Kinabukasan maagang pumasok si Daniella dahil ayaw na niyang ma-late kaya wala pang ala-sais ng umaga ay naglalakad na siya.
Malapit na sa gate ng eskwelahan si Daniella ng mapansin niya na sabay silang papasok sa loob ni William." Good morning, William!" bati niya na halos kita na pati ang gilagid sa pagngiti.
Tiningnan lang siya ni William at nagpatuloy sa pagpasok sa gate. Nawala ang ngiti sa labi niya dahil hindi bumati pabalik si William sa kanya." Maaga pa Daniella, kaya baka wala pa siya sa mood," kausap niya sa sarili at tuluyan na ring pumasok at nagpatuloy hanggang sa room niya.
Umupo siya kaagad sa upuan niya at dahil maaga pa naman ay ang iba niyang classmate ay na sa labas pa. Ilang estudyante lang ang na sa loob kasama sila William at Daniella, si Bree ay mukhang wala pa, nakita ni Daniella na wala pa ito sa upuan kaya sure siyang hindi pa ito dumarating. Habang naghihintay sila, si Daniella naman ay pinatong ang ulo sa kanyang braso na nakapatong sa desk at tumingin kay William na sa oras na 'yon ay nagbabasa na agad ng libro.
Naramdaman ata ni William na may nakatingin sa kanya kaya lumingon-lingon ito at nahuli niya si Daniella na nakatingin sa kanya. Hindi man lang umiwas ng tingin si Daniella rito at ngumiti pa kay William." May kailangan ka?" tamad na tanong ni William.
Umiling-iling lang si Daniella. Handa na sanang bumalik ni William sa pagbabasa ulit ng may maalala ito." Siya nga pala mamayang breaktime umpisa na ng tutoring ko sayo doon na lang tayo sa garden ng school may mga table at upuan naman doon." At bumalik na ulit sa pagbabasa.
Pamaya-maya ay rinig na sa classroom ang tunog ng bell hudyat na lahat ng estudyante ay kailangan ng pumasok sa kanilang classroom. Pumasok ang isang lalaking teacher na mukhang terror ang itsura at mukhang kilala na ito ni Daniella sa itsura niya ngayon dahil nanlaki talaga ang mata niya ng pumasok ito sa loob kaya naman ang libro niyang dala-dala ay nakapatong sa desk at kunwari ay nagbabasa siya.
"Good morning class!" bati nito. At inikot ang paningin sa lahat ng estudyante niya ngayon, pero nahinto ito sa isang estudyante na hindi na makita ang mukha dahil sa tabing na libro.
"Excuse me! Puwede bang ibaba mo 'yang hawak mong libro hindi pa nag start ang klase at wala pa kong sinasabi na gumamit kayo ng libro," seryosong sambit nito.
Napapikit naman si Daniella sa sinabi nito." Second day ng klase bakit si Sir Salvador na agad ang naging teacher namin." Wala nang choice si Daniella kaya dahan-dahan na niyang ibinaba ang libro.
Sumingkit ang mata ni Mr. Salvador kay Daniella dahil mukhang kilala na niya ito kaagad." Ikaw pala 'yan Miss Daniella Santos, hindi ko alam na magiging estudyante ulit kita ngayong last year mo na rito."
Ngumiti ng alanganin si Daniella at napatingin sa gawi ni William na ngayon ay nakatingin rin sa kanya. Si Mr. Salvador kasi ay naging teacher rin ni Daniella noong third year siya at talagang napaka strict nito sa pagtuturo at walang preno ang bibig lalo na kung bagsak ka sa subject niya. Mukhang tanda siya nito dahil sa subject ni Mr. Salvador ay pasang-awa lang ang naibigay nito dahil sa sobrang hirap na hirap si Daniella sa subject na Math, lalo pa ngayon na fourth year na siya mas lalo na.
"Nice seeing you Sir..again!" sa nahihiyang pagbati ni Daniella.
Ngumiti ito." Akala ko nakalimutan mo na ako, parang last year lang. Pero change topic next week may quiz agad kayo. Titingnan ko kung tanda niyo pa ang mga formula na itinuro sa inyo last year. For now past the index card na may nakasulat na name at section niyo." Umupo na ito sa upuan sa harap ng table. Mahina naman na umangal ang mga estudyante pero wala na silang magagawa dahil gano'n talaga ang ugali ni Mr. Salvador. Si William ay nilingon muli si Daniella na ngayon ay nakanguso ng nagsusulat ng pangalan sa index card niya.
Lumipas ang isang oras sa subject ni Mr. Salvador na tanging pakilala muna ang mga estudyante isa-isa, maging si Mr. Salvador sa kanila." Okay class wait for your next teacher, aalis na ako. Huwag niyong kalimutan ang quiz next week lalo ka na Daniella." Sabay tingin kay Daniella bago ito umalis.
