MAKAHIYA
Nilingon siya ni sadista ghorl at sarkastikong ngumiti.
 
   "Bawal dito ang mga Adan! At kung nais mong makahuli ng tulisan, doon ka magbantay sa tarangkahan, tutal iyon naman ang trabaho ng mga kawal. " Mataray at tila makamandag na sabi ni sadista ghorl kay buticupid na animo'y walang naganap na palitan ng pagbabanta sa pagitan nilang dalawa kanina.
Napa-awang naman ang bibig ni buticupid saka napangisi kay sadista ghorl.
     "Hindi ko talaga hilig ang mga mangkukulam. Lagi silang kontrabida at masama palibhasa mapait ang buhay para sa kanila."
     "Oh? Nasabi ko na ba na ang mga kawal ay parang ipis? Isang hampas mo lang, bulagta agad sa digmaan! Mga peste na dapat lipulin!"
Nagkatinginan kaming dalawa ni blonde girl. Para kasi kaming nanunood ng mag-asawang nag-aaway.
     "Helot, alam kong matalino ka, pero parang 'di mo alam ang pinagkaiba ng kabalyero sa kawal! Magigiting kami at makikisig pa!" Mapaglarong sabi niya kay sadista ghorl na mukhang nandiri pa sa narinig.
Ow! Isa pala siyang Knight in shining armor! Kya!
     "Parehas lang 'yon, hanggang porma lang naman kayo! Mga pangdekorasyon, na ang trabaho ay tumayo sa labas ng tarangkahan!"
     "Iyon ay dahil kaaya-aya kaming tignan! Kaya hindi na rin nga ako nagtataka kung bakit tinatago nila ang mga gaya mong mangkukulam. Isipin mo na lang kung kayo ang ilalabas do'n, aakalain nilang mga palamuti kayo para sa undas!" Tumatawang sabi niya kaya tuluyan nang napikon si sadista ghorl!
     "Umalis ka na ngayon din, kawal, kung ayaw mong ikaw ang paglamayan kahit hindi pa undas!"
     "Nakakatakot naman! Siguradong maraming binibining luluha kapag nalaman nilang ang pinakamagiting at pinakamakisig na kabalyero ay pinaslang ng isang mangkukulam!" 
     "Kawal, ilang beses ko bang dapat sabihin na hindi ako mangkukulam, isa akong Babaylan!"
 
     "Patas lang tayo dahil ikaw ang nauna! Tinawag mo 'kong kawal!"
     "Kapag nakapagtapos ka, 'di ba sa pagiging kawal lang din naman ang bagsak mo!"
     "Hindi totoo yan! Kabalyero ang tawag sa'min!"
      "Kabalyero, kawal, parehas lang yon!"
     "Gwapo naman ako, eh ikaw negritang mambabarang!"
     "Hoy! Morena ang kulay ko! Palibhasa mukha kang bayut na espasol!"
     "Mga linyahan ng mga babaeng hayok sa halik!"
     "Ang kapal ng mukha mong kawal ka!"
     "Totoo naman!"
     "Bayut ka lang kase at hindi mo yun matanggap sa sarili mo!"
     "Ahh! Hinahamon mo talaga ako! Tara! Kahit sa banig lang tayo aanakan kita! Kaya lang naaawa ako sayo kase baka malumpo ka!"
     "Ahh ganon? Para namang ikakalumpo ko 'yang hinliliit sa pagitan ng hita mo!"
     "Anong sinabi mo?!—"
     "QUIEEEEEEEET!!!! JUSKOOOO! PARA KAYONG ELEMENTARY !! IPAPATAWAG KO TALAGA MGA MAGULANG NINYO! THIS IS AN ACT OF DISRESPECT! HAVE YOU FORGOTTEN YOUR MANNERS! I WON'T TOLERATE ANY OF YOUR BULLSHITS! D'YOU UNDERSTAND!?" Nanlilisik ang mga mata kong sigaw sa kanilang dalawa.
Nagtataka naman nila akong tinignan.
     "Bibitayin ka sa pagkakasalang pagsisimula ng rebelyon!" Sigaw sa akin ni buticupid habang dinuduro-duro ako at nanlilisik ang mga mata.
            Magtataas na sana ako ng dalawang kamay para sumuko pero pinalo ni sadista ghorl ng boteng ininuman ko kanina ang hintuturo ni buticupid na nakaduro sa'kin.
     "At ihuhulog ka sa tore ng purgatoryo sa salang pambibintang ng walang sapat na ebidensya! Puputulan ka rin ng ari dahil sa kapangahasang panduduro sa isang binibini, paninigaw at pagpasok sa bulwagang bahagi lamang dapat ng mga kababaihan! Isa itong banta ng kahalayan at pagyurak sa karapatang pagka-makata naming mga binibini!" 
            Matapang na sagot sa kanya ni sadista ghorl! Kaya nanginginig ang hintuturo niyang ibinalik sa bulsa ng suot nyang robang kulay pula.
Hihi! That's sadista ghorl for you!
     "A-alam ko namang kaanib ka ng t-tulisang iyan! At pinlano niyong lahat ng ito para ...p-para makapasok siya rito sa Akademya! Malaking pagkakasala iyon at parehas kayong kikitilan ng buhay sa harap ng maraming makata!!" Kinakabahang akusa ni buticupid na alam ko namang inililigtas na lang ang pride at ego niya.
Tinaasan siya ng isang kilay ni sadista ghorl. Hindi kumbinsido.
     "At ako ang tutulak sayo sa tore ng purgatoryo!" Nanlilisik ang mga matang sabi niya kaya medyo napaatras siya mula sa pagkakaupo sa aking kama.
Aw. Under si koya.
     "At ako naman ang puputol sa hakdog mo!" Humahalakhak kong sabi habang nakataas ang isang kamay kaya napatingin silang lahat sa'kin, nakitawa si blonde ghorl habang napaiwas ng tingin si sadista ghorl na nagpipigil ng tawa, napalunok si buticupid ng mariin at dali-daling tinakpan ang gitna ng kanyang hita.
Para namang hahablutin ko. Anong akala niya sa'kin hakdog snatcher?
     "Di ko type hakdog mo boi! Hinliliit daw 'yan sabi ni sadista ghorl!"
     "Anong karapatan mong lapastanganin ang...ang...a-ah—"
     "—hakdog mo?" Natatawang sabi ni sadista ghorl na ginaya pa ang tawag ko sa ano niya.
Nanlaki ang mata ni buticupid. Heto na ihanda niyo na mga tenga niyo.
 
