Kath's Pov
Hindi ako makapaniwala na sa lahat ng makikita ko at makakausap ko sa barko eh ang taong nakatalik ko nung gabing down na down ako. Hala sa lahat ba naman ng tao siya pa. Medyo malabo ang paningin ko nun at isa pa lasing ako kaya hindi ko siya namukhaan. Napauwi agad kami dahil sa kanya.
"Kath may kailangan ka pa ba? Aalis na ako. Wala ka bang nakalimutan ipabili?" tanong sakin ni Yna.
Si Yna ang aking bestfriend. Kasama ko na siya simula palang mga bata kami. Anak siya ng katiwala namin. Parang kapatid na ang turing ko sa kanya. Siya ang manager slash personal assistant ko simula ng pasukin ko ang pagiging writer. Kilala ang mga libro ko pero ako hindi. Kilala lang nila ako sa pangalang BOBITANG MANUNULAT. Pinagalitan nga ako ni Yna kasi ang baho daw ng pangalan ko. Eh kaso matigas ang ulo ko sinunod ko gusto ko. Nakakatuwa kaya.
"Ano alis na ako. Bibilihan ko ba ng gatas si Zach?" tanong ni Yna.
"Oo. Bilihan mo ng 2 malaking gatas. Maggogrocery naman tayo sa susunod na linggo kaya 2 lang. Bili ka na rin ng tinapay nya. Salamat Yna!" sabi ko.
"Takaw naman kasi ng inaanak ko. Sige ipapasa ko lang yung sinulat mo tapos bibili na ako." sabi nya.
"Sige pag uwi mo ready na ang dinner natin." sabi ko.
Umalis si Yna dahil kailangang ipasa ng bagong gawa kong libro. Maganda kasi ang naging resulta ng libro ko na may pamagat na Ang Babaeng Paminta. Nabatukan nga ako ni Yna nang malamang drama ito. Puro kasi kakaiba ang tittle ng mga libro ko. May pagkaloka loka kasi ako. Madami na akong naisulat at lahat yun ay may nakakatawang title. Tulad ng Ang Vampirang Panget, Si Ampalaya at si Talong, Ang lamok sa ilalim ng kumot at iba pa.
Sinimulan ko nang magluto ng tinola. Sa aming dalawa ni Yna ay ako ang marunong magluto at siya naman ang tagaligpit. Sakto ng natapos ako ay umiyak ang isang taon kong anak. Tama siya ang bunga ng pakikipagtalik ko sa lalaki na yun. Sinadya ko naman talagang magkipagtalik para magkaanak. Hindi ko naman alam na hahanapin pa nya ako at magkikita sa barko na iyon. In fairness kaya pala ang gwapo ng anak ko ay dahil gwapo ng ama.
Binuhat ko ang anak ko at pinadede ito. Napansin ko na bibo ang anak ko at wala pang isang taon ay nakakapaglakad na ito. Habang pinagmamasdan ko ang anak ko ay napangiti ako dahil nakuha nya ang mata namin ni mommy. Dark blue din ang mata nya. Ngumuso ako dahil yun lang ang nakuha sakin ng anak ko tapos lahat sa tatay nya na.
"Ano ba yan baby Zach, ako naman ang nagluwal sayo pero kulay lang ng mata nakuha mo sakin. Nagkita pala kami ng tatay mo. Ang gwapo pala at ang tangos ng ilong. Kaya naman pala ang cute cute mo." sabi ko habang hinahalik halikan ko siya.
"Ma...ma! sigaw ng anak ko.
"Pero baby Zach, wag mong iiwan si mommy ha. Kahit magkamukha kayo ng hot mong daddy ay wag mo akong iiwan." sabi ko. Natatakot kasi akong mawala sakin ang baby ko. Ilang beses na ngang muntik na siyang mawala sakin dahil sa peste kong uncle.
"Bakit naman kasi bumalik pa yung hot mong daddy duon. Ayan tuloy kinakabahan akong kunin ka nya sakin." sabi ko ulit.
"Da... Da....Hihihi!" sabi ni Zach.
"Ay baby Zach ah, sinasaktan mo ang feelings ni mommy." nakasimangot na sabi ko.
"Sira ka talaga pati ba naman yang anak mo pinagtitripan mo. Malamang mabibigkas nya yan eh puro ka hot daddy ng hot daddy dyan. May hot pa talagang kasama ah. Sana pala nde muna tayo umuwi nung nakaraang linggo. Nakita ko sana ang hot daddy mo." sabi ni Yna.
"Eh... Natakot kaya ako. Para akong nakakita ng multo kaya tumakbo ako." sabi ko.
"Multo? Oh hot na multo?" pang aasar ni Yna.
"Gusto mong ipatapon kita sa Finland? Dun ka na kaya. Nandun ang loves mong si Robert hahaha!" pang aasar ko din.
"Magreresign na lang ako kaysa makita ulit si Robert na yun!" sabi nya.
"Anong balita sa company?" tanong ko.
"Girl, masamang balita para sayo May bago daw may ari ang publishing company. Nalulong pala ang asawa ni Mr. Tan sa sugal at alak. Ayun medyo tagilid na pala talaga ang company." balita ni Yna.
"Eh ano naman masama dun? Binabayaran pa naman tayo di ba?" tanong ko.
"Oo, ikaw na lang pala ang binabayaran dahil ikaw ang alas nila. Ang masamang balita ay kailangan mong umattend ng meeting para makilala ang bagong may ari." sabi nya.
"Ano? Eh paano kung ayoko? Alam mo naman na umiiwas ako sa mga tao lalo na baka makita pa tayo ni uncle shrek. Anong gagawin ko?" tanong ko.