Lumapit naman si Bree sa kanya." Mukhang magigisa ka na naman ni Sir Salvador, Dan. Akalain mo 'yon hindi ka pa pala lusot sa subject niya at sa kanya mismo, sinundan ka pa talaga hanggang fourth year."
"Kaya nga, tapos may quiz agad next week. Hamak na below average pa ata ang alam ko sa Math paano ko naman maipapasa ulit ang subject na Math ngayon," tila nagmamaktol na sambit niya.
Lumapit na naman ulit si Bree malapit sa tainga ni Daniella." Baliw, 'di ba may tutor ka na ngayon si William, pasalamat ka talaga dahil nabunot niya ang pangalan mo kung hindi sa graduation day hindi ka makakatungtong sa stage."
Nang na realize ni Daniella ang mga sinabi ni Bree ay napangiti na ito." Oo nga pala buti natandaan mo pa."
Tiningnan naman siya ni Bree na parang nalilito." Kahapon lang naganap ang lahat Dan. Ang dali mo naman makalimot hindi na kita kinakaya." At muli na itong bumalik sa upuan niya.
"Kasalanan ko bang nakalimutan ko. Akala ko nga panaginip lang 'yon kahapon," bulong niya.
Ilang teacher ang nagdaan at oras na ng breaktime nila Daniella kaya naman nauna na si William sa meet up place nila saka palang siya sumunod. Tahimik na umupo lang sa tapat ni William si Daniella pero nagbabasa na agad ito ng libro kaya naghintay muna sandali si Daniella at hindi niya muna siya nag-istorbo.
Ibinaba ni William ang libro na ikinagulat ni Daniella dahil may kalakasan at seryosong tumitig sa kanya."Bakit?" tanong ni Daniella na mukhang kinakabahan.
"Ano ang grades mo kay Sir Salvador noon?"
Pilit na tumawa si Daniella." Bakit kailangan mo pang malaman?"
"Dahil ako ang tutor mo at base sa sinabi ni Sir Salvador kanina ay mukhang pasang-awa ka lang sa kanya."
Nanlaki naman ang mata niya." Hoy! Kung makapagsalita ka, bakit ano ba ang grades mo noon sa Math subject, sige nga!"
Nakahalukipkip ang mga braso ni William at tiningnan siya sa mata." 99 ang grades ko sa Math noon."
"Ano!" sigaw niya." Ang taas naman muntik ng maging 100."
"Ikaw ano ang grades mo sa Math noon."
Hindi agad sumagot si Daniella at pinaglaruan muna ang mga daliri niya sa kamay." 75," mahinang sambit ni Daniella na hindi narinig ni William.
"Ilakas mo hindi ko marinig."
Sa isip ni Daniella." Ano ba naman 'tong tao na 'to binge pa ata." Bumuntong hininga siya bago ilakas ang boses niya."Ang sabi ko 75 ang grades ko noon!"
Umiling-iling si William." Buti na lang may program na ginawa ang eskwelahan about tutoring at isa ka sa napili, kung hindi pasang-awa ka na nga hindi ka pa maka-graduate."
"Minsan talaga masakit rin 'tong magsalita," bulong niya.
Kumunot ang noo ni William."May sinasabi ka ba?"
"Wala!" Sabay ngiti rito. Sa lahat ng subject sa Math talaga pinaka-nahihirapan siya pero sa ibang subject naman ay okay naman ang grades niya pero hindi naman masasabing sobrang matataas ang grado niya sa lahat ng subject.
Inayos muna ni William ang mga gamit niya bago siya mag-umpisa." Mukhang sa Math ka mahina, kaya 'yon muna ang pagtutuonan ko ng pansin na ituro sayo at bukas bibigyan kita ng mga example solution sa mga nakaraan na lesson nung third year at subukan mong tandaan dahil may ibibigay akong short quiz para sayo."
Tiningnan naman siya ni Daniella ng hindi makapaniwala." Quiz! Sure na ba 'yan pag-isipan mo munang mabuti baka nabibigla ka lang." Paninigurado pa niya.
Pumaling ang ulo ni William na mukhang disappointed." Kung gusto mong makapasa sa lahat ng subject ay matuto kang makinig at gawin ang sinabi ko. Hindi naman para sa akin 'to at kung meron talagang pagkakataon hindi ko na sana tinanggap ang tutoring kung katulad mo lang na hindi seryoso sa lahat ng bagay ang tuturuan ko." Tumayo na ito at iniwan si Daniella na hindi na nakapagsalita dahil tinamaan siya sa sinabi nito.