Kath's Pov
Dinala ako ni Migs sa isang Italian restaurant malapit sa publishing company. Ayoko sanang pagbigyan siya kaso naalala ko yung plano ko. Panget naman kung sasabihin ko agad na bibilihin ko ang company. Naisip ko kaibiganin ko muna kaya. Pero baka malaman nya ang tungkol kay Zach. Ay naku ewan ko, nalilito na ako. Napatingin ako kay Migs na busy sa pagtingin sa menu habang kausap ang waiteress.
"May napili ka na ba Kath?" tanong sakin ni Migs.
"Lasagna and garlic bread lang." sagot ko.
"2 Lasagna ang 2 order of garlic bread." sabi ni Migs.
"Anything else sir? How about your drinks?" tanong ng waiteress.
"Pineapple juice." sabi ko.
"And you sir?" nang aakit na tanong nung waiteress. Hindi naman siya tinatapunan ng tingin ni Migs.
"Pineapple juice na din." sabi ni Migs na sa akin pa din nakatingin.
Natawa ako sa waitress nang umalis itong nakasimangot. Hindi man lang kasi pinansin ni Migs kahit anong landi nito.
"Beautiful!" napalingon ako kay Migs.
"Ano?" maang maangang tanong ko sa kanya. Narinig ko naman kahit mahina pero baka nagkamali lang ako ng dinig.
"Sabi ko ang ganda mo." diretsong sagot ni Migs.
Natawa ako sa reaksyon ng waitress na sumimangot dahil narinig nya si Migs kasi nasa likod sya nito at hawak hawak ang drinks namin. Inilapag nito nang dahan dahan ang drinks kay Migs samantalang sakin ay padabog. Umalis ito pagkatapos. Di din naman nagtagal ay dumating ang mga pagkain namin. Walang nagsalita sa amin dahil sabi nya kumain muna kami bago mag usap. Nakakailang nga dahil nakatitig lang ito sakin habang nakain. Nang matapos kami kumain ay nagsalita na ako.
"Ano ba ang pag uusapan natin?" tanong ko.
"Yung tungkol sa atin." sabi ni Migs. Napakunot ang noo ko.
"Anong atin?" nagtatakang tanong ko.
"Yung relasyon natin. Di ba sinabi ko sayo nung gabi na naangkin kita ay akin ka na." very confident nyang sabi.
"Wow mister confident much! Nauntog ba yang ulo mo sa pader at kung ano ano ang sinasabi mo? Eh isang gabi lang yun kaya walang tayo o atin period!" naiinis na sabi ko.
"Matino ako. Bakit hindi, tutal ako nakauna sayo. Ano pang problema?" sabi pa nya.
"Ay ewan ko sayo! Hindi naman kita mahal para maging tayo. Isa pa eh hindi ka naman nanligaw sa akin. Hindi ko rin naman ikaw sinagot. Ay naku! Akala ko pa naman usapan na maayos ito. Paano ko pa sasabihin sayo ang gusto ko kung ganyan ka." sabi ko.
"Maayos naman ako. Yun lang pala eh. Kung gusto mong ligawan kita eh gagawin ko. Teka ano bang sasabihin mo?" tanong nya.
"Pwede mo bang ibenta ang company sakin? Sa daddy ko naman talaga ito kaso binenta ng uncle ko. Pwede ba? Please...." nagmamakaawang sabi ko.
"Pwede naman." sabi nya.
"Talaga! Naku thank you talaga." napatalon ako sa tuwa sa sinabi nya.
"Pwede pero dapat pakasalan mo muna ako." natulala ako sa sinabi nya.
"Ano! Nasa tamang pag iisip ka bang talaga?" tanong ko.
"Yap! Ikaw ang gusto kong makasama habang buhay!" sabi nya.
Naiinis na ako sa lalaking to ah. Akala mo kung sino. Alam kong hot siya pero parang nagdidiliryo na ito at kung ano ano ang sinasabi. Anong akala nya sakin, easy to get? Kaladkaring babae? Sa inis ko ay napatayo ako.
"Pwede ba kung wala kang sasabihing maayos ay uuwi na lang ako." sabi ko pero bago ako makahakbang papaalis ay pinigilan nya ulit ako.
"Kath, seryoso ako. Gusto kita. Kung kailangan ligawan kita araw araw ay gagawin ko. Bigyan mo lang ako ng chance. Kahit hindi mo ako pagbigyan ay gagawa at gagawa pa din ako ng paraan para magustuhan mo ako." tinitigan ko ang mga mata nya. Syet! Bumibilis ang tibok ng puso ko. Bakit ganyan ang mga mata nya? Bakit ipinapakita nitong seryoso sya sa sinasabi nya. Hindi pa naman nya ako kilala para magustuhan eh.
Tinabig ko ang kamay nya na nakahawak sa braso ko. Nang matanggal ito ay dali dali akong umalis at agad na pumara ng taxi. Hindi ako mapakali dahil sa lalaking yun. Paano kung totohanin nya ito. Paano kung gumawa nga siya ng paraan? Paano kung malaman nya ang tungkol kay baby Zach.
Nang makarating ako sa bahay ay nagpunta agad ako sa kwarto namin ni baby Zach. Hindi ko nga pinansin si Yna nang kausapin nya ako. Tumahimik naman siya dahil alam nya pag ayaw kong makipag usap. Inaatake na naman ako ng anxiety ko. Natatakot akong mawala si baby Zach sakin. Hindi ako makakapagsulat nito kung magulo ang isip ko kaya minabuti ko na lang matulog.
