“Guys pa help naman sa gamit, ang bigat kaya ng mga to.” Reklamo ni Ivy habang buhat buhat ang kanyang bag.
Agad naman siyang tinulungan ni Justin sa mga gamit. Diretso kami sa isang room kung saan kaming magkagrupong matutulog.
“Woah nakakapagod na byahe!” Rinig kong saad ni Eunice bago humiga sa kanyang kama.
Magkakasama ang sampung kama sa isang room. Malaki naman ang space kaya kasya ang lahat.
“Marami tayong nadaanan na pine-tree kanina, shems ang ganda talaga ng place dito, gusto ko na mag adventure.” Excited namang sambit ni Aster.
“Gusto mo gumala? Sasamahan na kita.” Pag prisinta naman ni Kyzen.
I saw Aster rolled her eyes on him. “No thanks baka mawala pa ako dito pag ikaw kasama ko.”
“Grabe ka naman sakin, di naman kita iwawala cellphone ko nga di ko kayang mawala ikaw pa kaya?” Todo kantyawan naman ang mga kasama namin dahil sa sinabi nito.
“Wait, nabasa ko na yang banat na yan ah.” Nagsungit na naman ang Aster niyo.
Mas lalo kaming natawa dahil sa mukha ni Kyzen. Nakasimangot ito, nagpapaawa pa siya.
“Tama na yan, ayusin na natin to para makapag pahinga na.” Suway naman sa kanila ni Nelleine.
Kinuha ko ang mga gamit ko at inilagay ang mga iyon sa kama ko. Nagsimula na akong nag ayos, mula sa mga damit hanggang sa iba pang mga gamit ko.
Lumipas ang ilang oras at sa wakas tapos na rin ako sa pag aayos. Nahiga ako sa kama ko dahil nakaramdam ako ng antok. Nag decide nalang akong matulog. Nasa labas silang lahat kaya tahimik.
“Type mo ba Travs?” Dinig kong tanong ng kung sino man.
Nagising ako sa boses na iyon. Hindi ko na muna binuksan ang mga mata ko, ewan ko lang pero gusto kong makinig sa usapan nila eh.
“Tssk, of course not ang sungit niyan at ang arte.” Sagot naman ng taong mukhang multo na si Travis.
“Yung totoo? Kanina kasi sa van namumula ka nung makatabi mo eh, akala mo di ko nakita yung scene kanina, you kissed her right?” Pang aasar naman sa kanya nung Kyzen.
“Yeah, akala ko ako lang nakapansin nun.” Natatawang dagdag naman ni Justin.
Narinig kong nag buntong hininga si Travis. Gusto ko na talagang dumilat pero nabubuhay na naman ang pagiging Marites ko.
“No, I didn't kissed her, nang aasar lang naman ako, sino ba naman hindi maiinis kung sabihan kang kakambal ni Balmond?”
Pinipigilan ko na lamang ang matawa dahil sa sagot nito. Todo naman ang halakhak ng dalawa niyang kasama. Ang sakit na sa tenga.
“Yah! Ano ba bakit ang ingay niyo? Natutulog yung tao eh.” Kunwareng naiinis kong suway sa kanila.
Syempre para naman di halata na nakinig ako sa pinag usapan nila diba?
“Eh bakit ka kasi natulog alam mo namang nag uusap kami, syempre maingay talaga yun.” Pambabara sakin ng yawang lalake na to.
“Kung di ka ba naman dakilang tanga, sino ba naman ang di aantukin kung buong mag hapon nag ayos ng gamit?” Taas kilay kong sagot.
“So ako pa ngayon ang tanga?” Tumayo ito mula sa pagkakaupo. “Ayusin mo sinasabi mo babae, kilala mo ba ako?”
Nanahimik lang naman ang dalawa niyang kasama na kanina ay napakaingay. Tiningnan ko siya mula ulo hanggang paa kaya napakunot ang noo nito.
“Uhm nopes I don't know you maliban sa name mo na Travis at wala akong plano na kilalanin ka pa.” Pang iinis ko rito.
“Ang lakas ng loob mong kalabanin ako Allana Hamada pwes kung ganun mag handa ka dahil kita titigilan hanggang di mo pagsisisihan ang ginawa mo.” Pagbabanta pa niya.
Napatawa naman ako sa sinabi niya. Anong akala niya saken? Weak, matatakutin at walang laban? Oh my gosh!
“Anong akala mo sakin takot sayo? Tchh baka isang sipa ko sayo ngayon matumba ka jan sa kinauupuan mo!” Dagdag ko pa.
Mukhang mas lalo siyang nainis sa mga sinabi ko kaya nag walk out ampotcha. Napatawa na lamang ako ng malakas dahil sa eksenang iyon.
