NANG DUMATING si Elvis sa presinto ay agad itong lumapit sa akin at nag-usisa sa nangyari. Hindi pa rin nawawala ang pagkainis ko. "Ate bakit napunta ka sa presinto?"
Kahit naaasar akong magkwento ay napilitan narin, dahil siguradong kukulitin ako nitong si Elvis. Ikinuwento ko dito iyong bangayan namin noong lalaking mayabang.
"Nakilala mo ba ate?" Tanong pa sa akin ng kapatid ko.
"Hindi nga eh, sayang" wala sa sariling sagot ko. Narinig ko na tumawa ng mahina ang kapatid ko kaya bigla kong naisip iyong nasagot ko. Putcha!
"Uyyyy interesado si ate" Nang-aasar na sabi ni Elvis sa akin. Agad ko naman itong binatukan dahilan para mas lalo itong matawa. 
"Huyyy! Hindi noh!  sinabi kong sayang dahil hindi ako makakaganti kasi hindi ko alam ang pangalan nung mokong!" Inis na paliwanag ko sa makulit kong kapatid. Humagikgik lang si Elvis bago muling nagtanong sa akin.
"Eh si kuya Trenk ate, bakit hindi mo sya kasama?"
Minulagaan ko ito ng mata. Napaka tsismoso talaga ng batang ito. Inirapan ko lang si Elvis dahilan para mapakunot-noo ito. Napabuntong-hininga nalang ako pagkatapos. Hindi ko pa rin matanggap ang nangyari sa relasyon namin ni Trenk.
"Bakit?" Usisa pa ng kapatid ko ng mapansin nito ang pananahimik ko. Mukang hindi ito titigil hanggat hindi ako nagku-kwento. Inirapan ko naman ito. Ang kulit!
"Pwede bang huwag munang banggitin ang pangalan ng lalaking iyon? At huwag mo narin siyang tatawagin na kuya dahil break na kami" sabi ko dito bago nagmamartshang iniwan ito na gulat na gulat sa nalaman. Nang makabawi si Elvis sa pagkagulat ay tumakbo ito para magkasabay kami sa paglakad.
"Bakit?" tanong na naman nito ng makalapit sa akin. Hays!
"Pinagpalit n'ya ako sa iba" walang ganang sagot ko.
"Pero mabait si kuya Trenk, hindi niya iyon magagawa" Pagtatanggol pa nito sa kuya Trenk nito. Nainis naman ako sa ginawa ni Elvis. Gusto ba talaga ako nitong maiyak? Akala ko din eh, akala ko hindi nya magagawa iyon!  Ang akala ko hindi ako lolokohin ni Trenk pero nagawa niya? Niloko niya ako!
"Pero nagawa niya! Nagawa n'ya ako ipagpalit. Ipagpalit sa babaeng iyon!  Sa A-Alexa na 'yun" inis kong sabi dito na hindi na napigilang maluha. Alam ko naman kasi na gustong-gusto ni Elvis si Trenk para sa akin. Naluha din ako dahil hindi ko rin matanggap na masasayang lang ang tatlong taon naming relasyon ni Trenk. Nakita ko ang pagdilim ng mukha ni Elvis, siguro, dahil biglang bumaba ang tingin nito kay Trenk na talagang hinangaan nito at itinuring naring nakatatandang kapatid.
"Mahina sya, ang sama n'ya" narinig ko nalang na sabi nito dahil tumalikod na ako ng mga oras na iyon para itago ang pagluha ko. Nasasaktan ako ng sobra.
––
Ilang araw narin ang lumipas simula ng maglandas ang mga daan namin ng lalaking mayabang at ang paghihiwalay namin Trenk. Ngayon ay nagtetest drive ako ng aking hinuhulog-hulugang motor, namomorblema nga ako ngayon sa aking panghulog dahil umalis na ang nangungupahan sa isa sa mga kwarto sa bahay. Ang bayad kasi sa upa sa bahay ang siya ko namang ipinapambabayad sa motor. Dagdag pa sa problema ko ang nalalapit na pagbabalik schooling. Hays so much problem! Naisipan ko kumuha ng motor para may magamit ako sa pagpasok ko at sa paghatid kay Elvis, malayo din kasi ang papasukan namin.