"Kailangan daw kahit isang beses magpakita ka or else daw dun ka mag oopisina sa kompanya." sabi pa nya.
"Bwisit naman kasi tong uncle shrek ko bakit ibinenta kay Mr. Tan ang companya. Binibili ko naman bat ayaw nila ibigay sakin. Yun na lang ang alaala ni daddy sakin tapos naibenta pa. Bakit kasi minor ako nung nawala si daddy at mommy. Kailangan ko tuloy sumama kay uncle shrek." inis na sabi ko.
"Madami ka pa naman pag aari dito pati ang bahay mo sa Finland. Mayaman ka naman bakit hindi ka na lang magtayo ng company?" sabi ni Yna.
"Batukan kaya kita dyan sabi nang nag iisa na lang alala ni daddy yun at mahal na mahal ni daddy yung company. Di baleng nawala yung iba kaysa mawala iyon." malungkot na sabi ko.
Binenta na kasi ni uncle shrek ang mga ari arian ni daddy. Sa akin yun ipinamana kaso dahil minor ako nagawang angkinin ni uncle shrek. Buti yung kay mommy ay nakapangalan na sakin at nakuha ko siya nung ako ay nag 18. Ang pamilya ni Yna ay ipinadala ko sa Finland para mamahala ng negosyo ni mommy. Si Yna ay ayaw humiwalay sakin kaya naman laking pasasalamat ko sa kanya.
"Umattend ka ng company meeting tapos eh kausapin mo may ari na baka pwede ibenta sayo. Tutal naman bayad utang lang daw yun. Baka may pag asa ka." sabi ni Yna.
"Oo nga noh. Sige sige! Kelan ba?" masayang sabi ko.
"Bukas na." sabi nya.
Sana nga ibenta na lang sakin para wala na akong problema pa. Kaso maeexpose ako sa tao. May makakaalam na naman na ako si Bobitang manunulat. Nakakahiya pala talaga noh. Bakit kasi ang weird ko?
Maaga akong nagising dahil lunch daw ang meeting. Nagbihis ako ng simpleng light blue dress. Wala naman kasi sinabing attire di ba.
"Bye bye baby Zach!" paalam ko sabay halik sa kanya. Nasa Quezon City kasi ang company eh nasa Las Piñas ako nakatira. Kaya maaga ako aalis
"Yung company ID mo baka makalimutan mo. Hindi ka paniniwalaang si Bobitang manunulat." sabi ni Yna habang buhat buhat si baby Zach. Tumango lang ako.
Maaga ako dumating isang oras pa bago mag umpisa ang company meeting. Kaya napagdesisyunan ko na magkape sa Starbucks sa gilid ng company. Pumasok ako at umorder ng kape. Grabe ang mahal ng kape dito. Dapat pala sa 7/11 na lang ako pumunta.
"Grabe nakita mo ba yung bagong may ari ng Blue Publishing Company. Ang gwapo nya! Sisipagan ko nang magsulat para mapansin ni boss." sabi nung babae sa gilid ko.
"Oo nga. Ang aga nya dumating noh. Sana palagi syang nasa opisina para inspired" sabi naman ng isang babae.
"Basta ako gusto ko makilala ang idol kong si Bobitang manunulat. Pasalamat ako dahil may meeting na ganito at kailangan magpakita ng bawat isa. Curious ako kay idol." sabi ng chubby na babae.
"For sure panget yun o matabang katulad mo. Magdiet ka nga. Kung hindi lang kita ka team eh malamang di ako tatabi sayo." sabi nung unang babae na sobrang kapal ng make up.
"Baka naman bobita talaga. Ang chachaka kaya ng libro nya. Mas maganda naman ang libro natin. Malakas lang siguro kay Mr. Tan. Baka kabit." sabi nung ikalawang babae.
"Wag naman kayo ganyan kay idol. Baka makarma kayo nyan." sabi nung mabait na babae.
Ang dami pa nilang sinasabi sakin. Di lang ako nakibo. As if naman i care sa sasabihin nila. Eh trip ko name na Bobitang manunulat eh. Makapunta na lang sa company. Tumayo ako at lumapit sa 3 babae. Hinubad ko muna ang shades ko bago nagsalita.
"Hello, writers din pala kayo. Parepareho pala tayo. Nice meeting you. Kita na lang tayo duon." sabi ko. Nakatulala silang tatlo.
Pag pasok ko ay sinabihan kami nadumiretso sa meeting place. Pagpasok ko sa venue ay naupo ako. Isa isa ding nagpasukan ang mga writers kabilang na yung tatlo. Naupo sila sa tabi ko. Nasa tabi ko naman si chubby na babaeng mabait. Di naman nagtagal ay pumasok ang supervisor namin kasama ang lalaki. Nanlaki ang mata ko ng makita ang lalaki sa barko. Syet! Bakit ganito. Nagpakilala itong si Miguel Dela Torre. Grabe ang titig nya sa akin. Natapos siyang magsalita at sinabi nya na magpakilala isa isa. Tumayo ako at tumingin sa gilid ko. Yes sa tatlong babae.
"Hi everyone! Ako nga pala si Katherine Pineda o mas kilala bilang si Bobitang Manunulat. Sana walang makakalabas ng identity ko ha. Nice meeting you all lalo na sa inyong tatlo." sabi ko. Natawa ako kasi tulala silang tatlo sa tabi ko.
Natapos ang meeting at isa isa nang nagsi alisan. Agad akong umalis sa upuan ko at lumabas. Hindi ko na kasi magagawa ang balak ko dahil ang hot daddy ni Zach ang bagong may ari. Nasa lobby na ako nang biglang may biglang humatak sakin.
"Can we talk." malumanay na sabi ni Migs.