After ko gawin ang lahat ng gawaing bahay ko mala Cinderella, kumain na ako ng almusal at naligo at naghandang pumasok sa School. Check ko muna ang mga appliances na naka plug out lahat. Patayin ang ilaw at siguraduhing sarado ang mga bintana kasi baka biglang umulan. At patay ang gripo at ang pintuan ng Bahay ay maayos na nakasara. Pinakain ko narin si Brownie, ang alaga naming aso. Panakot yan sa mga magnanakaw na nagbabalak sa Bahay namin. Bye Brownie. See you later.
Sinimulan ko nang maglakad palabas ng Subdivision. Para makalabas ka ng Subdivision, may dalawang way ang puwede mong daanan. Ang main gate o kaya naman ang tinatawag nilang back door. Kung lalabas ka sa main gate, madadaanan mo ang Club House. Kung saan nakaparada ang mga Tribike na puwede mong sakyan palabas. Nakaparada rin sila every tatlong kanto ng mga streets. Pero sa backdoor ang daan ko. Mas malapit kasi ito sa Bahay namin. Ang tagos ng backdoor ay ang kasunod naming Baranggay.
May dalawang Security Guard ang nakabantay sa backdoor. Actually, nilagyan lang ng aming Subdivison ng maliit na gate ang backdoor. Kailangan kasi may exit way man lang ang mga tao palabas ng Subdivision incase of sunog or something. Nilagyan nila ng dalawang guwardiya ang backdoor para hindi rin basta-basta makapasok ang mga taong hindi naman taga Subdivision. At bantay na rin sa Magnanakaw na magtatangkang pumasok.
Mga 8 minutes lang, mararating ko na ang backdoor. Kinakailangan ko naman ng 4 minutes para sumuong sa mga maliliit at makikipot na eskinita ng Baranggay Mayamot para marating ang Hiway. Kung saan dumadaan ang mga Jeepney patungong eskuwelahan. Habang naghihintay ako ng Jeep na masasakyan. Sakto! May nakita akong paparating na Jeep. Na aaninag kong hindi pa masyadong puno. Kaya pinara ko na ito at huminto naman ito sa aking harapan. Ayos, makakasakay ako agad para maaga akong makapunta sa Library.
Pag sakay ko ng Jeepney, lumakad ako papasok nito. Sa kanang bahagi ako umupo. Nakita ko kasi na may bakanteng puwesto dito. Sakto naman pag-upo ko, bigla akong napalingon at napatitig sa lalaking nakaupo sa harapan ko. Hindi ko agad naalis ang pagkakatingin ko sa kanya. Pareho kami ng uniform, kaya malamang same School lang kami nang pinapasukan. Nakadungaw siya sa labas ng bintana ng Jeepney. Nagmamasid sa mga tanawing nadadaanan ng Jeepney. Kahit na side view pa lang ang naaaninag ko sa mukha niya, may parang kakaiba akong nararamdaman. I can't explain that feeling in my stomach at sa puso ko.
Bigla siyang humarap sa kinauupuan ko. Napatitig saglit, sabay ngiti, sabay bukas nang bag na dala-dala niya, sabay hanap sa looban nito nang kung ano. Natameme ako. "Ang cuteeee niya! Soooobra!" Pagsigaw ko sa loob ng isipan ko. Mapapa hinga ka na lang ng malalim sa kanyang ka cutenessan. Maputi siya, singkit ang mga mata, pango ang ilong, may mga nunal sa iba't ibang bahagi ng mukha, Mapula ang kanyang labi at may bonus dimples pa. Grabe, sino ba itong lalaki sa harapan ko na mala angel sa cuteness.
For the first time by Kc Concepcion is playing on my moment. Wala akong masabi. Tulala ako sa taong ito. For the first time, sa unang pagkakataong nagkita kami, mahal ko na siya! Ang cute ni Tisoy. Yes! Tisoy ang code name niya sa akin. Tisoy muna ang itatawag natin sa kanya hanggang hindi natin pa nalalaman ang tunay niyang pagkatao. Kakaiba siya at talaga bang cute na cute ako sakanya. Tipong gusto kong kurutin ang kanyang mga pisngi at halik-halikan ang kanyang mapupulang labi.
