"Uhmm. Oo dito na lang tayo sa bahay tinatamad kasi akong lumabas. Sige hihintayin kita. Bye."
Nang mailapag ko ang telepeno sa cradle ay sabay kaming napatili ni Izza.
"Anong sabi?"
"Pupunta daw sya dito." Maligayang sagot ko. Sumipa sipa pa ako sa hangin na parang si Jackie Chan sa sobrang saya ko.
Narito kami ngayon sa bahay. Napagdesisyunan namin na ngayon ipainom kay Mark ang gayuma. Hindi naman mahirap gawin iyon. Ang kailangan lang ay mapapunta sya dito sa bahay at madali ko na lang na ihahalo sa iinumin nyang juice ang gayuma. At umaayon nga sa amin ang plano. Pumayag syang pumunta dito.
"Naeexcite na ako." I said
"Ako din. Anong oras ba daw syang pupunta dito?"
"Actually paalis na raw sya."
"Ang bilis naman?!"
"Syempre excited syang makita ako." I said dreamingly.
"Asa. Kung excited yun na makita ka bakit kailangan mo pang gayumahin?" Asar ni Izza
Para akong nabalik sa katotohanan nang marinig ang sinabi nya. Kahit kailan panira ng moment ang Izza na to.
"Oo na. I get your point. Wag mo ng ipamukha sa akin na hindi nya ako gusto." Naiinis na sagot ko.
Tumayo na ako mula sa pagkakaupo sa sofa. Nagtataka namang sumunod si Izza.
"San ka pupunta?"
"Sa outer space, sama ka?" Biro ko
"Sige ba." Nakangising sagot nya na sumunod nga sa direksyong pinupuntahan ko.
Hindi pa sya nakuntento sa pagsunod at nang-asar pa. Umawit pa ng compose nyang kanta na tungkol sa walang pag-asa ko raw na pag-ibig kay Mark.
"Si Liezel na hindi gusto ni Mark...
Heto at bumili ng gayuma..
Gamot sa walang pag-asa nyang pag-ibig..
Desperada talaga..."
"Izza tigilan mo na nga ako." Hindi ko napigilan at napikon na talaga ako. Ipagduldulan ba namang gagayumahin ko si Mark.
"Ito naman. Para sinabi ko lang na hindi ka gusto ni Mark nagalit ka na. Ee totoo naman." Papasok na kami ngayon sa kusina.
"Ang kulit mo kasi e? Paulit-ulit mo pang sinasabi na hindi nya ako gusto. Alam mo ba yung feeling? Para mong nilalagyan ng asin yung sugatan ko nang puso. So please stop it. At huwag ka rin ngang kumanta, ang pangit ng boses mo. " Halos umusok na ang ilong ko sa sobrang galit.
"Mas maganda naman boses ko sayo." Dinig kong bulong nya. Abat pati boses ko'y lalaitin din yata.
"May sinasabi ka?"
"Ako? Wala! Ano namang sasabihin ko?" Patay malisyang sagot nya. Inirapan ko na lang sya.
Nang tuluyan kaming makapasok sa kusina ay lumapit sya sa akin at hinagod ang likod ko. Pampakalma siguro.
"Sorry na, wag ka ng highblood nagbibiro lang ako. Ang isipin mo matutupad na ngayon yung pangarap mo." Seryosong sambit nya. Ang supportive talaga nyang best friend. Bully nga lang madalas.
Sana ganito na lang lagi sya. Hindi yung puro panira ng moment ang mga tirada nya.
"Osya lalabas na ako para salubungin yung Mark mo. Gawin mo na yung juice na ipapainom mo." Aniya bago ako itinulak palapit sa ref. Bahagya pa akong nawalan ng balanse sa ginawa nya. Narinig ko pa ang pagtawa nya bago tuluyang makalabas. Letse talaga sya.
Nang tuluyan na siyang makalabas ay kaagad ko nang sinimulan ang paggawa ng juice.
