Anthony's Pov
"BWAHAHAHAHAHAHHAHAHAHAHAHAHA."
Ayoko na, hahahaha kanina pa ako tawa ng tawa sa itsura ni Ethan. Ang laki-laki kasi ng black eye niya. Hindi naman namin in-expect na ganun kalakas sumuntok si Ashley.
"Can you please stop?!" Galit na saway niya sa akin pero hindi ako tumitigil kakatawa lalo na tuwing haharap siya sa akin at makikita ko ang black eye niya.
"Sorry, I can't help it. HAHAHAHAHAHAHAHHAHA." Halos malaglag na ako sa kinauupuan ko. Nakahawak na rin ako sa tiyan ko dahil nag-uumpisa ng sumakit pero hindi ko talaga mapigilan na hindi matawa. "HAHAHAHAHAHAHAHAHAHHAHAHA."
"Manahimik ka na kung ayaw mong magkaron nito." Sigaw niya sabay turo sa mata niyang may malaking blackeye.
Nanahimik naman ako saglit dahil halatang galit na siya pero hindi ko din napigilan at humagalpak na naman ako ng tawa. "HAHAHAHAHAHAHHAHA I'm sorry HAHAHAHAHAHAHAHHA."
Napa-facepalm nalang siya dahil hindi niya ako mapigilan. Nilingon ko naman si James na napapailing nalang sa aming dalawa. Alam kong hindi niya gusto iyong ginawa ni Ethan, pero wala naman kaming magawa... hindi din naman kasi namin alam na ganun ang plano niya.
Flashback..
Kalalabas lang ni Ms. Jade nang biglang tumayo si Ethan at naglakad papunta sa pinto.
"Hoy! Saan ka pupunta?" Tawag ko sa kaniya. Lumingon naman  siya saglit sa pwesto namin at itinuro ang labas.
Tumayo na rin ako para sumunod, ganun rin ang ginawa ni James na nakapamulsa at may nakasalpak na earphone sa tenga. Sa aming tatlong magkakaibigan ay siya ang pinaka tahimik, hindi yan kikibo kung hindi kakausapin. Siya rin ang pinaka antukin, obvious naman.. laging tulog sa klase yan pero isa sa mga umaangat sa klase. Feeling ko tuloy kahit tulog siya nakikinig siya sa mga lecture namin. Paano kaya 'yon? Siya din ang pinaka seryoso sa aming tatlo, masungit din parang si Ethan.
Sinabayan ko si Ethan at nasa likod naman namin si James na walang pakialam sa paligid. Psh weirdo.
" San tayo?" Tanong ko ulit sa kupal na 'to. Hindi marunong sumagot, eh.
"Basta, sumunod ka nalang." Aniya at mas binilisan ang lakad.
Nagkalat ang mga studyante sa labas dahil may meeting daw ang mga teacher kasama ang mga board members ng school. Nandito rin si Tito Nelvin, papa ni Ethan.
Lumiko kami papunta sa building A. Dito nakapuwesto ang room ng faculty, guidance counselor, head quardters and many more. Hehe tinatamad na akong mag-explain.
Pero hindi kami sa mismong building nagpunta. Umikot si Ethan papunta sa likod ng building. Anong gagawin netong tukmol na 'to dito.
Hindi ko nalang 'yon pinansin at naglakad nalang kasabay niya. Ilang saglit lang ay huminto kami sa tapat ng isang room. Sumilip si Ethan don na parang may inaabangan.
Kinalabit ko siya. "Ano bang ginagawa natin dito?" Bulong ko pero sinenyasan niya lang ako ng 'wag maingay. "Nilalamok na 'tong makinis kong balat." Bulong ko ulit.
"Ang kulit mo!" Inis niyang sabi. "Wag kang maingay baka may makarinig sayo." Dugtong pa niya at bumalik sa pagsilip sa loob.
Na-curious naman ako kaya nakisilip din ako. Nakita ko si Sir Benedict na kausap ang isa pang teacher ng 2nd year. Dun ko lang napansin na nasa head quarter pala kami ng math.
Ano naman kayang gagawin nitong si Ethan?
Nilingon ko siya sa tabi ko na taimtim na nakadungaw sa bintana. Ibinalik ko nalang ang tingin sa loob. Mukhang tapos na silang mag-usap at naghahanda ng umalis.
Nang makaalis na sila, inakyat ni Ethan ang sliding window ng head quarter at bahagyang sumilip sa loob.
"What are you doing?" Kunot-noong tanong ni James. Hindi ko napansin na nasa tabi ko na pala siya at nakikisilip na rin sa bintana. Tumingkayad pa siya para masilip ng mabuti ang loob.
