Nanginginig yung kamay ko nang tinanggap ko ang kamay nung lalaki.
"Lacrosse Arellano,"
Nakita ko na parang napahinto ito ng makita ang buong mukha ko.
Nakilala n'ya kaya ako? Hindi puwede!
Wait...
Ano naman kung makilala n'ya ako? Wala naman akong ginawang masama sa kan'ya? Sa katunayan s'ya nga iyong may kasalanan sa akin. Tinakbo n'ya kaya yung cellphone ko!
Napabalik ako sa reyalidad nang maramdaman ko na hinalikan nito ang kamay ko.
"Nice meeting you beautiful," sabay kindat sa aakin
E? Sa mall masungit 'to tapos naging gan'to?
Baka may Bipolar Disorder?
Binawi ko na ang kamay ko ngunit nakatitig parin ito sa akin. Baka naman nakikilala n'ya ako tapos nagpapanggap lang s'ya na hindi? Sandali... nakamask nga pala ako noon kaya baka hindi n'ya talaga ako nakilala.
"A-ah Zax, uwi na ako,” paalam ko kay Zax, “Biglang sumakit bigla yung tiyan ko, e.”
Pero sa totoo lang ay gusto ko lang talagang umalis doon dahil sa lalaking nasa harap ko ngayon.
"Kadarating mo lang tapos aalis ka na agad?” sabi nito habang iwinawagayway ang kamay upang mapansin ng kadarating lang na si Asya, her friend. “Sige pahinga ka nalang sa condo. Inom ka ng gamot ah," sabi nito at niyakap ako bago lumabas.
"Hay! Buti nalang nakaalis na ako doon” bulong ko sa sarili ko nang makalabas ako, “Hindi ba talaga ako natatandaan ng lalaking 'yon?"
Papara na sana ako ng taxi pero may humila sa kamay ko at isinabit ito sa batok n'ya na para bang naka-akbay ako.
"Hatid daw kita sabi ni Jax. Wala naman akong gagawin doon kaya pumayag na ako,"
Ano ba ‘yan! Umalis nga ako dahil sa kan'ya tapos s'ya pa yung maghahatid sa akin? Wtf!
Inalis ko ang pagkakaakbay ko sa kan'ya at tumanggi sa sinabi n'ya. "Hindi, 'wag na. Kaya ko na ang sarili ko,"
Lalakad na sana ulit ako pero kinuwa n'ya ulit ang kamay ko at saka ako isinakay sa Mercedes Benz n'ya. Kan'ya ba ito? Baka nakaw lang din.
"Behave ka lang d'yan ah," umikot s'ya para sumakay sa driver seat.
Habang nagmamaneho s'ya ay panay ang tingin parin nito sa akin.
"Parang pamilyar ka..."
Takte namumukhaan n'ya na ata ako. Hindi nalang ako nagsalita dahil baka kung ano pa ang masabi ko.
Wait. Kung malalaman n'ya na ako 'to makukuha ko na 'yung cellphone ko? Tama!
"Ah, oo! Ikaw yun!" sabi ulit nito kaya naman nagdesisyon na akong sabihin.
"Oo, ako yung nakipagpicture sa—" hindi natuloy ang sinasabi ko ng sumingit ito
"Ikaw yung anak ni Mrs. Anabelle Arellano!"
Phew!
Akala ko pa naman sasabihin n'ya na ako yung nagpapicture sa kan'ya sa mall.
"Ako nga 'yun,"
"Grabe kaya pala ang ganda mo,” puri nito habang sinusuri ang mukha ko, hindi na ako magtataka kung mabangga kami. “Manang mana ka kay Mrs. Belle,"
Kilala n'ya si Mama? Sabagay sikat na model si Mama kaya kilala s'ya.
Hindi ko nalang s'ya sinagot at iginala ko ang paningin ko sa kotse n'ya. Malinis ito at halatang bago.
"Bago 'tong kotse mo?" pambabasag ko sa katahimikan.
"Oo, kakabili lang nito since kakauwi ko lang galing US," tumango nalang ako.
Habang nililibot ko ang mata ko ay nakita ko ang kapareho ng cellphone ko roon gilid n'ya. Ayun na yung cellphone ko!
"Hala may nabangga tayong pusa!" biglang sigaw ko dahilan para ihinto n'ya ang kotse at bumaba s'ya.