Inilgay ko iyon sa isang mahaba at malinaw na baso. Luminga-linga pa ako sa paligid para siguraduhing walang nakakakita. Nang masiguro kong ako lang ang nasa kusina ay kaagad ko nang inilabas ang boteng may laman na gayuma.
Binuksan ko iyon at kaagad inihalo sa juice na tinimpla ko. Hindi ko alam kung imagination ko lang pero ng tuluyang humalo ang pulang likido sa juice ay para itong umilaw ng ilang segundo. Parang yung mga magic effect sa TV.
Pinagmasdan ko ito. Mukha naman itong ordinaryo na juice.
Natigil ako sa pagkakatulala ng marinig ko ang pagtawag ni Izza mula sa labas.
"Liezel andito na si Mark!"
Bigla akong nataranta. Narito na ang love of my life ko.
Nagmamadali kong iniligpit ang mga ginamit ko sa pagtitimpla. Sa sobrang taranta ko ay natabig ko pa ang bote na lalagyanan ng gayuma. Gumulong iyon sa mesa hanggang sa nahulog.
Kung hindi lang ako nag-aalala na may makapulot na iba dun sa bote at gamitin iyong ebidensya sa aking pangagayuma in the near future. Hindi ko na aabalahin pang hanapin iyon. Pero kailangang malinis ang trabaho.
Yumuko ako sa mesa para hanapin kung saan iyon nahulog. Pero hindi ko agad iyon nakita. Mag-aangat na sana ako ng ulo ng may makita akong kuminang. Nasa gilid iyon ng paa ng mesa sa kabilang side.
Imbis na tumayo at pumunta sa kabila ay umisod na lang ako papasok. Mas madali ito at hindi time consuming.
Inistretch ko ang aking kamay para abutin iyon. Pero kulang pa ang lapit ko kaya umisod uli ako. At sa wakas naabot ko rin! Iyon nga ang bote.
Mabilis na akong umisod paatras upang makalabas na sa ilalim ng mesa.
"Pahihirapan mo pa ako, ha?" Kausap ko sa bote ng tuluyan na akong makalabas.
Tatayo na sana ako nang mapansin ko ang dalawang pares nang paa na nakatayo ngayon sa harapan ko.
Unti-unti ang ginawa kong pag-aangat ng mukha. At para akong binagsakan ng isang truck ng semento nang makita kong nakatayo sa aking harapan si Neil. Izza's older brother and my kuya's bestfriend.
Hawak nya ang baso ng juice na ginawa ko at nilagyan ng gayuma.
"Ohmygosh bitawaaaan moo yann!!"
Mabilis akong tumayo at inagaw ang baso sa kanya. Ngunit nang mapasakamay ko iyon ay wala na itong laman.
Nagtataka syang tumingin sa akin.
"Bakit mo ininom yan?!" Inis na tanong ko habang nakatitig nang masama sa kanya.
Pero nagulat ako ng hindi sya sumagot. Sa halip ay nakatitig lang sya sa akin ngayon.
Kailangan mong ipainom lahat sa kanya yan. At kailangang ikaw ang unang makita nya..
Parang nag-echo sa aking pandinig ang mga sinabi ni Aling Verta. Nagawa ko ng tama ang pinagagawa nya, pero sa maling lalaki.
"Liezel..."
Nakaramdam ako ng munting kilabot sa paraan nya ng pagtawag sa pangalan ko. Ito na ba? Umeepekto na ba yung gayuma sa kanya?
"Huwag mo akong tignan! Pumikit ka!" Inis na sigaw ko.
Mabilis ko syang hinila palapit sa lababo. Kaagad kong pinaghahampas ang likod nya.
"Isuka mo yung ininom mong juice! Bilis! Isuka mo!" Natatarantang sigaw ko habang walang humpay ko syang pinapalo sa likod.
Natigilan lang ako ng maramdaman ko ang unti-unting pagbigat nya. Hanggang sa tuluyan na siyang bumagsak sa akin.
