ibang tao, di ba? Yun eh kung mapapahiya ako. Humalukipkip ako at tinaasan ko sya ng kilay.
"Kumain lang sa restaurant eh kabit agad? Di ba pwedeng business meeting lang. So ang ibang nagbibusiness meeting eh magkarelasyon agad? Di ba pwedeng pag usapan ang mga importanteng bagay sa restaurant?" mataray na sabi ko.
"Eh totoo naman ah! Kaya ka nga sikat. Ang babaduy kaya ng libro mo. Lalo na yung babaeng hugotera. Tinapon ko nga sa basurahan dahil ang panget ng libro mo!" sabi pa nya.
"Wow! Thank you Nessy!" sabi ko. Kumunot naman ang noo nya at sobrang pagtataka kung bakit ako nagpapasalamat.
"Thank you kasi ibig sabihin bumili ka ng libro ko. And for sure bunasa mo kasi na describe mo panget. Isa pa tanungin kita, kaya ka ba nakapagrelease ng libro eh dahil sipsip ka o kumabit? Alin duon? Sa definition mo kasi ng pagiging sikat eh yun lang ang basehan. Di ba pwedeng magaling lang akong writer? So ano ka dun sipsip o malanding kabit?" mataray na sabi ko.
"Nice! Mas maganda atang pen name mo Savage girl kaysa Bobitang manunulat." sabi ni Thea.
"Ay pwede kong maging title ng bago kong libro yan!" masayang sabi ko. Tumahimik naman si Nessy at nagbulong bulungan ang mga witchy girls.
"Ah Ms. Bobitang manunulat, pwede ko na bang makuha yung librong pinirmahan mo? Nagugutom na kasi ako hehehe." napakamot sa ulo si kuyang nagpapa autograph.
"Ay nandyan ka pa pala! Sorry nalimutan ko. Dami kasing basher eh." sabi ko sabay abot ng libro.
"Ayos lang yun. Ibig sabihin eh talagang sikat ka kasi may panahon silang siraan ka. Kung di ka sikat eh hindi ka naman papansinin ng mga yan. Sige salamat alis na ako." tumango ako at saka siya umalis.
Habang nakain ako eh napansin ko na nakatitig sila sa Thea at Jean sa likod ko. Maya maya ay may taong tumayo sa gilid ng lamesa namin. Tuloy pa din ako sa pagnamnam ng kinakain ko. Masarap kasi ang mga pagkain.
"Kuya kung magpapa autograph ka mamaya na lang ha. Kakain muna ako." sabi ko habang kumakain ng adobong baboy.
"Pwede ko ba kayong sabayan kumain love?" nanlaki ang mata ko at napatingin sa nagsalita. Langya wrong timing naman to!