Warning
Ashley's Pov
Kanina gusto kong sapukin etong katabi ko dahil lang sa pagdadamot niya ng upuan. Pero ngayon parang mas gusto ko nalang siyang ilibing ng buhay. Sabihan ba naman akong pangit? Excuse me? Wala pang nagsasabi na pangit ako, at kung meron mang pangit sa aming dalawa, walang iba kundi siya. Pangit na nga sa pang-labas, pangit pa pag-uugali.
Nakakainis talagaaaaaaa!!!!
At dahil sa inis ko, pasimple ko siyang kinurot sa tagiliran. Umirit naman siya sa sakit at sinamaan ako ng tingin.
Titingin pa, eh. Tusukin ko mata mo ng hindi ka na makakitang lintik ka.
Hindi siya makakibo dahil kasalukuyang nagtuturo si Ms. Jade sa harap. Nang mapansin kong kukurutin din niya ako, agad kong inilayo sa kaniya ang upuan ko.
"Bumalik ka dito!" Galit na bulong niya. Salubong na salubong ang mga kilay niya at kulang nalang umapoy ang ilong sa galit.
O.a ng puta.. hindi naman masakit 'yong kurot ko.
Imbis na ibalik sa dating pwesto ang upuan ko, nginitian ko lang siya. Ngiti nang nang-aasar.
Mas lalong sumama ang tingin niya sa'kin. At kung nakakamatay lang iyong tingin niya, malamang sa malamang naghihingalo na ako ngayon sa hospital.
Hindi rin naman nagtagal at tumigil na rin siya sa kakabulong niya. Minumura na yata niya ako kanina pero wala akong pakialam sa kaniya.
Natapos ang klase namin kay Ms. Jade na siya palang adviser namin. Nang makalabas ang guro, agad na nagsitayuan ang mga kaklase ko. Kaniya-kaniya sila ng mundo. Merong nagke-kwentuhan, nagtatawanan, hindi mawawala ang mga nerds na nagbabasa lang sa isang sulok, mga nagce-cellphone lang, meron ding nagtakbuhan sa labas, at meron mga babae na papalapit sa gawi ko.
"Ashley, right?" Tanong ng isang babae na parang anghel dahil sa sobrang ganda. Ang puti niya, makinis ang balat, maiksi lang ang buhok niya na lampas balikat lang pero angat na angat ang itsura.
Tumango naman ako. May kasama pa siyang tatlong babae. Lahat sila magaganda, halatang mga anak mayaman. At mukha rin silang mababait.
"I'm Regine." Pakilala nung lumapit sakin. "At eto naman sina Abe, Thea and Neeza." Lumapit naman 'yong tatlo at nakipag beso sa'kin. Hindi ako makaimik, napipi yata ako bigla. Ramdam ko rin ang paningin ng ilang mga kaklase namin sa amin. Hindi ko nalang 'yon pinansin at tinuon ang atensyon sa apat na babaeng kaharap ko.
"Hi, ahm sorry nahihiya kasi ako." Saad ko. Tumawa naman 'yong Abe. Eh? Anong nakakatawa.
"You're cute." Aniya at pinisil pa ang pisngi ko. "Pero hindi kami lumapit sayo para makipag-kaibigan. Lumapit kami sayo para sabihin na layuan mo sila Anthony at ang mga kaibigan niya. Mahirap kaming kalaban." Sabi niya habang naka cross arms at nakataas ang isang kilay sa akin.
Nagulat ako sa biglaang pag-babago ng itsura nila. Ang akala kong mga mukhang anghe, may sa-demonyo pala.
"Sinong Anthony?" Taka kong sagot. Aba, malay ko ba kung sino 'yong tinutukoy niya.
Napakamot siya ng ulo.. tsk, mukhang may kuto pa 'to. "Hindi mo kilala?" Umiling naman ako. Magtatanong ba ako kung kilala ko? Bobo naman neto. "Yung naka-upo dito. 'Yong matangkad na tisoy." Inis niyang sabi sa'kin sabay turo sa upuan na katabi ng inuupuan nung Ethan daw ang pangalan. So, Anthony pala ang pangalan nung katabi niya.
"Ahh, 'di ko naman siya type kaya 'wag kang mag-alala." Nginitian ko siya ng matamis. Umirap naman siya bago naglakad pabalik sa upuan nila.
Saka ko lang napansin na wala pala 'yong tatlo sa tabi ko. "Saan naman kaya sila nagpunta?" Bulong ko sa sarili ko. "Eh, ano namang paki ko?" Bulong ko ulit. Tangina masama na 'to. Kinakausap ko na ang sarili ko.
Maya-maya pa'y may nakita na naman akong mga babae na papalapit sa gawi ko. At aaminin ko na magaganda rin sila... pero hindi mo masasabi baka sa likod ng gandang yan ay may sa demonyo rin sila. Tulad nila Abe and friends.
Ngumiti iyong isa sa akin. Matangkad siya at maputi rin. Maamo ang mukha at mukhang hindi makabasag pinggan.
"Hi, I'm Frenche." Pakilala niya. Inabot niya ang kamay niya sa'kin at kahit nag-aalangan ay kinuha ko pa rin.. nakipag-kamay ako... ang lambot ng kamay niya. Nahiya 'yong puro kalyo kong kamay.
"Hello, ako nga pala si Ashley." Pakilala ko. "Hindi niyo naman siguro ako papalayuin sa mga katabi kong lalaki tulad ng ginawa nung mga 'yon?" Inginuso ko sila Regine na hanggang ngayon ay nakatingin pa rin sa akin. Inunahan ko na sila dahil baka mamaya may hidden agenda din pala sila kaya ako nilapitan.
