"NAKU, bahang-baha na sa labas, Euna!" Tarantang bulalas ng katrabaho ni Euna na si Joy. Sa lahat ng may Joy na pangalan, ito talaga ang palaging parang malaki palagi ang problema sa buhay.
"Isarado mo ang pinto pala at nagpaalam si Guardie na mag- yoyosi saglit," utos na lang ni Euna rito, tukoy niya ang guard on duty nila ngayon sa convenience store na nakasanayan na nilang tawagin na Guardie.
Oo, talagang babaha naman at may bagyo. Pumasok nga siya ng 7PM ay umuulan na. Tatlong oras na nga na walang tigil 'yon kaya talagang babaha talaga sa Manila. Normal na. Kasing normal nang kailangan ng isang tao na kumain sa araw-araw.
"Good evening po," bati ni Joy sa kakapasok lang na customers.
Napalingon si Euna sa mga customers dahil takaw-lingon ang tunog ng sapatos ng babae at ang mga pabango ng mga 'to na humalo sa hangin. Pabango na pang- mayaman.
Awtomatikong napakunot-noo si Euna nang malingunan ang mga bagong dating. Mukha kasing naligaw lang ang mga customers na 'to sa karaniwan na nilang customers. Dahil nga malapit naman ang convenience store na 'yon sa riles. Ang madalas na bumibili sa kanila ay halos mga taga roon lang din sa palibot na residential area.
"Damn! Inabutan na tayo ng malakas na ulan at ni hindi man lang naisip ng lalaking 'yon na patuluyin tayo kahit saglit sa bahay na tinutuluyan niya."
"Blue, kung pinatuloy niya tayo, I doubt kung uupo ka man lang, you arrogant fool!" Tatawa- tawang tugon ng babaeng naka- high heeled boots, hapit na black leather dress at may parang kapa na leather din na nakapatong lang sa mga balikat nito, sa kasama.
Hindi maiwasan ni Euna na mapakinggan ang pag-uusap ng customers at sulyapan ang mga 'to. The word Goddess is very applicable to the woman. Para ngang pamilyar pa 'to sa kaniya, hindi lang niya maalala kung saan niya 'to nakita.
"Energy drink lang ang sa'kin, Blue. Nakakapagod makipagtalo at mamilit ng tao na ayaw naman sumama. He's really getting into my nerves! Hindi ko alam kung kailan siya susukuan ni Granpops," sinasabi 'yon ng babae sa kausap na hindi naman tumutugon.
G'wapo ang lalaki. Yayamanin. Pareho naman sila ng kasamang babae. Nang matanaw ni Euna na papalapit na ang mga 'to sa counter kung sa'n siya naro'n ay nagkunwari siyang nagpunas-punas. Baka sabihin ay nakikinig siya sa kanila kanina pa. Samantalang si Joy ay busy sa pagma- mop.
"Here, miss." Pinunch na niya ang inabot ng babae na energy drink.
"Miss, how's the sales of Hen's Coffee and Hen's Donuts here?" Nagulat si Euna sa tanong ng lalaki.
Akmang sasagutin pa lang niya 'to ay nagsalita naman ang kasama niyang magandang babae, "Oh boy, tell me you're just kidding to that question of yours, Blue Marcelino! And miss, naku, don't mind this man. He's always like that, by the way." Kinuha na ng babae ang card na ginamit nitong pambayad sa mga binili mula kay Euna, maging ang mga binili. Magiliw rin na ngumiti 'to kay Euna at nagpasalamat.
"What's wrong with my question? Haya? It can be just random."
"Nah, shut up! Can you please leave your freaking alter ego at your office and learn to be chill for once!"
Dinig pa niyang palitan ng salita ng mga 'to habang papalayo na ang dalawa sa counter.
Naisip niya lang, ang hirap hulaan kung magka-ano-ano ang mga customers namin nila ni Joy, pero nakakasiguro siya na hindi 'to mag-jowa. Magkahawig kasi sila.
"BAWAL 'yan! Lalo na sa magandang babae na tulad mo!" Naikot ko ang aking mga mata nang bigla na lang sumulpot si Red at kunin ang nakasubo sa bibig niya na sigarilyo- at tinapakan 'yon!
Nanigarilyo muna si Euna sa bakery na nasa kanto nila bago siya umuwi nang umagang 'yon dahil hindi siya nagpapakita sa mga pamangkin na naninigarilyo.
"Kuha ka na lang ng kahit anong gusto mo, Euna. sagot ko. Huwag lang yosi ah," ani pa ni Red.
"Salamat na lang, uuwi na lang ako." Kung hindi lang g'wapo si Red ay nasampal na niya 'to sa pangingialam nito.
"Ooops, teka lang, Euna..." Inawat siya ni Red sa braso nang akmang tatalikuran na niya 'to.
Napatingin na lang siya sa palad ni Red na nakahawak sa kaniya bago niya 'to binantaan sa pamamagitan ng tingin na bitiwan siya nito. Tila nakakaunawa naman na inalis ni Red ang palad niya sa braso ko. Saka nagkamot 'to ng sarili niyang batok.
"'Problema mo ba?" Kunwa'y pagsusungit ni Euna.
Kunwari asar, gano'n pagtakpan ang biglaang kuryente na naramdaman niya sa pagkakadaiti ng mga balat nila ni Red kanina. Gano'n na gano'n pa rin ang boltahe niyon sa unang beses na aksidente sila na nagkahawakan ng mga kamay.
Kainis!