"Hoy! Anong nangyayari sayo? Gumising ka?! Kailangan mo pang isuka yung juice!"
Pero tuluyan na yata syang nakatulog dahil hindi na sya gumagalaw.
Nanghihina akong napasandal sa ref habang sapo ko pa rin sya upang hindi tuluyang matumba.
Biglang pumasok ang nagmamadaling si Izza. "Anong nangyari? Bakit nandito si Kuya Neil? Oh my God! Don't tell me.."
"Izza! Anong gagawin ko? Ininom nya yung juice!!" Pagkumpirama ko sa hinala nya.
"Patay." Aniya na nagpalipat-lipat ang tingin sa aming dalawa.
"Talagang patay. Nasayang yung limang libo ko!" Hindi ko napigilan at nagsimula ng tumulo ang mga luha ko. Pinalo ko uli sa balikat ang natutulog na si Neil.
"Kasalanan mo to! Gumising ka!! Bayaran mo yung limang libo ko." Kausap ko sa kanya
"Tumigil ka nga! Ang mabuti pa, dalhin natin sya sa kwarto mo at doon ihiga."
"At bakit naman natin sya dadalhin doon? Iwan na lang natin sya sa labas!" Inis na sigaw ko. Sabay tulak dito kaya naman dumausdos ito at tuluyang bumagsak sa semento. Pakeelam ko ba kung kapatid sya ni Izza. Hindi naman nya masyadong close ito.
"Ano ba? Mag-isip ka nga! Kailangan nating malaman kung may epekto ba ang gayuma sa kanya. Ipanalangin mo na wala. Dahil pag nagkataon malaking problema ito." Aniya
Bigla akong nahimasmasan sa sinabi nya.
"O sige pero tulungan mo akong buhatin sya."
Pinunasan ko ang mga luha ko at lumapit na sa natutulog na si Neil. Kinuha ko ang isang kamay nya at sinubukan syang iangat pero kaagad ko rin syang binitawan ng may maalala ako. Bumagsak tuloy uli sya sa semento.
"Ano ba Liezel, dahan-dahan naman at baka puro bali na yung buto ni Kuya bago pa siya magising." Reklamo ni Izza. Abat concern din pala sa kuya nya.
"Nasaan pala si Mark?" Tanong ko
"Ah si Mark mo? Umalis na may emergency daw. May tumawag kasi kanina sa kanya. Yun dapat yung sasabihin ko sayo kaya ako pumunta dito."
"Mabuti naman."
Kinuha ko na uli ang isang kamay ni Neil at sinubukan syang iangat.
(After 10 minutes)
"Ayusin mo naman ang pagbuhat. Napupunta sa akin ang lahat ng bigat!" Reklamo ni Izza.
Paakyat na kami ngayon papunta sa aking kwarto na nasa secondfloor.
"Ikaw nga ang dapat umayos! Palibhasa ang liit mo kaya hindi pantay."
Nakita ko na ang pinto nang aking kwarto. Konting hakbang na lang at matatapos na ang kalbaryong ito.
At ilang sandali pa nga ay nasa tapat na kami ng pinto nang aking kwarto.
"Ano pang hinihintay mo? Buksan mo na!" Reklamo ni Izza
"Heto na nga. Alam mo namang hindi ako makagalaw ng maayos e."
Inis kong inistretch ang kaliwang kamay ko upang abutin ang doorknob. Nang naabot ko iyon ay pipihitin ko na sana ngunit natigilan ako ng biglang magsalita ang tulog na si Neil.
"I love you, Liezel..."
Bigla akong nanigas sa kinatatayuan ko. Pakiramdam ko ay biglang tumayo ang lahat nang balahibo ko sa katawan.
Pero mali lang yung dinig ko diba?
Liningon ko si Izza. I want to ask her kung narinig din ba nya. Pero mukhang hindi na kailangan dahil sa ngisi pa lang nya ngayon nakumpirma ko na. Neil really said I love you to me. Bigla pakiramdam ko ay masusuka ako. Nakakadiri!