“Sorry about that Allana, masyadong pikon lang talaga si Travis.” Paghingi ng paumanhin sakin ni Justin.
“Oo nga natatakot kami eh kaya di agad namin siya naawat.” Pagdadahilan naman ni Kyzen.
“Pakisabi sa kaibigan niyo na hindi ako natatakot sa kanya, matangkad lang siya na parang multo dahil sa kaputian kaya paano ako matatakot?” Napairap ako. “Sabihin niyo rin na kung magiging kamukha niya si Pennywise dun nalang ako mamumutla sa takot.”
Nakita ko naman silang tumangko bago lumabas ng room. Hindi na ako nakatulog pa ulit kaya nag decide nalang akong mag open ng social media. Naka receive ako ng message from my dad.
From Dad: Allana, how are you? Dad misses you so much!
Napangiti ako matapos mabasa iyon. Kahit busy si Dad sa business di niya parin ako nakakalimutan.
To Dad: I'm fine dad, miss you too 3>
From Dad: I heard na sumama kayo sa isang camp ni Aster, mag ingat kayo lagi jan anak dad loves you.
To Dad: Yes po, ikaw din ingat kayo ni Tita luv u too.
Binalik ko na ang phone ko sa bag ko at nag pasya na lumabas. Hinanap ko ang mga kagrupo ko ngunit di ko sila mahahilap. Marami ring mga teenagers na nandito kaya ang hirap hanapin ng mga kasama ko.
Diretso ang lakad ko at parang walang patutunguhan, shuta di ko pa naman kabisado ang place na to. Wala na akong nagawa kundi ang bumalik nalang at baka mawala pa ako dito.
“Allana! Buti naman at nakita kita.” Napalingon ako sa tumawag sa pangalan ko.
“Oh ikaw pala John, nasaan sila Nell?” Tanong ko sa kanya.
“Nandun na sa gym dun kasi tayo kakain ng dinner.” Sagot nito.
Tumango nalang ako at sumunod sa kanya. Nagugutom na rin ako eh. Hindi nagtagal ay nakarating na kami sa gym. Nakita ko na kung nasaan ang grupo kaya naupo ako sa table kung nasaan sila.
“Kumain kana alam kong gutom ka, di ka pa naman kumain kanina.” Salubong sa akin ni Aster sabay bigay ng tray na puno ng pagkain.
“Grabe ka, di ko to mauubos!” Bulong ko sa kanya.
“Si Aster daw uubos niyan wag ka mag alala.” Singit naman ni Nell.
Sinamaan siya nito ng tingin kaya nag peace sign lang siya.
“Hindi lang naman ikaw mag isa ang kakain niyan Allana.” Napalingon ako kay Art nung mag salita ito.
“Eh sino pa kakain nito?” Turo ko sa pagkain sabay inom ng tubig.
“Si Travis,” muntik ko nang mabuga ang iniinom ko dahil sa narinig, “Wala na kasing available plates so share nalang kayo, kagrupo naman tayo eh, wala naman sigurong problema dun.”
Tinignan ko naman si Travis at nakangisi lang ito habang sinasalubong ang mga tingin ko.
“Sige na Allana, gutom na rin tong gunggong to eh.” Pamimilit naman sa akin ni Ivy.
Wala na akong nagawa kundi ang pumayag. Hindi ko naman gustong sabihin nila na ang rude ko sa kagrupo ko.
Una akong kumuha saka kumain nun, ganun rin ang ginawa ni Travis. Ang iba naman ay nag simula na din sa pagkain. Magkaharap kami ngayon ng taong mukhang multo na to kaya di ako maka focus sa pagkain.
Hindi ko maiintindihan ang sarili ko pero nawalan na ako ng ganang kumain at parang busog na ako.
Bibitawan ko na sana ang hawak kong kutsara ngunit naunahan ako ni Travis.
“I'm full now.” Saad nito.
Napatingin ako sa plato at napakarami pang pagkain ang natira.
“Travis kaylangang ubusin ang pagkain!” Tiningnan siya ng masama ni Eunice. “Maraming tao ang nagugutom!
“Bakit pag inubos ko ba ang pagkain na yan, mabubusog sila?” Pabalang nitong sagot.
“Tchh astig kana niyan?” Inirapan siya ni Nell.
“Kaya na niyan ni Allana, diba Allana?” Mapang asar nitong saad.
Sinamaan ko ito ng tingin pero ang gago ay ngumisi lang. Shutangina talaga to eh! Walang magawa sa buhay pati pagkain gagamitin sa pangtitrip. Abnoy ba to?