Nilingon kami ni Ethan at ngumiti ng nakakaloko. "Basta, jan lang kayo, ha. Look out lang kayo, kapag may nakita kayong tao pumito lang kayo pero 'wag kayong papahalata na may binabantayan." Mahabang sabi niya.
Mas lalong kumunot ang noo netong katabi ko pero wala naman siyang nagawa dahil binuksan na ni Ethan ang bintana at agad tumalon sa loob. Bumalik naman si James sa pwesto niya kanina. Sumandal siya sa pader na nasa gilid niya at pumikit.
Tsk, 'wag niyang sabihin na matutulog siya ng ganiyan ang itsura niya? Nakatayo at nakapamulsa.
Hindi ko nalang siya pinansin at nilingon nalang ulit si Ethan. Nang makita niya ako agad siyang ngumiti ng malapad... iyong labas pati gilagid.
Umakyat na ulit siya sa bintana pero bago pa siya makababa ay agad bumukas ang pinto ng Head quarter dahilan para mataranta kaming pareho. Bago pa ako makagalaw ay kusa na akong bumagsak sa sementadong sahig. Don ko lang napansin na tumalon pala si Ethan at dahil nakadungaw ako sa bintana kung saan siya dapat bumaba ay naisama niya ako nang malaglag siya.
"Putanginaaaaaa!!!" Malutong na mura ko dahil sa sobrang sakit ng likod ko. Hayop na yan, ako ang napuruhan.
Agad naman akong hinila patayo ni James at tumakbo sa gilid. Andon na si Ethan na naghihimas ng siko at braso. Tinignan ko siya ng masama pero inirapan niya lang ako.
Gagong 'to nauna pa sa'min dito at hindi manlang ako tinulungan bago siya tumakbo.
Bago pa ako makapagsalita ay narinig ko si James. "Shhhh." Sabi niya na nakalagay pa ang hintuturo sa bibig niya.
Nilingon ko siya. "Nakita ba tayo?" Mahinang bulong ko.
Umiling siya. "Hindi, pero baka narinig kang nagmura. Nakabukas 'yong bintana tapos ang lakas pa ng boses mo."
Kahit papaano ay nakahinga ako ng maluwag. At least hindi kami nakita kundi baka masuspend kami.
Kasalanan mo Ethan 'to.
"Tara na." Aya ni Ethan samin. Napansin ko ang hawak niyang makapal na norebook.
"Ano yan?" Tanong ko. Ako na ang nagtanong dahil mukhang walang balak magsalita netong katabi ko.
Hinarap niya naman sakin 'yong notebook na kulay green.  "Notebook." Nakangiti niyang sabi.
Binatukan ko naman siya. "Gago! Malamang alam kong notebook yan. Ang ibig kong sabihin ay para saan?"
Imbis na mainis siya dahil sa pang-babatok ko ay tumawa lang siya ng malakas. "Tinanong mo kung ANO. Hindi mo tinanong kung PARA SAAN." In-emphasize pa niya 'yong word na Ano at Para saan.
Sinamaan ko naman siya ng tingin. "Wag ka nalang magtanong." Sabi niya ulit... Hindi naman na ko nagsalita. Bahala siya jan.
Nang makarating kami sa room ay agad kaming dumeretsyo sa upuan namin. Napansin ko pa sila Frenche na kinakausap si Ashley. Mukhang nagkakasundo sila. Bumalik din naman sila sa upuan nila dahil nakita nilang parating na kami.
Umupo na ako sa upuan ko nang mapansin kong nakatayo si Ethan sa gilid ni Ashley. Hindi ko sila naririnig dahil ang hina ng boses ni Ethan at ang ingay ng mga kaklase namin. Pero napansin ko ng ilapag niya 'yong notebook sa lamesa ni Ashley at bahagyang inilapit sa kaniya. Hindi pa man nakakasagot si Ashley nang bumalik si Ethan sa pwesto niya.
Magtatanong na sana ako kung ano 'yong pinag-usapan nila pero hindi ko naituloy ng biglang pumasok si Sir Benedict sa room namin. Para siyang may hinahanap at ng matapat sa gawi ni Ashley ang paningin niya at agad siyang naglakad papalapit dito na masama ang tingin.
Mukhang alam ko na kung bakit.
"Saan mo nakuha 'to?" Tanong sa kaniya ni Sir. Agad namang umiling si Ashley at sinabi na hindi niya alam pero hindi naniwala si Sir.
Napapahiya na siya sa buong klase namin. At hindi ako natutuwa doon. Tatayo na sana ako pero pinigilan ako ni James. "Hayaan mo na sila at 'wag ka ng makialam." Mahinang saad niya.
