CHAPTER 1
"Ito, ito, tapos ito, then ito, and ito," Kumamot sa ulo ‘yung sales lady dahil sa dami ng itinuro ko.
"Ano nga po ulit, Ma'am?" Napairap ako pero tinuro ko nalang ulit ‘yung mga sapatos na natipuhan ko.
Agad na akong umalis doon pagkatapos kong bayaran. Pumunta naman ako sa ibang parte ng mall para maghanap ng ibang bibilhin.
Naalala ko na kailangan ko pala ng damit na susuotin para bukas ng opening ng restaurant ng kaibigan ko. Pangarap n'ya kasing magkaroon ng sariling restaurant kaya nag-ipon s'ya para maipatayo ito.
Madaming magagandang damit pero pinili ko yung simple lang pero may dating. Hindi naman party ang pupuntahan ko kaya okay lang.
Sa paglilibot ko ay napuntahan ko na ‘yung mga damit para sa mga lalaki. Paalis na sana ako doon ng makakita ako ng isang gwapong lalaki.
Matangkad, matangos ang ilong at mestiso ito. Mukha s'yang koreano. Pinagmasdam ko ang mga kilos n'ya maging ang pananalita.
May tono ang pananalita n'ya at parang may ibang lahi s'ya. Siguro kalahi s'ya ni Edward Cullen ay pareho silang bampira. Pero kung s'ya lang din ang bampira, handa na akong magpakagat
Napailing ako dahil sa naisip ko pero tumitig ulit ako sa kan'ya. Sa sobrang busy ko sa pagsubaybay sa kan'ya ay hindi ko namalayan na nakatingin na rin pala s'ya sa akin.
"Why are you staring at me?"
Hindi ko alam ang sasabihin ko kaya naman nilabas ko ang cellphone ko.
"P-puwede mo ba akong picture-an? Wala kasing kukuha sa akin," palusot ko. Umiling lang ito.
Akala ko ay hindi s'ya maniniwala pero kinuha n'ya ang phone ko.
"Ano na?” reklamo nito, “Akala ko ba kukuhanan kita?"
Agad naman akong umasta na parang model para maayos ang kuha ko kahit na palusot ko lang naman ito. Dahil doon ay maraming customer ang napatingin sa amin.
Diyos ko, ano ba 'tong ginagawa ko.
"Hindi mo ba aalisin 'yang mask mo? Para kang magnanakaw" masungit na sabi nito.
Nakamask kasi ako dahil ayokong may makakilala sa akin. Tumakas lang kasi ako sa bahay. Nakakainis kasi lagi pinag-uusapan yung tungkol sa pag-aarrange
marraige sa akin sa anak ng kapartner nila sa company.
"Hey! Are you with me?" tanong nito kaya napabalik ako sa reyalidad.
"Tanggalin mo yung mask mo para mas mmaayos'yung kuha.” masungit parin ang tono n'ya, “Nangangalay na ako,"
"Okay na po 'to.” Lumapit ako sa kan’ya kaunti, “Pa-picture pa po ng isa, nakatalikod naman ako tapos nakaharap ako doon," tutal pumayag na rin s'yang maging photographer, edi abusuhin ko na.
Umirap ito at tumango. Kahit masungit s'ya, ang gwapo n'ya pa rin.
Tumalikod ako para sa huling pose. Nakatikod lang talaga ako at kunyaring pinagmamasdan ang mga damit.
Parang tanga lang.
Humarap na ako para kuhain ang cellphone pero pagkatingin ko ay wala na ang lalaki doon. Luminga-linga din ako pero hindi ko talaga s'ya mahanap.
"Ateng, saan pumunta yung lalaking kumukuha sa akin ng picture?" tanong ko sa isang sales lady dito
"Wala na po, Ma'am.” Nakayukong tugon nito “Tumakbo po s'ya palabas,"
The hell?
