Lalo akong hinila papalapit ni Silas sa kanya na halos maglapat na ang aming mga mukha. Hinila ng kawal ang pinto sa labas at isinara i'yon ngunit kung sinira ito sa labas ibig sabihin ay naiwan kami sa loob no'n?
Hindi ko na naririnig ang boses ng mga kawal sa labas dahil sa kapal ng pader ng kwarto at ang pinto ay nakakandado mula sa labas.
"Naveah, wala na sila pwede na kitang halikan—" sabi nito kaya naman napabalikwas ako at kaagad na lumayo kay Silas.
Kinuha ko kaagad ang espada ng Glamidale at tinutok ito kay Silas.
"N-Naveah! Kumalma ka! Nagbibiro lamang ako!" tarantang sabi ni Silas habang inaagaw ang espada sa akin.
Ngunit marunong akong humawak ng espada dahil palihim akong tinuruan ni ama. Kahit na pinagbabawalan ay sinabi rin nito sa'kin na sa hinaharap ay magagamit ko rin 'yon. Mukhang magagamit ko nga ngayon.
Ibinaba ko ang pagkakatutok ko ng espada rito at binalik i'yon sa lalagyanan. "Ang biro mo ay hindi maganda." sabi ko habang nakatingin rito.
"Ang paghawak mo ng espada ay hindi normal? Paanong?" tumingin ako dito.
"Hindi mo ako puwedeng isumbong dahil madadamay ka kaya naman sasabihin ko na rin. Tinuturuan ako ni ama ng palihim sa ilog ng pagsilang kung saan walang makakakita sa aming pagsasanay." sabi ko habang nakatingin pa rin rito na nakatayo naman ng postora bilang isang kawal hindi bilang dama.
Makikita sa mata nito ang pagkamangha sa mga narinig at nakita.
Binaling ko nalang ulit ang aking atensyon sa mga espada at armas. Lumapit naman ako sa mga patalim nakuha ng karambit ang aking atensyon. Ang pagkakagawa rito ay pulido at malinis
Maliit lamang ito at kung dadalhin ay hindi kaagad makikita, magaan at madaling gamitin para sa akin. Hahawakan ko sana ng una itong mahawakan ni Silas. Hinawakan nito iyon at tiningnang mabuti ang talim bago ito tumingin sa'kin.
"Tingin ko ay magagamit mo ito." sabi nito at kinuha ang kamay ko at binibigay sa akin ang karambit.
"Anong iyong sinasabi?" tanong ko rito at nagtataka kung bakit nito binibigay sakin ang isang armas gayong alam nito na pinagbabawal na humawak ang mga babae no'n.
"Mapapahamak ka kung malalaman nila na binigyan mo ang isang babae ng isang punyal?"
"Hindi ka normal na babae. Alam kung bawal itong aking ginagawa ngunit sa tingin ko ay bagay ito sa iyong mga kamay." binitawan nito ang aking kamay at tumingin sa aking mukha.
"Gamitin mo ito bilang pamprotekta sa iyong sarili, hindi ito pakiusap kundi utas mula sa iyong mahal na prinsipe."
Tiningnan ako nito sa aking mga mata at ngumiti. Nagpunta ito sa bukas na binta upang magpahangin, ang mga buhok nito na nililipad ng hangin at ang suot nitong kapa. Nilagay ko sa aking damit ang karambit at lumapit kay Silas.
"Bababa tayo ri'yan." sabi ko habang hawak hawak ang mahabang kurtina gagamitin namin 'yon para sa pagbaba.
"H-Ha? Mamamatay tayo ri'yan!" aligaga nitong sabi habang umiiling.
"Kung hindi mo kaya maiiwan ka rito." hinulog ko sa bintana ang kurtina at itinali ang dulo no'n sa isang kahoy sa loob ng kwartong 'yon.
"Bababa ka ba o maiiwan ka rito?" kahit na mukhang natatakot nauuna itong lumiban sa bintana sumunod ako rito.
"Huwag kang magkakamaling tumingala, Silas! Sinasabi ko sayo!" banta ko rito dahil nasuot ako ng medieval hindi naman nito makikita ang balat ko ngunit pambabastos pa rin kung titingin s'ya.
"Wala akong balak tumingin baka mamaya patayin mo pa ako."
Nang nakaabot na kami sa isang bukas na bintana na mismong kwarto ni Silas, sakto naman na may pumasok na dama at mukhang hinahanap si Silas, muntik nang makabitaw si Silas sa pagkakabitin sa kurtina dahil nadulas ang paa nito sa pagkakatungtong buti nalang nahawakan ko ito bago tuluyang makabitaw, mabigat s'ya kaya naman nagkaroon ng punit ang kurtina na binibitinan namin kaya naman kaagad na bumalik si Silas sa pagbitin sa kabilang kurtina.
"Maraming salamat sa pagtupad ng iyong pangako." sabi ko at yumuko'd bilang tanda ng pagrespeto sa kanya.
"May isang salita ako, Naveah. Sa susunod muli." hindi na ako puwedeng dumaan sa pinto ni Silas, sapagkat mahuhuli kami kaya naman sa bintana nalang ako dumaan. Tumalon ako ro'n hindi gaanong kataasan ngunit kung nahulog rito si Silas kanina ay siguradong may bali na i'yon sa paa.
Ang lampang prinsipe.
"Naveah! Anong ginagawa mo ri'yan?" isang kawal ang nakapansin sa akin.
Nagulat ako dito. "A-ah. May nahulog lamang ako rito kanina at hinahanap ko." mukhang kinagat naman nito ang palusot ko.
"Lumakad ka na hinahanap ka na ng i'yong Ina." tumango ako at kaagad na naglakad paalis ro'n.
Nakita ko si Ina, na iniintay na ako. "Umuwi na tayo, Anak." bilang nakasanayan kasabay ko si Ina, sa paglalakad habang naka hawak ako sa kanyang kamay.
May nadaanan pa kaming mga bata na naglalaro pa sa labas kahit madilim na ang paligid may iilan rin na nagta-trabaho pa.
Hindi naman malayo ang aming bahay sa palasyo kaya't mabilis kaming nakauwi ni Ina. Naghanda na kami ng aming kakainin sa hapunan para sa aming dalawa ni Ina, dahil hindi makakauwi si Ama, nasa paglalakbay pa rin ito.
Maliit ang bahay namin pero masaya kaming tatlo pero minsan ay may nababanggit si Ina, na isang bata na gusto n'ya muling makita ayaw nga lang sabihin ni Ina, kung sino ang batang i'yon.
"Naveah, matulog ka na kapag natapos ka sa paghuhugas niyan." tumango ako kay Ina, bago nagpatuloy sa pagkuskos nitong plato.
Naunang pumasok si Ina, sa silid mukhang matutulog na ito kaya lalabas ako ng palihim pagkatapos ko rito pupunta ako sa kagubatan maliwanag naman ang buwan. Gusto ko lang mag liwaliw sa sarili kong paraan.