“Para po!” sabi ni Primo at huminto naman ang jeep.
Nauna si Primo na lumabas, habang ako ay kinakabahan pa at parang gusto ko nang lamunin nang lupa nang makita kong nakatingin sa'kin si Eisren at Fynlae, umiwas ako ng tingin at dire-diretso sa pagbaba. Nilahad pa ni Primo ang kanyang kamay para alalayan ako sa pagbaba.
“Olats si pareng Eiren!” dinig kong pang-aasar ni Fynlae.
Inayos ni Primo ang polo n'yang nagusot, humarurot na ang jeep, sinamahan pa ako ni Primo hanggang doon sa mismong tapat ng bahay namin, hindi na siya nagpaalam pa dahil alam n'yang madaming chismosa samin, baka ichismis pa ako sa mga magulang ko.
Pagkapasok ko sa bahay ay walang tao! Thank, God! Nakangiti akong tumungo sa kwarto ko at naligo na. Nagbihis ako ng pambahay, nahiga ako sa kama at nagpasya akong mag-chat sa gc namin nina Alwin.
Danica Mae Talde:
COD tayo?
Ilang minuto bago may magreply.
Tine Tine:
Tulog muna, Dan. Mamaya na lang gabi:))
Napanguso ako at nag-heart react na lang ako sa reply n'ya. Well wala naman akong magagawa kung inaantok sila, ako din naman, e. Pinikit ko ang mata ko at bigla kong naalala iyong nangyari sa jeep!
Nagi-guilty ako dahil sa hindi ko malaman na dahilan, Eisren and Fynlae saw me! Hindi ko man lang sila binati or what! At bakit ko naman pala sila babatiin? Close ba kami? I mean, kaibigan ko ang kapatid ni Eisren pero di kami magkaibigan!
Kung ano-ano nang pwesto ang ginawa ko para lang makatulog pero hindi ko pa rin magawa. Pikit ako ng pikit pero iyong seryosong mukha ni Eisren iyong nakikita ko! Ano bang nangyayari sa'kin?
Bumangon ako at tiningnan ko ang cellphone ko, baka kasi nag-text or what, nang tiningnan ko ay wala naman akong nakita, bigla tuloy akong nadismaya. Bakit naman ako nadismaya? Wala naman kaming koneksyon sa isa't-isa! Tsaka hindi kami ganu'n ka-close para i-update ako o tawagan ako! Humingi lang siya ng pabor sa'kin!
Nanood na lang ako ng mga videos sa tiktok...ilang minuto lang ay naburyo na ako at lumipat naman ako sa Twitter, bungad na bungad sa'kin iyong Tweet ni Eisren na nire-tweet ni Fynlae.
🦋@Eisren
- yakap pa.
🔄 13 ❤️ 456
🌙@Fynlae
- lods, dapat sinabi mo “Tabi! Ako na”😂😂
         🦋@Eisren
            - yakap pa.
🔄 54  ❤️ 1.4K
Bilib din ako sa pagiging famous ng dalawang 'to! Bakit ba kasi nila ako finallow?
Ni-like ko iyon at nagulat pa ako nang makitang nag-DM sa'kin si Fynlae! Ano bang kailan nito? In-open ko ang DM n'ya.
🌙@Fynlae
- Hi, Danica? How are you?
Nanliit ang mata ko, bakit naman ako kinakamusta ng ugok na to? Diba nililigawan n'ya si Eisha?
Nagreply naman ako.
✨@dnctld
- Hi din, kailangan mo?
Pumikit ako ng mariin dahil sa nahihiya ako, ano ba kasing kailangan nila sa'kin? Ang kulit ng mga ito! Ilang segundo lang siguro ang tinagal nang mag-reply s'ya.
🌙@Fynlae
- favor hehe...tawag ka po kay Eisren, please, ASAP:(((
Kumunot ang noo ko dahil sa pagtataka, ano namang pabor ang gagawin ko? Hindi ko pa naman kasama si Eisha! Siguro dahil sa sabog ako ay di na ako nagdalawang isip pa na tawagan si Eisren!
Siguro ay naka-tatlong tawag ako bago niya iyon sagutin.
“Hello?” napalunok ako nang marinig ko ang paos na boses ni Eisren.
Huminga ako ng malalim. “Hi! Sabi ni Fynlae tawagan kita kasi may favor siyang hihilingin...” I trailed off and I heard him chuckled.
“This is the favor he wants, I guess...” he paused. “Are you busy, Danica?” he asked and I looked around my room.
“Hmm...” iyon lang ang lumabas sa bibig ko dahil sa hindi ko alam kung anong isasagot.
Mahina siyang tumawa na nagpakaba sa'kin. “May gagawin ka ba?” tanong n'ya at sa tingin ko ay nahihiya siya.
Lumunok muna ako kasi akala ko ay may nakabara sa aking lalamunan. “Matutulog sana ako.” nahihiyang sagot ko.
