Pagkatapos akong iwan ng boss kong masungit ay may isang staff na tumawag sa akin na pinapatawag daw ako ni Boss Sungit, kaya naman lumabas na ako ng dressing room, maglalakad na sana ako paaalis sa tapat ng dressing room ng magring ang cellphone ko na keypad.
Tiningnan ko ang tumawag at nakita ko na si Aling Nina 'yon, agad ko naman sinagot ang tawag.
"Hello, Aling Nina napatawag po kayo, kamusta po ang kambal?" Tanong ko habang naglalakad-lakad.
"'Yon na nga Vannie kaya ako napatawag kasi si Angela nasa hospital ngayon bigla kasing inapoy ng lagnat kaya dinala ko sa hospital, ang masama pa na dengue pa," sabi ni Aling Nina agad naman akong kinabahan.
"Saang hospital po?" Tanong ko.
Sinabi naman agad sa akin.
Kaya naman dali-dali akong lumabas ng building at humanap ng masasakyan, nag-jeep lang ako dahil wala akong pera ngayon.
'Yong boss kong masungit bahala na muna siya, malaki na siya at isa pa emergency naman 'to kaya next time na lang siya mas kailangan ako ng kapatid ko.
Nang makarating ako sa hospital ay agad ko naman tinanong kung nasaan ang kapatid ko pagkasabi sa akin ay tumakbo agad ako nakita ko naman agad sila.
Lumapit ako kay Aling Nina.
"Ano po nangyari?" Tanong ko.
"Inapoy na lang ng lagnat kanina tapos nagsusuka kaya natakot ako at sinugod ko agad dito," sabi ni Aling Nina, dali-dali naman akong lumapit sa kapatid ko.
"Kamusta raw po siya?" Tanong ko habang nakatingin sa kapatid ko.
"Mako-confine raw siya ng ilang mga araw at pag-aaralan daw," sabi ni aling Nina.
Ibig sabihin kailangan ko ng malaking pera kakailanganin ko, tapos 'yong sahod ko pa sa katapusan pa.
"Si Angel po?" Tanong ko.
"Nasa bahay iniwan ko kasama ni Carding, iyak nga ng iyak 'yon nang makita niya ang kambal niya," sabi ni Aling Nina.
"Pwede po ba na pakibantayan muna si Angela maghahanap lang po ako nang mapagkakitaan para pangbayad sa mga bills," sabi ko agad naman silang pumayag tinawagan ko naman si Queen at humingi ng tulong kung may alam na raket at mabuti na lang na kailangan daw ng waitress ulit sa bar nila kaya naman pinatos ko na five thousand din 'yon at may tip pa.
Agad akong pumunta sa bar na 'yon at nagtrabaho.
Masyadong maraming tao at marami ang order mabuti na lang na halos lahat ang pinagseserve-an ko ay binibigyan ako ng tip.
May isang matandang lalaki na nagbigay ng tip na five hundred kaya naman natuwa ako, at nagpasalamat.
Nang pinagpahinga muna ako ng manager ay pumunta muna ako sa locker at tiningnan ang cellphone ko.
Saktong pagkuha ko sa locker ay may tumawag na number lang.
"Where the hell are you? Kanina pa kita hinahanap?!" Galit na sabi nito.
"Maka-where the hell ka, bakit sino ka ba, ha?" Mataray na tanong ko.
"Bullshit, nasaan ka ba?!" Inis na tanong niya.
"Bullshit ka rin! Paki mo ba?" Mataray na sabi ko, na rinig ko naman ang sunod-sunod na mura niya.
"'Di ka rin trash talker, 'no?" Tanong ko.
"Where the heck are you now?" Inis na tanong niya.
"Hoy, 'di ko kaya 'yang mura mo na 'yon packing tape ka, oo tama packing tape ka wala kang pake, sino ka ba?" Tanong ko.
"Nathan Vergara!" Inis na sigaw niya.
"Bakit ka ba sumisigaw! At isa pa sino 'yon wala akong kilalang ganoon, sige na may trabaho pa ako!" sabi ko, papatayin ko na sana ang tawag ng magsalita siya.
"Hugh! Hugh Vergara as in H-u-g-h," sabi niya.
"Oy Boss Sungit, ikaw pala kamusta?" Tanong ko.
"Where the hell are you?" Inis na tanong niya.
"Ang layo naman ng sagot mo sa tanong ko, pero dahil boss kita sasagutin ko tanong mo! Matatawag mo bang hell kung nasaan ako at kumikita ako ng pera," sabi ko.