Iyon na ang pagkakataon para kuhain ko ang phone ko at inilagay ito sa bag ko. Buti nalang ay naipasok ko ito agad bago pa s'ya bumalik.
"Wala namang nasagasaang pusa, a?"
"Wala ba? Akala ko kasi meron, e” sagot ko at kumamot sa ulo.
Umiling nalang ito at saka ako hinatid papuntang condo namin ni Zax.
"Sa condo lang kayo? Bakit dito ka tumutuloy eh ang yaman yaman n'yo?"
Tsismoso rin 'tong isang 'to ah.
"May reason ako kung bakit nagcondo nalang ako. Sige, salamat sa paghatid," pasasalamat ko bago tuluyang pumasok.
Pagkapasok na pagkapasok ko ay kinuha ko ang phone sa bag. Binuksan ko ito pero mukha n'ya ang nasa lock screen.
Aba! Ang kapal ng mukha para palitan 'yung lockscreen ko!
Nilagay ko na rin ang password pero incorrect ang lumalabas. Tinesting ko ulit pero incorrect parin.
Ano bang ginawa ng kumag na 'yon sa cellphone ko?
Nagulat ako ng may biglang tumawag sa cellphone.
"Maze Altik calling..."
Maze Altik? Anong klaseng pangalan 'yun.
Maze Altik...
Maze Altik...
May saltik?
Humagapak ako sa tawa noong ma-realize ko kung bakit ganoon ‘yung pangalan
Pero bakit may nakasave na gan'to sa cellphone ko at ang mas malala pa doon. Bakit tumatawag ito?
Sinagot ko ang tawag pero hindi ako nagsasalita.
"Kuya, I need your help,"
Ang pogi ng boses!
"Kuya, Are you listening? I said I need your help,"
Hindi parin ako nagsasalita dahil parang musika ang boses nito sa pandinig ko.
"Okay, kung ayaw mo magsalita edi 'wag. Basta kuya ihanap mo ako ng maid, ASAP!" then he ended the call.
Ay pinatay agad
Pero sandali...
Kuya?
Bakit kuya?
May kapatid ba ako?
Lalaki na ba ako?
Hindi kaya...
Tinignan ko ang gilid ng phone dahil yung cellphone ko ay may gasgas na maliit doon. Halos inikot ko na yung phone pero wala akong nakita ni isang gasgas.
Hindi akin 'to.
Kinabukasan ay hindi ko malaman ang gagawin ko.
Isasauli ko ba 'tong cellphone? Itatapon ko ba? Itatabi? Ipapamigay?
"Crosse, aalis na ako, punta na akong resto—" Napahinto s'ya napatingin ito sa hawak kong cellphone "Nakuha mo na 'yang phone mo? Paano?"
"Nako Zax, long story," walang gana kong tugon. "Sige na, sige na pumunta kana ng resto mo baka mamaya hindi pa magbukas 'yun dahil sa pagiging tsismosa mo,"
She pouted, "Sige basta mamaya pagkauwi ko ikwento mo ah," hindi ko na s'ya sinagot at muling tumingin sa cellphone.
Isasauli ko na nga lang kunyari napagkamalan kong phone ko.
Lumabas na ako ng kwarto para kumain ngunit hinalughog ko na ang buong unit, walang pagkain maski isa.
Hindi manlang ako pinaglutuan ni Zax. Masyadong atat pumasok. Wala akong ibang nagawa kundi ang umorder. Ginamit ko ang telephone dito sa condo dahil wala naman akong cellphone kase nga— alam n'yo na.
Binuksan ko yung TV dahil bored ako at alam kong medyo matagal pa bago ma-deliver ang foods.
Makalipas ang ilang minuto ay dumating na nga yung pagkain. Buti nalang kase kapag isang isang minuto pa ang lumipas ay parang mamamatay na ako sa gutom.
"Pakilagay nalang po sa loob, ito po yung bayad,"
Pinasok naman n'ya sa sala yung sangkatutak na pagkain. Ewan ko ba pero parang pamilyar sa akin yung mukha n'ya. Hindi ko ito makita ng buo dahil sa cap at nakayuko s'ya.
Nanlaki ang mata ko ng makilala ko s'ya.
"Vlaze? Delivery boy ka pala?" nanliit naman ang mata n'ya at umiling
"I'm not Vlaze, Miss. Salamat, aalis na ako."
