Ronnie's Pov
Hindi ako makakapayag na dito nalang matapos ang lahat, kailangan kong gumawa ng paraan.
"Alam mo imposible tayong may mahanap na gamit dito para makatakas, hindi naman tayo pwedeng magpahaba ng kamay natin para lang makuha ang susi noh." sabi naman ni Andy na dumagdag pa sa iniisip ko.
"Pwede bang huwag nalang kayong maingay? Dahil sa ginagawa niyo lalo lang tayo napapahamak at maaaring mas mapaikli pa yung mga buhay natin." sagot ko sa kanila na kanina pa tanong ng tanong hanggang sa may lumapit sa amin na isang kaedaran din naming babae na medyo may kapayatan ang pangangatawan.
--
"Eto ba ang hinahanap ninyo?" sabi niya habang nakangiti ng nakakaloko sabay inilabas ang susi mula sa bulsa nito.
"Akina na yan, ibigay mo sakin yan!" sigaw ko habang pilit na inaabot iyon mula sa kamay ng babae.
"Alam niyo papakawalan ko din naman talaga kayo eh, kaya kumalma ka lang." sabi nito na ikinagulat ko.
"Hindi ko naman talaga gusto na mapabilang sa grupo ni Marvin, napakasama at bayolente siyang pinuno. Naghihintay lang talaga ako ng pagkakataon para makaalis na ako dito." dagdag pa nito at dahan dahang lumapit sa kandado ng kulungan at binuksan ito.
"Bakit hindi ka sumama sa amin?" biglang bigkas ng mga labi ko na ikinagulat din naming lahat, bagay na ikinatawa niya.
"Hayaan mong pagisipan ko yan, pero ang mahalaga ngayon ay ang makatakas kayo dito." sabi nito at naglabas din ng parang isang mapa ng kampo nila.
--
"Nandito tayo ngayon sa Cellar 3, dadaan tayo sa Security para makaligtas ngunit kailangan din muna natin na pumunta sa Armory para kumuha ng ilang armas para sa inyo. Pagkatapos nating makalagpas sa Security ay kailangang makalagpas tayo sa Main Gate ng kampo na binabantayan ng mga tao ni Marvin bago tuluyang makalabas." sabi nito na tumango ako bilang pagsangayon.
"Teka lang, kanina mo pa kami tinutulungan pero hindi man lang namin nalalaman ang pangalan mo. Ako ng pala si Marian, etong lalaki naman sa harap mo ay si Ronnie, ang boyfriend ko. Sila naman si Andy at, si Blake na bago lang sa grupo." pagsingit naman ni Marian sa paguusap at nakita kong inirapan nito yung babaeng nasa harap ko ngunit tumawa nalang ito ng mahina bilang tugon.
"Hahaha, tawagin niyo nalang akong Nics. At huwag kang mag alala, hindi ko type yang boyfriend mo. Siguro may ibang tao lang din dito na unang nakakuha ng atensiyon ko." pilyang sagot niya at malagkit na tumingin kay..
Blake.
--
Tumakbo na kami papunta sa Armory at hindi nga ito nagsisinungaling, napakadaming baril at iba pang mga armas ang nasa kwarto at nakadibisiyon ito sa ibat ibang bag depende sa gamit na nakalagay.
"Kunin ninyo na ang kaya niyong dalhin at pagkatapos ay pumunta na tayo sa Security, may duda ako na nakatunog na sila dahil wala na ako sa puwesto na binabantayan ko." sabi nito na tinanguan ko at pagkatapos ang binitbit namin ang mga bag na kaya naming dalhin at tumakbo papuntang Security ng biglang..
"Saan niyo balak pumunta? Tatakas kayo noh?" sabi ng isa sa mga nagbabantay kasabay ng isang matulis na bagay ang naramdaman kong dumaan sa gilid ng tenga ko at dumiretso sa lalaking yun. At hindi ako nagkamali dahil nanggaling pala yun kay Nics, isang icepick na direktang sumaksak sa kanang dibdib ng lalaki bago ito tumumba sa sahig.
