Tumatakbo ako sa talahiban kung saan hinahabol ako ng aking tiyuhin na may dalang itak. Sobrang sakit na ng mga paa ko dahil ang rami kong natatapakan na matutulis na bagay at marami ring dumadaplis saaking mga sanga. Ngunit hindi ko iyon alintana dahil sobrang natatakot ako. Hindi ko alam kung anong gagawin ko. Saan ako magtatago upang hindi niya ako mahanap?
"ASHANNAAA! MAGPAKITA KA! WALA KA NANG TAKAS!! AKIN KA NA!" Hinigpitan ko ang pagkakatakip ng palad ko sa bibig ko upang hindi marinig ang paghinga at paghikbi ko sa nakakatakot na boses ng tiyuhin ko.
Nagtatago ako  sa may malaking puno at naririnig ko ang mga tuyong  dahon na natatapakan niya. Nakakabingi ang bawat kilos na ginagawa niya.
"BULAGA! HAHAHAHHA!" napasigaw ako dahil sumulpot siya sa gilid ko at hinawakan ang braso ko at hinila papalapit sa kanya. Para na itong baliw sa inaakto nito.
Nagpupumiglas ako sa hawak niya at pilit kong inilalayo ang katawan ko na sobrang lapit sa katawan niya. Nagulat na lang ako ng maramdaman na punit na ang tela sa bandang balikat ng suot kong t shirt dahilan ng paglantad ng makinis kong balikat.
"Uncle please bitawan mo ko! Ayoko po, ayoko po sainyo!" Pagmamakaawa ko dito ngunit hindi ito nakinig at hinalikan ang leeg ko. Gusto ko siyang pigilan kaso sinandal niya ako sa may puno na pinagtaguan ko kanina at hinawakan niya ang magkabilang kamay ko at ipinako sa likod ko.
Sumisigaw at nagpupumiglas ako ngunit imposibleng may makarinig saakin dito sa gitna ng kagubatan at sa gitna pa ng gabi. Gusto ko nang matapos ang bangungot na ito!
"Anong nakita mo?" Tumigil siya sa ginagawa niya saakin at tumingin saakin na namumula ang mata, dahilan ng pagtayo ng balahibo ko sa katawan. Nakakatakot ang mukha nito na kapag nilabag mo ang utos ay tiyak hindi siya magdadalawang isip na patayin ako. Gaya ng ginawa niya sa asawa niya.
"Wala po akong nakita. Wala akong pagsasabihan na kahit sino, pakawalan mo lang ako!" humihikbi kong pakiusap habang nasa likod pa rin ang mga kamay ko at ang kamay naman niya ay naglalakbay na sa iba't ibang parte ng katawan ko.
"Sigurado naman ako na wala ka nang mapagsasabihan ng nalaman mo. Dahil nalalabi na lang ang oras mo dito sa mundo." Nanigas ang buong katawan ko sa sinabi niya.
Pa-patayin niya pa rin ako?  Nasaksihan ko ang pagpatay niya sa asawa niya dahil nakita niyang may kalaguyo itong iba. Simula nang mangyari iyon nagbago na ang tiyuhin namin hanggang pati ako ay pinagnanasaan niya.
"Wag kang mag alala, aalagaan ko ang kapatid mo at pasasayahin ko rin siya gaya ng gagawin ko sayo." Nakangisi niyang saad upang kumulo ang dugo ko dahil sa galit.
Hindi ko hahayaan na saktan niya ang kapatid ko.
Sinipa ko siya sa gitna ng magkabila niyang hita dahilan ng pag atras niya habang hawak ng dalawang kamay niya ang namimilipit sa sakit na nasipa ko. Kinuha ko ang oportunidad na iyon upang kunin ang dala niyang itak at tinaga siya sa may bandang braso.
Dumudugo na rin ang noo nito dahil napukpuk ko siya ng bato ng subukan niya akong halayin kanina kaya kami umabot sa ganito.
Nagpatuloy na ako sa pagtakbo at nabitawan ko ang hawak kong itak dahil sobrang nanginginig na ang mga kamay ko at napupuno na rin ito ng dugo.
Nakakalayo na ako ngunit naririnig ko na ang pagsunod niya saakin.
"ASHANNNAA MAGBABAYAD KA SA GINAWA MO!" 
Napaatras at napahinto ako sa pagtakbo ng malaman na nasa dulo na ako ng kagubatan. Nasa dulo na ako ng bangin at naririnig ko na ang lagaslas ng tubig sa ilalim.
Tinitigan ko lang ang nasa ibaba ng bangin. Kung hindi ako tatalon malamang magagawa akong sundan dito ng tiyuhin ko at baka matuloy na niya ang masamang binabalak niya. Ngunit kung tatalon ako maaring ang kapatid ko ang pagdiskitahan niya.
Tuloy tuloy ang pagbagsak ng luha ko dahil sa takot at kaba na nararamdaman ko. Hindi ko alam kung anong gagawin ko.
Tiningnan ko ang kabuuan ko at puro pasa at gasgas na dahil sa mga sanga na nadadaplis sa balat ko at ang mga pananakit saakin ng tiyuhin ko simula kanina. Sira sira na rin ang damit na suot ko at nakikita na ang balat ko sa balikat at tiyan.
"AHHHHHHH!!" napasigaw ako sa sakit ng maramdaman kong may tumama sa leeg ko na matulis na bagay at dumadanak na ang dugo ko pababa ng leeg.
Nilingon ko ang likod ko at nakita ko na nga dun ang tiyuhin ko na may dalang itak na puno ng dugo. Nandidilim na ang paningin ko dahil sa nawalang dugo saakin. Itinakip ko sa leeg kong nagdurugo ang palad ko upang maibsan ang paglabas ng dugo.
Humakbang siya papalapit saakin upang mapaatras ako. Paatras ako ng paatras hanggang makarating ako sa dulo muli ng bangin. Nanginginig na ang buong katawan ko habang sumisilip sa ibaba kung nasaan ang ilog.
Nilingon ko ang  tiyuhin ko na ngayon ay nakangisi habang puno ng dugo ang mukha dahil sa sugat nito sa noo.
Humakbang pa siya papalapit saakin, kung kaya't napaatras ako dahilan ng pagkahulog ko mula sa bangin.
Lumubog ako sa tubig habang unti unting nahahalo dito ang dugo mula sa mga natamo kong sugat at sugat ko sa leeg. Unti unti kong ipinikit ang mga mata ko habang tinatangay na ng agos ng tubig.
Ito na yata ang katapusan ko...