"Tisoy, mahalin mo ako! "Anu ito? Mahal agad! Hindi ba puwedeng crush-crush lang muna tayo?" Bulyaw naman ng isa pang katauhan sa utak ko. "Hindi ito crush lang. I think i'm inlove with you Tisoy! Ikaw ang aking forever" Bulalas ng aking puso. "OO! Naniniwala ako sa forever. Kaya kayong mga nakikisilip lang sa utak ko, bawal kumontra".
Sabay preno ni Manong Jeepney Driver at subsob ko naman sa katabi kong Ale. "Iha, ayos ka lang ba?" sambit ni Manang, pagkahampas ng katawan ko sa balikat niya. "Pasensya na po Manang, bigla kasi nagpreno si Manong ehhh. Tuloy nasubsob po ako sa inyo po." Sagot ko naman kay Manang.
Hindi ko namalayan, nakatitig na pala sa akin si Tisoy habang nangyayari ang mga eksenang yun. Nakatitig siya habang ang kanyang kilay ay parang nagtataka o nag-iisip na "Aba! Shunga-shunga naman nitong School mate ko." Nakakahiya kay Tisoy. Ano na lang ang sasabihin niya sa akin. This is our first meeting, kaya dapat i'm perfect. Pero eto, nasubsob pa ako sa balikat ni Ale. Nakakahiya.
"Pasensya na Iha, bigla kasi may tumawid sa kalsada. Kaya na pa preno ako. Pasensya na." Wika ni Manong Jeepney Driver habang nakatingin sa salamin niya. "Wala ho po yun Manong. Ayos lang naman po ako." Sagot ko kay Manong Driver habang si Tisoy naman ay ibinaling na ang pagtingin sa labas ng bintana ng Jeep. "Nakawawala naman ng awra etong nangyari sa akin. Anu na lang ang sasabihin ni Tisoy sa first meet up namin?" Mga salitang pumapasok sa aking isipan habang pasulyap sulyap kay Tisoy. Ang aking future asawa.
Nang huminto ang Jeep sa tapat ng School namin. Unang bumaba si Tisoy. Ako naman ang sumunod sa kanya. Nang bigla ba naman nagsalita si Manong Driver. "Iha, hindi ka pa bayad sa pamasahe mo." Ako naman ay biglang nahinto sa pagbaba ng Jeep at napalingon sa Manong. "Omg! Oo nga pala. Kakatitig ko kay Tisoy, hindi pa pala ako bayad sa aking pamasahe." Sambit ko sa aking sarili habang hiyang hiya na muling umupo.
"Pasensya na po Manong. Nawala po sa isip ko. Nakalimutan ko mula nang masaludsod ako sa katabi ko dahil sa bigla ninyong pagpreno". Tugon ko kay Manong Driver.
"Uy! Iha, hindi ko talaga sinasadya yun. Baka naman nagalit ka sakin, kaya kinalimutan mo na magbayad?" Paratang ni Manong.
Hala ka Manong! May issue po kayo agad. Nakalimutan ko lang talaga po." Sabay abot ko sa pamasahe ko. Aba si Manong may pagka etchosera ahhhh. Buti na lang, nauna nang bumaba si Tisoy. My Baby Love.
"Manong! Sukli ko ho? Estudyante po yan". Habang hinihintay ko ang aking sukli sa pamasahe. "Aba! Wala pang balak si Manong magbigay nang sukli. Ganti-ganti lang Manong." Wika ko sa aking sarili. "Ayan na sukli mo! Sambit ni Manong habang inaabot ang aking sukli.
"Ay! Salamat ho! Tugon ko.
"Galit ka ata Iha?
"Hindi naman po." Sagot ko sa kanyang tanong. "Sige na ho. Hahabulin ko pa yung forever ko."
"May sinasabi ka?
"Dedma na ako sayo Manong." Nakikita ko mula sa bintana na patawid na si Tisoy ko. "Aba! abala ka talaga sa akin Manong. Aga aga sa Love Story ko, may Kontrabida na agad. Kaloka!" Mga salitang naglalaro sa isipan ko habang pababa ng Jeep.
Siguradong narinig niya yung sinabi ni Manong abot sa pamasahe. Baka isipin niya ginagawa kong hindi magbayad sa mga Jeep na sinasakyan ko. Kaloka! Nakakahiya naman kay Tisoy ko. Pagbaba ko ng Jeep, hinintay kong lumagpas ang mga sasakyang dumadaan para makatawid ako at makahabol kay Baby Tisoy ko. Natanaw kong nasa gate na siya ng aming School at papasok na.