Bye, crush.
Ilang araw na ang nakararaan, pero hanggang ngayon ay nagpapa ulit-ulit pa rin iyon sa isip ko. Halos hindi ako nakatulog nung isang araw dahil iyan lang ang pumapasok sa isip ko.
"Anong crush yang pinagsasabi mo, Totoy!?" Mahinang bulong ko sa sarili.
Alas syete na ng gabi at nandito ako ngayon sa kusina, at dahil nga lumayas na naman ang magaling kong kapatid na si Brandon, ay ako ngayon ang naghuhugas ng pinggan.
"Hoy, Sarah! Bilisan mo ang paghugas diyan dahil hinihintay ka nila Carlos sa labas." Biglang pagsulpot ni nanay sa kusina.
"Opo Miss Minchin, pakisabi po malapit na akong matapos, pakisabi din po kay Eming guard na pakikuha yung tsinelas ko sa likod, hihi salamat." Nakita ko naman ang pagkunot ng noo ni nanay.
"Sinong Eming guard?" Tanong niya.
"Ah, si tatay po, hehe. Ako si Sara, ikaw si Miss Minchin, si tatay si Eming guard tapos si kuya naman po si Bogart." Seryoso kong sabi sa kanya na sinuklian niya lang ng pagbato sa akin ng pamunas sa lamesa.
"Puro ka kalokohan Aika, tapusin mo na yang paghuhugas mo!" Sigaw niya sa akin at lumabas ng kusina. Napanguso naman ako dahil sa sinabi niya.
Ano naman kayang kalokohan sa mga sinabi ko?
Nagmamadali kong tinapos ang paghuhugas ng pinggan at mabilis na nagsuot ng bra. Hindi naman kasi nila sinabi na gagala kami ngayon kaya handa na sana ako matulog. Pero andiyan, nasa labas sila at pinapalibutan na ako.
Nagmadali akong lumabas at nakitang nasa labas na yung tsinelas na nilabhan ko at sinabit sa likod ng bahay.
"Bilisan mo na nga Aika! Nilalangaw na kami rito eh!" Pareklamong sigaw agad ni Carlos ang bumungad sa akin.
Binigyan ko lang siya ng nang iinis na ngiti at lalapitan sana siya para batukan ng may mahagilap ang mga mata kong matanglawin.
Si totoy!
Shet! Anong ginagawa niya dito? Kailan pa sila naging close ni Carlos?
Nanlalamig na ang pawis ko dahil sa kaba, hindi ko maintindihan ang sarili ko kung bakit pa ako kinakabahan. Ni minsan ay walang nagpakaba sa isang magandang katulad ko.
Agad kong iniiwas ang aking mga mata ng makitang titig na titig siya sa akin.
"Ah, hehe, arat na. Hindi kasi ako magtatagal, baka matira ako ng armalite ni nanay." Pabebe kong sabi habang nakaharap kay Carlos.
"Tara!" Aya niya kay Totoy at nagpatiuna pang maglakad sa amin.
Akmang hahablutin ko na sana ang braso ni Carlos, para sa kanya sumabay ng bigla akong hinatak ni Totoy.
Hinatak niya ako papalapit sa kanya dahilan para magtambulan ng sobrang lakas ang dibdib ko. Hindi ko naiiwas sa kanya ang paningin ko at nakita pa ang unti-unting pagsilay ng mga ngiti sa mapupula niyang labi.
"T-Totoy," hindi ko na naman napigilan ang pagtawag sa pangalan niya.
Nakita ko ang pagkunot ng noo niya at marahas pang iniiwas ang tingin sa akin.
Luh, problema nito?
"Why do you keep on calling me Totoy?" Nakanunot ang noong aniya.
"E-Eh, a-ano ba dapat?" Napapakamot sa batok na tanong ko sa kanya.
Naglalakad na kami ng sabay ngayon habang nasa unahan namin si Carlos na parang nagmamadali. Masyado niya atang na miss si Nono kaya excited makapunta sa mga kaibigan namin.
"Call me Jade," sabi niya sabay lahad ng kanan niyang kamay, "Jade Axel Fuentes, your number one admirer." Dagdag niya pa nang abutin ko ang kamay niya.
Hindi kaagad ako nakagalaw dahil sa sinabi niya, ramdam ko ang higpit ng hawak niya sa kamay ko. Hindi ko naalis ang titig ko sa kanyang mukha. Hindi siya nakangiti, pero hindi rin siya galit.
Seryoso siya.
Tama! Iyon ang nakikita ko sa mga mata niya, parang ipinapaabot ng mga nito na hindi siya nagbibiro. Wala akong nahitang sagot sa sarili ko at patuloy lang na tumitig sa kanya.
"Can I court you?" Agad niyang tanong, dahilan para bumalik ako sa ulirat.
"A-Anong court? Basketball court? Badminton court? Wala kami niyan, mahirap lang kami." Naghuhurumentado kong anas sa kanya.
Tinugunan niya lang ako ng masamang tingin bago siya naglagay ng matamis na ngiti sa labi.
Ay bipolar!
"Pwedeng manligaw?" Tanong niya ulit sa akin.
