Isang malapad na ngiti ang nakapaskil sa mukha ko habang pababa ako ng hagdan na agad napawi ng makita ko ang nakatayong si Neil sa tabi ni Mark at Izza.
Lunes ngayon, meaning may pasok kami. Nasa ikatlong taon na ako sa kolehiyo sa kursong Education sa St. Patrick University. Pareho kami ng course nina Izza at Mark. Sa major lang ang pinagkaiba namin. Si Neil naman if I'm not mistaken ay kumukuha ng kursong Civil Engineering katulad ni Kuya.
Nakasanayan ko nang sabay-sabay kaming papasok nina Izza at Mark. Magkakaklase kasi kami sa unang subject namin. At hindi rin naman kasi magkakalayo ang mga bahay namin. We lived in the same subdivision. Si Mark ay sa kabilang block at si Izza naman ay katapat mismo ng bahay namin ang bahay nila.
At ngayon mukhang balak din yatang makisabay ni Neil. Lunes pa lang ay mukhang masisiira na naman ang araw ko. Ganito ba ang mangyayari sa loob ng tatlong buwan? Naiisip ko pa lang ay gusto ko ng maiyak..
Lumapit ako kina Izza at Mark para batiin sila ng Good Morning. Pagkatapos ay tinapunan ko ng tingin ang tahimik at nagmamasid na si Neil.
"Bat ka nandito?" Tanong ko kahit obviuos naman ang sagot.
"Sasabay ako sa pagpasok sayo." Maligayang sagot nya na aabutin sana ang mga librong dala ko. Ngunit kaagad akong umiwas.
Sasabay? Feeling ba nitong kumag na to ay papayag ako? Psh. Kapal nya.
"Naku hindi pwede e." Sansala ko agad sa kanya.
"Ha bakit naman?" Takang tanong nya.
Obvious ba? Ayaw kitang kasabay. Gusto ko sanang isagot sa kanya. Pero pinigilan ko ang sarili ko at baka san na naman mapunta ang usapan namin. Nag-isip na lang ako ng idadahilan.
"Ah.. K-kasi ayaw nila na may iba kaming kasabay sa pagpasok." Yun lang ang dahilan na naisip ko ang babaw pa. Psh.
Pero sana umubra. Ayoko talaga syang kasabay.
Pinanlakihan ko nang mata ang dalawa para makisakay na lang sa sinasabi ko.
Agad namang nagets ni Izza.
"Ah oo kuya. Ayaw naming may kasabay na ibang course. For educ students only." Nakangiting sambit niya.
Napakamot na lang ng ulo si Neil. "Ganon ba? O mamayang pag-uwi pwedeng sumabay?"
"Hay nako lalong hindi pwede kuya. Marami pa kaming gagawin, baka gabihin kami." Sagot na naman ni Izza. Kinindatan pa nya ako.
"Okay. Sige sa susunod na lang. Mag-ingat kayo ha. Bye." Yun lang at naglakad na sya papasok ng kwarto ni Kuya. Marahil ay makikisabay na lang ito kay Kuya na madalas naman nyang ginagawa.
Nang mawala na sya sa paningin ko ay doon pa lang ako nakahinga ng maluwag. Thanks to Izza, she is my savior.
"Kapatid mo yun diba?" Tanong ni Mark kay Izza nang naglalakad na kami papuntang sakayan.
"Oo, kuya ko."
"Nanliligaw ba sayo yun?" Kapagkuwan ay tanong nya sa akin na ikinasamid ko.
"Hindi ah!" Defensive na sagot ko
"Bakit mo naman naitanong?" Nagseselos ka ba? Gusto ko sanang idugtong.
Pero of course diko sasabihin iyon. Di pako nababaliw.
