"Ma, mauna na po kayong umuwi nang bahay. May pupuntahan pa po ako," Paalam ko nang makalabas kami ng simbahan.
Araw ngayon ng Linggo at may usapan kami ni Xyler na ngayon na namin gagawin yung final touch sa written report namin.
Hindi ko nga rin alam kung paano gagawin ko mamaya kapag nakapunta na ako sa bahay nila. Unang beses ko ngayon pupunta sa kanila at hindi ko maintindihan ang nararamdaman ko ngayon.
"Basta't mag-iingat ka. Ikaw talaga, Linggo ngayon pero pag-aaral pa rin ang nasa isip mo. Magpahinga ka rin ha?"
Napatango naman ako at ngumiti, "Sige na po Ma, alis na po ako." Sabi ko at umalis na.
Hindi ko rin naman masisisi si Xyler. Alam kong pareho naming priority ang Academics. At naiintindihan ko naman na ngayong araw lang talaga siya may libreng oras para gawin namin 'to. Kung tutuusin nga, excuse na siya dito dahil nagbaba nang letter ang admin na kahit hindi na sila mag comply nang mga projects or requirements dahil may malaki silang contests na sasalihan na kailangan nilang mas pagtuunan ng pansin.
Siguro, isa na rin ito sa mga nagustuhan ko sa kanya. Responsable.
"Sino po sila?" Tanong nang guard ng makarating na ko sa isang private subdivision, which is taga dito sila Xyler.
"Uhm, kaklase po ni Xyler Montecillo."
Hindi yata naniwala yung guard sa sinabi ko kaya kinuha niya pa yung telepono sa tabi niya.
"Kaklase raw po ni Sir," Aniya at napatingin ulit sa akin. "Ano nga ulit ang pangalan mo ija?"
"Elya po,"
Tahimik lang akong nakikinig sa usapan nila. Siguro ang kausap ni Kuyang Guard dito ay yung security guard naman nila Xyler? Sigurado namang may security guard sila Xyler sa yaman nilang yon.
"Okay na po Ma'am, eto po yung address nila. Pasensya na sa paghihintay," Napailing lang ako at ngumiti. Tinanggap ko ang kapirasong papel kung saan nakasulat ang address nila Xyler dito.
"Okay lang po Manong, salamat po." Sabi ko at tuluyan na niya kong pinagbuksan ng gate.
Habang naglalakad ako ay halos malula ako sa mga naglalakihang bahay na nandito. Ibang-iba sa tinitirhan ko. Sa bahay pa lang nila, malalaman mong mayayamang tao ang nakatira dito.
Huminto ako isang kulay itim na may lining na gold na malaking gate. Binasa kong mabuti ang address na binigay sa akin ng guard at tumingin sa numero ng bahay na ito.
Tama. Kina Xyler na nga ito. Napansin ko lang din na mayroong nakalagay na Montecillo sa gilid.
"Ikaw po ba si Miss Elya Llanos?" Tanong nung guard nila Xyler.
Tumango naman ako at bahagyang ngumiti, "Ako nga po.."
"Kanina pa po kayo hinihintay ni Sir Xyler, tuloy ka ija."
Nakakahiya kay Xyler dahil kanina pa pala siya naghihintay. Baka kaya may iba pa siyang gagawin tapos nakain ko pa ang ibang oras niya dahil sa paghihintay.
"Sige po, salamat." Sabi ko at akmang papasok na ko sa loob ng may pamilyar na boses na nagsalita sa likod ko.
"Miss One Placer?"
Hindi kaagad ako nakalingon sa pagkakagulat. Dahil kahit hindi ko siya tignan, alam ko kung sino iyon. Wala namang ibang tumatawag sa akin noon kung hindi siya lang.
"What are you doing here?" Dagdag pa niya.
Mariin akong napapikit bago humarap sa kanya.
Nakita ko siyang may hawak na bola sa isang kamay. Naka jersey din siya at bahagyang pawisan. Ang kanyang buhok ay magulo rin pero bagay lang sa kanya.
Napakurap ako nang makita ko nanaman ang ngisi niyang nakakainis. Alam mo yung sa tuwing ngumingisi siya, parang laging may gagawing hindi maganda? Yung bang parang may hindi magandang salita ang lalabas sa bibig niya.
"Don't tell me, you're one of my stalkers?" Mahanging sabi niya.
Napairap ako at nagpigil na hampasin siya nang dala kong bag. Ginawa niya pa kong stalker ngayon?
"Ikaw nga ang dapat kong tinatanong kung bakit nandito ka? Sinusundan mo ba ko?" Inis kong sabi sa kanya. Ayoko talagang mag-feeling pero sa tuwing nakikita ko siya, automatic na naiinis na ako. Kaya huwag niyang asahan na may filter pa ang mga salita ko pagdating sa kanya!
Napatawa siya sa sinabi ko.