Muntik na akong himatayin dahil sa sinabi niya at parang gusto ko nalang siyang ilibing ng buhay dahil sa panggigigil. Hindi ko na napigilan ang pagsilay ng maliit na ngiti sa mga labi ko dahilan para lumaki ang mga ngiti niya.
Mas pinalaki ko pa ang ngiti sa aking labi at nakita ko naman ang saya sa mga mata niya. Unti-unti akong lumapit sa taenga niya bago bumulong.
"Ulol! Playboy ang mga taga-Manila!" Bulong ko sa kanya bago hinablot ang kamay ko mula sa kanya.
Nagmadali akong naglakad at iniwan siyang nakatulala pa rin sa likod.
Anong akala niya sa'kin? Easy to get? Luh, baka NBSB to? Baka ilang taon na akong binabakuran ng kuya kong mukhang gorilla dahil sa ganda ko.
Nagtuloy-tuloy lang ako sa paglalakad hanggang sa nakaabot kami sa seawall. Madalas kami roong tumambay pag gabi, dahil maliban sa madilim, ay wala rin kaming maiistorbong mga tao kahit buong gabi kaming magtawanan at magmurahan.
Nakita ko kung paanong nagmadali si Carlos para makaakyat ng seawall at inaway pa si Pitong para tumayo sa inuupuan niyang katabi ni Kyla.
Pinanliitan ko lang ng tingin si Carlos, pero dahil hindi niya naman ako nakita ay nagpatuloy lang ako sa pag akyat at aagawan sana ng pwesto si Carlos ng biglang may biglang humablot sa isang braso ko.
Aray naman, pag ako nabaklasan ng buto ipapatapon ko talaga kayo.
Handa na sana akong itulak sa dagat ang kung sino mang naglakas loob na gawin yun sa akin, ng makita kong sobrang lapit ng katawan ni Totoy sa akin. Hindi maluwag ang seawall dito sa amin, pero may taas at baba itong daanan, at hindi magkakasya kung magsasabay ang dalawang tao sa isang daanan.
"Hoy, ano yan? Live porn oh! Kap! Kap!" Sigaw agad ni Pitong at parang nagwawala pa habang tinatawag si kapitan.
Agad kong binawi ang braso ko mula sa hawak ni Totoy at naunang maglakad papunta sa pinakadulo ng seawall, madilim rin doon at naroon sina Mayora Letlet kaya tumabi nalang ako sa kanya.
Nakita ko ang pagsunod sa akin ni Totoy at naupo sa sa tabi ko, siya ang nasa pinakadulo habang si Carlos naman ang nasa isang dulo.
Nagsimula na sila sa plastikang usapan kaya puro tawanan lang ang namumutawi sa amin. Para kaming mga lasing sa lakas ng tawanan namin at walang namang nagagalit sa amin.
Puro kababuyan at panlilibak ang mga naging topic namin bago naisali sa usapan ang susunod na pasukan.
"Uy! Jade, Kyla! Dito na lang kaya kayo mag-aral, naging kaibigan na rin naman namin kayo kahit parang mga ginto yang mga boses niyo, eh!" Nakangusong sabi ni Nono.
Natawa naman kami sa sinabi niya, dahil hindi naman palasalita 'tong mga bagong salta sa barangay namin.
Magsasalita na sana ako ng bigla kong naramdaman na may humawak na naman sa kamay ko.
Nagugulat kong tinignan ang pangahas na gumawa no'n at nakita ko nga si Totoy.
Bakit ba ang hilig nitong humawak sa kamay.
Pilit kong pinipiglas ang kamay ko mula sa hawak niya pero ayaw niya itong bitawan, binigyan ko pa siya ng masamang tingin na sinuklian niya lang ng matamis na ngiti. Hinayaan ko lang magkahawak ang mga kamay namin at ibinaling ulit sa mga kasama ang paningin. Pero...
"A-Ano?" Kinakabahan kong tanong nang makitang lahat sila ay nakatingin sa akin.
Pilit ko uling inalis ang kamay ko sa kamay ni Totoy pero hindi niya iyon pinapakawalan.
"Hindi ka ata maingay ngayon Aika, may lagnat ka?" Tanong sa akin ni Maileen.
"Ah, hindi naman, 'di lang ako makasingit kay bakla," pagpapalusot ko.
"Sus! Palusot, kahit naman may nagsasalita, ay nakikipag-bugbugan ka pa maisatinig lang yang kaabnormalan mo." Naghihinala na ani ni Nono.
Tanging kinakabahang ngiti lang naigawad ko sa kanila at pilit uling piniglas ang pagkakahawak sa kamay ni Totoy, pero na wrong move ako. Nakuha niyon ang atensyon ni Nono dahilan para mapatingin siya sa katabi ko. Muli siyang tumayo at dahan-dahang lumapit sa pwesto namin ni Totoy.
Pilit kong inihaharang ang katawan ko sa dinadaanan niya pero hindi siya natinag at...
Boom!
"Hoy, ano yan!? Ba't may holding hands na nagaganap dito ha?!" Tiling-tili niyang ani.
Napatakip na lang ako mukha ko ng magsimula na silang tuksuhin kami habang kiniliti pa ako ng iba.
Grr! Bwisit ka talaga Totoy!