Drive lang ako ng drive ng may bigla na lamang may sumalubong sa aking sasakyan. Nataranta ako kaya hindi magkandaugaga na tinapakan ko ang pangpreno at napapikit. Nakahinga ako ng maluwag ng marinig ko ang pagtigil ng sasakyan. Alam kong ako ang may kasalanan kaya agad akong bumaba sa aking motor para humingi ng paumanhin doon sa driver.
Pagkababa na pagkababa ko ng sasakyan ay agad na sumalubong sa aking pandinig ang baritono at galit na boses ng isang lalaki na pamilyar yata sa akin.
"Are you out of your mind?  Why-----" hindi nito naituloy ang sasabihin dahil nag-angat ako ng tingin.
"You again?/ Ikaw na naman?" magkasabay pa naming sabi noong lalaki. Kumunot ang noo nito at sarkastikong ngumiti sa akin.
"Are you crazy?" Tanong nito sa akin na ngayon ay masama na ang tingin. Whoa! Again, nandito na naman tayo sa scene ng bangayan. Nawala bigla ang apologetic mood ko dahil sa sinabi nito.
"I'm not crazy! At pwede ba?  Magtagalog ka naman?" Inis na tanong ko dito. Tumawa naman ito ng mahina dahilan para makaramdam ako lalo ng inis. Nakakaloko talaga!
"Ok, so balak mo ba talagang magpakamatay?"
"Ilang beses ko bang sasabihin sayo na wala akong balak na gawin iyon?"
"Ok if you say so, pero bakit lagi ka nalang yata humaharang sa dinaraanan ko? May gusto kaba sakin?" Confident at nakakunot-noong tanong nito. Dahil sa tanong nito kaya parang gusto ko itong sugurin ng sapak.
"Ang kapal din naman pala ng mukha mo, ASA kapa! Sa tingin mo magkakagusto ako sa kagaya mong mayabang, antipatiko at walang modo? Never!  Never and never. Bakit ba ang yayabang ninyong mga lalaki at ang hilig n'yong manloko?" Inis kong tanong dito dahil biglang sumingit sa utak ko ang ginawang panloloko sa akin ni Trenk. Napansin ko na biglang rumihestro sa mukha noong lalaki ang galit dahil sa binitawan kong salita.
"Hindi lahat ng lalaki ay manloloko! Remember that words crazy girl, because sometimes, even girls are cheater, flirt and two timer! Tsk" sabi nito na para bang may naalala bigla. Halata sa boses nito na sobra itong affected. Natigilan naman ako. Affected much?
"He is right" Biglang pumasok sa isip ko. Inirapan ko nalang iyong lalaki. Hindi ko naman mapapayagan na mapahiya ako noh.
"Bakit ba 'yan ang pinag-uusapan natin? Sino kaba huh?"
"What's the big deal for being who am I?" Balik-tanong nito sa akin. Tsk Ginagalit talaga ako ng lalaking ito!
"Tinatanong lang kita. Bakit ba ang sungit-sungit mong la------" Naputol ang sasabihin ko dahil sa busina ng isa pang sasakyan na kanina pa yata naroon.
"Hoy! Wala ba kayong balak na umalis sa daraanan ko?  Nakakaabala kayo!" galit na tanong sa amin noong driver.
Tiningnan ko iyong lalaki at napansin ko na wala itong balak na pumasok sa sasakyan nito, kaya ako na ang unang kumilos. Inis akong sumampa sa aking motor at sinimulang paandarin iyon. Nang mapatapat ang kotse ko sa lalaki ay tiningnan ko ito ng masama at inirapan.
Badtrip!