" What? I live here. And see that," Turo niya sa malaking bahay rin na katapat nung kina Xyler.  ".. that's my house. I live there,"
Literal na napanga-nga na lang ako sa sinabi niya. So, meaning, magkapitbahay lang sila ni Xyler at talagang seryoso siya sa sinasabi niya ah?!
" Anong ginagawa mo dito?" Tanong niya pabalik.
"Elya."
Agad akong napatingin sa likuran ko at nakita kong nakatayo na si Xyler sa tabi ni Manong Guard.
"X-Xyler.." Kabadong sabi ko.
Kanina pa kaya siya dyan? Nakakahiya! Baka akalain niyang nakuha ko pang makipagkwentuhan sa harapan ng bahay nila!
"Let's go inside. I do not want to waste time." Saad niya at lumipat ang tingin niya kay Kipp na nasa likuran ko na ngayon.
"U-Uhm, sige.. pasensya na." Sabi ko na lang at pasimpleng tinignan ang taong nasa likuran ko.
Hindi nawala sa mukha ni Kipp ang nakakainis niyang ngisi habang pinapaikot na niya ang bola sa daliri niya. Samantalang si Xyler ay seryoso lang na tinitignan siya.
Kahit malakas ang tibok ng puso ko ngayon dahil sa kaba at excitement, naihakbang ko naman ang paa ko papasok sa loob nila Xyler.
Sinabayan niya ako papasok at hindi na ko nag-abala pang magpaalam o lingunin si Kipp sa labas. Ang tanging narinig ko na lang ay si Manong Guard na binati si Kipp. Mukha ngang magkapitbahay sila dahil halatang close silang dalawa ni Manong.
Pagkapasok namin sa loob ay pinigilan kong mapanga-nga sa ganda ng bahay nila. Bubungad kaagad sa iyo ang agaw-pansing chandelier nila na bumagay sa maganda nilang sofa set.
Nilibot ko ang paningin ko at hindi ko maiwasang malula sa naggagandahang muwebles sa loob ng bahay nila. Nahagip din ng mata ko ang malaking family portrait nila sa gawing itaas papuntang hagdan.
"I'll just get my laptop. Just sit here for a while." Ani Xyler.
Tumango naman ako at nag-alangan munang umupo. Nakakahiyang upuan ang ganitong klase ng sofa. Parang gusto ko na lang titigan kaysa upuan e.
Pinanuod ko lang si Xyler na umakyat sa hagdanan. Siguro ay pupunta siya sa kwarto niya para kunin ang laptop niya. Mabuti na lang din at siya ang nakapartner ko. Wala na akong problema sa laptop. Noong nakaraan kasi ay sa computer shop lang ako nag-type dahil wala naman kaming sariling computer or laptop. Minsan ay pinapahiram din naman ako ni Mirla kung hindi niya ginagamit.
Ilang sandali pa ay bumaba na siya dala yung laptop at ang draft na ginawa ko noong isang araw.
"Let's start?" Aniya.
Tumango ako at ngumiti.
Tanging tunog lang ng keyboard ng laptop ni Xyler ang nangingibabaw sa pagitan namin. Kung mag-uusap man kami ay tungkol lang iyon sa ginagawa naming report at hanggang doon na lang iyon. Okay na rin iyon dahil hindi ko rin naman alam ang sasabihin ko sa kanya kung sakali.
Kalagitnaan ng paggawa namin ay biglang tumunog ang cellphone ko.
Sabay kaming napahinto ni Xyler at napatingin din siya sa cellphone kong nakapatong sa lamisita nila.
Nahihiyang dinampot ko ito, "S-Sandali lang," Utal kong sabi at napatango siya at bumalik sa pagtipa.
Agad akong lumabas nang sala nila at tinignan ang numero sa screen. Hindi ito nakasave sa akin at wala akong ideya kung sino ito.
Sa huli, nagtataka man ay sinagot ko na.
"Hello?" Takang sabi ko sa kabilang linya.
"How important are you doing with that Montecillo?"
Nahimigan ko kaagad ang pamilyar na boses na iyon. Walang duda. Si Kipp Esvega 'to.
Napakunot ang noo ko sa sinabi niya. "Ano? At bakit alam mo ang number ko?" Litong sabi ko.
"Mag-iisang oras ka nang nandyan sa loob at hanggang ngayon ay hindi ka pa rin lumalabas dyan,"
"Ano naman sayo kung nandito pa ko?"
Nakapameywang na ako at hinihinaan ko lang ang boses ko dahil baka marinig ako ni Xyler sa loob.
Narinig ko ang pag-ismid niya at may sinabi pa siyang kung ano na hindi ko narinig ng malinaw.
"What do you do with Montecillo? I might even help you, tell me."
Napakunot lalo ang noo ko at sinilip kong bahagya si Xyler sa loob na busy sa pagtatype ng written report namin bago ibinalik ang tingin ko sa mga halaman nila dito sa labas.
"Tell me, Elya and I will."
Hindi ako nakaimik kaagad at ang buong akala ko ay pinatay na niya ang tawag ng magsalita ulit siya.
"I'm starting to feel jealous."