"Pero si Ethan may gawa nun." Madiin kong bulong. Alam kong maaaring marinig kami ni Ethan kahit may suot siyang Earphone... alam ko naman na hindi gumagana 'yon.
Maya-maya pa ay natapos din sila pero binigyan na ni Sir ng first warning si Ashley.
Nilingon ko siya at nakita kong nagpupunas siya ng luha. Huminga pa siya ng malalim na tila pinapakalma ang sarili.
Nilingon ko naman etong katabi ko. Nakapikit ang mga mata niya pero nakangiti ang labi... sarap niyang suntukin.
Ilang sandali pa ay biglang lumapit si Ashley sa kaniya.
"Ethan." Tawag niya dito. Dahan-dahan pang minulat ni Ethan ang mga mata niya. Pagdilat niya nagulat kaming lahat sa ginawa ni Ashley.
Sinuntok niya si Ethan. Saktong-sakto sa mata niya. Sa sobrang lakas ng suntok ni Ashley ay bumaliktad si Ethan pahiga kasama ang upuan niya.
Dahil sa gulat, wala halos nakagalaw sa aming tatlo. 'Yong ibang mga kaklase namin ay tumatawa pero ang iba ay masama na ang tingin kay Ashley, lalo na iyong mga may gusto kay Ethan.
Si James ang unang tumayo. Tinulungan niyang makatayo si Ethan pati na rin ang upuan neto.
"What is wrong with you!?" Galit na sigaw sa kaniya ni Ethan nang makarecover siya sa pagkakasuntok sa kaniya.
Imbis na lumayo si Ashley dahil sa sigaw na 'yon ni Ethan ay humakbang pa siya papalapit dito.
May tumulong luha sa mga mata niya.. alam kong nasasaktan siya dahil sa pagkapahiya niya kanina.
"Bagay sayo yan! Gago ka!" Galit na sigaw din niya sa kaharap bago tumakbo palabas ng room.
End of flashback..
"Hindi mo dapat ginawa 'yon." Biglang sabi ni James. Nakatayo na siya ngayon at nakatingin ng deretsyo kay Ethan na busy pa rin sa pagdadampi ng icebag sa mata.
"Gumanti lang ako." Sagot naman netong isa.
"Hindi ka naman inaano nung babae. Walang naka-upo don. Bakante at wala na siyang mauupuan. Saan siya uupo kung hindi sa tabi mo lang?"
Tumawa si Ethan. "Bakit pakiramdam ko may gusto ka don sa Ashley na 'yon?"
Umiling si James. "Isipin mo kung anong gusto mong isipin. Bahala ka jan." Naglakad na siya palabas ng clinic. Oo nasa clinic kami dahil after tumakbo ni Ashley kanina ay napansin naming nag ba-violet na 'yong gilid ng mata ni Ethan.
Tumayo na rin ako. Tinignan pa ako ni Ethan ng masama. "Ano? Sesermunan mo rin ako?" Inis na tanong niya.
"Hindi sana, eh. Kaya lang, tama naman si James. Ikaw naman ang nauna kaya bakit ka pa gumanti?" Seryoso kong tanong sa kaniya.
Bigla niyang itinaas ang polo niya ganun din ang tshirt na pangloob niya. "Kita mo 'to?" Turo niya don sa pasa sa tagiliran niya. Medyo maliit lang 'yon pero dahil maputi at makinis siya ay kapansin-pansin 'yong pasa.
"Oh? Ano meron jan sa pasa mo?"
"Siya may gawa niyan. Kinurot ako ng lintik na babae na 'yon." Inis niyang sabi.
Napatawa nalang ako pero nagmukhang plastic 'yon dahil sa pagpipigil ko rin ng inis. Oo kanina tawang-tawa ako sa itsura niya.. pero hindi sa nangyare kay Ashley.
"Ahhh, kaya ka gumati?" Nakangisi kong tanong. "Nakapa childish mo naman pala kung ganun. Kung tutuusin ganti niya lang sayo yan dahil sa ginawa mong pagpapahiya sa kaniya..kung 'yon nga ang dahilan. Pero gumanti ka pa ulit." Napailing ako. "Hindi ka ganiyan noon. Pero hindi ko alam bakit ka nagkakaganyan ngayon."
Naglakad na ako at nilampasan siya. Dumeretsyo ako sa pinto at lumabas at agad ko ring isinara 'yon.
Sana maisip mo kung anong pagkakamali mo Ethan. Hindi 'yong sariling sakit mo lang iniisip mo.