"What the heck! 'Di ba binigyan na kita ng trabaho!" Inis na sabi niya.
"Boss Sungit, una sa lahat kailangan ko ngayon ng pera kaya nagtatrabaho ako kasalan mo kung bakit ako nagtatrabaho ngayon kung pinabale mo ako, e 'di sana nasa piling mo ako!" sabi ko.
"At isa pa packing tape ka sige na busy ako may trabaho pa ako pupuntahan na lang kita mamaya text mo na lang address mo sige na babush na, uunahan na kita packing tape ka rin babush!" sabi ko sabay end ng call.
O 'di ba wala ng masungit na boss, magtatrabaho na ulit ako.
Nang matapos na akong magtrabaho sa bar ay binigyan ako ng manager ng sobre na na naglalaman ng five thousand pesos, pagkakuha ko noon nilagay ko agad sa bag ko kasama ang eight hundred na tip na nakuha ko.
Umalis agad ako at tiningnan ang cellphone ko nakita ko naman ang text ng Boss Sungit ko, nakita ko roon ang address niya kaya naman sumakay agad ako ng jeep na papunta roon, habang nasa jeep ako ay sinave ko ang number ng boss sungit ko nakalagay sa contact ko na 'Boss Sungit', 'yan ang nilagay ko.
Tatawagan ko sana si Aling Nina ng maalala ko na wala nga pala akong load, sa hospital kasi ako nakitawag kanina para ma-contact si Queen.
Makikitawag na lang ako sa boss sungit ko mamaya.
Nang makarating na ako sa address na binigay ni Boss Sungit ay napanganga ako, isa 'yong condominium na pang mayaman, wow mayaman talaga ang boss ko.
Agad naman akong pumasok doon, ang kaso lang ang hirap makapasok kinailangan pa na tawag ang boss sungit ko bago ako mapapasok, kaya naman binelatan ko 'yong mga guard na humarang sa akin ng papasukin ako, taas noo akong naglakad papunta sa elevator ng makasakay na ko roon ay pinindot ko ang floor kung nasaan ang unit ng masungit kong boss.
Nang makarating ako roon sa floor ay tiningnan ko ulit ang cellphone ko at hinanap ang number ng unit ni Boss Sungit agad ko naman 'yong nakita ng makita ko 'yon ay nagdoorbell ako.
Mayamaya ay nagbukas na 'yon isang nakasalubong na kilay ang sumalubong sa akin kaya naman derederetso na lang akong pumasok at napanganga ako ng makita ko ang unit niya ang laki at ang ganda.
"Bakit ngayon ka lang P.A kita dapat lagi kang nasa tabi ko! Bakit bigla kang umalis ng walang paalam kanina?" Sigaw niya sa akin.
"Nagka-emergency kasi 'yong kapatid ko, sinugod sa hospital na dengue kaya ayon umalis agad ako at naghanap ng perang mapagkakakitaan," sabi ko nakita ko naman na nakatitig siya sa akin.
"Pero sana nagsabi ka!" Inis na sabi niya.
"Kasalanan mo 'yon, 'di mo 'ko pinabale," sabi ko.
"Ako pa may kasalanan!" Sigaw niya.
"Oo!" Sigaw ko rin, aba 'di lang siya ang marunong manigaw 'no!
"Bakit mo ako sinisigawan? Boss ka ba, ha?" Tanong niya.
"'Wag ka sumigaw para 'di rin ako sumigaw!" Sigaw ko bigla naman siyang napapikit ng mariin at hinilot ang sentido niya.
"One hundred thousand per month, basta mag-focus ka sa trabaho mo sa akin!" sabi niya sa kalmadong pamamaraan.
Ayon marunong naman pala mapakiusapan, e.
"'Di mo ako mapipigilan sa raket ko," sabi ko.
"One hundred fifty thousand kensinas, deal or no deal?" Tanong niya habang nakakunot noo.
"Ay deal ako, tatanggi pa ba ako, sige ba kahit nga itabi mo pa ako sa pagtulog, game ako," sabi ko habang nakangiti, aba sino ako para tangihan 'yon imagine sa isang buwan may three hundred thousand ako, saan ka pa iba ka talaga Vannie!
"Okay na ipagluto mo ako ng makakain!" sabi ni Boss Sungit sabay upo sa maganda niyang sofa.
"Yes boss sungit," sabi ko habang nakasaludo pa bago lumakad papunta sa kusina.
Three hundred thousand sa isang buwan, naks na times six ang fifty thousand.
Three hundred thousand come to Mama Vannie!