"Dumulas yata sa kamay ko, hahaha. Ano pang inaantay ninyo? Pasok na!" sabi niya at pumasok na kami sa Security at tila pare pareho kaming nagulat ng may makitang isang malaking mama ang nakaupo sa upuan dun at tila ba inaasahan na ang pagdating namin.
--
Nics' Pov
Si Kuya Jin.
Problema to.
"Inaasahan ko na mangyayari ito kapatid ko, pero hindi ko inaakala na tutulungan mo pati ang mga bihag ni Bossing." sabi niya habang nakayukom ang mga kamao, at tama kayo ng inaakala kapatid ko siya kaya kilalang kilala na namin ang isa't isa.
--
Lumaki kami ng sabay, bagamat 7 taon ang agwat ng edad namin ay hindi naman naging sagabal yun upang maging masaya kaming magkakapatid.
Lumaki rin kami ng may kaniya kaniyang katangian na nagagamit namin. Sharp shooter ako, ibig sabihin ay kaya kong bumato ng mga bagay na direktang tumatama sa target maski gumagalaw ito o hindi. Samantalang ang kakayahan niya naman ay ang malalakas nitong kamao na kayang bumali ng buto ng kalaban. Kaya hindi na nakakapagtaka na nagagamit ni Marvin ang mga kakayahan naming yun para sa paghahunt ng mga hayop at maski mga zombie sa labas ng kampo.
"Kuya paglaki ko gusto kong maging isang Assasin o di kaya ang magtanghal sa Circus." minsang nasabi ko sa kaniya ng manood kami sa perya kasama ang pamilya namin, noong buo pa kami.
--
"At sa tingin mo naman ba ay papayagan ko kayong tumakas?" sabi nito habang nakangisi.
"Parang awa mo na kuya, hayaan mo nalang kaming umalis. Ayoko na dito, ayoko na sa pamamalakad ni Marvin! Hayop siya!" sigaw ko na ikinapikit niya. Sinenyasan ko naman sila Ronnie na magpatiuna at pagkalagpas nila at sumunod na din ako ngunit hindi padin nawala ang tingin ko kay kuya Jin.
"Salamat po, kuya." sabi ko at malambing na hinalikan siya sa pisngi at tumalikod na, ngunit bago ako makalapit sa pintuan ay narinig ko itong nagsalita.
"Tandaan mo Nics, wala ka ng kuya pa pagkatapos mo lumabas sa pintuan na yan. Sa susunod na pagkikita natin ay ituturing na kitang kalaban at mapipilitan na akong iligpit ka kasama yang mga kasamahan mo." sabi niya na tila nagpaguho sa mundo ko. Hindi pwede, siya nalang ang kuya ko. Siya nalang ang natitirang pamilya ko.
"Tara na Nics, ano pang inaantay mo? Pasko? Akala ko ba gusto mong makuha ang kalayaan mo? Ito na yun, umalis na tayo!" sigaw ng isang lalaki na tumawag mismo sa pangalan ko bukod, paglingon ko ay nakita ko si Blake na tumatakbo papalapit sa akin at kinuha ang kamay ko at tumakbo na kami papalayo sa Security.
Pasensya na kuya.
Patawad.
--
Jin's Pov
Paalam Nics.
Mukang nag mature na talaga ang bunso kong kapatid.
"Jin, nasaan yung kapatid mo? Kailangan ko siya ngayon dito sa opisina!" sigaw ni Marvin mula sa telopono ng Security.
"Wala na siya, tinapos na siya ng mga bihag natin." pagsisinungaling ko bago ko pinatay ang tawag.
--
Blake's Pov
Ilang saglit lang ng makalabas na kami sa Security, nagsimula ng magpatunog ng alarm sa buong kampo nila. Nasa isang tagong parte kami ng baba ng kampo nila at mula dito nakikita ko na ang labas at kailangan nalang namin na makalabas ng hindi napapansin.
Gabi na at nagpalitan na din sa shift ang mga nagbabantay sa taas ng mga matataas na pader, nasa tapat sila ng katamtaman ang laki na spotlight na tila ba mata nila sa dilim.