“Do you want me to sing for you?” tanong n'ya na kinagulat ko. Hindi ako makasagot. “Are you still there?” tanong n'ya ulit at tumikhim naman ako.
“Ah, yeah.” paos na sagot ko at natawa siya.
“Kakantahan kita, okay lang? Para makatulog ka, if gagana hehe,” ulit n'ya at napangiti ako.
“Sige, ikaw ang bahala.” nahihiyang sagot ko at narinig ko na naman ang pagtawa n'ya.
I heard him sighed then started to hummed.
I get defensive
And insecure
My own worst critic
Be heard and close and no I’m fragile
Napalunok ako nang marinig ko kung gaano kalamig ang boses n'ya. Unti-unting nagsitayuan ang mga balahibo sa aking batok. Napapikit ako at pinigilan ko ang sarili ko na mapatili.
Infection that’s for sure
I burn myself down to the ground oh can
I ask of you to treat me soft and tender
Unti-unti namang bumibigat ang talukap ng aking mga mata. Hindi ko alam kung ano ng pinagsasabi niya, medyo hindi ko na siya marinig.
Oh can you love me like
Can you love me like
Can you love me like that
“Still awake?” I heard him but I think I'm just dreaming? “Hmm? I guess you're already half sleep or sleeping...I hope you get the rest that you wanted.” tuluyan na akong nilamon ng antok at wala na akong alam kundi ang mahimbing akong nakatulog.
***
“Danica, sino 'yong lalaking naghatid daw sa'yo kanina?” nakangising tanong ni Ate Deyanne na bumasag sa katahimikan sa hapag.
Napa-angat ako ng tingin sa kanya at walang emosyon ang aking mga mata. “Si Primo, kaklase ko, sabay lang kaming umuwi, h'wag kang issue.” malamig na sagot ko at tumuloy sa pagkain.
“Primo? Primo Santiago?” gulat na tanong ni Ate Denise at tumango lang ako bilang sagot. Nanlaki ang mata n'ya parang di makapaniwala. “Kaklase mo siya?” makulit na tanong n'ya na tinanguan ko ulit. “Crush ko 'yon!” aniya at wala akong tugon.
Pake ko naman?
“Ang bata naman ng gusto mo, Denise.” pang-aasar ni Ate Deyanne.
“Dalawang taon lang naman, Ate, age doesn't matter.” depensa naman nitong isa na kinangiwi ko. “Danica, reto mo naman ako kay Primo, oh!” utos iyon.
Palihim akong umirap at tumingin kay Mama at Papa na pareho na palang nakatingin sa'kin. Lumunok at bumuntong hininga.
“Primo isn't interested with anyone, Ate.” malumanay na sabi ko.
Umismid naman siya sa'kin. “Hindi yan! Reto mo lang ako, wala namang mahirap du'n, tsaka magkaka-interes 'yon kapag nilatagan mo siyempre, hindi naman magiging interesado ang isang tao kung di mo pa kilala, diba?” giit niya.
Umiling na lang ako at nagpatuloy sa pagkain, kinukulit n'ya ako ngunit tahimik pa rin ako at wala akong pake kung mainis siya. Ayoko namang pilitin si Primo sa bagay na hindi n'ya gusto, I know Primo isn't interested with girls, he's interested with guys actually.
As usual pagkatapos naming kumain ay ako  na naman ang naghugas ng plato kahit nandito naman ang dalawang kapatid ko, minsan na nga lang sila umuwi magbibigay pa ng sama ng loob. Hindi tuloy na nga ako nabubusog sa pagkain, sa sama naman ng loob bumabawi.
“Danica, sige na kasi, parang 'di naman  kita kapatid!” angal ni Ate Denise na tumabi sa'kin habang naghuhugas ako ng plato.
Wow! Ako pa talaga ang sinabihan n'ya, ah? Grabe ang galing mo naman, Ate! Ikaw na nga ang halos nagbibigay sa'kin ng sama ng loob tapos ang lakas pa ng loob mong sabihin yan!
Gustong-gusto ko siyang sumbatan pero dahil maganda ako, h'wag na lang, masasayang lang ang laway ko dahil alam kong siya din naman ang kakampihan nina Mama at Papa kapag nagkasagutan kami, syempre siya ang mas matand sa'kin!
Huminga ako ng malalim at nilagay na ang mga malinis na plato sa lagayan. Hindi pa rin ako nilulubuyan. Akmang aalis na ako ng kusina ngunit hinarangan n'ya ako.
“May gusto ka ba kay Primo at hindi mo maipamigay?” tanong n'ya na nakangisi. Tinaasan ko siya ng kilay. “H'wag kang madamot, Danica, para iyan lang naman ang hinihiling ko sa'yo, kapag nai-reto mo na ako ay mananahimi–”
“Kapag inayawan ka n'ya, sa'kin ka naman magagalit...Ate, I know Primo, hindi talaga 'yon interesado kahit kanino, nag-aaral iyon ng mabuti, he never did mention to us that he's into someone.” naiinis na sabi ko at napanganga siya.