"Naabutan ko kasi sya dito kanina tapos tinanong nya ako kung sinong hinihintay ko. Nang sinabi kong ikaw parang biglang nagalit. Pakiramdam ko nga gusto nya akong suntukin." Ani Mark na bahagya pang natatawa
Napatitig ako kay Mark habang nagsasalita sya. Bakit ang cute cute nya talaga? Hayy. Parang ang bango bango pa ng itsura nya ngayon. Parang ayoko na tuloy pumasok at gusto ko na lang syang titigan maghapon hanggang maging akin sya. Ayieehh kinikilig ako hahaha.
"Hay naku ganon lang talaga si Kuya Neil. Wala lang yon." Nangingiting sagot ni Izza na palihim akong kinukurot sa tagiliran.
Bigla akong nahimasmasan sa pagkakatulala dahil sa kurot nya.
"Ganon ba. Sabagay kung nililigawan man nya si Liezel hindi sila bagay..."
Nagkatinginan kami ni Izza pagkarinig sa huling sinabi ni Mark. Ohmygosh. Ito na ba? Nagpaparamdam na ba sya?
Kung ito na nga, sabihin nya lang ngayon din na gusto nya ko at sasagutin ko na sya agad. Wala ng ligaw ligaw pa!
Nagpatuloy kami sa paglalakad papunta sa sakayan ng jeep na hindi naman ganong kalayuan mula sa bahay. Nang makarating kami ay nauna nang sumakay sa jeep si Mark. Nagpahuli kami ng kaunti ni Izza para magkausap.
"Kinikilig ka no?" Bulong nya sa akin
"Obvious ba?" Bulong ko din na pilit pinipigilan ang pagsigaw.
"Oo. Namumula ka, oh!" Aniya na kinurot pa ang pisngi ko.
Sasagot pa sana ako kaya lang ay may biglang nagsalita sa likuran namin.
"Sasakay ba kayo oh magkukwentuhan na lang?" Wala sa mood na kausap sa amin nang lalaking nasa likuran namin. Lumingon ako para tignan kung sino ang napaka sungit na lalaki sa likuran namin. Agad napalitan ng inis ang kilig na nararamdaman ko ng makita ang nakabusangot na si Neil. Kasama nya si Kuya at mukhang kanina pa sila sa likuran namin. Bat di ko man lang napansin? Parang ang bilis naman nila. Ilang minuto kaming naunang umalis ng bahay.
"Pasensya na po." Sarkastikong sagot ko sabay ismid sa kanya.
Di nga sumabay samin sa paglalakad makakasabay mo naman sa jeep. Pag minamalas ka nga naman oh.
Mabilis na akong pumasok sa jeep at sumunod na si Izza.
"Bat ang tagal nyo?" Tanong ni Mark nang makaupo na ako sa tabi nya.
Sasagot na sana ako ng maunahan ako ni Neil na umupo pala sa tabi ko.
"Hinintay pa kasi nya ako." Nakangising sagot nya kay Mark.
Nanlaki ang mata ko pagkarinig sa sinagot nya. Aba't magsisinungaling pa.
"Hindi kita hinintay no!" Inis na depensa ko sabay hampas sa kanya ng dala kong mga libro. Tinignan ko sya ng masama. Anong gusto nyang palabasin? May gusto din ako sa kanya? Feeling nya!
Umisod ako palapit kay Mark at bumulong sa kanya.
"Huwag mong pakikinggan ang sinasabi nyan. May saltik yan sabi ni Izza."
Natawa naman si Mark sa sinabi ko. Napatitig na naman ako sa kanya habang tumatawa sya.
Hay... Bakit ang cute-cute talaga nya pag tumatawa. Parang ang sarap nyang yakapin.
"Mabuti nga at baka mahawa pa ako." Ganting bulong nya. Ako naman ang natawa.
Mula sa peripheral vision ko ay kitang-kita ko ang masamang tingin sa amin ni Neil. Parang gusto nyang lumapit sa amin at pumagitna.
Nagseselos siguro sya. Pasensya na lang sya. Nainlove sya sa magandang tulad ko. Dami tuloy nyang kaagaw.