Hindi s'ya si Vlaze? Kamukha n'ya eh! Pero bakit ganoon? Kung si Vlaze talaga s'ya bakit parang lumiit s'ya?
Posible kaya na kambal 'yon ni Vlaze?
Hindi ko na inisip 'yun dahil kumalam na ang sikmura ko. Galit na 'yung mga alaga ko sa tiyan.
"Ang sarap naman ng carbonara nila, ito kayang steak?"
"Woahhh! Ang sarap din!"
Inabot ako ng isang oras bago ko naubos ang lahat ng inorder ko. 6 na iba't ibang pagkain lang naman ang inorder ko.
Dahil nga wala akong nagawa sa bahay ay naligo ako at nagbihis para pumunta sa mall. Syempre sinuot ko muli yung mask ko kase nga baka may makakita sa akin na relatives.
This time puro books naman ang bibilhin ko. Noong nakaraan kase sa cellphone lang ako nagbabasa pero dahil wala nga yung phone ko, bibili nalang ako ng books.
Siguro nagtataka kayo kung bakit hindi nalang ako bumili ng bagong cellphone 'no? Sure kase ako na makukuha ko ulit iyon. Tsaka maraming memories doon sa cellphone ko.
Iniisip n'yo rin kung may trabaho ba ako o wala? As of now wala akong trabaho kase once na maghanap ako ay hahanapan din ako ng resume at kapag nalaman nila na isa akong Arellano ay malalaman rin ng mga magulang ko kung nasaan ako. Much better na tambay muna ako. May pocket money pa naman ako.
Verity, Regretting You, Hopeless... wala silang stocks ng Maybe Someday? Ano ba 'yan papasara ko 'tong mall eh!
I'm a big fan of Colleen Hoover. 'Yung iba sa binili ko ay nabasa ko ba pero babasahin ko ulit dahil hindi naman nakakasawang basahin.
Pagkatapos kong magbayad ay may biglang tumawag sa pangalan ko
"Lacrosse?"
Akala ko ay relatives ko pero si Vlaze lang pala. Paano n'ya ako nakilala eh nakamask ako?
" Ayan din kaseng bag yung gamit mo kahapon sa resto kaya naisip ko na ikaw 'yan." sabi nito na para bang nahulaan ang iniisip ko, "Bakit ka nakamask,"
"May sipon kase ako, anong ginagawa mo dito?"
"Bibili ako ng bagong phone, nawala kase yung phone ko," Doon ko naalala na nasa akin nga pala ang phone n'ya.
Kinuha ko yung phone sa bag ko at inabot ko sa kan'ya. Halata naman na nagulat s'ya. "Nasa car mo 'yan kahapon kapareho kase ng phone ko kaya akala ko phone ko."
"Sus nasa 'yo pala akala ko nawala na," binuksan nito ang phone n'ya at muling tumingin sa akin, "Tumawag pala yung kapatid ko? Ano sabi n'ya?"
Oo nga pala. May tumawag kagabi. Kapatid n'ya pala 'yon?
"Sabi n'ya ihanap mo daw s'ya ng maid. Wala na s'yang ibang sinabi kundi ayun lang,"
"Bakit naman kailangan ng maid?" bulong nito sa sarili, "Bakit sa akin nagpapahanap? Ginawa ba naman akong Agency samantalang kakabalik ko pa lang dito,"
Naalala ko yung delivery boy na kamukha n'ya kanina. Itanong ko kaya kung 'yun ang kapatid n'ya?
"Vlaze, may kapatid ka ba na delivery boy?" nagulat ata ito sa tanong ko at bigla s'yang napatawa.
"Wala, bakit naman ako magkakaroon ng kapatid na delivery boy may pera naman kami,"
Sabagay tama s'ya.
"Bakit mo naman naitanong?"
"Wala, 'wag mo na intindihin,"
"Nga pala, kung may makita ka man na sobrang kamukha ko, may kakambal ako," sabi nito at may ipinakita na picture.
Nasaan s'ya d'yan? Sobrang magkamukha.
"Si Maze 'yan," Turo nito sa isang nasa picture na kulay black ang buhok. " Ang pagkakaiba lang namin ay yung kulay ng buhok namin. Sa kan'ya ay black at sa akin naman ay medyo brown,"
Tumango lang ako sa sinabi nito pero may isang tanong na gumulo sa isip ko.
Sino sa kanila ang may hawak ng phone ko at nakita ko noong isang araw?