Kinabukasan ay maaga akong nagising. Bandang 3:30am pa lang kaya nagdesisyon akong magsulat. Kalmado na ako ng magising ako. Sa sobrang pagkatuon ki sa sinusulat ko ay di ko namalayan na 7am na pala. Sinave ko ang sinusulat ko bago ko patayin ang computer ko. Pagtapos ay lumabas ako ng kwarto para magluto. Nagkape muna ako bago nagluto ng sinangag, hotdog at ilog.
"Okay ka na ba bruha ka?" bati sakin ni Yna.
"Oo ayos na ako." sabi ko.
"Baka gusto mo nang ikwento sakin." sabi ni Yna.
Kinuwento ko naman sa kanya ang lahat. Wala kasi akong tinatago kay Yna. Para na kasing magkapatid talaga ang turingan namin.
"Eh anong problema mo?" tanong ni Yna matapos kong ikwento ang nangyari kahapon.
"Natatakot kasi akong mawala si baby Zach. Siya na lang ang natitira sakin." sabi ko.
"Ayaw mo bang bigyan ng buong pamilya si baby Zach? Tunay nya nang ama yun, tatanggi ka pa? Bakit hindi mo subukan?" tanong ni Yna.
"Hindi ko alam Yna. Alam kong magagalit sya dahil tinago ko anak nya. Isa pa hindi ko naman siya mahal para patulan ang sinasabi nya." sabi ko.
"Hindi pa. Pero pwedeng mangyari kapag niligawan ka nya. Alam mo Kath, kalimutan mo na ang ginawa sayo ng ex mo. Hindi naman lahat ng lalaki eh masama. Yung mga character na lalaki sa libro mo ay mabubuti. Kaya nga may happy ending sila eh. Pede din naman mangyari sayo yun. Kaya pwede ba tanggapin mo na. Sabi mo hot di ba, choosy ka pa girl?" napailing na lang ako sa sinasabi ni Yna.
Maya maya habang nakain kami ay may tumawag kay Yna. Sinagot ito ni Yna kasi si tumatawag si Thea ang aking editor. Ni loud speaker nya ito.
"Oh Thea bakit?" tanong ni Yna.
"Nandyan ba si Bobitang manunulat?" tanong ni Thea.
"Nakaloud speaker ka na. May sasabihin ka ba sa kanya?" tanong ni Yna.
"Hello Thea! May problema ba?" tanong ko.
"Ano kasi. Alam kong ayaw mo na magpakita sa lahat ng tao pero....." alanganing sabi ni Thea.
"Ano ba kasi yun. Sabihin mo na kasi." iritang tanong ko.
"Si Boss kasi yung bagong may ari. Nag aya siya sa Bulacan para magteam building. Lahat daw kailangan pumunta." balita ni Thea. Nagkatinginan kami ni Yna.
"Ano? Dati naman walang ganyan ah! Bakit kailangan lahat pumunta?" tanong ko.
"Ewan ko. Girl sabi nga may pa prizes na malaki. Sama ka na para team tayo." sabi nya.
"Eh ayoko ngang sumama. Mas masarap pang magsulat kaysa gumala." sabi ko.
"KJ talaga nito. Ikaw bahala. Pero pag nagbago isip mo team tayo ha." sabi ni Thea. Pagkatapos ay binaba ko na ang tawag.
"Naku ha mukhang desididong gumawa ng paraan ang future mo. Sama ka na at ako nang bahala kay baby Zach." sabi ni Yna.
"Future ka dyan. Ayoko nga. Magsusulat na lang ako kaysa makihalo bilo sa kanila." sabi ko.
"Ayaw mo bang mabawi ang company ng daddy mo?" tanong ni Yna.
"Gusto, kaya lang ayokong mapalapit sa kanya dahil baka kuhanin nya sakin si baby Zach." sabi ko.
"Ay naku pagbigyan mo na. Di ba sabi mo gagawa at gagawa daw sya ng paraan? Aba baka magulat na lang tayo na nasa pintuan na natin ang hot future mo. Ikaw din." babala ni Yna.
"Bwisit ka! Papatapon na talaga kita sa Finland at nang makasama mo si Robert. Makahot future ka dyan!" iritang sabi ko. Natigil kami sa pag aasaran ng biglang tumunog ang cellphone ko. Nagtataka ako dahil iilan lang ang nakakaalam ng number ko. Nagtataka man ay sinagot ko din ang tawag.
"Hello?" tanong ko.
"Hi Love, nakuha mo na ba ang surprise ko? See you soon sa team building. Bye love!" napanganga akong tumingin kay Yna. Nagulat kami ng may nagdoorbell. Binuksan nya ang pinto.
"Delivery po kay Ms. Katherine Pineda. Papirma na lang po." pagtapos pirmahan ni Yna ay umalis agad ang delivery boy.
"Tangna Kath! Si hot future mo ba ang may bigay nito? Grabe! Siya na! Boto na ako sa kanya!" masayang sigaw ni Yna.
Napailing na lang ako kay Yna habang inaayos ang mga dineliver na 3 bouquet na roses. Pink, red at blue ang kulay. Tapos 3 malalaking teddy bear at 3 box ng chocolate. Mukhang wala na akong magagawa pa. Nangyari na ang kinatatakutan ko.