Iniwan ko siya roon at agad akong nagkulong sa kwarto. Dahil wala naman akong assignments at tinatamad ako ay nahiga lang ako sa kama at parang tanga na nakatitig lang sa kisame. Bigla kong naalala iyong kanina, iyong pagtawag ko kay Eisren at iyong pagkanta n'ya! Hindi ko alam kung bakit ako kinikilig! I shouldn't be, kapatid siya ng kaibigan ko, mas matanda siya sa'ki–teka, ilang taon na ba iyon? Ah basta! Kuya siya ni Eisha, malamang mga nasa 3–4 years ang agwat namin nu'n! Pedophile na iyon kung papatu–wait lang, bakit ko ba naiisip iyon? Wala namang malisya iyong tawag at pagkanta, ah?
Nag-check ulit ako ng Twitter, wala namang bago sa feed ko kaya naman naisipan kong i-stalk si Eisren.
🦋
@Eisren
18| Engineering Student ✨
You found parts of me I didn't know existed and in you I found a love I no longer believed was real❤️
Nanlaki ang mata ko nang makita ang bio n'ya, nadismaya ako, sino ang sinasabihan n'ya n'yan? May girlfriend ba siya? At bakit ko naman kasi iniisip ito? I scroll through his timeline.
🦋@Eisren
- Cute.
🔄1.5K ❤️15.6K
🦋@Eisren
- I'll wait..
🔄207 ❤️34.1K
🦋@Eisren
- Rest. You deserve it.
🔄100.2K ❤️567.3K
🦋@Eisren
- I'm pissed but I can handle it. Maybe don't be touchy to my girl:)
🔄45K ❤️178K
Nanlaki ang mata ko sa panghuling Tweet n'ya! So may girlfriend talaga siya? Bumuntong hininga ako at bakas ang pagkadismaya sa aking mukha. Hindi ko na kailangang isekreto sa sarili ko, crush ko si Kuya Eisren simula pa lang na nakita ko siya, well...gwapo siya, pero alam kong hanggang doon lang ang nararamdaman ko. Masyado pa akong bata para sa mga ganyang bagay.
Nakatulugan ko lahat ng nasa isip ko.
***
“Alam mo ba, Dan!” bungad  na naman sa'kin ni Eisha na lumalamon sa tabi ko. “Kahapon, umuwi si Kuya dito sa Manda, tapos narinig ko siya na kumakanta ng Love me like that! First ko siyang narinig na may kinantahan through the phone!” tuloy n'ya at agad akong kinabahan.
Naalala ko nga pala na kinantahan pala n'ya ako kahapon and iyong kanta sinasabi ni Eisha iyon! Parang gusto ko na lang lamunin ng lupa.
“Share mo lang?” pambabasag ko sa kanya.
Kumunot ang noo niya at nagtataka n'ya akong tiningnan.
“Sungit.” aniya saka ngumisi. “Alam mo–”
“Hindi pa, Eisha.” pambabara ko at natawa naman si Primo na kadarating pa lang.
Inirapan ko si Primo na kinagulat n'ya, kung alam n'ya lang ng pinagsasabi ng kapatid ko dahil sa kanya, nako! Gusto ko siyang sapukin!
“Grabe, Danica! Ang aga-aga, ang sungit mo!” bulalas niya na lalo ko pang kinainis.
“Red days ba, mare?” natatawang tanong ni Sean na umupo sa tabi ko. Inirapan ko din siya at lalo niyang kinatawa, lintek! Sinabayan pa siya nina Eisha, Primo at Paul.
“Layuan n'yo ko ngayong araw, nandidilim ang paningin ko sa inyo.” nagpipigil pa ako na matampal ang mga ito.
Nagkibit-balikat si Sean dahil siya pala ang katabi ko, si Primo naman ay bumalik sa pwesto n'ya at si Eisha ay nakipagkwentuhan pa kina Fairy at Elle.
Humikab ako at nakuha niyon ang atensyon ni Sean. Ngayon ko lang siya napansin na parang ang gwapo n'ya, ang bango-bango pa! Ngumuso ako at ngumisi naman siya.
“Na-realize mo na bang crush mo ako, Danica Mae?” pang-aasar niya at agad ko namang binatukan.
“Ang kapal mo, Sean Reynh Cordova! Tigil-tigilan mo ako.” inis na saway ko sa kanya at narinig kong nagtawanan sina Paul sa likuran namin.
“Wala ka pala, Sean, e!” pang-aasar ni Timothy kaya nabato ko siya ng ballpen na hawak ko.
“Let's see, Miss Talde.” dinig kong bulong ni Sean saka ngumisi sa'kin at tumingin na sa harapan kahit wala namang teacher na nandoon.