"E, umuulan kasi. Mukhang wala kang payong. Hindi ka naman siguro water proof." Ang bilis namang nakababa ng motor ni Red! Nagulat na lang si Euna nang may payong na 'tong binuksan para sa kaniya.
"Wala. Hindi ako paladala talaga ng payong at nawawala lang." Kinuha niya na rin ang payong na para matigil na 'to- pero hindi 'yon binitawan ni Red. Ang siste, magkalapit na nakasukob tuloy sila sa iisang payong!
"Tsk, Euna, kung ayaw mong ingatan ang sarili mo ay hayaan mo sana na ako ang mag-ingat sa'yo," bulong ni Red habang titig na titig 'to sa kaniya at bahagyang nakayuko dahil mas matangkad 'to sa kaniya.
Naiinis na tumingala si Euna kay Red para sana sagutin ang sinabi nito pero mali pala ang ginawa niyang 'yon-dahil kasi sa ginawa niya ay napasadahan niya ang paggalaw ng adam's apple ni Red...
Ang mumunting stubble sa chin nito... paangat sa... kissable lips- "Ay!" tili niya nang maramdaman niyang nawisikan siya ng kapirasong tubig sa kaniyang mukha at napadausdos siya pagkatapos dahil may nakasagi sa balikat niya.
Sa bilis ng pangyayari ay naramdaman na lang ni Euna na nakasubsob na siya sa matipuno at matigas na dibdib ni Red!
"I said watch out at hindi ka tumabi, Euna. Inaantok ka na yata?" Red whispered.
Huh? Sinabi ba talaga nito 'yon? Shocks, masyado yatang na- engrossed siya sa pagtingin dito kung gano'n na hindi naman niya narinig- nakakahiya ka, Euna Del Fierro!
"O-Okay lang ako, nasagi lang naman ako sa balikat," 'yon lang ang nasambit ni Euna.
"Of course, hindi ko naman hahayaan na masaktan ka, 'no!"
Nagdiwang yata ang mga bulate ni Euna sa tiyan nang kumindat si Red sa kaniya sa sexy na paraan. Dama niya talaga na parang may party sa sikmura niya bigla.
Nang ngumiti si Red ay lihim na napakapa na lang talaga siya sa garter ng panty niya at baka lumuwag na 'yon!
"Alam kong g'wapo ako pero hindi naman siguro nogar ang suot mong panty?"
Euna's eyes widened! Nakita ni Red ang pagkapa niya sa panty niya!
Sheeet!
"A--hm, Red, maiwan na kita nga- tse! At quota ka na sa pagpapa- cute, hmp!" Kunwa'y pagsusungit niya ulit dito. Bahagya niya rin na tinulak ang dibdib ng rider.
"Teka lang naman po..."
Euna rolled her eyeballs. "Ano na naman, Red?" Kunwari ay inip niyang sabi, baka sakali na mapagtakpan niyon ang karupukan niya.
"May itatanong lang sana ako, Euna..."
"Red, pangunahan na kita, itanong mo na lahat sa'kin huwag lang na kung may pera akong maipapautang sa'yo."
Tumawa si Red. Tawa na nagpawala ng kaniyang mga mata at nagpalitaw sa dimples na nakakarupok- er, intact pa rin naman siguro ang puso niya sa kinalalagyan niyon...?
"Grabe ka naman sa'kin talaga, Euna!"
"E, ano ba kasi 'yan?"
"Hindi ako mangungutang. Pero personal kasi..."
"Ano nga 'yon?"
Nagkamot na naman sa batok niya si Red. Tila nahihiya 'to na ewan. At para namang nahuhulaan na ni Euna ang sasabihin nito o assumera lang siya?
"Euna, libre ka ba sa Sabado?"
Oh.
"Red, date ba 'yan? Kung libre mo naman ay bakit hindi," wika ni Euna, na sana lang ay naitago niya ro'n ang kilig niyang sa tantya niya ay aalpas na.
"Date? Euna, seriously? ang baduy ng date! Uso pa ba ngayon 'yan?"
Kilay ni Euna ang tumugon kay Red. E, ano ba kasi nga? 'Gulo ng lalaking 'to!
"Don't get me wrong, natawa lang ako sa term, really. Pero sige, kung date, date it is. So, sa Sabado?"
"Pumayag na 'ko, Red. Baka mainis ako at-"
"Thanks, Euna!"
Wow, nakakagulat naman ang pagsunggab ni Red ng yakap sa kaniya!
Hoy! Marupok kong puso, kumusta naman?
"Oy, kumalma ka! Ako lang 'to," biro niya na lang kay Red.
"Thank you talaga, Eun! And one more thing-"
"Ano na naman?"
Matiim siyang tinitigan ni Red bago 'to nagsalita, "Please stop smoking. U-Uhm, I mean, you know, hindi kasi 'yan goods."
Hayun na naman ang pakiramdam ni Euna na kakaiba sa lalaking kaharap. Humahalo pa 'yon sa paghalukay ng kung ano sa kaniyang t'yan...
"Okay. Pero saka na, 'pag naging tayo na," aniya kay Red sa pabulong na paraan saka na niya 'to walang lingon-likod na tinalikuran.
Kung lilingon pa sana si Euna ay makikita niya ang ngiti ni Red na tila nagpapawala sa kakaunting katinuan na mayroon siya. Makikita niya sana na hindi siya inaalisan nito ng tingin hangga't natatanaw nito ang likod niya.
Sino ba ang hindi mapapangiti nang malapad gayong malinaw na narinig ni Red ang sinaad ni Euna. Oo, kahit pabulong pa 'yon.