Natawa sa'kin 'yong nasa gitna. Siya rin ang pinakamaliit sa kanila. "Of course not, besides andito kami para makipagkilala." Aniya. "Ako nga pala si Karylle." Lumapit siya sa'kin at nakipag beso.
"Ako naman si Sydne." Nagbeso din siya sa'kin. Medyo naiilang ako sa kanila pero kailangan kong makisama. Ayoko naman maging loner dito.
Nakangiti akong humarap sa kanila. Nagkwentuhan kami ng kung ano-ano. Nalaman ko rin na matagal na palang may gusto si Abe kay Anthony at gusto naman ni Regine si Ethan. Kaya lahat daw ng lumalapit sa mga ito ay inuunahan na nila. Tinatarayan nila at tinatakot at kung hindi madadaan sa pananakot ay sinasaktan nila.
Mga biyolente pala 'yong mga yon. Sayang ang gaganda pa naman nila.
Maya-maya lang ay nagpasukan na ulit ang nga classmate namin sa room. Parating na daw ang teacher namin sa next subject kaya napilitan sila Karylle na tumayo ay bumalik sa mga upuan nila.
Nakayuko lang ako habang nag-ta-tap ng ballpen sa lamesa ko nang mapansin kong may nakatayo sa gilid ko. Nilingon ko 'yon at ang mukha ng balimbing na Ethan ang bumungad sa'kin. Nakangiti siya habang may hawak na notebook.
"Kelangan mo?" Walang ganang kong tanong. Hinila niya ang upuan niya at umupo doon. Nakaharap siya sa akin at aaminin kong naiilang ako sa titig niya. Ramdam ko rin ang matatalim na tingin sa akin nila Abe and friends kaya nanatili akong nakayuko.
Tumikhim siya. "Pwede bang ikaw magsulat sa notes ko mamaya? Tinatamad kasi ako sa subject ni Sir. Aguinaldo." Tinitigan ko siya. Ano daw? Ako magsusulat? Gunggong ba 'to? Hindi pa ako nakakapag-salita nang ilapit niya sa'kin ang notebook niya at inilapag sa lamesa ko. Bigla din siyang umalis nang maibigay 'yon sa akin at bumalik sa upuan niya.
Seriously? 'Yon na 'yon? Wala manlang thank you?
Napailing nalang ako at hinayaan ang notebook sa harap ko. Hindi ko 'yon binuksan pero halata sa kapal nun at umbok na marami nang naisulat sa loob. Nagtaka naman ako dahil sa pagkakaalam ko isang linggo palang simula nang mag-umpisa ang klase dito. Pero sa itsura ng notebook mukhang marami ng laman sa loob.
Bubuklatin ko sana 'yon ng may biglang pumasok sa pinto ng room namin at tumingin sa paligid.
Sa pagkakaalam ko siya si Sir. Benedict, ang teacher namin sa Math. Nakilala ko siya ng mag-enroll ako dito.
Naglakad-lakad pa siya at nang matapat sa akin ang paningin niya at sa notebook na hawak ko ay agad siyang lumapit sa akin na salubong ang kilay.
Hala, ano ginawa ko?
"Saan mo nakuha 'to?" Tanong niya sa akin.
Umiling ako. "H-hindi ko po alam." Tumingin ako kay Ethan na kasalukuyang nakapikit habang may nakasalpak na earphone sa tenga. Pero hindi nakaligtas sakin ang takas na pilyong ngiti niya.
"Anong hindi mo alam? Bakit mo kinuha 'to?" Galing nang tanong niya. Naiiyak na ako. Lahat kasi ng kaklase ko nakatingin sa akin. Kita ko sa mata ng iba ang panghuhusga, meron din naawa at meron din halatang masaya sa nakikita.
"S-sir, maniwala ka po. H-hindi ko alam kong s-saan yan galing. Hindi p-po ako ang kumuha niya." Nilingon ko ulit si Ethan. "Siya po ang nag-abot sa a-akin niyan." Sabay turo ko kay Ethan na ngayon ay masama ang tingin sa akin.
"Anong ako? Gagawa ka ng kalokohan mo tapos ako ang isusumbong mo?" Sigaw niya sa'kin.
Hindi ko namalayan na may pumatak na palang luha sa mata ko.
"Alam mo ba kong ano ang laman neto?" Tanong niya at umiling naman ako. "NAndito lang naman ang mga sagot sa mga activities at quizzes na ibibigay ko sa inyo para sa loob ng isang taon." Mahinahon niyang saad pero bakas ang galit sa itsura niya.
"Sir, m-maniwala ka po. H-hindi po ako ang kumuha niyan." Iyak kong sabi. Pinunasan ko ang mata ko dahil halos hindi ko na makita abg kaharap ko.
Umiling si Sir. "I'll let you pass this time. Pero sa susunod hindi na kita palalagpasin. Take this as your first warning." Aniya at naglakad na palabas ng room bitbit ang notebook niya.
Huminga ako ng malalim at pinunasan ang luha ko. Walang kumikibo sa aming lahat. Lahat sila ay nakatingin lang sa akin ng may panghuhusgang tingin. Hindi ko 'yon pinansin.
Nang maayos ko na ang sarili ko, humarap ako sa katabi ko. Nakapikit na ulit siya at nakangiti pa.
Ingiti mo lang yan ngayon.
Lumapit pa ako sa kaniya at pumwesto sa harapan niya. "Ethan." Tawag ko. Dumilat naman siya at pag-dilat niya....
Bullseye.
Bagay sa kaniya yang blackeye niyang putangina siya.