     "Si-sinasabi ko na nga ba! Isa kang t-tulisan!"
 
     "At isa kang hakdog!"
     "Mangkukulam!"
     "Patpating kawal!"
     "Negrita!"
     "Bayut na espasol!"
     "Di kagandahan! Mukhang laman dagat!"
     "Kulagat mata! Parang Tarsier!"
  
     "Tulisan ka talaga!"
     "Sige isalin mo sa wikang Filipino ang Tarsier!"
     "TARSYER!"
     "BOBO!"
      "BAKIT DI NA LANG KAYO MAG-KISS? LAHAT NAMAN NASUSOLUSYONAN  NG HALIK!" Malakas kong sigaw sa kanila kaya nagkatinginan sila at maya-maya napaiwas ng tingin na parang nandidiri.
             Bakit yung magkakalove-team dapat aso't pusa sa umpisa tapos magkakainlove-an din naman sa huli? Pukpok ko ulo niyo sa bato! Mga siraulo!
            Napabuntong hininga na lamang ako at iniba ang usapan, siyempre si sadista ghorl lang ang kakausapin ko no! Gusto ako ipabitay nitong si hakdog eh! 
     "Ah kelan pala ako makakaalis dito, sadist– binibini?" Kinakabahan kong sabi, mamaya sapakin ako nitong si sadista ghorl kapag nalaman niyang tinatawag ko siyang ganon.
     "Ah sa —"
Hindi na natuloy ang sasabihin niya ng magtunog butiki muli si hakdog sabay iling-iling na parang dismayado.
     "—Binibini...alam kong kaanib ka ng tulisan kaya isusuplong—"
      "Don't be such a salud-takla, Manong Butiki! Kaya hindi ka maka-damoves dito kay sadista ghorl kase salud-takla ka!"
     "H-hah?—"
      "Kapag di kinakausap wag sumabat! Sahod ng sahod ng tae, kubeta ka boi? Kubeta ka?" Nagtawanan si blonde ghorl at sadista ghorl sa sinabi ko, samantalang si Buticupid ay mangiyak-ngiyak na.
Ginaya ko ang tunog butiki na ginagawa niya at umiling-iling animo'y dismayado.
     "At alam mo ba, ang mga lalaking salud-takla, sila yung mga lalaking dapat putulan ng hakdog!"
Pananakot ko sa kanya kaya agad siyang umiling-iling.
      "Totoo yun. Yung last na lalaking nakilala kong ganun, wala ng hakdog. Binenta para gawing giniling!" Tuluyan na silang tumawa pati si sadista ghorl kaya napatulala sa kanya si buticupid.
Ayieeeeh!
Nang mapansin siya ni sadista ghorl na nakatitig sa kanya ay agad itong umakto ng maramdamin.
    
      "Mapanakit kang tulisan ka! Pagkatapos ka naming iligtas ng mga kasamahan ko at dalhin dito nang mag-agaw buhay ka, ganito lang ang igaganti mo? " Madamdamin niyang sabi kaya naman na-guilty ako kahit papaano kahit alam kong segway niya lang yon para di mabuking.
              Hinawakan ko siya sa likod at tinapik-tapik. Nanlaki bigla ang mga mata niya at agad napaatras kung kaya't nahulog siya sa kamang kinahihigaan ko. Ang arte, ayaw magpahawak!
      "KAY SAKIT!"
      "ANONG KOMOSYON ANG NAGAGANAP DITO?"