[Precious Point of View]
Naglakad kami ni Boss palabas sa opisina niya at ganoon na lang ang bigla ko nang hatakin ako nito papalapit sa kaniya. Ramdam ko na pinagtitinginan kami ng mga staffs niya.
"I'm sure, hindi siya tatagal. After days, may bagong secretary na naman si Boss."
"I think, she's special to him. Baka siya ang girlfriend ni Boss."
"Tingnan niyo ang uniporme niya, kakaiba. Does it mean, Boss is respecting her?"
Ilan lamang iyan sa bulungan na narinig ko. Ngumiti sa’kin si Ky nang madaanan namin ito.
"This is the canteen. Ako na ang kukuha ng pagkain, take a sit!"
Namangha ako sa ikinilos ni Boss. Isang Michael Rutherford, naging isang gentleman? Isa yata itong himala.
Pinagmasdan ko lang siya habang naglalakad. Kung titingnan siya, maamo ang mukha niya kaya lang ay pangit ang ugali.
"Let's eat! Marami ka pang gagawin mamaya," aniya at inilapag ang pagkain sa mesa.
Tiningnan ko siya at unti-unti kong itinaas ang isa kong kilay. Bakit marami siyang ibinigay na pagkain sa'kin?
"Bakit?" Nagtataka niya akong tiningnan.
"Sobra naman yata itong pagkain ko. Hindi ako matakaw," wika ko pero umiling lang ito.
"Ubusin mo iyan nang magkalaman ka naman," sagot niya at nagsimulang kumain.
Bakit, inaano ba siya ng sexy kong katawan?
Nakita ko ang cellphone niya na biglang umilaw. Tila ba'y may tumatawag sa kaniya.
"Ayaw mong sagutin?" tanong ko the sumilip dito.
"It's just one of my flirts," aniya kaya nanlaki ang mga mata ko.
Talaga bang mahilig siya sa mga babae? Ano'ng klasing lalaki itong Boss ko? Ganoon na ba talaga kalaki ang ulo niya dahil sa pera na mayroon siya?
"Bakit?" Nakita kong pinulot niya ang cellphone niya at sinagot ito.
"Babe, I miss you. Can we meet tonight?" Malambing at may halong ladi ang boses ng babaeng nagsalita sa kabilang linya. Narinig ko lahat ng sinabi niya dahil naka loudspeaker ang cellphone nitong si Michael.
"I don't need your body anymore. This will be your last call!" Binabaan niya ito kaagad, kaya napalunok ako.
Napatingin siya sa'kin at nag iwas ako ng tingin. Hindi ko alam pero, parang gusto ko siyang sapakin ng malakas. Akala ba niya laruan kaming mga babae? At letching babaeng iyon, ang landi. Ipinagpalit ang dignidad ng dahil lang sa pera!
"Kumusta ang buhay mo?" Napatingin ako sa kaniya ng puno ng pagtataka. Bakit niya ako tinatanong ng ganiyan?
"Maayos ang buhay ko, kaya lang dumating ka at nanggulo."
"Mas gugulo pa ang buhay mo habang nandito ka sa tabi ko," aniya kaya naguluhan ako.
Habang kumakain kami ay hindi ko maramdaman ang pagkain sa tiyan ko. Para bang hindi ako nabubusog.
"Hi Love. Bakit hindi mo sinasagot ang mga tawag ko?"
Halos mabitawan ko ang kutsarang hawak ko nang biglang tumabi ang isang babae kay Michael sa pagkakaupo. Ang iksi ng palda, naka sleveless pa at halos kita na ang kaluluwa.
"Bakit ka nandito, Cheska?!" Galit itong hinarap ni Michael.
"I'm visiting you! Why? What's wrong?"
Natawa ako dahil sa mga nasasaksihan ko. Nagpatuloy lang ako sa pagkain habang may tension sa harap ko.
"Leave me alone. Can't you see I'm with someone. She's my real girlfriend, kaya pakisabi sa iba mong kasamahan na tigilan na ako."
Nasamid ako dahil sa sinabi niya, idagdag pa ang paghampas ng babae sa mesa.
"Akala ko ba ako ang pinakagusto mo sa lahat? You're a liar!"
"It's over. Now my girl is here!"
"You'll pay all of this, flirt!" Tinuro ako ng babae pero hindi ko lang siya pinansin
Damn it! Bakit ba ang gulo nila, kumakain laang naman ako dito!