Hihingi sana ako ng tulong dahil tinakbo ng lalaki yung phone ko pero mukhang wala na rin mangyayari dahil malapit lang ang exit ng mall. Malamang nakalabas na 'yun.
Itong sales lady naman tinignan lang ata kung paano tumakas yung lalaki.
"Ano bang mukha iyan—wft!” nagulat si Zax nang mapadako sa mga hawak ko ang tingin n’ya, “Bakit ang daming paper bags? Panic buying?"
Hindi ko ito pinansin, pumunta lang ako sa room ko. Inayos ko lahat ng pinamili ko at inihanda ang mga susuotin ko para bukas.
Wala pang ilang minuto ay pumasok rin si Zax sa kwarto ko. "Kanina pa kita tinatawagan pero hindi mo sinasagot"
"Nanakaw kasi cellphone ko, e"
"E, bakit mo pinanakaw? Tang* ka talaga" inirapan ko lang s'ya at ikinuwento ang buong nangyari kanina sa mall nang mawala ang phone ko.
"Kasalanan mo 'yan, ang landi mo kasi" sisi sa akin nito
"Bakit? Alam ko ba na magnanakaw pala yung lalaki na 'yun?"
"Tang* ka parin kasi hindi ka manlang sumigaw nung tinakbo yung phone mo, hindi mo manlang din chineck ‘yung CCTV doon"
"Blah blah blah! Doon kana sa room mo at ayusin mo na yung dapat ayusin para sa opening ng restaurant mo bukas," tumango naman ito at agad na lumabas sa kwarto ko.
Wala naman kasi sa itsura ni Kuya na nanakawin n'ya pala yung phone ko. Sa gwapo n'ya sino naman mag-iisip na magnanakaw s'ya, ‘di ba?
Kaysa sa kausapin ko ang sarili ko. Natulog na ako nang maaga para makapaghanda rin bukas.
Nang magising ako ay hindi ko na naabutan si Zax sa condo. Nandoon na siguro iyon sa restaurant n'ya.
Naligo na ako at nag-ayos ng sarili para pumunta narin doon. Sinuot ko yung damit na binili ko kahapon pati na rin ang isa sa binili kong sapatos. Naglagay lang ako ng kaunting make-up at lumabas na sa condo.
Pagkapunta ko ay nasa loob na ang lahat ng bisita at isa-isa naman silang kinakausap ni Zax. Umupo lang ako sa isang table habang hinihintay na matapos ang usapan ni Zax at ng mga kausap n'ya. Habang naghihintay ako ay nakita ko si Kuya Jax na papasok sa restaurant.
Pupunta rin pala yung kuya n'ya dito
Sinalubong ko ito at napangiti naman s'ya ng makita ako.
"I miss you, Crosse.” sambit nito matapos akong yakapin, “Where's Zaxymier?" Itinuro ko ang kinalalagyan ng kapatid n'ya na s'ya naman papunta na pala sa gawi namin.
Nagyakapan ang magkapatid at nagbatian. "Pumuti ka, kuya.” bungad nito, “Iba talaga kapag galing ibang bansa. Anyway, kailan ka pa bumalik?"
"Last week pa. Doon ako tumuloy sa bahay, kasabay kong umuwi ‘yung kaibigan ko," tumango naman ang kapatid.
"Nga pala, kasama ko yung kaibigan ko," sabi muli ni Kuya Jax at bumaling sa taong kakapasok lang sa restaurant.
"He's Vlaze Dela Vega. S'ya yung kasabay kong bumalik dito galing States"
Nakipag shakehands naman si Zax sa lalaki, "I'm Zaxymier Gonzales"
"Nice meeting you, Zaxy"
Nang ako na ang magpapakilala ay tinitingan ko muna nang maigi ang mukha ng lalaki bago magsalita dahil pamilyar sa akin ang mukha n'ya.
Sh*t!
S'ya yung kahapon sa mall!