"Humanda na kayo, aalis na tayo." bulong ni Ronnie at akmang tatakbo na ng biglang may sumulpot na isang nagbabantay sa kinaroroonan namin.
"Andito sila, mga nagbabalak makatakas!" sigaw nito na nakaalarma sa mga tao sa paligid. Fuck.
"Kaasar, mauna na kayo. Magkita kita nalang tayo sa labas!" sigaw ni Ronnie at nagpaputok ng baril sa mga nagbabantay, bumato din si Nics ng icepick at saktong tumama ito sa lalaki kanina. Nagkalat na kami sa paligid habang nagaantay sa mga mangyayari.
Kasama ko si Nics, magkasama naman si Marian at si Andy habang nagsolo si Ronnie sa pagtakbo para mailigaw ang mga humahabol sa kanya.
--
"Mas malapit tayo sa Gate, marunong ka bang gumamit nito?" tanong niya sabay turo sa Sniper Rifle na nasa loob ng bag na dala dala ko, tumango ako at ngumiti naman siya.
"Itumba mo yung mga nagbabantay sa taas ng gate gamit yan." maikling sabi niya na ikinagulat ko.
"T-teka hindi ako pumapatay, masama yun diba. Tsaka di naman nila ako inaaway eh bakit ko sila babarilin." sabi ko na halata ang panginginig ng boses ko kasabay ng isang malakas na sampal mula sa kanang kamay niya ang tumama sa kaliwang pisngi dahilan para ikainis ko ito.
"Hahaha, yan mabuti yan para matauhan ka naman. Tibayan mo ang loob mo magpakalalaki ka nga, mamamatay tayo kung hindi ka kikilos." sabi niya. Oo nga noh?
--
Maya maya ay isa isang putok ang pinakawalan ko mula sa baril na hawak ko at direktang tumama ito sa mga taong nagsisipat ng ilaw, dahilan para mawalan sila ng mga mata sa taas.
"Ang galing mo naman pala eh." sabi niya sabay pisil nito sa pingi ko, ngumiti nalang ako bilang sagot.
"Sige ngayon lumabas na tayo." dagdag pa niya sabay halik sa pingi ko. T-teka, h..hinalikan niya ako?
Agad nitong hinablot ang kamay ko at tumakbo na kami palabas ng kampo nila sinenyasan ko din sila Marian at pinatakbo na papunta samin.
Andy's Pov
Nakalabas na sina Blake at yung babaeng kasama niya.
Pinauna ko na si Marian at tumakbo ito ng mabilis papunta sa gate at maswerteng nakalabas ito. Ngayon ako naman.
Tatakbo na sana ako ng bigla akong makarinig ng putok ng baril mula sa kung saan at sa kamalas malasan ba naman ay tinamaan ako sa kanang hita ko.
Tangina!
Nakita ko ang mga nagaalalang muka ng mga kasamahan ko at ngumiti nalang ako upang ipakita na wala lang ito. Tumingin ako sa bag at saktong may baril dito na magagamit ko.
"Ayos! Hahaha." sabi ko sa sarili ko at naghanap ng magazine na naglalaman ng mga bala nito pero sa kasamaang palad kung di ba naman talaga ako balak patayin ni Author, wala akong bala! Umay!
Tumingin tingin ako at may nakita akong isang magazine sa pinagtaguan namin, di gaanong kalayuan sa kinaroroonan ko. Isang mabilis na takbo lang ay makukuha ko yun sakto para makatakas ako papuntang gate.
"Ronnie!" sigaw ng mga kasamahan namin at tumingin ako sa direksyon na tinitingnan nila at ayun na nga, tumatakbo si Ronnie papalabas sa gate ngunit aksidente itong nadapa at nasubsob sa lupa. Bahala na! Patay kung patay!
"Takbo! Ronnie!" sigaw ko at tumakbo sa magazine at kinuha ito, isinaksak sa baril na hawak ko at ikinasa.
"Katapusan niyo na!" sigaw ko at nakipagsabayan ng putukan sa mga baril ng mga kalaban bago ako bumagsak sa lupa at magdilim ang aking paligid.