"You're a jerk! " Patakbong umalis ang babae at nagbuntong hininga si Boss Michael.
"Sinabi ko lang iyon para lubayan na nila ako," paliwanag niya kahit hindi ko naman tinatanong.
"As if naman I care. Ayos lang, walang epekto iyon sa'kin. Pero bakit ba pinaglalaruan mo ang mga babae?" Tinaasan ko siya ng kilay.
"Kasalanan ko ba kung inuunahan nila ako? Sila ang kusang lumalapit sa’kin," pangangatwiran niya.
"Hindi ko alam kung bakit sila nagkakandarapa sa'yo. Dahil ba sa pera?"
Nagtataka niya akong tinitigan. "Bakit, hindi ba ako guwapo sa paningin mo?" aniya na ikinatawa ko.
"Kailan pa ba ako natutong purihin ang isang mayabang na tao? Alam kong Boss kita, pero ikaw ang lumapit sa'kin para gawin akong secretary, hindi ako ang naghabol, " wika ko at ngumiti sa kaniya.
"Ano'ng mayroon sa puso mo? Bitter ka ba?"
"Bitter? Sakto lang naman. Alam mo kasi, kayong mga lalaki, ang galing niyo lang mangako, pero sa bandang huli lahat napapako!"
"Hindi naman lahat ganoon. Bigo ka yata," aniya at ngumisi. Nainis ako sa ngisi niyang iyan.
"Wala ka na dun, BOSS!"
Tumayo ako matapos akong uminom ng tubig. Maglalakad na sana ako ngunit hinapit niya ako papalapit sa kaniya. "What if you fell in love with me?"
"In your dreams!"
Nauna akong naglakad kaya pinagtinginan na naman kami. It's odd nga naman. Ako lang yata ang nangahas na gawin ito sa kaniya. I'm well mannered pero nakadepende ang ugali ko sa taong kaharap ko.
"You will go with me to my house. Ipapakilala kita sa parents ko," wika niya nang makarating kami sa opisina niya.
"Bakit?" tanong ko pero hindi manlang siya sumagot.
Inilibot ko ang paningin ko sa paligid. Wala na ang painting na nakita ko kahapon. Baka iniuwi na niya sa bahay niya.
Ginawa ko na ang trabaho ko. Hindi naman mahirap pero boring. Siya lang ang kasama ko at hindi kami nag-uusap. Mas hihilingin ko na lang na maglaho kaysa makasama siya dito ng matagal.
"Can you give this to the head finance?" Tinawag ako ni Boss Michael.
"Sure," sagot ko at kinuha ang folder na hawak niya.
"Bumalik ka kaagad dito!"
Tumango ako at lumabas na. Hinanap ko si Syrel, ngunit bago ko siya tuluyang malapitan ay nabangga ako ng isang babae.
"Careless!" Sumigaw ito at bahagya akong itinulak.
"Belize! Ikaw ang may kasalanan!" Lumapit si Syrel sa'min at sinaway ang babaeng Belize ang pangalan.
Sa kasamaang palad, nabasa ang slacks ko. Hindi ko alam kung sinasadya ba niya o hindi.
"Miss Syrel, pinapabigay ni Boss." Iniabot ko kay Syrel ang folder.
"Maraming salamat, Precious!"
"Pam, you can wear this muna. Patuyuin mo muna iyang basa mong slacks." Iniabot ni Ky sa akin ang isang palda. Kaagad ko naman itong tinanggap.
Sinamahan niya ako sa restroom upang magbihis. Laking pasasalamat ko talaga na may kagaya ni Kyline sa kompanyang ito. Salbahe ang Belize na iyon, pareho lang sila ni Michael.
Pagbalik ko sa opisina niya Boss ay nanlaki ang mga mata nito. Napako ang tingin niya sa mga binti ko. Tila napalunok pa ito bago ako tinitigan sa mukha.
"Bakit ganiyan ang suot mo?" Iritado niyang tanong at tumalikod sa'kin.
"Nabasa ang slacks ko. Nabangga kasi ako ni Belize."
"That brat!" Tumayo siya at kumuha ng napaka laking jacket at ibinigay sa'kin.
Para saan ito?
"Tie it around your waist nang hindi masyadong expose ang mga binti mo. Baka kong ano pa ang gawin ko sa'yo."
What the?!